Türkmenmetbugat

"Türkmenistan Sport" Halkara žurnaly

Esaslandyryjysy: Türkmenistanyň sport we ýaşlar syýasaty ministrligi
Salgysy: Aşgabat şäheri, B.Saparmyrat Türkmenbaşy şaýoly 54
Telefon belgileri: 22-81-38

Gazeti PDF görnüşinde ýükläp almak

Habarlar

Tehnikalar taýýarlyk hatarynda

Ýurt Garaşsyzlygy ýyllarynda ykdysadyýetiň beýleki pudaklary bilen birlikde oba hojalyk pudagynda hem düýpli özgerişlikler bolup geçdi. Pudaga ýolbaşçylyk edilişiniň kämilleşdirilmegi, daýhan birleşikleriniň giňden goldanylmagy, ýer eýeleriniň ýokary öndürijilikli zähmet çekmekleri üçin giň mümkinçilikleriň döredilmegi netijesinde ene toprakdan alynýan önümleriň möçberleri düýpli artdyryldy. Şonuň netijesinde ýurdumyzda ilaty zerur azyk önümleri bilen üpjün etmek wezipesi üstünlikli çözülýär. Hormatly Prezidentimiz pudagyň meselelerine uly döwlet syýasatynda ilkinji derejeli üns bermek bilen, möhüm çözgütleri kabul edýär. Oba hojalyk önümlerini öndürijilere tehnikalary we iş gurallaryny satyn almak üçin banklardan ýeňillikli, uzak möhletli karz serişdeleri uly möçberlerde berilýär. Şonuň netijesinde oba hojalygyna tehniki taýdan hyzmat edýän kärhanalaryň we daýhan birleşikleriniň tehnika parky düýpli täzelenýär. Bu bolsa kuwwatly tehnikalaryň daýhanlaryň hakyky daýanjyna öwrülmegini şertlendirdi. Hut biziň welaýatymyzyň ekerançylyk meýdanlarynda hem ABŞ-nyň, Germaniýanyň, Gollandiýanyň, Türkiýäniň we dünýäniň senagat taýdan ösen beýleki döwletleriniň meşhur kompaniýalarynda öndürilen ygtybarly we ýokary öndürijilikli tehnikalaryň güýjünden giňden peýdalanylýar. Ýeri gelende olara wagtly-wagtynda tehniki hyzmat etmek, abatlamak işleriniň üstünlikli ýola goýulýandygyny bellemek

11 Ýanwar 2021

Limonyň bereketli hasyly

Türkmen topragynda açyk asmanyň astynda, şeýle-de ýyladyşhana şertlerinde miweli baglaryň dürli görnüşleri yzygiderli ekilip, olardan bol hasylyň alynmagyna aýratyn üns gönükdirilýär. Bu ugurda welaýatymyzyň hojalyklarynda alnyp barylýan işler has-da guwandyrýar. Ak bugdaý etrabynyň Türkmenistanyň Gahrymany M.Sopyýew adyndaky oba hojalyk paýdarlar jemgyýetiniň zähmetsöýer bagbanlary hem saçagymyzyň bereket-bolçulygyna özleriniň saldamly goşantlaryny goşýarlar. Olar miweli baglaryň beýleki görnüşleri bilen bir hatarda, indi ençeme ýyllardan bäri ýyladyşhana şertlerinde limon baglaryny hem ýetişdirýärler.

10 Ýanwar 2021

Sahawatly topragyň nygmaty

Mukaddes Garaşsyzlygymyzyň şanly 30 ýyllyk toýuna barýan ýurdumyzda Gahryman Arkadagymyzyň oba hojalygyny düýpli özgertmek baradaky strategiýasy bilen baglylykda, Türkmenistanda oba senagat toplumyny diwersifikasiýa ýoly bilen ösdürmek we önümçilik kuwwatlyklaryny artdyrmak, pudagyň ähli ulgamlaryna iň döwrebap tehnikalary giňden ornaşdyrmak, gyzyklanma bildirýän daşary ýurtly hyzmatdaşlaryň ählisi bilen özara bähbitli hyzmatdaşlygy işjeňleşdirmek boýunça yzygiderli çäreler görülýär. Döwlet Baştutanymyzyň Kararyna laýyklykda, oba senagat toplumynyň tehniki binýadyny täzelemäge uly möçberde maliýe serişdeleri gönükdirilýär. Häzirki wagtda bu toplumyň üsti dünýäniň meşhur önüm öndürijileriniň döwrebap traktorlary, kombaýnlary, beýleki tehnikalary we enjamlary bilen ýetirilýär. Obasenagat toplumyny tehnika we tehnologiýa taýdan döwrebaplaşdyrmak pudagyň bäsdeşlige ukyplylygyny ýokarlandyrmaga, azyk howpsuzlygyny berkitmäge, ýokary hilli önümleri çykarmaga gönükdirilen giň möçberli özgertmeleriň esasy ugurlarynyň biri bolup durýar. Häzirki döwürde bu wezipeler Türkmenistanda sanly ykdysadyýeti ösdürmegiň Konsepsiýasy esasynda, hil taýdan täzeçil usulda ýerine ýetirilýär.

10 Ýanwar 2021

Üstünlik yhlasa bagly

Gyş paslynyň dowam edýän şu günlerinde Babadaýhan etrabynyň ekin meýdanlarynda hem gyşky meýdan işleri gyzgalaňly dowam edýär. Häzir etrabyň bugdaý meýdanlarynda ýaşajyk maýsalary mineral dökünler bilen iýmitlendirmek işleri giň gerimde alnyp barylýar. Bu işde etrapda öňdebaryjy hojalyklaryň biri bolan «Täze ýol» daýhan birleşiginiň zähmetsöýer gallaçy kärendeçileri has-da işjeňlik görkezýärler. Şu ýylyň galla hasyly üçin daýhan birleşigi boýunça jemi 4200 gektar meýdanda ekilen bugdaýyň ýaşajyk maýsaly atyzlaryna hojalyk boýunça däneçilik toparynyň 25-sinde ideg edilýär. Ideg işlerinde daýhan birleşiginiň Saparaly Annamyradow, Baýramsähet Narow, Orazmyrat Akorazow, Jeýhun Çaryýew, Orazmämmet Baýramgeldiýew, Daňatar Öwezow dagy tarapyndan ýolbaşçylyk edilýän toparlaryň zähmetsöýer gallaçy kärendeçileri has-da tapawutlanmagy başarýarlar. Üstünligiň yhlasa baglydygyna oňat düşünýän daýhan birleşiginiň zähmetsöýer gallaçy daýhanlary uly ösüşlere beslenip geçen 2020-nji ýyly hem zähmet üstünlikleri bilen jemlediler. Olar Watanymyzyň bereketli harmanyna guşgursak ak bugdaýyň 8565 tonnasyny tabşyryp, bu baradaky döwlet tabşyrygyny artygy bilen ýerine ýetirdiler. — Şu ýylyň hasyly üçin ak bugdaýyň «Batko», «Bagrat» we «Kalim» diýen görnüşlerini ekdik. Haýsy ekin bolsa bolsun, tapawudy ýok, ondan bereketli hasyl almak üçin turuwbaşdan oňat ideg etmeli, her bir agrotehniki çäräniň öz wa

10 Ýanwar 2021

Mallar dok we ýyly gyşladylýar

Mälim bolşy ýaly, gyş pasly janypkeş maldarlar üçin jogapkärli synag döwri hasaplanýar. Munuň şeýledigine oňat düşünýän lebaply dowardarlar bu möhüm möwsüme hemmetaraplaýyn ykjam taýýarlykly geldiler. «Oty köpüň — maly dok» diýen pähimden ugur alyp, welaýatyň maldarçylyk hojalyklarynyň agzybir işgärleri, çopandyr çoluklary dowarlar üçin ot-iýmleri taýýarlamakda bar bolan kaşarlarda we agyllarda göwnejaý abatlamak işlerini ýerine ýetirdiler. Ýerlerdäki guramaçylykly amala aşyrylýan işleriň netijesinde şu güne çenli welaýat boýunça bar bolan 8 sany maldarçylyk hojalyklarynda dürli görnüşli otlaryň 14 müňden gowrak tonnasy taýýarlandy. Bu bolsa borçnamalaýyn tabşyrygyň artygy bilen ýerine ýetirilendigini aňladýar. Taýýarlanylan şonça otuň 105 tonnasy ýorunja bedesi, 3267 tonnasy meýdan otlaryň bedesi, 10101 tonnadan gowragy iri baldakly otlar, 1337 tonnadan gowragy bolsa samanlardyr. Mundan başga-da, mallar üçin möhüm iýmit bolan arpanyň 59 tonnasy taýýar edildi. Welaýat oba hojalyk önümçilik birleşmesiniň maldarçylyk boýunça hünärmenleriniň aýtmaklaryna görä, taýýarlanan ot-iým gory maldarçylyk hojalyklarynda ideg edilýän 222,5 müňden gowrak dowary dok we ýyly gyşlatmaga mümkinçilik berýär. Şeýle hem gyş döwründe mallary abat, ýitgisiz we ýyly saklamak üçin welaýat boýunça ýyly kaşarlaryň 370-den gowragy, agyllaryň hem 113-si gözden geçirildi.

10 Ýanwar 2021

«Pendiniň» limony

Oba hojalygynyň girdejili pudaga öwrülmegi üçin işleri täzeçe gurap, diňe bir pagtaçylykdan, gallaçylykdan däl, eýsem, beýleki ekinlerden hem bol hasyl almagyň zerurdygyna Garaşsyzlygyň ilkinji ýyllarynda ymykly göz ýetiren Tagtabazar etrabynyň «Pendi» daýhan birleşiginiň ýolbaşçylary 1996-njy ýylda öňki ekýän ekinleriniň ýany bilen ýyladyşhana şertlerinde limon ýetişdirmäge hem synanyşyp görmegi ileri tutýan ugurlarynyň hataryna goşdular. Bölünip berlen ýerde limon ýetişdirmäge bolsa, daýhan birleşiginde iň bir zähmetsöýerleriň biri hökmünde özüni tanadan Gurbangeldi Jumagylyjow we onuň maşgala agzalary döwtalap boldular. Limonyň iň hasylly, geçginli sortundan saýlanyp, seçilip alnan 110 düýp nahala gowy garaşyk edilensoň, gününi sanap ösdi. Basym hasyla durdy.

10 Ýanwar 2021

Şalyçylykda adygan

Ýurdumyzyň demirgazyk welaýaty bolan Daşoguz welaýatynyň Saparmyrat Türkmenbaşy etraby pagta, bugdaý, gök we bakja önümleri bilen bir hatarda şalynyň hem bol hasylyny ýetişdirýär. Şaly ösdürip ýetişdirmek boýunça etrabymyzyň «27-nji oktýabr», S.A.Nyýazow adyndaky daýhan birleşikleri has-da tapawutlanýarlar. Bu hojalyklar ýylyň-ýylyna şalynyň bol hasylyny öndürip, ýurdumyzda azyk bolçulygyny döretmäge özleriniň saldamly goşantlaryny goşýarlar. Şaly öndürmek boýunça baý tejribe toplan ussat kärendeçiler etrabymyzda barmak büküp sanardan kän. Olaryň hatarynda «27-nji oktýabr» daýhan birleşiginiň kärendeçisi Toýly Halmyradowy aýtmak bolar. Bu kärendeçi özüniň 26 gektar kärende ýerinde 16 ýyldan bäri şalyçylyk işi bilen meşgullanýar. Ol özüniň baý iş tejribesi bilen ýylyň-ýylyna şertnamalaýyn borçnamany artygy bilen berjaý edýär. Geçen ýyl ol özüniň kärende ýerinde şalynyň ýerli toprak-howa şertlerine uýgunlaşan «Elenga», «Müňbaş» sortlaryny agrotehnikanyň talaplaryna laýyklykda ekip, ekilen şaly meýdanynda tekiz, oňat gögeriş gazanmagy başardy. Elbetde, şaly ösdürip ýetişdirmek, ýokary netijeleri gazanmak aňsat iş däl. Bu ugurda kärendeçiniň maşgala agzalary ýakyndan ýardam berýärler. Esasan hem, körpe ogly Ahmet hemişe kakasynyň ýanynda bolup, iş tejribesini artdyryp, kakasy ýaly ezber şalyçy bolup ýetişmek üçin ekişe taýýarlykdan başlap, hasyl ýygymyna çenli aralykda ähli zerur

10 Ýanwar 2021

Ýuwuş suwunyň netijeliligini ýokarlandyrmagyň usullary

Şorlaşan toprakda ýuwuş suwuny ýeriň gowy tekizlenen ýagdaýynda geçirmek akar suwlary tygşytly ulanmagyň we ýuwuş suwunyň hiliniň ýokary bolmagynyň esasy şertleridir. Gowy tekizlenen ýerde ýuwuş suwy geçirilende, ekinler üçin zyýanly duzlaryň ýuwulmagy 1,5-2 esse çaltlanýar we berilmeli suwuň möçberi hem tygşytlanýar. Şonuň bilen birlikde ýerleri gurplandyrmak üçin organiki hem-de mineral dökünleri ýeterlik derejede bermeli. Organiki we fosfor, kaliý dökünleriniň bir bölegi ýuwuş suwunyň öňüsyrasynda sürümiň aşagyna berlende, gowy netije berýär. Sürümiň aşagyna özünde çig tebigy fosfory, kükürdi we köp mukdarda mikroelementleri saklaýan dökünleýji meliorantlar berlende, ýuwuş suwunyň hiline oňaýly täsir edýär.

10 Ýanwar 2021

Saryja goýnuň ýüňi

Biziň ýurdumyzda milli buýsanjymyz bolan el halylaryny dokamak üçin, esasan, saryja goýnuň ýüňi ulanylýar. Ýarym irimçik, ak reňkli, uzyn sütükli, ýumşak, çeýeligi ýeterlik bolan saryja goýunlaryň ýüňi haly dokamak üçin bahasyna ýetip bolmajak gymmatly çig mal bolup hyzmat edýär. Dünýä belli türkmen halylarynyň berkligi, reňk aýratynlyklary, nagyşlarynyň aýdyňlygy gös-göni saryja tohumly goýunlaryň ýüňüniň hiline baglydyr. Türkmen halylary saryja goýnuň ýazky ýüňünden dokalýar. Uzak ýyllaryň dowamynda halk seçgiçiliginiň netijesinde döredilen saryja tohumly goýunlar özünde gymmatly biologiki hem hojalyk ähmiýetli aýratynlyklary jemleýär.

10 Ýanwar 2021

Gök ekinleriň ýaprak köwüjisi

Ýokary hilli hasyl almak üçin ekinleri zyýanberijilerden gorap saklamak esasy wezipeleriň biri bolup durýar. Gök ekinleriň ýaprak köwüjisi hem zyýanberijileriň biri bolup, ol ösümlikleriň 50 görnüşine, esasan, ot-iýmlik ösümliklere, aýratyn hem ýorunja, gawuna zyýan ýetirýär. Siňegi ownuk garamtyl sary bolup, ol 1,3 – 2,3 millimetr uzynlykda bolýar. Bu zyýanberijiniň bir ýaşyndaky gurçugy ilkibaşda reňksiz bolup, soňra ol açyk sary reňkden mämişi reňke geçýär. Gundak döwründe gyşlaýar.

10 Ýanwar 2021

Saman bäsleşigi

Ýaponiýa diňe bir tehnologiýa taýdan ösen ýurt bolup, onuň ilaty dürli görnüşli robotlary ýasamak bilen çäklenmän, eýsem, olar döredijilik bilenem meşgullanýarlar. Her ýyl Niigatanyň we Kagawanyň meýdançalarynda saman heýkelleriniň bäsleşigi geçirilýär. Ýaponiýanyň oba ýerlerinde şaly hasyly ýygnalandan soň, galan sypallar maldarçylyk hojalyklaryna ugradylýar. Birnäçe wagtdan soňra ugurtapyjy maldarlaryň kömegi bilen ondan dürli görnüşli ägirt uly haýwanlaryň heýkelleri ýasalýar. Ýapon daýhanlary bu pikiri şeýle bir goldadylar welin, döredijilik eserlerini görkezmek üçin tutuş bir baýramçylyk bäsleşigini guradylar. Bu bäsleşige ýylsaýyn Ýaponiýanyň dürli künjeginiň wekilleri öz eserlerini görkezmek üçin gatnaşýarlar. Munuň netijesinde dünýäniň dürli künjeklerinden jahankeşdeler döredilen ajaýyp heýkelleri görmek üçin bäsleşige gelýärler.

10 Ýanwar 2021

Goýun guzusyny almasa...

Dowardarçylyk bilen meşgullanýan adamlara körpejiň nämedigini düşündirip oturmagyň hajaty ýok. Körpeç — gyşyň ahyrynda, ýazyň başynda doglan owlak-guzulary sowukdan goramak üçin agylyň içinden gazylýan döle şekilli çukur. Onuň içine gijelerine ýaşajyk owlak-guzular salnyp goýulýar. Ýöne agylyň içinde körpeçden başga diňe bir goýun sygar ýaly gazylýan çukurlar hem bolýar. Oňa goýun körpeç ýa-da almazak çukur diýilýär. Käbir ýerlerde oňa egele, öwser, tüm hem diýilmesi bar. Almazak çukura guzusyny almaýan goýun guzusy bilen bile salynýar. Goýun dar ýerde guzusyny mejbury emdirmeli bolýar. Bir gije-gündiz çemesi wagt bile duransoňlar guzy bilen goýnuň ysy gatyşýar. Köplenç şondan soňra goýun guzusyny tanaýar we alýar.

10 Ýanwar 2021

Türkmen gawuny

Türkmen gawunlarynyň şan-şöhraty äleme meşhur. Olaryň halkara sergilerinde we ýarmarkalarynda ençeme ýokary sylaglara mynasyp bolmagy bu gadymy nygmatyň bakja ekin ýerlerinde dowamat dowam bolup gelýändigine aýdyň subutnamadyr. Güneşli Diýarymyzda suwarymly, sürümli, ýarym düme, düme, oýtak we sowma usullarda ýetişdirilýän türkmen gawunlary özleriniň hoştap tagamy bilen tapawutlanýarlar.

10 Ýanwar 2021

Abatlaýyş kärhanasynyň döwrebap işleri

Berkarar döwletiň bagtyýarlyk döwründe hormatly Prezidentimiziň taýsyz tagallalary bilen ýurdumyzyň oba hojalyk pudagynyň maddy-enjamlaýyn binýadyny berkitmek boýunça düýpli çäreler amala aşyrylýar. Şeýlelikde, bu ugra dahylly edara-kärhanalaryň döwrebaplaşdyrylmagy, önümçiliginiň kämilleşdirilmegi baradaky giň gerimli aladalar oňat netijeleri berýär. Bu bolsa olaryň pudagyň ösüşine goşant goşmakda öňlerinde goýlan wezipeleri üstünlikli berjaý etmeklerine oňaýly şertleri döredýär. Häzirki günlerde bu kärhanalarda «Türkmenistan — parahatçylygyň we ynanyşmagyň Watany» ýylynyň ýaz ekişine taýýarlyk görmegiň çäklerinde ekişde ulanyljak tehnikalary, ätiýaçlyk şaýlaryny abatlamak işleriniň hem depginigüýçlendirilýär.

8 Ýanwar 2021

Zähmetiň joşýan ýerinde

Ahmet Berdiýew tarapyndan ýolbaşçylyk edilýän Ýolöten etrabynyň „«Ýeňiş» daýhan birleşigi etrapda öňdebaryjy hojalyklaryň hatarynda tanalýar. Hojalykda ak ekiniň idegi, gant şugundyryny ýygnamak, gowaça ekmeli ýerleri ekişe taýýarlamak işleri yzygiderlilikde alnyp barylýar. Daýhan birleşiginiň gallaçy kärendeçileri Türkmenistan — Bitaraplygyň mekany ýylynyň orak möwsümini üstünlikli tamamlap, ýerlerini ekişe irgözünden taýýarlap goýdular. Şeýlelikde, güýz paslynyň ilkinji günlerinde 1100 gektar ýere «Biriň müňlesin!» diýen ýagşy umytlar bilen topraga tohum sepdiler. Ekişden soň agrotehnikanyň talaplaryna laýyklykda suw tutmak, iýmitlendiriş işlerini geçirmek işlerini yzygiderlilikde ýerine ýetirýärler. Şonuň netijesinde bu günki günde meýdan ýaşyl mahmala bürendi.

8 Ýanwar 2021

Gyş aladalary

Çillede ýagan gar, ata-babalarymyz aýtmyşlaýyn, ýere dökün bolsa-da, maldar üçin käbir kynçylyklary döredýär. Sebäbi ol Nowruz gary ýaly aňsat eräp gidibermeýär. Öri meýdanlaryny, hatda iri çöplerine çenli örten gar ýene-de asmana garap, «entäkler gitmerin» diýip dur. Şonuň üçin Lebap welaýatynyň Garagumda we Gyzylgumda mal bakýan çopan-çoluklaryna goşmaça adam güýçleri we tehnikalar berkidildi. Welaýat maldarçylyk birleşigine degişli bolan 8 sany maldarçylyk hojalygynyň hasabynda jemi 222 müňe golaý dowar bolmak bilen, olaryň 100 müňden gowragy ene goýunlardyr. Eýýäm agralyp başlan ene goýunlar ýyly kaşarlara geçirildi. Gyşdan öň kemsiz abatlanyp, ätiýaçlyk otlar bilen üpjün edilen 373 sany kaşardyr agyl mallary ýyly gyşlatmagy üpjün edýär. Meýdan otlaryndan taýýarlanan küdelerde kaşarlaryň ýakynynda ýerleşdirilipdir. Gury oty köp iýen malyň suwa bolan talaby-da güýçli bolýar. Şonuň üçin her gün mallar guýynyň ýyly suwundan gandyrylýar. «Lebapörisuw» kärhanasynyň hünärmenleri bolsa ähli guýulara wagtly-wagtynda aýlanyp, olaryň kadaly işlemegi üçin tagalla edýärler. — Gyşyň häzirki ýaly doňaklyk döwründe guýynyň ýyly suwy, aýratyn-da, ene mallar üçin zerurlyk. Suwy wagtynda bermän, gijikdirseň, mallar doňan gary ýalap başlaýar. Bu bolsa, ilkinji nobatda, bogaz mala zyýan edýär — diýip, guýy ussasy Jumamyrat Ahmedow gürrüň berýär. Hakykatdan-da, 40 — 50 metr çuňlukdan çyk

8 Ýanwar 2021

Halal zähmet — rysgal-döwlet (Şa serpaýynyň eýesi)

Rysgal-döwleti ene topraga hyzmat edip tapýan daýhanlaryň zähmet tejribesi, görüm-göreldesi halkymyzda gadymy kär bolan daýhançylyk kärini dowam etdirjek ýaş nesillerimize nusga, ýörelge bolup durýar. Biziň gürrüňini etjek zähmetsöýer daýhanymyz hem şeýle adamlaryň biri. Oňa Ýagmyrgeldi Bagşyýew diýýärler. Ol Babadaýhan etrabynyň «Türkmenistan» daýhan birleşiginiň kärendeçisi. Bäş gektara ýaýylyp ýatan ýaşajyk maýsaly atyzlara mähirli nazaryny gönükdiren Ýagmyrgeldi ýigrimi bäş ýyl mundan öňki ömür pursatlaryny ýatlatdy. Ol kär meselesinde ýaýdanyp durmandyr. Garawekil obasynda ýerleşýän 4-nji orta mekdebi tamamlandan soň, obada galyp, daýhançylyk bilen meşgullanmak maksadynyň bardygyny aýdanynda on bir çagany ösdürip, terbiýeläp kemala getiren ejesi — Bike eje-de, kakasy Bagşy aga-da garşy bolman, gaýta ikelläp goldapdyrlar. Ogluny ünsli diňlän Bagşy aga şonda:

7 Ýanwar 2021

Ekin dolanyşygy

Berkarar döwletimiziň bagtyýarlyk döwründe ýurdumyz dünýäniň çalt depginler bilen ösýän döwletleriniň hataryna goşuldy. Ykdysadyýetimiziň beýleki ugurlary bilen bir hatarda, agrosenagat pudagyna aýratyn üns berilýär. Çünki oba hojalyk pudagyny ösdürmek döwletimiziň ykdysady binýadyny berkitmek bilen aýrylmaz baglanyşyklydyr. Hormatly Prezidentimiziň baştutanlygynda oba hojalyk pudagynda alnyp barylýan düýpli özgertmeler, oýlanyşykly kabul edilýän çözgütler ýurdumyzda azyk bolçulygyny üpjün etmäge hem-de sahawatly topragymyzda öndürilýän ýokary hilli önümleriň daşary ýurtlara iberilýän möçberini artdyrmaga mümkinçilik berýär. Oba hojalygynda ylmy taýdan esaslandyrylan ekin dolanyşygy talabalaýyk we ekinleriň görnüşlerine görä ýola goýlanda gowaçadan, bugdaýdan, şalydan, gök-bakja we beýleki ekinlerden ýokary hasyl almaga mümkinçilik döredýär.

7 Ýanwar 2021

Işler ýaýbaňlandyrylýar

Ýaz ekişi geçiriljek meýdanlarda irki möhletlerde sürüm işleriniň geçirilmegini gazanmak möhüm daýhançylyk çäreleriniň biridir. Şundan ugur alýan Bäherden etrabynyň oba zähmetkeşleri şu günler gowaça ekiljek meýdanlarda sürüm işlerini guramaçylykly alyp barmak bilen, onuň agrotehniki möhletlerde tamamlanmagyna aýratyn ähmiýet berýärler. “Türkmenistan — parahatçylygyň we ynanyşmagyň Watany” ýylynda etrap boýunça 12 müň 550 gektar meýdanda gowaça ekişini geçirmek meýilleşdirilýär. Şeýle bolansoň, häzirki günlerde meýdan işleriniň depginine we hiline uly üns gönükdirilýär. Bu işe etrabyň Tehniki hyzmat ediş kärhanasynyň tejribeli mehanizatorlarynyň işjeň çekilmegi sürümiň ýaýbaňlandyrylan depginde dowam etmegine şert döredýär.

7 Ýanwar 2021

Bagbanlaryň gyş aladalary

Hormatly Prezidentimiziň taýsyz tagallalarynyň netijesinde ýurdumyzyň beýleki pudaklary bilen bir hatarda oba hojalyk pudagynda uly ösüşler gazanylýar. Gahryman Arkadagymyz oba hojalygyny tehnika, tohum we dökün bilen üpjün etmek, önümleriň öndürilişini artdyrmak, daýhanlaryň ýaşaýyş-durmuş şertlerini mundan beýläk-de gowulandyrmak maksady bilen, möhüm çözgütleri we il-ýurt bähbitli taryhy ähmiýetli kararlary yzygiderli kabul edýär. Ýurdumyzyň toprak-howa şertleri miweli baglaryň dürli görnüşlerini ösdürip ýetişdirmäge amatlydyr. Diýarymyzyň güneşinden ganan miwelerimiz datlylygy, göze ýakymlylygy bilen tapawutlanýar. Miweli baglardan bol hasyl almak üçin olara wagtly-wagtynda agrotehniki talaplara laýyklykda ideg etmek zerurdyr. Gyş aýlary miweli baglaryň sütünlerini agartmak, daş-töwereklerini, hatararalaryny haşal otlardan arassalamak, sürüm, agaçlaryň aşaklaryny el güýji bilen agdarmak, agaçlary kesip timarlamak, gyş suwuny tutmak işleri geçirilýär.

6 Ýanwar 2021

‹
1
2
...
196
197
198
199
200
201
202
203
204
›