HABARLAR

Türkmenistan daşary ýurtlar bilen ulag-aragatnaşyk hyzmatdaşlygyny pugtalandyrýar

Türkmenistan halkara ulag we aragatnaşyk ulgamyndaky ornuny barha berkitmek bilen Ýewraziýanyň esasy logistika merkezine öwrülmegi maksat edinýär. Ýurtda ulag infrastrukturasyny döwrebaplaşdyrmak we häzirki zaman enjamlar bilen üpjün etmek babatda uly işler alyp barýar. CentralAsia.news-yň habar berşi ýaly, soňky ýyllarda Türkmenistanda howa, deňiz we gury ýer ulaglarynyň maddy we tehniki binýady yzygiderli gowulandyrylýar. Täze desgalar gurulýar we howa menzilleriniň we deňiz portlarynyň mümkinçilikleri ýokarlandyrylýar.

17 Fewral 2024

Hyzmatdaşlyk

Owganystan Türkmenistan bilen köpugurly hyzmatdaşlygyň giňeldilmegini goldaýar

Owganystan Türkmenistan bilen söwda gatnaşyklarynyň giňeldilmegini goldaýar diýip, ýurduň hökümetiniň metbugat sekretary Zabihulla Mujahid belledi. Bu barada Owganystanyň “TOLOnews” agentligi çarşenbe güni habar berdi. Zabihulla Mujahidiň aýtmagyna görä, Owganystana sapar bilen baran türkmen wekiliýeti ýurduň maliýe, söwda we ulag pudaklarynyň wekilleri bilen gepleşikleri geçirdi.

17 Fewral 2024

Hyzmatdaşlyk

«Ýewraziýa multimodal ýük daşamalarynyň ösüşiniň täze maksatlary» webinary: seljerme we geljegiň mümkinçilikleri

Ýäkynda «Türkmen Logistika» assosiasiýasy bilen Transýewraziýa ýük daşamalary boýunça Halkara Utgaşdyryjy geňeşi (TÝHUG) tarapyndan «Ýewraziýa multimodal ýük daşamalarynyň ösüşiniň täze maksatlary» atly webinar guraldy. Çärä köp sanly taraplar — ýokary derejeli işgärler we ulag kompaniýalarynyň ýolbaşçylarydyr menejerleri gatnaşdylar. TÝHUG-a gatnaşmak üçin 25 döwlet edarasyndan we Russiýanyň, Belarusyň, Gazagystanyň, Koreýa Respublikasynyň, Germaniýanyň we Mongoliýanyň hususy ulag bölümlerinden 60 wekili çagyryldy.

17 Fewral 2024

Hyzmatdaşlyk

Aşgabatdan Kuala-Lumpura we Jidda howa gatnawlary açyldy

Türkmenistandan Malaýziýa we Saud Arabystanyna täze howa gatnaw ugurlary açyldy. 15-16-njy fewralda, degişlilikde, Aşgabat — Kuala-Lumpur hem-de Aşgabat — Jidda ugurlary boýunça eýýäm ilkinji uçuşlar amala aşyryldy. «Türkmenhowaýollary» agentliginde berlen habara görä, Aşgabatdan bu şäherlere uçuşlar hepdede iki gezek amala aşyrylar. 15-nji fewralda «Türkmenistan» awiakompaniýasynyň Malaýziýanyň Kuala-Lumpur şäherine ilkinji uçuşy amala aşyran ýolagçy uçary bu ýurtda dabaraly garşylandy. Howa gämisinde baran ýolagçylary Türkmenistanyň Malaýziýadaky Adatdan daşary we Doly ygtyýarly ilçisi M.Maşalow, şeýle-de bu ýurduň syýahatçylyk, sungat we medeniýet ministri mähirli garşyladylar. Aziýanyň ösen ýurtlarynyň biri bolan Malaýziýanyň Kuala-Lumpur şäheriniň Halkara howa menzilinde Aşgabatdan täze ugur boýunça ýolagçy uçarynyň gelip gonmagy mynasybetli guralan dabara iki dostlukly döwletiň arasyndaky netijeli gatnaşyklaryň köpugurly esasda ösdürilýändiginiň aýdyň nyşanyna öwrüldi. Şeýle-de munuň özi iki ýurtda hem işjeň hyzmatdaşlyk gatnaşyklarynyň ösdürilmegine aýratyn ähmiýet berilýändiginiň nobatdaky güwäsi boldy.

17 Fewral 2024

Hyzmatdaşlyk

Watanymyzyň halkara abraýy barha belende galýar

Şunda türkmen diplomatlarynyň hem uly goşandy bardyr Çynar RUSTEMOWA,ÝUNESKO-nyň işleri barada Türkmenistanyň milli toparynyň jogapkär sekretary, Türkmenistanyň Gahrymany, Adatdan daşary we Doly ygtyýarly ilçi.

17 Fewral 2024

Hyzmatdaşlyk

Çar tarapdan diplomatik habarlar

Hormatly Prezidentimiz Serdar Berdimuhamedow geçen ýylyň ahyrynda daşary ýurtlarda döwletimiziň adyndan wekilçilik edýän türkmen diplomatlary bilen duşuşyp, Watanymyzyň daşary syýasat strategiýasyna laýyklykda öňde durýan möhüm wezipeleri kesgitledi. Şunuň bilen baglylykda, ýylyň başyndan bäri diplomatik wekilhanalarymyz tarapyndan halkara syýasy, ykdysady, medeni dialogy işjeňleşdirmek babatda ikitaraplaýyn gepleşikler geçirilýär, şanly ýylyň esasy wakalaryna bagyşlanan dürli mazmunly çärelerdir maslahatlar guralýar. Biz olar barada gazetimiziň ýörite rubrikasy astynda yzygiderli habar berýäris. Diplomatik işgärleriň hünär baýramçylygynyň bellenilýän günlerinde hem türkmen diplomatlarynyň dünýäniň çar künjeginde alyp barýan işleri bilen bagly habarlar toplumyny okyjylarymyza ýetirýäris. Amerikanyň Birleşen Ştatlarynda

17 Fewral 2024

Hyzmatdaşlyk

Türkmen — emirlikler gatnaşyklary ösdürilýär

Hormatly Prezidentimiz Serdar Berdimuhamedowyň tabşyrygy boýunça Arkadag şäherine emeli aň, geljegiň ykdysadyýeti, bilim, şäherleşme, saglygy goraýyş boýunça täzeçil çemeleşmeleri ornaşdyrmak babatda özara tejribe alyşmak, şeýle hem halkara hyzmatdaşlygyň meselelerini maslahatlaşmak maksady bilen, ýurdumyzyň wekiliýeti 11 — 14-nji fewral aralygynda Birleşen Arap Emirliklerinde iş saparynda boldy. Wekiliýetiň Abu-Dabi we Dubaý şäherlerinde bolmagynyň çäklerinde birnäçe duşuşyklar, gepleşikler geçirildi. Geçen ýylda dabaraly açylan Arkadag şäherini mundan beýläk-de döwrebaplaşdyrmak meseleleri duşuşyklaryň esasy mazmunyny düzdi.

16 Fewral 2024

Hyzmatdaşlyk

Türkmenistan — Italiýa: işewür gatnaşyklar ösdürilýär

Häzirki wagtda Ýewropanyň öňdebaryjy döwletleri, şol sanda Italiýanyň işewür toparlary dürli pudaklarda giň gerimli özgertmeler maksatnamalaryny, taslamalaryny amala aşyrýan Türkmenistan bilen özara bähbitli gatnaşyklary ösdürmäge gyzyklanma bildirýär. Muny 13-nji fewralda hormatly Prezidentimiz Serdar Berdimuhamedowyň «Leonardo S.p.A.» italýan kompaniýasynyň ýolbaşçysy Stefano Pontekorwony kabul etmegi hem aýdyň tassyklaýar. Ilkinji nobatda, «Leonardo S.p.A.» kompaniýasynyň Türkmenistan bilen netijeli gatnaşyklary mundan beýläk-de pugtalandyrmaga taýýardygy tassyklanyldy. Şeýle hem hyzmatdaşlygyň ileri tutulýan ugurlaryny ara alyp maslahatlaşmak bilen baglylykda, Türkmenistanyň we Italiýanyň kompaniýalarynyň arasynda söwda-ykdysady, energetika ulgamlarynda we beýleki pudaklarda, aýratyn-da, hususy bölekde ýola goýlan netijeli gatnaşyklaryň döwletara dialogy pugtalandyrmakda möhüm orun eýeleýändigi bellenildi.

16 Fewral 2024

Hyzmatdaşlyk

Türkmenistan — BAE: ikitaraplaýyn tagallalar pugtalandyrylýar

Mälim bolşy ýaly, hormatly Prezidentimiziň tabşyrygy boýunça Arkadag şäherine emeli aň, geljegiň ykdysadyýeti, bilim, şäherleşme, saglygy goraýyş boýunça täzeçil çemeleşmeleri ornaşdyrmak babatda özara tejribe alyşmak, şeýle hem halkara hyzmatdaşlygyň meselelerini maslahatlaşmak maksady bilen, ýurdumyzyň wekiliýeti 11 — 14-nji fewral aralygynda Birleşen Arap Emirliklerinde iş saparynda boldy. Wekiliýetiň Abu-Dabi we Dubaý şäherlerinde bolmagynyň çäklerinde birnäçe duşuşyklar, gepleşikler geçirildi. Olaryň barşynda yzygiderli, özara ynanyşmak häsiýetine eýe bolan ýokary derejedäki syýasy dialogyň ikitaraplaýyn gatnaşyklaryň ähli ugurlarynda okgunly ösdürilýändigi bellenildi. Hyzmatdaşlygyň ugurlaryny giňeltmekde bu saparyň ähmiýetine aýratyn üns çekildi. Şeýle hem ýurtlaryň durmuş-ykdysady ösüşiniň ileri tutulýan ugurlaryna we milli bähbitlerine doly laýyk gelýän netijeli gatnaşyklary hil taýdan täze derejä çykarmaga bolan meýiller tassyklanyldy. Şonuň ýaly-da, däp bolan türkmen-emirlikler hyzmatdaşlygynyň täze mazmun bilen üstüniň ýetirilip, geljekde özara bähbitlilik, uzak möhletleýinlik esasynda pugtalandyryljakdygyna ynam bildirildi.

16 Fewral 2024

Hyzmatdaşlyk

Bitaraplyk ýörelgeleri işjeň ilerledilýär

15-nji fewralda Türkmenistanyň Mejlisinde utgaşykly görnüşde Bitaraplygyň dostlary toparyna agza ýurtlaryň parlament ýolbaşçylarynyň «Parahatçylygy we dialogy berkitmekde parlament hyzmatdaşlygynyň orny» atly birinji duşuşygy geçirildi. Ýurdumyzyň başlangyjy boýunça Birleşen Milletler Guramasynyň Baş Assambleýasynyň Kararnamasyna laýyklykda, 2023-nji ýylyň «Parahatçylygyň kepili hökmünde dialogyň halkara ýyly» şygary astynda geçmegi aýratyn ähmiýete eýedir. Şunuň bilen baglylykda, çykyş edenler parlament diplomatiýasynyň esasy aýratynlygynyň we güýjüniň, ilkinji nobatda, raýatlaryň gönüden-göni saýlan wekilleri bilen parlamentarileriň arasynda dialog üçin mümkinçilikleri döretmeginde jemlenýändigini aýtdylar.

16 Fewral 2024

Hyzmatdaşlyk