Hormatly Prezidentimiz Serdar Berdimuhamedowyň adyna Saglygy goraýyş we derman senagaty işgärleriniň güni mynasybetli köp sanly gutlag hatlary gelip gowuşýar. Hatlarda we telegrammalarda Gahryman Arkadagymyzyň ýolbaşçylygynda işlenip taýýarlanylan «Saglyk» Döwlet maksatnamasyndan ugur alyp, Berkarar döwletiň täze eýýamynyň Galkynyşy döwründe ýurdumyzda ilatyň saglygyny goramak, jemgyýetde sagdyn durmuş ýörelgelerini berkarar etmek, saglygy goraýyş ulgamyny düýpli özgertmek we yzygiderli ösdürmek boýunça ägirt uly işleriň alnyp barylýandygy nygtalýar. Döwlet hem jemgyýetçilik işgärleri halkymyzyň abadan durmuşy barada edýän aladasy üçin hormatly Prezidentimize tüýs ýürekden hoşallyk bildirip, berk jan saglyk, uzak ömür, il-ýurt bähbitli tutumly işlerinde uly üstünlikleri arzuw edýärler.
Hormatly Prezidentimiz Serdar Berdimuhamedowy Mejlisiň Başlygy D.Gulmanowa tüýs ýürekden gutlady.
