Hormatly Prezidentimiz Gurbanguly Berdimuhamedowyň adyna Garaşsyzlygyň 29 ýyllygy mynasybetli köp sanly gutlag hatlarynyň we telegrammalaryň gelmegi dowam edýär.
Hatlary iberenler — döwlet we jemgyýetçilik işgärleri, kärhanalaryň hem-de guramalaryň ýolbaşçylary, işewürler, halk hojalygynyň dürli pudaklarynyň işgärleri türkmen döwletiniň Lideriniň öňdengörüjilikli we parasatly ýolbaşçylygynda Berkarar döwletimiziň bagtyýarlyk döwründe okgunly ösýän hem-de uly üstünlikleri we zähmet ýeňişlerini gazanýan Diýarymyzyň halkynyň ähli baýramçylyklary ruhubelentlik ýagdaýynda garşylaýandygyny belleýärler.
