HABARLAR

Behişdi bedewlere buýsanç

Bu gün ýurdumyzda atçylyk pudagyny ösdürmek at çapyşyklaryny we atly sport bäsleşiklerini halkara talaplaryna laýyklykda guramak we geçirmek, şeýle hem ussat türgenleri ýetişdirmek, janköýerler üçin amatly şertleri döretmek maksady bilen, Aşgabatda we welaýatlarymyzda döwrebap atçylyk sport toplumlarynyň birnäçesi guruldy, ozal bar bolanlarynyň durky täzelenildi. Bu toplumlarda mähriban halkymyzyň milli baýlygy we buýsanjy bolan, tebigat bilen sazlaşykda dörän gözelligiň ajaýyp nusgasyny alamatlandyrýan naýbaşy bedewleri ösdürip ýetişdirmek hem-de seýislemek üçin ähli şertler döredildi.

8 Noýabr 2024

Garaşsyzlyk

Pyragynyň goşgulary – durmuş mekdebi

Özüniň ölmez-ýitmez döredijiligi bilen dünýä edebiýatynyň ösmegine uly goşant goşan beýik söz ussady Magtymguly Pyragynyň ady halkymyzyň kalbynda baky ýaşaýar. Akyldar şahyrymyzyň baryp XVIII asyrda saglyk barada aýdan nesihatlary, öwüt-ündewleri, goşgulary bu gün ýaşlarymyzyň durmuş mekdebine öwrülýär. Magtymguly Pyragy şahyrana döredijiliginde sagdynlygy we ruhubelentligi, sagdyn durmuş ýörelgesini ilkinji orunda goýupdyr. Akyldar şahyr: «Saglygyň gadryn bilgil, hasta bolmazdan burun», «Dürdür bu janyň lezzeti, // Saglyk onuň soltanydyr» diýmek bilen, saglygyň gadyryny bilmegi, ony gorap saklamagy nesihat edipdir. Söz sungatynyň zergäri hasaplanylýan şahyrymyzyň şygyrlarynda päk ahlaklylyk, ruhubelentlik, geljege ýagşy umyt-niýet, adamkärçilik duýulýar.

8 Noýabr 2024

Garaşsyzlyk

Welaýatlardan habarlar

Aja­ýyp za­ma­na­myz­da ge­çi­ril­ýän bedenterbiýe we sport çä­re­leri, bäs­le­şik­ler ýaş­la­ryň has ze­hin­li­le­ri­ni ýü­ze çy­kar­mak­da uly äh­mi­ýe­te eýe bo­lup dur­ýar. Bi­ziň şä­he­ri­miz­de hem or­ta mek­dep­le­riň okuw­çy­la­ry­nyň gat­naş­ma­gyn­da «Sag­dyn jem­gy­ýet – ber­ka­rar döw­let», «Sag­dyn ne­sil – gel­je­gi­miz», «Sport – bag­ty­ýar­lyk», «Sag­dyn ne­sil – kuw­wat­ly Wa­tan» di­ýen şy­gar­lar bi­len spor­tuň dür­li gör­nüş­le­ri bo­ýun­ça ýa­ryş­lar yzy­gi­der­li gu­ral­ýar. Şo­la­ra bi­ziň mek­de­bi­mi­ziň okuw­çy­la­ry-da iş­jeň gat­naş­ýar­lar. Şeý­le bäs­le­şik­le­riň ola­ryň derslere ýe­ti­şigi­ni ýo­kar­lan­dyr­ýan­dy­gy­ny hem bel­le­mek ge­rek. Çün­ki sport­da tap­la­nan okuw­çy­nyň pi­kir­le­niş uky­by has-da art­ýar. Sag­dyn be­den­li, ru­hu­be­lent ýaş­la­ry­my­zyň gel­jek­de Gahryman Arkadagymyzyň hem-de hormatly Prezidentimiziň ata Wa­ta­ny­my­zy gül­le­dip ös­dür­mek­de alyp bar­ýan be­ýik iş­le­ri­ne my­na­syp go­şant goş­jak­dyk­la­ry­na pug­ta ynan­ýa­rys.

8 Noýabr 2024

Garaşsyzlyk

2024-nji ýylyň oktýabry: Türkmenistanyň Prezidentiniň daşary syýasy başlangyçlaryndan ugur alyp

Garaşsyz, hemişelik Bitarap Watanymyzda hormatly Prezidentimiz Serdar Berdimuhamedowyň baştutanlygynda «Açyk gapylar» we giň halkara hyzmatdaşlyk syýasaty üstünlikli durmuşa geçirilýär. Bu hakykat ýurdumyzyň ministrlikleri we pudaklaýyn dolandyryş edaralary tarapyndan geçen aýda geçirilen syýasy geňeşmeleriň, ikitaraplaýyn hem-de köptaraplaýyn görnüşdäki köp sanly duşuşyklaryň, işewürlik gepleşikleriniň, sergileriň, maslahatlaryň, medeni çäreleriň mysalynda-da öz beýanyny tapdy. 1-nji oktýabrda Türkmenistanyň Daşary işler ministrliginde Ýaponiýanyň DIM-niň Merkezi Aziýa we Kawkaz sebiti boýunça ýörite wekili Işikawa Masaki bilen duşuşyk geçirildi. Onda dürli ulgamlarda, sebit we halkara düzümleriň çäklerinde ikitaraplaýyn hyzmatdaşlygy giňeltmegiň ileri tutulýan ugurlary ara alnyp maslahatlaşyldy. Şeýle-de «Merkezi Aziýa — Ýaponiýa» dialogynyň ähmiýeti nygtaldy.

8 Noýabr 2024

Garaşsyzlyk

Ýurdumyzyň welaýatlarynda

AHAL Ussatlar üstün çykdy

8 Noýabr 2024

Garaşsyzlyk

Göllerde möhürlenen müňýyllyklar

Daşary ýurtlarda ýaşaýan ildeşlerimiz muňa «Watanyň parçasy» diýýärler. Ol türkmen ruhunyň we kalbynyň «sözlügini» açyp görkezýär. Gürrüň, elbetde, haly hakda barýar. Halyşynas bolmasagam, biziň ählimiz onuň aşygy we muşdagy. Aşgabatdaky Türkmen halysynyň milli muzeýine barmagyma sebäp bolan zat hem, meger, ilkinji nobatda, şol jadyly gözellige hyrydarlyk bolsa gerek. Türkmen halysynyň milli muzeýiniň we «Türkmenhaly» döwlet birleşiginiň binalary-da erişden geçirilen argaç ýaly, sazlaşykly reňk öwüşginini we bitewi kompozisiýany — binagärlik ansamblyny emele getirýär. Türkmen halysynyň muzeýi 1994-nji ýylda açylýar. 2009-njy ýylyň awgustynda täze, döwrebap binasy gurulýar hem-de oňa «milli» diýen dereje berilýär. Bu kaşaň binalaryň gabadyndan telim gezek geçenem bolsam, açylan gününden bäri ildeşlerimiziň we jahankeşdeleriň iň bir gelim-gidimli ýerine öwrülenem bolsa, meniň oňa ilkinji gezek gelşim. Maňa bu ýerde naýbaşy we juda seýrek haly eksponatlarynyň bardygyny aýtdylar. Muzeýde eden gürrüňimizem şolar hakda boldy.

8 Noýabr 2024

Garaşsyzlyk

Pähim-paýhasyň huzurynda

Magtymguly Pyragynyň dury paýhasyndan syzylyp çykan setirler her bir adam üçin ömür menzillerindäki ýolbelet mysalydyr. Çünki şol setirlerde durmuşyň, ýaşaýşyň manysyna düşünmäge iterýän, belent maksatlara ruhlandyrýan pähim-parasat bar. Bu şygyrlary okadygyňça, ylym-bilim bilen gurşalan täsin dünýäniň içine aralaşýan ýaly bolýarsyň. Akyldar şahyryň döredijilik dünýäsi ylym bilen berk baglanyşyklydyr. Magtymgula düşünmegiň özi ylmyň ähli ugurlaryndan diýen ýaly habarlylygy talap edýär. Şol mazmundaky kitaplary we beýleki ylmy-edebi eserleri okap öwrenmek arkaly biz şahyryň eserlerindäki köp sanly rowaýatlaryň, öwüt-ündewleriň, ylmy maglumatlaryň many-mazmunyna giňişleýin akyl ýetirip bileris. Çünki şahyryň goşgularynyň aýratynlygy ummasyz uly taryhy wakany birje setire sygdyryp bilýänligidir. Bu akyldar şahyrymyzyň paýhas kämilliginiň we ussatlygynyň güwäsidir.

8 Noýabr 2024

Garaşsyzlyk

Gurmak we döretmek — döwrüň şanly şygary

Häzirki wagtda gurluşyk we senagat toplumy milli ykdysadyýetiň ileri tutulýan ugurlarynyň biri bolmak bilen, onuň yzygiderli ösdürilmegine döwlet derejesinde möhüm ähmiýet berilýär. Pudagyň düzümleriniň işi döwrebaplaşdyrylýar, oňa ösen tejribeler, ylmyň iň soňky gazananlary ornaşdyrylýar. Munuň şeýledigini sanlyja gün ozal, 3-nji noýabrda ýurdumyzda uly dabara bilen bellenilen Gurluşyk we senagat toplumynyň işgärleriniň güni hem ýene bir gezek aýdyň subut etdi. Hünär baýramçylygy mynasybetli paýtagtymyzda üstünlikli geçirilen «Türkmenistanyň gurluşygy, senagaty we energetikasy — 2024» atly halkara sergi hem-de «Türkmenistanyň gurluşyk, senagat, energetika pudaklarynyň ösüşi» atly maslahat bolsa bu pudagyň giň mümkinçiliklerini tanyşdyrmagyň, köpugurly halkara hyzmatdaşlygy ösdürmegiň wajyp ugurlaryny ara alyp maslahatlaşmagyň möhüm meýdançasyna öwrüldi. Ýurdumyzy durmuş-ykdysady taýdan durnukly ösdürmek boýunça döwlet maksatnamalarynda kesgitlenen wezipeleri amala aşyrmakda ylmyň gazananlaryny, täze tehnologiýalary önümçilige ornaşdyrmaga, dürli ulgamlarda zähmet çekýän adamlaryň hünär derejesiniň ýokarlandyrylmagyna aýratyn üns berilýär. Gazanylýan ägirt uly üstünlikler netijesinde ýurdumyz gülläp ösýär. Bu üstünliklerde her bir ulg

7 Noýabr 2024

Garaşsyzlyk

Täzelikler

«Lebapgazçykaryş» müdirliginiň agzybir hünärmenleri üstümizdäki ýylyň her bir aýyny zähmet ýeňişlerine besleýärler. Şonuň netijesinde tebigy gazyň we gaz kondensatynyň öndürilişi artdyrylýar. Hasabat döwründe müdirlik boýunça tebigy gazyň 8 milliard 417 million kub metrden gowragy öndürildi. Munuň özi meýilnamada bellenilenden ep-esli artykdyr. Şeýle-de bu ýerde gaz kondensatynyň 30,4 müň tonnadan gowragy öndürilip, meýilnama 103,7 göterim berjaý edildi. Şeýle üstünlik işleriň sazlaşykly guralmagy, guýularyň önüm berijiliginiň ýokarlandyrylmagy arkaly gazanylýar.

6 Noýabr 2024

Garaşsyzlyk

Täze hasyl üçin hasaplaşyklar günübirin geçirilýär

Şu günlerde welaýatymyzyň «ak altynly» meýdanlarynda ýetişdirilen hasyly ýygnamak ugrunda gyzgalaňly zähmet çekilýär. Hormatly Prezidentimiziň pagtanyň döwlet satyn alyş bahasyny ýokarlandyrmak hakyndaky Karary we önüm öndürijileriň zähmetini höweslendirmek maksady bilen guralýan dürli çäreler pagta ýygymynyň depginine oňyn täsirini ýetirýär. Döwlete tabşyrylýan pagta üçin dessine, günübirin hasaplaşyklaryň geçirilip durlandygy üçin daýhan birleşikleriniň, daýhan hojalyklarynyň zähmet adamlary we beýleki önüm öndürijiler hormatly Prezidentimize sagbolsun aýdýarlar.

6 Noýabr 2024

Garaşsyzlyk