Sungat festiwaly — halklaryň dostlugy
Häzirki wagtda netijeli daşary syýasatyň möhüm bölegi bolan medeni diplomatiýa uly üns berilýär. Şoňa görä-de, 18 — 20-nji oktýabrda Aşgabat şäherinde TÜRKSOÝ-na agza ýurtlaryň II teatr festiwalynyň geçirilmegi möhüm ähmiýete eýedir. Şu ýylda gadymy Änew şäheriniň «Türki dünýäsiniň medeni paýtagty» diýlip yglan edilmegi hem-de Magtymguly Pyragynyň doglan gününiň 300 ýyllygy mynasybetli guralan bu festiwal köňülleri birleşdirip, halklary ýakynlaşdyrýar. Hormatly Prezidentimiziň festiwala gatnaşyjylara iberen Gutlagynda: «Biz Türkmenistan bilen Türki medeniýetiň halkara guramasynyň arasyndaky hyzmatdaşlygy has-da pugtalandyrmaga aýratyn ähmiýet berýäris» diýip nygtaýşy ýaly, bu döredijilik çäresi TÜRKSOÝ-na agza ýurtlar bilen medeni-ynsanperwer hyzmatdaşlygyň täze belentliklere çykarylýandygyny aýdyň görkezdi. Halkara teatr festiwaly tomaşaçylary gyzyklandyrýan sahna oýunlaryna baý bolup, onuň çäklerinde täze sahna eserleri görkezildi. Mundan başga-da, Türkmenistanyň Döwlet medeniýet merkeziniň Döwlet kitaphanasynda Türki medeniýetiň halkara guramasyna agza ýurtlaryň ýazyjylarynyň forumy, Döwlet çeperçilik akademiýasynyň sergiler zalynda TÜRKSOÝ-na agza ýurtlaryň suratkeşleriniň ussatlyk sapagy, meşhur aktýorlardyr halypa teatr işgärleri bilen d
