Hormatly Prezidentimiz Serdar Berdimuhamedowyň adyna Türkmenistanyň Garaşsyzlyk güni mynasybetli gutlag hatlarynyň gelip gowuşmagy dowam edýär. Hatlarda we telegrammalarda nygtalyşy ýaly, hormatly Prezidentimiziň baştutanlygynda täze taryhy döwürde ýetýän belent sepgitlerimiziň kepili bolan döwlet maksatnamalary üstünlikli durmuşa geçirilýär. Ýurdumyzda amala aşyrylýan giň möçberli özgertmeler, toplumlaýyn çäreler özygtyýarly ösüşimiziň taryhy ýyl ýazgysyna aýratyn many-mazmun berýär. Hatlary iberenler hormatly Prezidentimizi şanly baýram bilen tüýs ýürekden gutlap, berk jan saglyk, uzak ömür, Garaşsyz, Bitarap Watanymyzyň içeri we daşary syýasatyny durmuşa geçirmekde mundan beýläk-de uly üstünlikleri arzuw edýärler.
Döwlet Baştutanymyzy umumymilli baýram bilen medeniýet ulgamynyň işgärleriniň adyndan M.Mämmedowa, A.Şamyradow, M.Rejepow, M.Çaryýew, M.Gazakbaýew gutladylar.
