«Garaşsyzlygyň merjen däneleri» bäsleşiginiň ýeňijileri belli boldy

Medeniýet
6 Sentýabr 2024
147

Şu gün — 6-njy sentýabrda Ahal welaýatynyň Nowruz ýaýlasyndaky «Türkmeniň ak öýi» binasynda Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde yglan edilen zehinli çagalaryň «Garaşsyzlygyň merjen däneleri» bäsleşiginiň jemleýji tapgyry geçirildi. Dabara hormatly Prezidentimiziň bäsleşige gatnaşyjylara iberen mähirli Gutlagynyň okalmagy bilen başlandy. Türkmenistanyň Bilim ministrliginiň, Türkmenistanyň Medeniýet ministrliginiň guramagynda geçirilen bu bäsleşige Arkadag we Aşgabat şäherlerinden we ýurdumyzyň welaýatlaryndan deslapky tapgyrlarda ýeňiji bolan mekdep okuwçylarymyzyň 21-si gatnaşdylar. Ýaş nesillerimiziň ukyp-başarnyklaryny, zehinlerini ýüze çykarmak, olary döredijilige höweslendirmek maksady bilen her ýyl geçirilýän bu bäsleşikde çykyş eden ýaşajyk aýdymçylarymyz ata Watanymyzy, bagtyýar çagalygy wasp edýän ajaýyp aýdymlary ýerine ýetirdiler. 

«Güneş».
Beýleki habarlar