HABARLAR

Parasat şuglasy

Golaýda Döwletmämmet Azady adyndaky Türkmen milli dünýä dilleri institutynda ÝUNESKO-nyň işleri barada Türkmenistanyň Milli toparynyň jogapkär sekretariatynyň, Türkmenistanyň Zenanlar birleşiginiň Merkezi geňeşiniň «Magtymguly Pyragy — asyryň paýhasy» atly bilelikdäki onlaýn sebitara maslahaty geçirildi. Bu abraýly çärä dünýäniň dürli künjeklerinden alymlaryň, edebiýatçylaryň we medeniýet muşdaklarynyň ençemesi gatnaşdy. Olar, esasan, türkmeniň beýik ogly, akyldar şahyr Magtymguly Pyragynyň edebi mirasy hakynda söhbet etdiler, pikir alyşdylar. Onlaýn arkaly Halkara derejesinde geçirilen bu maslahatyň esasy maksady beýik şahyryň türkmen halkynyň ruhy dünýäsine, edebiýatyna, medeni bitewülige goşan egsilmez goşandyny dünýä dillerinde wagyz etmekden ybaratdyr. Bu maslahata ýurdumyzyň, Azerbaýjan Respublikasynyň, Eýran Yslam Respublikasynyň, Gazagystan Respublikasynyň, Gyrgyz Respublikasynyň, Özbegistan Respublikasynyň, Täjigistan Respublikasynyň we Türkiýe Respublikasynyň belli magtymgulyşynas alymlary gatnaşdylar. Olar beýik türkmen nusgawy şahyrynyň parahatçylyk we agzybirlik baradaky öwüt-nesihatlaryny aýratyn belläp, Magtymguly Pyragynyň halklary ruhy taýdan birleşdiriji şahsyýetdigini nygtadylar.

13 Noýabr 2024

Hyzmatdaşlyk

Türkmenistan raýatsyzlyk meselesinde ählumumy tagallalara işjeň gatnaşýar

Birleşen Milletler Guramasy Türkmenistany parahatçylyk we howpsuzlyk ideýalaryny ilerledýän, şol sanda raýatsyzlygy aradan aýyrmakda ählumumy tagallalara işjeň gatnaşýan ýurt hasaplaýar. Milli kanunçylygymyz we halkara kadalar esasynda ýurdumyzda ýaşaýan adamlaryň hukuklaryny, azatlyklaryny, bähbitlerini goramak we kepillendirmek döwlet syýasatynyň möhüm ugurlarynyň biri bolup durýar. Bu syýasatyň halkara derejede ykrar edilmegi hormatly Prezidentimiziň durmuşa geçirýän köpugurly işleriniň oňyn netijesidir. Türkmenistan BMG-niň Raýatsyzlygy azaltmak hakynda, Bosgunlaryň statusy hakynda, Apatridleriň statusy hakynda Konwensiýalaryny hem-de beýleki köptaraplaýyn halkara ylalaşyklary gyşarnyksyz berjaý etmäge ygrarlydygyny beýan edip, ynsanperwer ulgamda anyk hereketleri amala aşyrmaga taýýardygyny tassyklaýar. Şunuň bilen baglylykda, ýurdumyz öz tagallalaryny adam hukuklaryny we azatlyklaryny üpjün etmek boýunça Hereketleriň milli hem-de sebit meýilnamalaryny, taslamalaryny durmuşa geçirmek boýunça BMG-niň ýöriteleşdirilen düzümleri bilen özara gatnaşyklara gönükdirýär. Bu işde aýratyn orun raýatlaryň has ejiz toparlaryny, ýagny bosgunlary, raýatlygy bolmadyk adamlary goramaga degişlidir. Türkmenistanda raýatsyzlygyň soňuna çykmak meselesine aýratyn ähmiýet berilýän

13 Noýabr 2024

Hyzmatdaşlyk

Belent sarpadan nyşan

Mälim bolşy ýaly, 23-24-nji oktýabrda hormatly Prezidentimiz Serdar Berdimuhamedow Kazan şäherinde geçirilýän «BRICS goşmak»/«autriç» formatyndaky XVI BRICS sammitine hormatly myhman hökmünde gatnaşmak üçin Russiýa Federasiýasynyň Tatarystan Respublikasyna iş saparyny amala aşyrdy. Onuň dowamynda hormatly Prezidentimiz Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Ol döwlet Baştutanymyza «Duslyk» ordenini gowşurdy. Arkadagly Gahryman Serdarymyz bu sylagy Türkmenistan bilen Russiýa Federasiýasynyň Tatarystan Respublikasynyň arasyndaky ikitaraplaýyn hyzmatdaşlygyň ýokary derejesiniň tassyklanmasy hökmünde kabul etdi we «Goý, bu ýokary sylag biziň dostlukly halklarymyzyň we döwletlerimiziň özara bähbitli hyzmatdaşlygynyň synmazlygynyň ýene-de bir nyşanyna öwrülsin!» diýip belledi. Bu waka dünýä türkmenlerini çäksiz guwanç duýgusyna besledi.  Hormatly Prezidentimiz bu ýokary döwlet sylagyna Türkmenistan bilen Tatarystan Respublikasynyň, Russiýa Federasiýasynyň beýleki sebitleriniň arasyndaky dostlugy we hyzmatdaşlygy pugtalandyrmakda bitiren aýratyn hyzmatlary, ikitaraplaýyn söwda-ykdysady, ylmy-tehniki, durmuş-medeni gatnaşyklary ösdürmäge goşan uly goşandy üçin mynasyp boldy. Bu abraýly sylag Arkadagly Gahryman Serdarymyzyň döwl

12 Noýabr 2024

Hyzmatdaşlyk

«Türkmentel – 2024»: Innowasion ösüşe täze garaýyşlar

«Türkmenaragatnaşyk» agentligi bilen Türkmenistanyň Söwda-senagat edarasy 2024-nji ýylyň 14-16-njy noýabry aralygynda Aşgabat şäherinde «Türkmentel – 2024» atly halkara sergisini we ylmy maslahatyny geçirýär. «Türkmentel – 2024» atly halkara sergisi we ylmy maslahatyna «SpaceX», «Samsung», «Huawei», «Amazon», «Nokia», «Eastwind», «Lenovo», «Motorola Solutions», «Bosch», «Delta Telecom», «Thales» ýaly dünýä belli kompaniýalaryň ýolbaşçylary we wekilleri gatnaşar.

12 Noýabr 2024

Hyzmatdaşlyk

Türkmenistan “ITTC-2024” forumyny geçirmäge taýýarlyk görýär

Türkmenistan 2024-nji ýylyň 26-27-nji noýabrynda ulag we üstaşyr geçelgeleri boýunça III halkara maslahaty we sergini geçirmäge taýýarlyk görýär. Bu barada Türkmenistanyň resmi metbugaty şenbe güni habar berdi.  “Belli” hojalyk jemgyýeti bilen bilelikde guralýan çäre ählumumy logistika işiniň işjeň ösýän häzirki şertlerinde geçirilýär. 

12 Noýabr 2024

Hyzmatdaşlyk

Abu-Dabi forumy

Türkmenistanyň söwda, maýa goýum we işewürlik mümkinçilikleri bilen tanyşdyrdy Diýarymyzda ähli ugurlarda amala aşyrylýan düýpli özgertmeleriň maksady orta we uzak möhletleýin strategiýalarda kesgitlenen görkezijilere ýetmäge gönükdirilendir. Öňde goýlan wezipeleriň üstünlikli durmuşa geçirilmegi bolsa maýa goýum syýasatynyň netijeliligine gönüden-göni baglydyr. Şunda daşary ýurt maýa goýumlarynyň işjeň çekilmegi milli ykdysadyýeti senagatlaşdyrmak, pudaklara öňdebaryjy innowasiýalary ornaşdyrmak babatda giň mümkinçilikleri açýar. Şoňa görä, soňky ýyllarda paýtagtymyz Aşgabatda, şol sanda dünýä ýurtlarynda sergilerdir forumlaryň, maslahatlaryň, işewürlik duşuşyklarynyň guralmagy asylly däbe öwrüldi. Golaýda Birleşen Arap Emirlikleriniň Abu-Dabi şäherinde «Türkmenistanda söwda, maýa goýum we işewürlik mümkinçilikleri» ady bilen geçirilen forum hem şol çäreleriň üstüni ýetirdi.

12 Noýabr 2024

Hyzmatdaşlyk

Türkmen-german gatnaşyklaryny işjeňleşdirmegiň ýolunda

Iki döwletiň arasynda ýokary derejede gazanylan ylalaşyklary durmuşa geçirmekde, ykdysady hyzmatdaşlykda bar bolan mümkinçilikleri içgin öwrenip, özara hereketleriň anyk ugurlaryny kesgitlemekde hökümetara toparlaryň, aýry-aýry pudaklar boýunça bilelikdäki iş toparlarynyň alyp barýan işlerine möhüm orun degişli. Ýakynda Berlinde geçirilen Ykdysady hyzmatdaşlyk boýunça bilelikdäki türkmen-german iş toparynyň 10-njy mejlisinde hem Türkmenistan bilen Germaniýa Federatiw Respublikasynyň arasyndaky netijeli hyzmatdaşlygy has-da işjeňleşdirmegiň wajyp meseleleri ara alnyp maslahatlaşyldy. Mälim bolşy ýaly, «Uly ýediligiň» öňdebaryjy ýurtlarynyň biri bolan Germaniýa Federatiw Respublikasy ykdysady kuwwaty boýunça Ýewropa Bileleşiginde birinji, dünýäde dördünji orny eýeläp, bu ýurduň awtoulag senagatynda, uçar önümçiliginde, lukmançylyk, oba hojalyk, azyk, himiýa we derman senagaty enjamlaryny öndürmekde, «ýaşyl» energiýa önümçiliginde baý tejribesi bar. Hut şu görkezijiler-de Ýewropanyň merkezinde ýerleşýän bu döwlete tehnologiýalar, «ýaşyl» ykdysadyýet, innowasiýalar babatda hemmeleriň eýerýän halkara standartlaryny işläp taýýarlamak üçin oňyn şertleri döredýär. Şunda Türkmenistan bilen Germaniýanyň arasyndaky hyzmatdaşlygyň hem uly mümkinçilikl

12 Noýabr 2024

Hyzmatdaşlyk

Türkmenistan — baky bagtyýarlygyň ýurdy (Hoşniýetlilik ýörelgesine eýerip)

Mälim bolşy ýaly, «#IBelong» (MenDegişli) ählumumy başlangyjy 10 ýyl mundan ozal — 2014-nji ýylyň noýabrynda BMG-niň Bosgunlaryň işi baradaky Ýokary komissarynyň müdirligi tarapyndan häzirki döwrüň möhüm meseleleriniň biri bolmagynda galýan we bütin dünýäde esasy hukuklardan, resmi taýdan ykrar edilmekden mahrum bolan, millionlarça adamyň ykbalyna täsir edýän raýatsyzlygy aradan aýyrmak üçin giň halkara hyzmatdaşlygyň guraly hökmünde ýola goýuldy. Şunuň bilen baglylykda, 8-nji noýabrda paýtagtymyzdaky «Ýyldyz» myhmanhanasynda Merkezi Aziýada raýatsyzlygy aradan aýyrmak boýunça ministrler derejesindäki sebitleýin maslahat geçirildi. Türkmenistanyň Hökümeti we BMG-niň Bosgunlaryň işi baradaky Ýokary komissarynyň müdirligi tarapyndan bilelikde guralan foruma Gazagystanyň, Gyrgyzystanyň, Täjigistanyň, Özbegistanyň, BMG-niň agentlikleriniň, halkara guramalaryň wekilleri gatnaşdylar. Bu giň gerimli çäräniň baş maksady Merkezi Aziýada «#IBelong» (MenDegişli) ählumumy başlangyjynyň jemini jemlemekden ybarat boldy. Şoňa görä-de, maslahatyň dowamynda oňa gatnaşyjylar bu ählumumy meseläni çözmekde öňdebaryjy orny eýeleýän Merkezi Aziýa ýurtlarynyň gazananlary baradaky giňişleýin syn bilen tanyşdyryldy.

11 Noýabr 2024

Hyzmatdaşlyk

Türkmenistan — raýatsyzlygy aradan aýran ýurt

8-nji noýabrda paýtagtymyzdaky «Ýyldyz» myhmanhanasynda Merkezi Aziýada raýatsyzlygy aradan aýyrmak boýunça ministrler derejesindäki sebitleýin maslahat geçirildi. Türkmenistanyň Hökümeti we BMG-niň Bosgunlaryň işi baradaky Ýokary komissarynyň müdirligi tarapyndan bilelikde guralan foruma Gazagystanyň, Gyrgyzystanyň, Täjigistanyň, Özbegistanyň, BMG-niň agentlikleriniň, halkara guramalaryň wekilleri gatnaşdylar. Bu giň gerimli çäräniň baş maksady Merkezi Aziýada «#IBelong» (MenDegişli) ählumumy başlangyjynyň jemini jemlemekden ybaratdyr.

11 Noýabr 2024

Hyzmatdaşlyk

«Ekologik medeniýet» atly festiwal

Golaýda Türkmenistanyň Daşky gurşawy goramak ministrliginiň hem-de BMG-niň Ösüş maksatnamasynyň ýurdumyzdaky wekilhanasynyň guramagynda welaýat kitaphanasynda «Ekologik medeniýet» atly festiwal geçirildi. Oňa welaýatymyzdaky ýokary we orta okuw mekdepleriniň talyplary, mekdep okuwçylary gatnaşdylar. Festiwalyň esasy maksady ýaşlaryň ekologiýa, daşky gurşawy goramak baradaky bilim-düşünjelerini artdyrmakdan, bu ugurdaky döredijilik ukyp-başarnyklarynyň ösdürilmegine ýardam bermekden ybarat boldy.

11 Noýabr 2024

Hyzmatdaşlyk