Türkmenabat şäherinde 2007-nji ýylda we ondan soň doglan ýetginjekleriň arasynda woleýbol boýunça welaýat birinjiligi geçirildi. Oňa welaýat merkezinden we etraplarymyzyň birnäçesinden güýçli toparlar gatnaşdylar.
Iki günläp dowam eden ýaryşyň netijesinde Türkmenabat şäherine wekilçilik eden birinji topara taý tapylmady. Bu topar şäherdäki 10-njy sport mekdebiniň türgenlerinden ybaratdyr. Şeýle hem ýaryşda Çärjew etrabynyň topary ikinji, welaýat merkeziniň ikinji toparynyň (9-njy sport mekdebi) bolsa üçünji orunlary eýelediler.
