HABARLAR

Türkmenistan Ählumumy Günortanyň ýurtlary bilen ulag we energetika gatnaşyklarynyň giňeldilmegini maksat edinýär

“Ählumumy Günortanyň sesi” atly Üçünji sammitiniň ministrleriniň duşuşygynda Türkmenistanyň Daşary işler ministriniň orunbasary Ahmet Gurbanowyň belleýşi ýaly, Türkmenistan ählumumy Günortanyň ýurtlary bilen ulag we energetika pudaklary boýunça hyzmatdaşlygy ösdürmek maksat edinýär. Hindistan Respublikasynyň ilçihanasy tarapyndan gurnalan bu çäre 17-nji awgust, şenbe güni onlaýn görnüşinde geçirildi. Ahmet Gurbanow bitaraplyk we parahatçylykly ýaşaýyş ýörelgelerine esaslanýan işjeň hyzmatdaşlyk ugrunda çykyş edýän Türkmenistanyň garaýşyny tassyklady.

20 Awgust 2024

Hyzmatdaşlyk

Stambulda Türkiýe Respublikasynyň Halkara awtomobil gatnawlary assosasiýasynyň wekilleri bilen duşuşyk geçirildi

2024-nji ýylyň 16-njy awgustynda Türkmenistanyň Türkiýe Respublikasyndaky Baş konsuly M.Öwezow Türkiýe Respublikasynyň Halkara awtomobil gatnawlary assosasiýasynyň (UND) ýolbaşçylary bilen duşuşdy. Şeýle hem duşuşyga Türkmenistanyň Ulag-logistika merkeziniň wekilleri hem gatnaşdy. Duşuşykda taraplar ulag we logistikany ösdürmek üçin täze innowasion çemeleşmeleri we sanly çözgütleri, tehnologiýalary ulanmak üçin täze mümkinçilikleri kesgitlemek, durnuklylygyny üpjün etmek, ulag infrastrukturasynyň hyzmatyny ösdürmek üçin ulag pudagynda halkara goldawyny giňeltmek we Türkmenistan bilen UND-iň arasyndaky gatnaşyklary güýçlendirmekligi ara alyp maslahatlaşdylar.

20 Awgust 2024

Hyzmatdaşlyk

Hemme gowy zatlar çagalar üçin!

Paýtagtymyzda açylan özboluşly gözden geçirilişde-de bu hakykat aýan bolýar Düýn paýtagtymyzda öz işine başlan «Kids Ekspo: ähli zat çagalar üçin» atly halkara sergi-ýarmarkasy täze okuw ýylynyň öňüsyrasynda kiçi ýaşly çagalardyr mekdep okuwçylary, olaryň ene-atalary üçin hakyky baýramçylyga öwrüldi. Ýurdumyzda ilkinji gezek geçirilýän bu gözden geçiriliş çagalar harytlarydyr hyzmatlar pudagynda iş alyp barýan döwlet we hususy düzümlere, daşary ýurt kompaniýalaryna öz innowasion önümlerini, ýokary hilli hyzmatlary hödürlemäge mümkinçilik berýär.

20 Awgust 2024

Hyzmatdaşlyk

Hazar deňziniň gününe bagyşlanan ylmy-amaly maslahat

12-nji awgustda «Awaza» milli syýahatçylyk zolagynda «Hazar deňzi — durnukly ösüşiň hatyrasyna hyzmatdaşlyk» atly ylmy-amaly maslahat geçirildi. Maslahata Türkmenistanyň degişli ministrlikleriniň we pudak edaralarynyň ýolbaşçylary we wekilleri, daşary ýurt döwletleriniň diplomatik wekilhanalarynyň ýolbaşçylary, halkara we sebit guramalarynyň bilermenleri, şeýle hem köpçülikleýin habar beriş serişdeleriniň wekilleri gatnaşdylar.

19 Awgust 2024

Hyzmatdaşlyk

Azerbaýjan, Türkiýe we Türkmenistan işewürlik forumy geçiriler

2024-nji ýylyň 10-njy sentýabrynda Stambulda Azerbaýjan-Türkiýe-Türkmenistan işewürlik forumy geçiriler. Bu barada Türkiýäniň Daşary ykdysady aragatnaşyklar komiteti (DEIK) habar berýär. Bu komitet Türkiýäniň Söwda ministrliginiň utgaşdyrmagynda çäräniň guramaçysy hökmünde çykyş edýär. Komitetiň habarynda forumyň işine Türkiýäniň söwda ministri Omer Bolatyň, Azerbaýjanyň ykdysadyýet ministri Mikail Jabbarowyň hem-de Türkmenistanyň Ministrler Kabinetiniň Başlygynyň orunbasary Batyr Atdaýewiň gatnaşmagyna garaşylýandygy aýdylýar.

19 Awgust 2024

Hyzmatdaşlyk

Döwlet gümrük gullugy boýunça halkara hyzmatdaşlyga möhüm ähmiýet berilýär

Ýurdumyzda Hormatly Belent Serkerdebaşymyzyň hem-de Milli Liderimiziň taýsyz tagallalary netijesinde gümrük işlerinde halkara hyzmatdaşlygyna aýratyn orun berilýär. Türkmenistanyň Döwlet gümrük gullugy bilen ençeme döwletleriň gümrük edaralarynyň, halkara guramalarynyň arasynda ikitaraplaýyn hyzmatdaşlyklar barha ýokarlanýar. Döwlet gümrük gullugy bilen Özbegistan Respublikasynyň Gümrük komitetiniň arasynda yzygiderli amala aşyrylýan ikitaraplaýyn hyzmatdaşlyklary mysal getirip bileris. Ýakynda Türkmenistanyň Döwlet gümrük gullugynyň wekiliýeti tarapyndan gümrük taýdan resmileşdirmegiň merkezini döretmekde tejribesini öwrenmek we serhetýaka gümrük nokatlarynyň işi bilen tanyşmak üçin Özbegistan Respublikasynyň Daşkent şäherine gulluk iş saparyny amala aşyrdy.

19 Awgust 2024

Hyzmatdaşlyk

«Kids Ekspo» halkara sergisi «Garagum» myhmanhanasynyň çäginde geçiriler

Şu gün Aşgabatda «Kids Ekspo: ähli zat çagalar üçin» atly halkara sergi ýarmarkasy öz işine başlady. 22-nji awgusta çenli dowam etjek çäre «Garagum» myhmanhanasynyň ýanyndaky çäkde wagtlaýyn sergi meýdançasynda geçýär. Halkara sergi-ýarmarkasynyň 1-nji sentýabrda bellenip geçiljek Bilimler we talyp ýaşlar gününiň öňüsyrasynda guralýandygyny bellemelidiris. Onuň diňe bir çagalar üçin däl, eýsem, mekdep okuwçylary, talyp ýaşlar, mugallymlar, umuman, bilim ulgamynda zähmet çekýän her bir adam, ene-ata üçin gyzykly söwda çäresine öwrüljekdigi ikuçsuzdyr.

19 Awgust 2024

Hyzmatdaşlyk

DÜNÝÄ WE MAGTYMGULY

Özbegistanda Şu ýyl doglan gününiň 300 ýyllygy giňden dabaralandyrylýan Magtymguly Pyragynyň taglymaty, geljege bolan garaýyşlary diňe bir türkmen halkynyň däl, eýsem, tutuş adamzadyň hem ruhy isleglerine laýyk gelýär. Şonuň üçin onuň şahyrana mirasynyň ähmiýeti milli çäklerden çykyp, dünýä edebiýatynyň aýrylmaz bölegine öwrüldi, adamzadyň aň-paýhas hazynasyna mynasyp goşant boldy. Magtymguly diňe bir türkmeniň däl, ähli türki halklaryň, şol sanda özbek halkynyň hem iň söýgüli şahyrlarynyň biridir. Şonuň bilen birlikde, Özbegistan dünýäde Magtymgulynyň eserleri iň köp çap edilýän we okalýan ýurtlaryň biri hökmünde ykrar edilýär. Prezident Şawkat Mirziýoýewiň şu ýylyň 19-njy fewralynda «Beýik türkmen şahyry we akyldary Magtymguly Pyragynyň doglan gününiň 300 ýyllygyny giňden belläp geçmek hakynda» Karara gol çekmegi-de dostlukly döwletde beýik söz ussadyna goýulýan uly hormatyň aýdyň ýüze çykmasy boldy. Şu günler bolsa Özbegistanyň Çeperçilik akademiýasynyň binasynda bu şanly sene mynasybetli türkmen suratkeşleriniň eserleriniň sergisi dowam edýär.

19 Awgust 2024

Hyzmatdaşlyk

Sebit hyzmatdaşlygynda täze başlangyçlar

Oňyn Bitaraplyk, parahatçylyk söýüjilik ýörelgelerine esaslanýan daşary syýasaty yzygiderli durmuşa geçirmek bilen, ýurdumyz sebit we ählumumy derejede köpugurly hyzmatdaşlygyň ösdürilmegi ugrunda çykyş edýär. Şunuň bilen baglylykda, Merkezi Aziýa döwletleri bilen däp bolan gatnaşyklar nusgalyk häsiýete eýedir. Munuň şeýledigini 9-njy awgustda döwlet Baştutanymyz Serdar Berdimuhamedowyň Merkezi Aziýa döwletleriniň Baştutanlarynyň altynjy konsultatiw duşuşygyna gatnaşmak üçin Gazagystan Respublikasyna iş saparyny amala aşyrmagy nobatdaky gezek aýdyňlygy bilen subut edýär. DOSTLUK, HOŞNIÝETLILIK, YNANYŞMAK

16 Awgust 2024

Hyzmatdaşlyk

Merkezi Aziýa: täze mümkinçilikler

Dünýä ýurtlary, aýratyn-da, goňşy döwletler bilen özara bähbitli söwda-ykdysady hyzmatdaşlygyň ösdürilmegi hormatly Prezidentimiziň amala aşyrýan özgertmeler syýasatynyň möhüm ugurlarynyň biridir. Köpasyrlyk taryhy kökler, medeni-ruhy umumylyklar we geografik taýdan ýakynlyk Merkezi Aziýa sebitiniň ýurtlaryna döwletara gatnaşyklary has-da berkitmäge hem-de gülläp ösýän sebit hökmünde bütindünýä ykdysadyýetinde mynasyp orun eýelemäge giň mümkinçilikleri açýar. Merkezi Aziýa sebiti Gündogaryň hem-de Günbataryň arasyndaky gadymy ýollaryň çatrygynda ýerleşip, ägirt uly energetika hem-de tebigy serişdelere, ulag-kommunikasiýa kuwwatyna eýedir. Soňky ýyllarda Türkmenistanyň, Gazagystanyň, Gyrgyzystanyň, Täjigistanyň we Özbegistanyň arasyndaky gatnaşyklar hil taýdan täze derejä çykarylyp, ähli ugurlar boýunça anyk many-mazmun bilen baýlaşdyrylýar. Şol gatnaşyklarda ykdysadyýete aýratyn orun degişlidir. Çünki dünýä tejribesiniň görkezişi ýaly, goňşy döwletleriň ýa-da bir sebitde ýerleşýän ýurtlaryň özara bähbitli söwda-ykdysady gatnaşyklarynyň berkidilmegi tutuş sebitiň gülläp ösmegine ýardam berýär. Hut şoňa görä-de, geljegi uly adam maýasyna we tebigy baýlyklaryň uly gorlaryna eýe bolan sebit hökmünde Merkezi Aziýa ösen döwletleriňdir halkara gur

16 Awgust 2024

Hyzmatdaşlyk