Hormatly Prezidentimiz Serdar Berdimuhamedowyň adyna doglan güni mynasybetli köp sanly gutlag hatlary we telegrammalar gelip gowuşýar. Hatlarda döwlet Baştutanymyzyň alyp barýan täzeçillik syýasaty netijesinde döwletimiziň hem-de jemgyýetimiziň durmuşynyň ähli ulgamlaryny gurşap alýan toplumlaýyn özgertmeleriň üstünlikli durmuşa geçirilýändigi, halkymyzyň ýaşaýyş-durmuş şertlerini has-da gowulandyrmak boýunça giň möçberli maksatnamalaryň amala aşyrylýandygy bellenilýär. Hatlary iberenler hormatly Prezidentimizi doglan güni bilen mähirli gutlap, tüýs ýürekden berk jan saglyk, uzak ömür, türkmen halkynyň bagtyýar durmuşynyň bähbidine alyp barýan işlerinde täze üstünlikleri arzuw edýärler.
Döwlet Baştutanymyz Serdar Berdimuhamedowy doglan güni mynasybetli Mejlisiň Başlygy D.Gulmanowa tüýs ýürekden gutlady.
