"Biznes reklama" gazeti

Esaslandyryjysy: Türkmenistanyň söwda we daşary ykdysady aragatnaşyklar ministrligi
Salgysy: Aşgabat şäheri, Bitarap Türkmenistan şaýoly 101/1
Telefon belgileri: 21-97-19, 21-97-61

Gazeti PDF görnüşinde ýükläp almak

Habarlar

Türkmenistan Bütindünýä Söwda Guramasyna agza bolmak üçin işewürlik gollanma taýýarlady

Türkmenistanyň Bütindünýä Söwda Guramasyna goşulmak işini we netijelerini düşündirmäge gönükdirilen toplumlaýyn işewürlik gollanmasy üç dilde taýýarlanyldy. Hususy pudagyň wekillerine niýetlenilen işiň taýýarlanylyşyna Türkmenistanyň Maliýe we ykdysadyýet ministrligi bilen Halkara Söwda Merkeziniň hünärmenleri gatnaşdylar. Işewürlik gollanmasynda Bütindünýä Söwda Guramasyna agza bolmagyň esasy ugurlary, onuň ykdysadyýetiň dürli ulgamlaryna ýetirýän täsiri jikme-jik düşündirilýär. Sebitiň we dünýäniň söwda gatnaşyklaryna ýurdumyzyň işjeň gatnaşmagyny şertlendirjek bu başlangyç Halkara Söwda Merkeziniň «Türkmenistan: söwdanyň durnuklylygy we baglanyşyk» taslamasynyň çäklerinde alnyp barylýar. Bu iş Bütindünýä Söwda Guramasy baradaky esasy maglumatlardan başlap, onuň eksport edijiler üçin döredýän anyk bähbitli taraplary we intellektual eýeçiligi goramagyň düzgünleri ýaly giň ugurdaky meseleleri öz içine alýar.

17 Noýabr 2024

Hyzmatdaşlyk

Türkmenistanyň söwda toplumy «BHARAT TEX 2024» halkara sergisine çagyrylýar

Has anyk aýtsak, Türkmenistanyň Dokma senagaty ministrligi, Söwda-senagat edarasy, şeýle hem Senagatçylar we telekeçiler birleşmesi Hindistanyň Nýu-Deli şäherinde geçiriljek «BHARAT TEX 2024» halkara sergisine gatnaşmaga çagyrylýar. Hindistanyň Dokma senagaty ministrligi tarapyndan guralýan halkara forum 2025-nji ýylyň 14 — 17-nji fewraly aralygynda geçiriler. Halkara forum bilim sessiýalary, edara ýolbaşçylarynyň gatnaşmagynda tegelek stol maslahatlary, hökümet we işewürlik derejesinde duşuşyklaryň giň toplumyny öz içine alýar. Sergi dürli sessiýalar, duşuşyklar, täze önümleri tanyşdyrmak, özara düşünişmek hakynda ähtnamalary hem-de eksport-import ugurly şertnamalar baglaşmak üçin möhüm meýdança bolup çykyş eder. Halkara çäräniň kompaniýalaryň ýolbaşçylaryna, halkara wekillere we satyn alyjylara önümleriň we hyzmatlaryň gerimini giňeltmekde giň mümkinçilikleri hödürlejekdigi ikuçsuzdyr.

17 Noýabr 2024

Hyzmatdaşlyk

Britaniýanyň uniwersitetleri Türkmenistan bilen hyzmatdaşlygy çuňlaşdyrmaga gyzyklanma bildirýärler

Britaniýanyň uniwersitetleri Türkmenistan bilen hyzmatdaşlygy giňeltmäge barha köp gyzyklanma bildirýärler. Bu barada Britaniýanyň Gündogar Ýewropa we Merkezi Aziýa eksport boýunça sebitleýin direktory Sara Çiji Türkmenistanyň bilim ministriniň orunbasary Azat Ataýew bilen penşenbe güni Aşgabat şäherinde bolan duşuşygynda aýtdy. Bu barada Türkmenistanyň Bilim ministrligi habar berýär. «Britaniýanyň birnäçe uniwersitetleri, şol sanda Westminster uniwersiteti Türkmenistan bilen hyzmatdaşlygy giňeltmäge we ýokary bilim ulgamynda bilim hyzmatlaryny hödürlemäge gyzyklanma bildirýär» diýip, S.Çiji aýtdy.

17 Noýabr 2024

Hyzmatdaşlyk

«International Mobility Show» halkara sergisi dowam edýär

17-nji noýabrda Germaniýanyň Gannower şäherinde «IAA Mobility» sergisi öz işine başlady. Sergini synlamaga barýanlar iň täze önümleriň ýaýbaňlandyrylan diwarlyklaryny ýakyndan synlamaga mümkinçilik alýarlar. Has takygy, «International Mobility Show» formatda geçirilýän bu çäre jübüt ýyllarda guralýan «IAA Transportation» hem-de täk ýyllarda guralýan «IAA Mobility» atly iki sany sergiden ybaratdyr.

17 Noýabr 2024

Hyzmatdaşlyk

Germaniýada «Medica» ady bilen halkara sergi geçirildi

Şu ýylyň 11 — 14-nji noýabry aralygynda Germaniýanyň Dýusseldorf şäherinde «Medica» ady bilen halkara lukmançylyk sergisi geçirildi. Adyndan hem belli bolşy ýaly, bu halkara sergä 72 ýurtdan 5800 sany saglygy goraýyş hem-de lukmançylyk ulgamynda iş alyp barýan kompaniýanyň wekilleri gatnaşdylar. Sergä 80 müňden gowrak gyzyklanýan adamlar myhman hökmünde baryp gördüler.  Sergä gatnaşyjylar iň häzirki zaman saglygy anyklaýyş IT tehnologiýalary, fizioterapiýa hem-de ortopedik enjamlary we innowasion saglyk önümleriniň giň toplumy bilen tanyşdyryldy. Şeýle-de olar bu pudakda gazanan iş tejribeleri dogrusynda pikir alyşdylar.

17 Noýabr 2024

Hyzmatdaşlyk

Halkara söwda ýarmarkasy tamamlandy

Şu ýylyň 12 — 15-nji noýabry aralygynda Germaniýanyň Mýunhen şäherinde «Semicon Europa» atly ýarymgeçirijileriň önümçiligine bagyşlanan halkara söwda ýarmarkasy geçirildi. Bu uly ýarmarka dünýäde mikro we nano-elektronika pudagyny ösdürmek ugrunda ýöriteleşen «SEMI Global» senagat kompaniýasy tarapyndan guraldy. Oňa Ýewropa ýurtlarynyň ýarymgeçiriji we mikroelektronika pudagynda iş alyp barýan iň öňdebaryjy kompaniýalary gatnaşdylar. Söwda ýarmarkasynyň dowamynda tanyşdyrylan PV ulgamlary, Gün panelleri we displeýleri ýaly häzirki zaman tendensiýalaryň giň görnüşi sergä gelenleriň üns merkezinde boldy. Mýunhen söwda ýarmarkasynyň aýratynlygy, ekologiýa taýdan arassa binagärlik işlerinde täze sanly innowasiýalary ornaşdyrmakdan, olary tygşytly peýdalanmakda täzeçe çemeleşmeleriň giň mümkinçilikleri bilen tanyşdyrmakdan ybaratdyr.

17 Noýabr 2024

Hyzmatdaşlyk

«Offshore Energy 2024» atly deňiz energiýa önümleriniň halkara sergisi geçiriler

2024-nji ýylyň 26-27-nji noýabrynda Niderlandlaryň Amsterdam şäherinde «Offshore Energy 2024» atly deňiz energetikasyna bagyşlanan halkara sergi geçiriler. Her ýylda geçirilýän bu sergide deňiz ýel elekrik stansiýalary, wodorod, gazylyp alynýan ýangyç, gaýtadan dikeldilýän energiýa çeşmeleriniň giň görnüşi tanyşdyrylýar. Bu ugurda iş alyp barýan kompaniýalar, işewürler halkara çärede ýöriteleşdirilen platformalar bilen tanşyp, özara iş tejribesini paýlaşmaga mümkinçilik alýarlar. Nobatdaky geçiriljek halkara serginiň dowamynda dürli çäreleri hem-de deňiz pudagy bilen bagly konferensiýany geçirmek göz öňünde tutulýar.

17 Noýabr 2024

Hyzmatdaşlyk

Sanly geljek şu günden başlanýar

Onuň ösüş meýilleri we mümkinçilikleri «Türkmentel — 2024» forumynyň gün tertibinde Paýtagtymyzda dowam edýän telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel — 2024» atly XVII halkara sergisiniň çäginde geçirilýän ylmy maslahat düýn öz işini üstünlikli tamamlady. Mowzuklaýyn mejlisleriň üçüsinde oňa gatnaşyjylar kommunikasiýalaryň geljekki mümkinçilikleri, hemra tehnologiýalary, etiki, inklýuziw sanly jemgyýetleri döretmek ýaly şu günüň möhüm meselelerini ara alyp maslahatlaşyp, olar boýunça öz pikir-garaýyşlaryny, tekliplerini beýan etdiler. Umuman, iki günüň dowamynda 40-a golaý wekiliň çykyşy diňlenip, munuň özi telekommunikasiýa pudagynda ýetilen sepgitler bilen tanyşmak, öňdebaryjy kompaniýalaryň durmuşa geçirýän işleri barada esasy hünärmenlerden ygtybarly maglumatlary almak, intellektual innowasiýalara daýanýan sanly geljege nazar aýlamak üçin örän amatly mümkinçilik boldy.

16 Noýabr 2024

Hyzmatdaşlyk

GDA-nyň ýolgurluşyk düzüminiň mejlisi

Düýn paýtagtymyzda Garaşsyz Döwletleriň Arkalaşygynyň Ýolçularynyň hökümetara geňeşiniň 48-nji mejlisi geçirildi. Türkmenistanyň Awtomobil ýollarynyň gurluşygyny dolandyrmak baradaky döwlet agentliginiň GDA-nyň Ýerine ýetiriji komiteti bilen bilelikde utgaşykly görnüşde guran çäresine Türkmenistanyň, Ermenistanyň, Belarusuň, Gazagystanyň, Gyrgyzystanyň, Russiýanyň, Täjigistanyň, Özbegistanyň ýol, ulag we ylmy-barlag edaralarynyň, beýleki goňşy ýurtlaryň kompaniýalarynyň wekilleri gatnaşdylar. GDA-nyň Ýolçularynyň hökümetara geňeşiniň başlygy B.Karimow öz çykyşynda nobatdaky duşuşygyň GDA ýurtlarynda awtomobil we ýol-ulag düzümleriniň netijeli ulanylmagyna degişli möhüm meseleleri ara alyp maslahatlaşmak üçin möhüm meýdança bolup durýandygyny belledi. 1992-nji ýylda döredilen bu geňeş döwlet-hususy hyzmatdaşlygyň çäklerinde GDA gatnaşyjy ýurtlaryň ýol-ulag edaralaryny we işewürlerini birleşdirýän, üznüksiz halkara awtomobil gatnawlarynyň, ulag düzümleriniň ösdürilmegine ýardam edýän guramadyr. Ol Arkalaşygyň degişli edaralarynyň arasynda hyzmatdaşlygy ilerletmekde, möhüm meseleleri çözmekde ygtybarly utgaşdyryjy edara bolup çykyş edýär. GDA-nyň Baş sekretarynyň orunbasary I.Nematow Arkalaşygyň çäklerindäki hyzmatdaşlyk meselelerinde Türkmenistanyň başlangyçly orun eýeleýändigini, ykdysady we ynsanperwer-medeni maksatnamalara işjeň gatnaşýandygyny aýratyn nygtady. Ş

16 Noýabr 2024

Hyzmatdaşlyk

Türkmenistan — ÝUNESKO: köpugurly hyzmatdaşlyk ilerleýär

Berkarar döwletiň täze eýýamynyň Galkynyşy döwründe Türkmenistan halkara guramalar bilen köpugurly hyzmatdaşlygy giňeldýär. Şunda umumy medeni giňişligi döretmekde, medeniýetleriň arasyndaky gatnaşyklary ösdürmekde Birleşen Milletler Guramasynyň Bilim, ylym we medeniýet meseleleri boýunça guramasy (ÝUNESKO) bilen gatnaşyklary täze derejä çykarmak babatda netijeli işler alnyp barylýar. Adamzadyň döreden maddy we ruhy gymmatlyklarynyň nesilden-nesle geçirilýän bölegi medeni mirasy emele getirýär. Häzirki döwürde şol mirasy goramak wezipesi ÝUNESKO-nyň paýyna düşýär. 1945-nji ýylyň 16-njy noýabrynda döredilen abraýly halkara gurama tarapyndan milli mirasymyzyň ajaýyp nusgalarynyň ençemesi umumadamzat gymmatlygy hökmünde ykrar edildi. Türkmenistan 1993-nji ýylda ÝUNESKO-nyň doly hukukly agzasy boldy. Şondan bäri geçen döwürde ýurdumyz bu guramanyň halkara medeni hyzmatdaşlygy we gatnaşyklary ösdürmäge gönükdirilen taslamalaryna hem-de maksatnamalaryna gatnaşyp, özüni işjeň hyzmatdaş hökmünde görkezdi.

15 Noýabr 2024

Hyzmatdaşlyk

Ösüşe ýol açýan tehnologiýalar

Iň häzirki zaman hem-de kämil aragatnaşyk enjamlary, geň-täsin tehnologiýalar, täze programmalardyr beýleki innowasiýalar her bir adamyň we tutuş jemgyýetiň durmuşyny özgerdýär. 14-nji noýabrda paýtagtymyzdaky Söwda-senagat edarasynyň binasynda ýaýbaňlandyrylan telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel — 2024» atly XVII halkara sergisinde ylmy-tehniki öňegidişligiň innowasion işläp taýýarlamalary tanyşdyryldy. 16-njy noýabra çenli dowam edýän serginiň diwarlyklarynda sanly ykdysadyýet, kiberhowpsuzlyk, maglumat goraglylygy, telekommunikasiýa, maglumat we kompýuter tilsimatlary, hemra aragatnaşyk ulgamynyň enjamlary, öýjükli aragatnaşygyň 5G ülňüleri ýaly ugurlarda gazanylan öňegidişlikler görkezilýär. Bizem halkara foruma gatnaşyjylar bilen söhbetdeşlikde ünsümizi çeken täzeçil çözgütleriňdir taslamalaryň käbirleri barada ýazga geçiren maglumatlarymyzy okyjylara ýetirmegi makul bildik. Doktor Ilhami AÝGÜN,«Space Systems International — Monaco S.A.M» kompaniýasynyň baş direktory:

15 Noýabr 2024

Hyzmatdaşlyk

“Ozon” Türkmenistanda satuwlary ýola goýmak boýunça gepleşikleri geçirýär

Russiýanyň “Ozon” elektron söwda platformasy Türkmenistanda satuwlaryny ýola goýmak boýunça türkmen hyzmatdaşlary bilen gepleşikleri işjeň alyp barýar. Bu barada kompaniýanyň metbugat-sekretary Kristina Topalowa Aşgabatda geçirilýän telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň “Türkmentel-2024” atly XVII halkara sergisinde hem-de ylmy maslahatynda mälim etdi. Bu barada Türkmenistanyň resmi metbugaty habar berýär.  K.Topalowanyň sözlerine görä, kompaniýa ýakyn wagtda täze bazarda öz hyzmatlaryny hödürlemäge başlamaga umyt bildirýär. “Ozon” GDA giňişliginde iň iri internet magazinleriň biri bolup, dürli ulgamlara degişli 370 milliondan gowrak harytlary hödürleýär” diýip, kompaniýanyň metbugat-sekretary aýtdy. 

15 Noýabr 2024

Hyzmatdaşlyk

Türkmenistan «Orta Wolga – Hazar deňzi» atly halkara söwda-logistika forumyna gatnaşar

Türkmenistanyň işewür toparlarynyň wekilleri «Orta Wolga – Hazar deňzi» atly halkara söwda-logistika forumyna gatnaşarlar. Bu çäre «Russiýada işewür ýagdaýy» atly işewür forumyň çäginde 5-6-njy dekabrda Russiýa Federasiýasynyň Ulýanowsk şäherinde geçiriler.  Forum Ulýanowsk şäheriniň hökümeti we «Afanasiý Nikitin» assosiasiýasy tarapyndan guralýar. Foruma gatnaşýanlaryň arasynda öňdebaryjy logistika we ulag kompaniýalary, şol sanda deňiz, demir ýol, derýa ýol gatnawyny hem-de günorta ýurtlaryna howa gatnawyny üpjün edýän; gämi eýeleriniň, port we demir ýol terminallaryny dolandyryjylaryň, şeýle hem serhetara maliýe logistikasy bilen meşgullanýan kompaniýalaryň wekilleri bar. Forum Russiýa bilen Hazar sebiti ýurtlarynyň arasynda söwda we ykdysady hyzmatdaşlygy ösdürmäge gönükdirilendir.

15 Noýabr 2024

Hyzmatdaşlyk

«Türkmentel — 2024»: Tehnologiýalar. Sanly ulgam. Hyzmatdaşlyk

Düýn paýtagtymyzda öz işine başlan Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel — 2024» atly XVII halkara sergisi we ylmy maslahat ýokary guramaçylyk derejesi bilen tapawutlanýar. Halkara forumda ýurdumyzyň telekommunikasiýa ulgamynyň häzirki zaman ösüşi, milli aragatnaşygyň geljegi uly taslamalary, maglumat tehnologiýalary pudagynda durmuşa ornaşdyrylýan sanly hyzmatlar ara alnyp maslahatlaşylýar. Şeýle hem nobatdaky gözden geçirilişde ýurdumyzyň döwlet edara-kärhanalarynyň, hususy düzümleriň, hyzmatdaş daşary ýurt kompaniýalarynyň öndürýän önümleri we ýerine ýetirýän hyzmatlary tanyşdyrylýar. Halkara forum sanly ykdysadyýet, «akylly» hem-de emeli aň tehnologiýalary, «Elektron hökümet», emeli hemra, ýokary tizlikli internet ulgamy ýaly tehniki we tehnologik ösüşiň dünýä ýüzünde ýörgünli bolan ugurlarynda ýurdumyzyň gazanan tejribesine aýdyň göz ýetirmäge mümkinçilik berýär. Munuň özi milli telekommunikasiýa ulgamyny döwrebaplaşdyrmaga, onuň gazananlaryny ykdysady pudaklaryň işine ornaşdyrmaga, mahlasy, innowasion özgertmeleriň esasynda köptaraplaýyn ösüşi gazanmaga gönükdirilendir. Milli aragatnaşygyň ösüş depgini ýokary

15 Noýabr 2024

Hyzmatdaşlyk

Äh­lu­mu­my ösü­şiň bäh­bi­di­ne — bi­le­lik­de

Gazetimizde ozal hem habar berşimiz ýaly, 22 — 24-nji oktýabrda hormatly Prezidentimiz Serdar Berdimuhamedow XVI BRICS sammitine gatnaşmak üçin Russiýa Federasiýasynyň Tatarystan Respublikasyna iş saparyny amala aşyrdy. 24-nji oktýabrda döwlet Baştutanymyz «BRICS goşmak»/«autriç» formatyndaky XVI BRICS sammitine hormatly myhman hökmünde gatnaşyp, çykyş etdi. Rus­si­ýa Fe­de­ra­si­ýa­sy­nyň Pre­zi­den­ti Wla­di­mir Pu­tin «Ada­lat­ly äh­lu­mu­my ösü­şiň we howp­suz­ly­gyň bäh­bi­di­ne köp­ta­rap­ly­ly­gyň pug­ta­lan­dy­ryl­ma­gy» şy­ga­ry as­tyn­da, gu­ra­ma­da Rus­si­ýa­nyň baş­lyk­lyk et­me­gi­niň çäk­le­rin­de ge­çi­ril­ýän XVI BRICS sam­mi­ti­ne gat­na­şy­jy­la­ry hem-de hor­mat­ly myh­man­la­ry mä­hir­li mü­bä­rek­läp, öz ne­ti­je­li­li­gi­ni gör­ke­zen «BRICS goş­mak»/«aut­riç» for­ma­ty­nyň gu­ra­ma ag­za ýurt­lar bi­len hyz­mat­daş­la­ra açyk dia­log üçin müm­kin­çi­lik ber­ýän­di­gi­ni nyg­ta­dy. Soň­ra mej­li­se gat­na­şy­jy­la­ra söz be­ril­di. Şo­la­ryň ha­ta­ryn­da GDA ýurt­la­ry­nyň, Azi­ýa, Af­ri­ka, Ýa­kyn Gün­do­gar we La­tyn Ame­ri­ka­sy döw­let­le­ri­niň Li­der­le­ri, şeý­le hem BRICS bi­len has ýa­kyn gat­na­şyk­la­ry ýo­la goý­ma­ga gy­zyk­lan­ma bil­dir­ýän hal­ka­ra gu­ra­ma­la­ryň ýe­ri­ne ýe­ti­ri­ji eda­ra­la­ry­nyň ýol­baş­çy­la­ry bar.

14 Noýabr 2024

Hyzmatdaşlyk

Aş­ga­bat­da­ky kö­pu­gur­ly fo­rum

gur­lu­şyk, se­na­gat, ener­ge­ti­ka pu­dak­la­ry­nyň ga­za­nan­la­ry­ny şöh­le­len­dir­di Ýurdumyzyň Söwda-senagat edarasy, Senagat we gurluşyk önümçiligi ministrligi, «Türkmen energiýa forum» hojalyk jemgyýeti tarapyndan bilelikde guralan «Türkmenistanyň gurluşygy, senagaty, energetikasy — 2024» atly halkara sergi hem-de «Türkmenistanyň gurluşyk, senagat, energetika pudaklarynyň ösüşi» atly maslahat senagat we gurluşyk toplumynyň işgärleriniň hünär baýramçylygyna bagyşlandy.

14 Noýabr 2024

Hyzmatdaşlyk

Se­bi­ta­ra mas­la­hat

Döw­let­mäm­met Aza­dy adyn­da­ky Türk­men mil­li dün­ýä dil­le­ri ins­ti­tu­ty­nyň bin­ýa­dyn­da he­re­ket ed­ýän «Pa­ra­hat­çy­lyk dil­le­ri» at­ly ÝUNESKO klu­bun­da on­laýn gör­nüş­de «Mag­tym­gu­ly Py­ra­gy — asyr­la­ryň paý­ha­sy» at­ly se­bi­ta­ra mas­la­hat ge­çi­ril­di. Ony ÝU­NES­KO-nyň iş­le­ri ba­ra­da Türk­me­nis­ta­nyň mil­li to­pa­ry­nyň sek­re­ta­ria­ty hem-de Türk­me­nis­ta­nyň Ze­nan­lar bir­le­şi­gi­niň Mer­ke­zi ge­ňe­şi bi­le­lik­de gu­ra­dy. Gah­ry­man Ar­ka­da­gy­my­zyň baş­lan­gy­jy hem-de hormatly Prezidentimiziň gol­daw­la­ry esa­syn­da ama­la aşy­ryl­ýan iş­ler aja­ýyp mi­we­si­ni-de ber­ýär, şeý­le ta­gal­la­la­ryň ne­ti­je­sin­de, tu­tuş dün­ýä­de akyl­dar şa­hy­ryň dö­re­di­ji­lik mi­ra­sy­nyň muş­dak­la­ry­nyň sa­ny bar­ha art­mak bi­len. On­laýn gör­nüş­de ge­çi­ri­len se­bi­ta­ra mas­la­hat bu ha­ky­ka­tyň ýe­ne bir ýo­la ýü­ze çyk­ma­sy bol­dy. Onuň işi­ne ýur­du­my­zyň bi­lim we jem­gy­ýet­çi­lik we­kil­le­ri bi­len bir ha­tar­da dost­luk­ly döw­let­ler­den ta­ny­mal mag­tym­gu­ly­şy­nas­lar gat­naş­dy­lar.

14 Noýabr 2024

Hyzmatdaşlyk

«Türkmentel — 2024» atly XVII halkara sergi hem-de ylmy maslahaty öz işine başlady

Şu gün Aşgabatda maglumat tehnologiýasy pudagyndaky iň uly halkara çäreleriň biri – XVII halkara sergi we «Türkmentel-2024» atly ylmy maslahaty öz işine başlady. Bu çäre dünýäniň öňdebaryjy hünärmenlerini, programma üpjünçiligini döredijileri we telekommunikasiýa enjamlaryny öndürijileri bir ýere jemlemek we tejribe alyşmak üçin möhüm platforma bolar. Çärede aşakdaky ugurlara we bölümlere aýratyn üns berler:

14 Noýabr 2024

Hyzmatdaşlyk

Türkmenistan Ulýanowskide geçiriljek halkara söwda-logistika maslahatyna gatnaşar

Türkmenistan “Russiýada işewürlik gurşawy” işewürlik forumynyň çäklerinde 2024-nji ýylyň 5-nji dekabarynda Ulýanowsk şäherinde geçiriljek “Orta Wolga – Hazar” atly halkara söwda-logistika maslahatyna gatnaşar. Ol Ulýanowsk oblastynyň häkimiýeti we “Afanasiý Nikitin” birleşigi tarapyndan guralýar.  Bu çäre Russiýanyň we Hazarýaka sebitiniň ýurtlarynyň, şol sanda Türkmenistanyň, Eýranyň, Azerbaýjanyň we Yragyň arasynda söwda-ykdysady gatnaşyklary ösdürmäge gönükdirilendir. Orta Wolga derýa portlaryndan Pars aýlagyna ýükleriň göni daşalmagyny üpjün edýän Demirgazyk – Günorta ulag geçelgesiniň taslamasy maslahatyň esasy meseleleriniň biri bolar. Bu çäre söwda gatnaşyklary logistik desgalaryň işini berkitmekde möhüm ädimdir. 

14 Noýabr 2024

Hyzmatdaşlyk

Türkmenistan-Gyrgyzystan: Hazaryň üstünden Ýewropa çykjak täze geçelgäni döretmek maslahatlaşyldy

Türkmenistan bilen Gyrgyzystan Hazar deňzi arkaly Merkezi Aziýany Ýewropa bazarlary bilen baglanyşdyrýan täze ulag geçelegesini döretmegi ara alyp maslahatlaşdylar.  Gyrgyz Respublikasynyň Hökümetiniň metbugat gullugynyň habar bermegine görä, bu meselä Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýewiň Gyrgyz Respublikasynyň Ministrler Kabinetiniň Başlygynyň orunbasary, suw serişdeleri, oba hojalyk we gaýtadan işleýän senagat ministri Bakyt Torobaýew bilen çarşenbe güni sanly ulgam arkaly geçiren duşuşygynda garaldy. 

14 Noýabr 2024

Hyzmatdaşlyk