Hormatly Prezidentimiziň adyna doglan güni mynasybetli köp sanly gutlag hatlarynyň we telegrammalaryň yzygiderli gelmegi dowam edýär. Hatlary iberenler milli Liderimiz Gurbanguly Berdimuhamedowyň ýolbaşçylygynda Türkmenistanyň öňe tarap okgunly hereket edip, dünýäniň depginli ösýän ýurtlarynyň arasynda öňdäki orunlarda pugta orun alandygyny nygtaýarlar.
Döwlet hem-de jemgyýetçilik işgärleri, diplomatlar, işewürler, kärhanalaryň, guramalaryň we edaralaryň ýolbaşçylary, ýurdumyzyň raýatlary döwlet Baştutanymyzy ajaýyp waka bilen gutlap, milli Liderimize tüýs ýürekden berk jan saglyk, abadançylyk hem-de ýokary döwlet wezipesinde alyp barýan giň gerimli işlerinde uly üstünlikleri arzuw edýärler.
