Başlangyç synplarda okamak endiklerini kemala getirmek
Okuwçylarda okamak endikleri, harplary ýazmak ukyby başlangyç synplardan başlanýar. Munuň üçin başlangyç synplarda ene dili sapagynda elipbiýi has çuňňur öwretmeli. Bu işde okuw kitabyndan hem-de interaktiw tagtanyň hyzmatyndan peýdalanmak döwrüň talabydyr. Şeýle hem dürli gyzyklandyryjy oýunlary, harplara degişli goşgulary aýtdyrmak bolar. Okatmagyň öňdebaryjy usullaryny iş ýüzünde peýdalanmak bilen çagalarda başlangyç bilimi kemala getirmek bolar. Şunda çagalaryň bilimini, başarnygyny artdyrmak, kämilleşdirmek baş maksatlardyr.
