Tejen etrabynyň pagtaçy daýhanlary pagta ýygymyna ykjam taýýarlanýarlar. Etrabyň oba zähmetkeşleri gowaçanyň ideg işlerini ahyrky tapgyrda agrotehnikanyň talaplaryna laýyklykda ýerine ýetirmek bilen birlikde, tehnikalary jogapkärli möwsüme taýýarlamak işlerini sazlaşykly alyp barýarlar.
Etrap «Obahyzmat» önümçilik kärhanasynyň işçi-hünärmenleri ýygyma gatnaşdyryljak pagta ýygyjy kombaýnlary we gaýry tehnikalary doly derejede taýýarlyk hatarynda goýmakda yhlasyny gaýgyrmaýarlar. “Pähim-paýhas ummany Magtymguly Pyragy” ýylynda 30 müň 100 gektar meýdanda ekilen gowaçadan ýokary hasyl almagy maksat edinýän etrabyň pagtaçylary şanly ýyly zähmet üstünliklerine beslemek hyjuwy bilen işleýärler.
