"Türkmenistanyň Prezidentiniň Metbugat çapary" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-09, 38-61-11, 38-61-12
Email: metbugatchapary-gazeti@online.tm

Habarlar

Sebit hyzmatdaşlygynda täze başlangyçlar

Türkmen halkynyň hoşniýetli goňşuçylyk gatnaşyklary milli medeniýetiň döwletli ýörelgeleriniň biridir. Baky Bitarap Türkmenistanyň dünýä giňişliginde we sebitde dostlukly, hoşniýetli goňşuçylyk gatnaşyklaryny, özara peýdaly hyzmatdaşlygy üpjün etmek ugrundaky tagallalary halkymyzyň asyrlarboýy ýöredip gelýän şol milli ýörelgelerinden gözbaş alýar. BMG-niň Baş Assambleýasy tarapyndan, türkmen tarapynyň başlangyjy bilen «Parahatçylygyň kepili hökmünde dialogyň halkara ýyly» diýlip yglan edilen 2023-nji ýylda hem baky Bitarap Türkmenistan netijeli daşary syýasatyny alyp barýar, ähli gyzyklanma bildirýän taraplar, ilkinji nobatda sebitiň ýurtlary bilen özara bähbitli hyzmatdaşlygy giňeldýär. 4-nji awgustda paýtagtymyzdaky kaşaň «Arkadag» myhmanhanasynda Türkmenistanyň, Täjigistanyň we Özbegistanyň döwlet Baştutanlarynyň gatnaşmagynda geçirilen üçtaraplaýyn sammit gadymy dost-doganlyk, gadyrly goňşuçylyk gatnaşyklaryna esaslanyp, özara bähbitli hyzmatdaşlygyň yzygiderli giňeldilýändiginiň özboluşly görkezijisine öwrüldi. Türkmenistanyň Prezidenti Serdar Berdimuhamedowyň, Täjigistan Respublikasynyň Prezidenti Emomali Rahmonyň we Özbegistan Respublikasynyň Prezidenti Şawkat Mirziýoýewiň gatnaşmaklarynda geçirilen birinji üçtaraplaýyn sammit şeýle görnüşdäki ýokary derejeli ilkinji duşuşyk bolup, taraplaryň hem sebitiň abadançylygyna gönükdirilen köpugurly hyzmatdaşlygy has-da berkitmä

Üçtaraplaýyn sammit: deňhukukly we deňagramly bähbitler

Soňky ýyllarda türkmen-täjik we türkmen-özbek gatnaşyklary hil taýdan täze derejä çykyp, täze many-mazmun bilen baýlaşdy. Üç doganlyk ýurduň döwlet Baştutanlarynyň syýasy erk-islegi jemgyýetçilik-syýasy we durmuş-ykdysady ulgamlarda gatnaşyklaryň geriminiň giňelmegine aýratyn ýardam berýär. Halkara we sebitara meselelerde taraplaryň garaýyşlarynyň meňzeşligi, ýakynlygy Türkmenistanyň, Täjigistanyň, Özbegistanyň köptaraplaýyn syýasy meýdançalarda ysnyşykly çykyş edip, sebit we ählumumy derejede oňyn tagallalary öňe sürmegine saldamly goşant goşýar. 4-nji awgustda Aşgabatda geçirilen Türkmenistanyň, Täjigistanyň we Özbegistanyň döwlet Baştutanlarynyň üçtaraplaýyn sammitiniň döwletara gatnaşyklaryň taryhynda ähmiýetli waka bolmak bilen, deňhukuklylyk, birek-birege hormat goýmak, ynanyşmak esasynda guralýan hyzmatdaşlygyň depginine täze itergi berjekdigi gümansyz. Muňa sammitiň netijesi boýunça kabul edilen 17 bentden ybarat Bilelikdäki Beýannama dolulygy bilen şaýatlyk edýär. Resminama üçtaraplaýyn gatnaşyklaryň ähli ugurlaryny özünde jemlemek bilen, mazmuny boýunça, Türkmenistanyň Prezidenti Serdar Berdimuhamedowyň aýratyn nygtaýşy ýaly, ileri tutulýan ugurlaryň ylalaşylmagy, ösüş meýilnamalarynyň utgaşdyrylmagy halklaryň jana-jan bähbitlerine, milli ykdysadyýetleriň mümkinçiliklerine we isleglerine laýyk gelýär. Şunuň bilen baglylykda, makalanyň barşynda sammitiň gün terti

Bilelikdäki ösüşiň geljegi

Şawkat ALIMBEKOW,Merkezi Aziýa halkara institutynyň uly ylmy işgäri: — 4-nji awgustda Aşgabat şäherinde Özbegistanyň, Täjigistanyň we Türkmenistanyň Liderleriniň sammiti geçirildi. Onuň dowamynda taraplar söwda, senagat, energetika, oba we suw hojalygy ýaly ileri tutulýan ugurlarda özara gatnaşyklary işjeň giňeltmek barada ylalaşdylar. Şunda ulag ulgamyny ösdürmäge, hususan-da, gümrük amallaryny ýeňilleşdirmäge, sanly ulgamy ornaşdyrmaga, konteýner daşamalarynyň möçberini we geçirijilik ukybyny ýokarlandyrmaga, ýükleri daşamak hem-de saklamak üçin bilelikdäki terminallary döretmäge aýratyn üns berildi.

Taryhy waka media giňişliginde

central-asia.news habar-seljerme portaly Täjigistanyň Prezidentiniň metbugat gullugynyň berýän maglumatlaryna salgylanyp, Aşgabat sammitinde syýasy, söwda-ykdysady, energetika, suw-ekologiýa, ulag we beýleki ugurlarda özara gatnaşyklary mundan beýläk-de pugtalandyrmagyň meseleleriniň ara alnyp maslahatlaşylandygyny habar berýär. Saýtda täjik Lideriniň: «Täjigistan öz gidroenergetiki serişdelerini nazara alyp, «ýaşyl» energetikanyň önümçiligini ösdürmegi göz öňünde tutýar we bu ugurda sebitiň döwletleri bilen geljekde-de işjeň hyzmatdaşlyk etmäge taýýardyr» diýen sözleri getirilýär. Özbegistanyň Prezidentiniň resmi internet saýty «Türkmenistan — Täjigistan — Özbegistan» formatynda ilkinji gezek geçirilen üçtaraplaýyn sammit bilen bagly habardyr maglumatlary yzygiderli köpçülige ýetirdi. Habarlaryň birinde duşuşykda sebitiň ýurtlarynyň açyk, agzybir we jebis syýasatynyň anyk netijeleri gazanmaga ýardam berendiginiň nygtalandygyna üns çekilýär. Şunda Merkezi Aziýanyň döwlet Baştutanlarynyň konsultatiw duşuşyklarynyň netijeli häsiýeti hem bellenildi. Özbek Lideri energetika pudagynda, şol sanda energiýa serişdelerini ibermek we üstaşyr geçirmek boýunça hem Merkezi Aziýa ýurtlarynyň arasynda ýygjam gatnaşyklaryň ýola goýlandygyny aýratyn nygtady.

Hazar — hoşniýetli goňşuçylygyň özboluşly sebiti

Her ýylyň 12-nji awgustynda Hazaryň deňiz gurşawyny goramak boýunça Çarçuwaly Konwensiýanyň — Tähran Konwensiýasynyň güýje giren gününde Hazarýaka döwletlerinde — Türkmenistanda, Russiýada, Gazagystanda, Eýranda we Azerbaýjanda Hazar deňziniň güni bellenilýär. Bu güne bagyşlanyp, tutuş Hazar sebitinde, şol sanda ýurdumyzda, 28-nji iýulda sanly ulgam arkaly geçirilen Ministrler Kabinetiniň nobatdaky mejlisinde habar berlişi ýaly, «Awaza» milli syýahatçylyk zolagynda «Hazar deňzi — parahatçylyk we dostluk deňzi» atly maslahat we dabaraly çäreler ýokary guramaçylyk derejesinde geçiriler. Gojaman Hazaryň kenarlarynda ýaşan halklar taryhyň ähli döwürlerinde adamzat siwilizasiýasynyň ösüşine saldamly goşant goşup gelipdirler. Bu gün dost-doganlygyň we hyzmatdaşlygyň deňzi hökmünde şöhratlanýan Hazaryň jümmüşinde jemlenen tebigy baýlyklaryň ummasyz gorlary kenarýaka döwletlere uly ykdysady mümkinçilikleri hödürleýär. Hormatly Prezidentimiziň parasatly baştutanlygynda Türkmenistan beýleki Hazarýaka döwletleri bilen bilelikde sebit we bütindünýä ähmiýetli taslamalaryň durmuşa geçirilmegine işjeň gatnaşýar.

Dostluk. Düşünişmek. Hoşniýetli goňşuçylyk

4-nji awgustda Türkmenistanyň, Täjigistanyň we Özbegistanyň Baştutanlarynyň sammitine gatnaşmak üçin Özbegistan Respublikasynyň Prezidenti Şawkat Mirziýoýew hem-de Täjigistan Respublikasynyň Prezidenti Emomali Rahmon ýurdumyza geldi. Dostlukly ýurtlaryň Liderlerini ýokary derejeli myhmanlary kabul ediş menzilinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow mähirli garşylady hem-de ikitaraplaýyn gepleşikleri geçirdi. TÜRKMEN-ÖZBEK GATNAŞYKLARY BERKIDILÝÄR

Türkmenistan — Täjigistan — Özbegistan: Aşgabat sammitinde ulag ulgamyny ösdürmegiň meseleleri maslahatlaşyldy

Mälim bolşy ýaly, 4-nji awgustda Aşgabatda Türkmenistanyň Prezidenti Serdar Berdimuhamedowyň, Täjigistan Respublikasynyň Prezidenti Emomali Rahmonyň we Özbegistan Respublikasynyň Prezidenti Şawkat Mirziýoýewiň gatnaşmagynda üçtaraplaýyn sammit geçirildi. Üçtaraplaýyn sammitde Aziýanyň we Ýewropanyň arasyndaky ulag geçelgesini ösdürmekde Türkmenistanyň, Täjigistanyň we Özbegistanyň eýeleýän möhüm orny, biziň çäklerimizde netijeli logistika düzüminiň döredilmegi bu babatda ähmiýetlidigi bellendi.

Parahatçylyk, durnuklylyk, hoşniýetli goňşuçylyk

uly baýlykdyr. Biz bu baýlygy aýawly saklamalydyrys, artdyrmalydyrys we geljek nesillere geçirmelidiris — diýip, hormatly Prezidentimiz Serdar Berdimuhamedow üçtaraplaýyn duşuşykda nygtady Türkmenistan! Täjigistan! Özbegistan! Bu üç ýurdy biri-biri bilen çäkleşip gidýän giňişlikden başga-da, kän zatlar baglanyşdyrýar: Beýik Ýüpek ýolunyň gadymy ugurlary, jennetden gözbaşly ýedi derýanyň biri hasaplanýan Amyderýa, söwda-ykdysady, senagat mümkinçilikleriniň derýa berimsiz möwçli akymy, häzirki zaman syýasatyndaky bir-bitewi ýa-da ýakyn çemeleşmeler...

Aşgabat sammitiniň netijeleri

ösüşiň umumy bähbitlerini nazarlaýar 4-nji awgustda paýtagtymyzdaky «Arkadag» myhmanhanasynda geçirilen Türkmenistanyň, Täjigistanyň we Özbegistanyň Prezidentleriniň üçtaraplaýyn duşuşygy mundan beýläk-de ýurtlarymyzyň arasyndaky strategik hyzmatdaşlygy hem-de özara ynanyşmagy berkitmegiň, üç döwletiň, umuman, tutuş sebitiň öňünde duran derwaýys meseleleriň kabul ederlikli çözgüdini tapmak boýunça netijeli dialogy dowam etdirmegiň ýolunda möhüm ädime öwrüldi. Ýurdumyzyň Daşary işler ministrliginde guralan metbugat maslahatynda bolsa üç ýurduň daşary syýasat edaralarynyň ýolbaşçylary sammitiň netijelerini beýan etdiler.

Ýokary ösüş we netijeli hyzmatdaşlyk

Berkarar döwletiň täze eýýamynyň Galkynyşy döwründe ata Watanymyzda gazanylýan üstünlikleri halkymyzyň durmuş ýagdaýynyň barha döwrebap kämilleşýändiginden hem görmek bolýar. Şol üstünliklere mynasyp goşant goşýan Türkmenistanyň Söwda toplumynyň düzümindäki Türkmenistanyň Döwlet haryt-çig mal biržasy ýurdumyzda lomaý söwdany ösdürmek baradaky wezipeleri üstünlikli durmuşa geçirmekde, şeýle hem daşary ýurt döwletleri bilen daşary söwda gatnaşyklaryny giňeltmekde uly işleri amala aşyrýar. Ýurdumyzyň bazar gatnaşyklaryna geçýän döwründe döredilen Türkmenistanyň Döwlet haryt-çig mal biržasynyň esaslandyrylanyna 1-nji awgustda 29 ýyl boldy. Ol lomaý haryt bazaryny emele getirmek üçin ygtybarly şertleri dörediji gurama bolup hyzmat edýär. Birža işini mundan beýläk-de ösdürmek we has-da kämilleşdirmek maksady bilen, ýurdumyzda öndürilýän önümleri mahabatlandyrmak, olaryň içerki we daşarky alyjylaryny, durnukly bazarlaryny tapmak, esasan-da, Türkmenistanyň eksport mümkinçiliklerini artdyrmak üçin dünýäniň ösen ýurtlarynyň öňdebaryjy tehnologiýalaryna we tejribesine daýanýar. Toplumda şeýle gatnaşyklary ösdürmek üçin hyzmatdaş ýurtlar bilen söwda-ykdysady meseleler boýunça maslahatlaryň, bilermenleriň duşuşyklarynyň yzygiderli geçirilmegi aýratyn nygtamaga mynasypdyr. Bu işleriň amala aşyrylmagy lomaý söwdany ösdürmekde oňyn netijeleri berýär. Şeýle hem biržanyň esasy maksady Türkmenist

Türkmenistanyň Döwlet haryt-çig mal biržasynyň geçen hepdedäki söwdalary

Türkmenistanyň Döwlet haryt-çig mal biržasynyň geçen hepdedäki söwdalarynda geleşikleriň 40 sanysy hasaba alyndy. Owganystandan, BAE-den, Türkiýeden, Hytaýdan we Gyrgyz Respublikasyndan gelen telekeçiler daşary ýurt walýutasyna «Türkmennebit» döwlet konserninde öndürilen awiakerosini, polipropileni, awtobenzini, dizel ýangyjyny, «Türkmenhimiýa» döwlet konserninde öndürilen «B» markaly karbamidi satyn aldylar. Şeýle-de dürli görnüşli dokma önümleri satyldy. Geleşikleriň jemi bahasy 87 million 808 müň 300 amerikan dollaryndan gowrak boldy.

Aşgabat sammitine bagyşlanan metbugat maslahaty geçirildi

Şu gün — 4-nji awgustda ýurdumyzyň Daşary işler ministrliginde Türkmenistanyň, Täjigistanyň we Özbegistanyň döwlet Baştutanlarynyň Aşgabatda geçirilen sammitiniň jemleri boýunça metbugat maslahaty guraldy. Oňa daşary ýurtlaryň ýurdumyzdaky diplomatik wekilhanalarynyň, halkara guramalaryň, köpçülikleýin habar beriş serişdeleriniň wekilleri gatnaşdy.

Möhüm taryhy waka: Aşgabatda Türkmenistanyň, Täjigistanyň we Özbegistanyň Prezidentleriniň sammiti geçirilýär

Şu gün — 4-nji awgustda paýtagtymyzda döwlet Baştutanymyz Serdar Berdimuhamedowyň, Täjigistan Respublikasynyň Prezidenti Emomali Rahmonyň we Özbegistan Respublikasynyň Prezidenti Şawkat Mirziýoýewiň gatnaşmagynda üçtaraplaýyn sammit geçirilýär. Munuň özi şeýle görnüşdäki ýokary derejeli ilkinji duşuşykdyr. Şoňa görä-de, ony taryhy waka diýip atlandyrmak bolar. Aşgabat sammiti däp bolan dostluk, hoşniýetli goňşuçylyk, döwletara gatnaşyklaryň senenamasyna täze sahypany ýazyp, gatnaşyjy üç ýurduň we tutuş sebitiň abadançylygynyň bähbitlerine laýyk gelýän köpugurly hyzmatdaşlygy mundan beýläk-de ösdürmek üçin ygtybarly binýady döretmelidir.

Türkmenistan bilen Özbegistanyň dost-doganlyk gatnaşyklary ilerleýär

Halkymyzyň arasynda «Ýer alma, goňşy al» diýen dana pähim bar. Bir howadan dem alyp, bir derýanyň suwundan içýän goňşy döwletimiz Özbegistan bilen Türkmenistanyň dost-doganlyk gatnaşyklary hem öz gözbaşyny asyrlaryň jümmüşinden alyp gaýdýar. Biziň halklarymyzyň taryhynda, medeniýetinde, dilinde, däp-dessurynda meňzeşlik bar. Türkmenistan bilen Özbegistan Respublikasynyň arasyndaky dost-doganlyk gatnaşyklary uly üstünliklere beslenýär. Bu iki doganlyk döwletleriň arasynda söwda-ykdysady, medeni-ynsanperwer we beýleki ugurlarda hyzmatdaşlyk edilip, ýokary netijeler gazanyldy. Hoşniýetli gatnaşyklaryň netijesinde Aşgabat bilen Daşkent doganlaşan şäherlerdir. Aşgabatda «Daşkent» dynç alyş seýilgähi, Daşkentde «Aşgabat» dynç alyş seýilgähi açyldy. Türkmenistanyň Medeniýet günleri Özbegistanda, Özbegistanyň Medeniýet günleri Türkmenistanda yzygiderli geçirilip, türkmen-özbek dostlugy has-da berkeýär. 2018-nji ýylda bolsa Horezm welaýatynyň Ürgenç şäherinde Türkmen-özbek dostluk öýi açyldy.

Türkmenistan bilen Täjigistanyň arasyndaky gatnaşyklar täze sahypalary açýar

Türkmenistan Täjigistan bilen hoşniýetli, dostana gatnaşyklaryny alyp barýar. Indi 30 ýyl bäri Türkmenistan Täjigistan bilen diplomatik gatnaşyklaryny amala aşyryp, medeni-syýasy, ynsanperwer we söwda-ykdysady gatnaşyklaryny pugtalandyrýar. Hormatly Prezidentimiziň 10-11-nji maýda Täjigistan Respublikasyna amala aşyran ilkinji döwlet sapary türkmen-täjik gatnaşyklarynyň häzirki zaman taryhynda täze sahypany açdy. Onda gol çekilen resminamalar toplumy ikitaraplaýyn söwda-ykdysady hem-de medeni-ynsanperwer ulgamlardaky hyzmatdaşlygy giňeltmäge gönükdirilendir. Şol bir wagtyň özünde geçirilen gepleşiklerde söwda-ykdysady, energetika, ulag-aragatnaşyk, ýükleri we ýolagçylary üstaşyr geçirmek, gurluşyk, oba we suw hojalygy, ýaşlar syýasaty, syýahatçylyk, medeniýet we sungat ýaly ugurlar, iki ýurduň işewür düzümleriniň gatnaşyklary hyzmatdaşlygyň möhüm ugurlary hökmünde görkezildi.

Döwletara hyzmatdaşlygyň taryhynda täze sahypa

Aşgabatda Türkmenistanyň, Täjigistanyň we Özbegistanyň Prezidentleriniň sammiti geçirilýär Şu gün paýtagtymyzda Türkmenistanyň Prezidenti Serdar Berdimuhamedowyň, Täjigistan Respublikasynyň Prezidenti Emomali Rahmonyň we Özbegistan Respublikasynyň Prezidenti Şawkat Mirziýoýewiň gatnaşmagynda üçtaraplaýyn sammit geçirilýär. Munuň özi şeýle görnüşdäki ýokary derejeli ilkinji duşuşykdyr. Şoňa görä-de, ony taryhy waka diýip atlandyrmak bolar. Aşgabat sammiti däp bolan dostluk, hoşniýetli goňşuçylyk, döwletara gatnaşyklaryň senenamasyna täze sahypany ýazyp, gatnaşyjy üç ýurduň we tutuş sebitiň abadançylygynyň bähbitlerine laýyk gelýän köpugurly hyzmatdaşlygy mundan beýläk-de ösdürmek üçin ygtybarly binýady döretmelidir.

Türkmen-täjik gatnaşyklary hoşniýetli goňşuçylyk däplerine daýanýar

«Daglar ýurdy» Täjigistanda mekan tutunan täjik halky «Az dusti dur hamsoýai nazdik beh» diýip, ýakyndaky goňşynyň uzakdaky garyndaşdan has gowudygyny tekrarlaýar. Bu hakykat hem geografik, hem medeni-ruhy ýakynlyklary paýlaşýan türkmen we täjik halklarynyň köpasyrlyk dostlukly gatnaşyklarynyň mysalynda-da aýdyň açylýar. Biz Merkezi Aziýanyň günorta-gündogarynda ýerleşip, meýdanynyň 93 göterimini daglyklar tutýan Täjigistany özümize ýakyn goňşy, ygtybarly hyzmatdaş hasaplaýarys. Bu günki gün gözbaşyny müňýyllyklardan alyp gaýdýan türkmen-täjik gatnaşyklarynyň binýady döwletlerimiziň arasyndaky strategik hyzmatdaşlyk derejesinde barha pugtalandyrylýar. Edil adamlaryň arasynda bolşy ýaly, döwletlerem öz aralaryndaky gatnaşyklarda dosty saýlap biler. Ýöne tebigat tarapyndan berlen goňşyny öz islegiňe görä saýlap-seçip bolmaýar. Taryhyň sapaklary bolsa goňşularyň arasyndaky dostlugyň näçe berk boldugyça, adamlaryň şonça-da asuda hem abadan ýaşaýandygyny görkezip gelýär. Bu syýasat babatda-da şeýle. Şoňa görä, Merkezi Aziýanyň bäş döwletiniň jebisliginiň sebäbiniň hem hut goňşy halklaryň arasyndaky mizemez dostluk gatnaşyklarynda görülmegi tebigy ýagdaýdyr. Türkmenistanyň we Täjigistanyň arasyndaky döwletara gatnaşyklara-da hut şeýle dostlukly häsiýet mahsus. Geçen 30 ýyldan gowrak wagtyň içinde gyzyklanma bildirilýän ugurlaryň giň gerimi boýunça üstünlikli ösdürilen t

Türkmenistan — Özbegistan: köpugurly gatnaşyklarda nusgalyk tejribe

Türkmen hem özbek halklary ýakyn dostlar, ynamdar goňşular hökmünde agzybir ýaşap, umumy maksada — agzybirlige, asudalyga, ösüş arkaly parahatçylyga gulluk edýärler. Türkmenistan bilen Özbegistanyň arasyndaky şu günki gatnaşyklaryň kökleri öz gözbaşyny irki döwürlerden alyp gaýdýar we ol birek-birege hormat goýmaga, ynsanperwerlige, ynama hem ygrara daýanýar. Döwletara hyzmatdaşlygyň, hoşniýetli goňşuçylygyň tarypy halklarymyzyň edebi-döredijilik dünýäsinde hem giňden beýanyny tapýar. Munuň şeýledigini türkmenistanly özbek şahyry Abdulwahid Saýitmedowyň goşgusy esasynda döredilen, Özbegistanda uly meşhurlyga eýe bolan «Dost-doganlyk mukamy» aýdymynyň mysalynda-da görmek bolýar. Bu aýdym Türkmenistanda ilkinji gezek 2022-nji ýylyň noýabr aýynda Daşoguz şäherinde geçirilen Türkmen-özbek halklarynyň dostluk festiwalynda ýaňlanypdy we festiwala gatnaşyjylaryň gyzgyn söýgüsine mynasyp bolupdy:

Akyldar şahyryň döredijiligi — köňülleriň ylham çeşmesi

Munuň şeýledigini Magtymguly Pyragynyň 270 şygry ýerleşdirilip, «Tubo nashr» neşirýaty tarapyndan çap edilen, Türkmenistanyň hem-de Özbegistanyň döwlet Baştutanlarynyň akyldar şahyr barada aýdan jümleleri bilen açylýan täze neşirdenem görmek bolýar. Şahyryň bu saýlanan eserlerini Özbegistanyň Medeniýet we syýahatçylyk ministrliginiň ýanyndaky Halkara hyzmatdaşlyk we daşary ýurt döwletleri bilen dostlukly gatnaşyklar komiteti, Özbegistandaky Türkmen medeniýet merkezi, Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar instituty bilelikde çapa taýýarlady. Özbek we türkmen halklary bir derýanyň suwuny içip, asyrlaryň dowamynda medeniýetini, däbini we dilini baýlaşdyryp, agzybirlikde, dostlukda ýaşap gelýärler. Iki ýurduň hoşniýetli goňşuçylyk we dostluk gatnaşyklaryny çuňlaşdyrmaga hem-de strategik hyzmatdaşlygyň derejesini ýokarlandyrmaga döwlet derejesinde aýratyn üns berýändigini belläsim gelýär. Daşkent şäherinde Magtymguly köçesiniň we şahyryň ýadygärliginiň açylmagy munuň aýdyň mysalydyr. Öz gezeginde, Türkmenistanyň paýtagtynyň esasy köçeleriniň biri Alyşir Nowaýynyň adyny göterýär. Bagşy-sazandalar «Nowaýy» sazyny belentden ýaňlandyrsa, dil, edebiýat ugry boýunça ýokary okuw mekdeplerinde şahyryň ömri we döredijiligi giňden öwrenilýär. Bularyň ählisi türki edebiýatyň beýik akyldarlary Alyşir Nowaýynyň we Magtymguly P

Döwrebap mekdep gurulýar

Birnäçe ýyl mundan ozal Gahryman Arkadagymyz Gurbanguly Berdimuhamedow bilen Täjigistan Respublikasynyň Prezidenti Emomali Rahmonyň arasynda Täjigistanyň Dusti etrabynda Magtymgulynyň adyny göterýän orta mekdebi gurmak barada ylalaşyk gazanyldy. Geçen ýylyň 9-njy dekabrynda bolsa hormatly Prezidentimiz Serdar Berdimuhamedow dostlukly ýurduň Hatlon welaýatynyň Dusti etrabynyň Ergeş Sultanow daýhan birleşiginde 540 orunlyk umumybilim berýän mekdebiň binalar toplumyny gurmak hakynda Karara gol çekdi. Döwlet Baştutanymyzyň şu ýylyň 10-11-nji maýynda Täjigistana amala aşyran ilkinji döwlet saparyna gabatlanyp, bu ýerde Magtymguly adyndaky orta mekdebiň binasynyň düýbüniň tutulyş dabarasynyň geçirilmegi we oňa ýurdumyzyň ylym-bilim, medeniýet, jemgyýetçilik wekilleriniň hem gatnaşmaklary iki halkyň dost-doganlyk gatnaşyklarynyň barha berkeýändiginiň özboluşly nyşanyna öwrüldi. Hormatly Prezidentler Serdar Berdimuhamedow bilen Emomali Rahmonyň göni aragatnaşyk arkaly gatnaşyp, gurluşyga ak pata bermekleri bolsa dabaranyň ähmiýetini has-da artdyrdy.