8 gol ge­çi­ril­se-de, ýe­ňiş ga­za­nan ýok

Sport
1 Noýabr 2024
340

Ita­li­ýa­nyň çem­pio­na­tyn­da 9-njy tap­gyr­da «Ita­lia» der­bi­si oý­nal­dy. Ju­sep­pe Me­az­za sta­dio­nyn­da ge­çi­ri­len du­şu­şyk­da soň­ky çem­pi­on «In­ter» bi­len «Ýu­wen­tus» du­şuş­dy. Çe­ke­le­şik­li ge­çen oýun­da jan­kö­ýer­ler 8 go­luň şa­ýa­dy bol­sa­la­ram, du­şu­şyk­da ýe­ňiş ga­za­nan bol­ma­dy. 15-nji mi­nut­da Piotr Zie­lins­ki pe­nal­ti go­lun­dan «In­te­ri» öňe saý­la­dy. Ýö­ne 5 mi­nut­dan soň Du­şan Wla­ho­wiç ha­sa­by deň­le­di. 27-nji mi­nut­da bu ge­zek «Ýu­wen­tus» öňe geç­di. Bu go­ly Ti­mo­ti Wea der­we­zä gi­riz­di. 35-nji mi­nut­da tej­ri­be­li Mhi­tar­ýa­nyň go­ly bi­len «In­ter» ha­sa­by deň­le­di. 2 mi­nut­dan so­ňam ýe­ne-de Zie­lins­ki pe­nal­ti­ni dürs urdy we «In­ter» öňe saý­lan­dy. 2-nji ýa­ry­ma-da «In­ter» gol bi­len baş­la­dy. 51-nji mi­nut­da Den­zel Dumf­ris ara­ta­pa­wu­dy 2 go­la çy­kar­dy. Du­şu­şy­gyň 61-nji mi­nu­tyn­da «Ýu­wen­tus­da» Wea­nyň or­nu­na Ke­nan Ýyl­dyz oý­na gir­di. Ol 71-nji we 82-nji mi­nut­lar­da ta­pa­wut­la­nyp, to­pa­ry­ny ýeň­liş­den ha­las et­di. Du­şu­şyk 4-4 ha­sa­byn­da deň­lik­de ta­mam­lan­dy. «Ata­lan­ta» bol­sa öz meý­dan­ça­syn­da «We­ro­na­ny» 6-1 ha­sa­byn­da ýeň­di. Du­şu­şyk­da Re­te­gi bi­len Luk­man 2 gol ge­çir­di. «Fio­ren­ti­na» öz meý­dan­ça­syn­da paý­tag­tyň «Ro­ma­sy­ny» 5-1 ha­sa­byn­da ýeň­li­şe se­ze­war et­di. Du­şu­şyk­da Moý­za Ken 2 go­ly der­we­zä gi­riz­di. «Bo­lon­ýa» – «Mi­lan» du­şu­şy­gy so­ňa go­ýul­dy.

10-njy tap­gyr­da «Mi­lan» «San Si­ro­da» «Na­po­li­den» 2-0 ha­sa­byn­da utul­dy (Lu­ka­ku 5, Kwa­ras­he­li­ýa 43). «In­ter» myh­man­çy­lyk­da «Em­po­li­ni» 3-0 ýe­ňen bol­sa (Frat­te­zi 50, 67, Lau­ta­ra Mar­ti­nes 79), «Ýu­wen­tus» Tu­rin­de «Par­ma» bi­len 2-2 deň­me-deň oý­na­dy (Mak­ken­ni 31, Wea 49 – Del Pra­to 3, Zom 38).

Beýleki habarlar