Şu aýyň başynda ýurdumyzyň bilim ojaklarynyň arasynda geçirilýän «Türkmenistan ― ruhubelentligiň we sagdynlygyň ýurdy» atly XIV spartakiadanyň çäklerinde sport ýaryşlaryna badalga berildi. Häzire çenli spartakiadanyň maksatnamasyna girizilen ýaryşlaryň birnäçesi geçirildi.
Welaýatymyzyň orta hünär okuw mekdepleriniň talyplarynyň arasynda geçirilýän ýaryşlar sportuň dürli görnüşleri boýunça ezber ýaşlaryň ýüze çykarylmagyna ýardam edýär. Bu ýaryşlara biziň orta hünär okuw mekdebimiziň talyplary hem işjeň gatnaşýarlar. Spartakiadanyň ilkinji günlerinde olar 400 metr aralyga estafetalaýyn ylgamak boýunça geçirilen ýaryşda ikinji orny eýelediler. Aýyň dowamynda ýeňil atletikanyň beýleki görnüşleri boýunça hem ýaryşlar geçirildi.
