"Habarlar" gazeti

Esaslandyryjysy: Hojalyk hasaplaşygyndaky redaksion birleşik
Salgysy: Aşgabat şäheri, 1995-nji köçe, 66
Telefon belgileri: 22-33-29, 22-33-06
Email: habarlar@sanly.tm

Gazeti PDF görnüşinde ýükläp almak

Habarlar

Žurnalyň täze sany taýýarlanyldy

«7/24.tm»: №41 (228) 07.10.2024 Mä­lim bol­şy ýa­ly, Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de Gah­ry­man Ar­ka­da­gy­my­zyň ba­şy­ny baş­lan be­lent öz­gert­me­le­ri Ar­ka­dag­ly Gah­ry­man Ser­da­ry­my­zyň baş­tu­tan­ly­gyn­da tä­ze ösüş tap­gyr­la­ry­na çyk­ýar. Döw­le­ti­mi­ziň sport sy­ýa­sa­ty, sport dip­lo­ma­ti­ýa­sy ba­bat­da ama­la aşy­ryl­ýan be­ýik öz­gert­me­ler we ösüş­ler dün­ýä jem­gy­ýet­çi­li­gi­niň ün­sü­ni özü­ne çe­kip, sport jan­kö­ýer­le­ri­niň buý­sanç­la­ry­ny art­dyr­ýar.

6 Oktýabr 2024

Jemgyýet

Indi Nelson : Orta Aziýa - iň gowy sebit

«Türkmenistan Sport»: № 3 (23), 2024 2018-nji ýyl­da önüm­çi­lik me­ne­je­ri hü­nä­ri bo­ýun­ça kol­lej­de oku­wy­ny ta­mam­lan ko­li­for­ni­ýa­ly In­di Nel­son işe baş­la­ma­gyň de­re­gi­ne il­ki bi­len dün­ýä­ni aý­la­nyp gör­me­gi ýü­re­gi­ne düw­ýär. Mu­nuň üçin ol in­ter­net ul­ga­my­nyň ba­şyn­da kän düm­tü­nip, daşary ýurt­la­ra ba­ryp gör­me­giň me­se­le­le­ri we iň amat­ly ýol­la­ry ba­ra­da ta­kyk mag­lu­mat­la­ry edin­ýär. Bank­dan 80 müň dol­lar karz alan­dan soň, öň­de dur­ýan sy­ýa­ha­tyň pe­tek­le­ri bu­ýur­mak­dan wi­za­la­ry al­mak­ly­ga çen­li äh­li hy­syr­dy­la­ry bi­len hut özi meş­gul­lan­ýar.

6 Oktýabr 2024

Jemgyýet

«Hatyra» kitabynyň täze neşiri

«Hatyra» kitabynyň jemleýji, bäşinji jildiniň täze neşiri 1941 — 1945-nji ýyllaryň Beýik Watançylyk urşunda wepat bolan, şeýle-de dereksiz ýiten esgerleriň ýagty ýadygärligine bagyşlanýar. Täze neşir hormatly Prezidentimiz Serdar Berdimuhamedowyň Beýik Watançylyk urşunda gazanylan Ýeňşiň 79 ýyllygy mynasybetli türkmen halkyna Gutlagy bilen açylýar. Döwlet Baştutanymyzyň Gutlagynda bellenilişi ýaly, 1 müň 418 güne çeken bu gazaply urşuň ilkinji günlerinde watandaşlarymyzyň müňlerçesi fronta meýletin gidip, aldym-berdimli söweş meýdanlarynda doganlyk halklar bilen birlikde jebisleşip, edermenligiň, gaýduwsyzlygyň belent nusgasyny görkezdiler. Merdana pederlerimiziň söweşjeň edermenligi, gaýduwsyzlygy hakyndaky şöhratly ýatlamalar, ildeşlerimiziň zähmet üstünlikleri Watanymyzyň taryhyna altyn harplar bilen ebedi ýazyldy.

4 Oktýabr 2024

Jemgyýet

Tagzym edýäs pederleriň ruhuna

Aýratyn ähmiýetli seneleri uly iliň agzybirliginde bellemek däbi asyrlaryň jümmüşinden gözbaş alýar. Munuň özi ata-babalarymyzdan gelýän asylly däpdir. Gahryman Arkadagymyzyň peder ýoluny dowam edýän Arkadagly Gahryman Serdarymyzyň tagallalary bilen, nesilleriň şeýle agzybirligi we jebisligi häzirki türkmen jemgyýetinde mizemez kada öwrüldi. Halkymyza mahsus bolan ruhubelentlikdir jebislik dürli kynçylyklary hem-de ýitgileriň yzasyny hemişe ýeňip geçmäge kömek edipdir. Geçen ýüzýyllyklaryň agyr bolan ýyllaryndan bäri näçe wagt geçse-de, häzirki nesliň heläkçilikli tebigy hadysalaryň şehitlerine, Watanyň edermen goragçylarynyň görkezen gahrymançylygyna goýýan hormat-sarpasy belentdir. Çünki olar nesilleriň nurana geljeginiň hatyrasyna şirin janlaryny pida etdiler.

4 Oktýabr 2024

Jemgyýet

Agzybirlik — belent maksatlara badalga

Beýik Garaşsyzlygymyzyň 33 ýyllyk baýramynyň öňüsyrasynda ýokary derejede geçirilen Türkmenistanyň Halk Maslahatynyň nobatdaky mejlisi ýurdumyzyň durmuşyndaky möhüm jemgyýetçilik-syýasy ähmiýetli waka hökmünde iň täze taryhymyza altyn harplar bilen ýazyldy. Ählihalk forumy berkarar Watanymyzda milli demokratiýanyň, asyrlaryň kämillik mekdebini geçen ýol-ýörelgelerimiziň dünýä tejribesiniň gazananlary, umumadamzat gymmatlyklary bilen sazlaşykly utgaşdyrylýandygyny, ösdürilýändigini jahana ýaýýar. Ilkinji nobatda, Türkmenistanyň Halk Maslahatynyň mejlisiniň jemgyýetde agzybirligi berkitmekde möhüm ähmiýete eýedigini bellemek gerek. Umumymilli forum halk häkimiýetiniň kämil nusgasy hökmünde demokratik, hukuk we dünýewi döwletimizde häkimiýet bilen halkyň jebisligini üpjün etmäge mynasyp goşant goşýar. Türkmen halkynyň Milli Lideri Gahryman Arkadagymyzyň oýlanyşykly başlangyçlaryny üstünlikli dowam etdirýän hormatly Prezidentimiz Arkadagly Gahryman Serdarymyzyň parasatly baştutanlygynda kämil demokratik ýörelgeleriň işjeň durmuşa geçirilmegi guwandyryjydyr.

4 Oktýabr 2024

Jemgyýet

Milletiň ogullaryna baky şöhrat!

Ýurdumyzda her ýylyň 6-njy oktýabrynda durmuşyň abadanlygy, halkyň erkinligi ugrunda ähli uruşlaryň söweş meýdanlarynda wepat bolan gahrymanlar, şeýle-de 1948-nji ýylyň Aşgabat ýertitremesiniň pidalary ýatlanylyp, Hatyra güni bellenilýär. Munuň özi il-ýurt diýip göreşen merdanalary hatyralamagyň, ýüreklerde we hakydalarda saklamagyň, olaryň geçen ýoluny nesiller üçin terbiýe mekdebine öwürmegiň müňýyllyklardan gözbaşly ýörelgesidir. Mälim bolşy ýaly, Hatyra gününde ýurdumyzyň ähli ýerlerinde Döwlet baýdaklary aşak düşürilýär, öý-ojaklarda sadakalar berilýär, aýat-töwirler okalýar. Paýtagtymyzdaky «Halk hakydasy» ýadygärlikler toplumyna gül goýmak çäresi geçirilýär. Toplumdaky 1948-nji ýylyň ýertitremesinde gurban bolanlaryň ýagty ýadygärligini hatyralamak üçin «Ruhy tagzym» ýadygärligi, faşizme garşy söweşlerde wepat bolan türkmenistanly esgerleriň hem-de mähriban Watanymyzyň erkinligi, onuň bagtyýar geljegi ugrundaky söweşlerde baş goýan gahrymanlaryň hatyrasyna bina edilen «Milletiň ogullary» we «Baky şöhrat» ýadygärlikleri halkymyzyň gahrymançylykly taryhyny şöhlelendirýär. Bu ýerde türkmen topragynyň merdana ogullary baradaky synmaz hakydanyň nyşany hökmünde «baky ot» ýanyp dur. Bu ýadygärlikler toplumy gahryman türkmenistanlylaryň baky şöhratyna, edermenligine bu günki nesilleriň mukaddeslik hökmünde garaýandygynyň, tagzym edýändiginiň alamatydyr.

4 Oktýabr 2024

Jemgyýet

Okuw maslahatlaryna badalga berildi

Oktýabr aýynyň başlanmagy bilen Türkmenistanyň Kärdeşler arkalaşyklarynyň Milli merkezi tarapyndan «Awaza» milli syýahatçylyk zolagynyň «Daýanç» sagaldyş merkezinde okuw maslahatlaryna badalga berildi. Olara Arkalaşygyň Lebap welaýat birleşmesiniň agzalary hem gatnaşýarlar. Okuw maslahatynyň täze möwsüminiň ilkinji tapgyryna welaýatymyzyň hyzmat ulgamynyň işgärleriniň kärdeşler arkalaşygynyň ilkinji guramalarynyň başlyklary, olaryň işjeň agzalary, gaznaçylary we derňew toparlarynyň agzalary gatnaşýarlar. «Berkarar döwletiň Kärdeşler arkalaşyklarynyň döwrebap wezipeleri» diýlip atlandyrylýan okuw maslahatynda möhüm meseleler ara alnyp maslahatlaşylmak bilen birlikde hünärmenleriň bilim-tejribeleri hem artdyrylýar.

4 Oktýabr 2024

Jemgyýet

Hatyra güni mynasybetli syýahat guraldy

Türkmenistanyň Magtymguly adyndaky Ýaşlar guramasynyň Ahal welaýat we Ak bugdaý etrap Geňeşleriniň bilelikde guramagynda Hatyra güni mynasybetli Änew şäheriniň golaýyndaky Seýit Jemaleddin ýadygärlikler toplumyna syýahat guraldy. Oňa Ýaşlar guramasynyň işgärleri, işjeň agzalary hem-de ýaşuly nesliň wekilleri gatnaşdy. Ýaşlarda baý taryhymyza bolan gyzyklanmany we olaryň eziz topragymyza bolan buýsanjyny artdyrmakda, ýaş nesli ýokary watansöýüjilik ruhunda terbiýelemekde bu syýahatyň ähmiýeti uly boldy. Ýaşuly nesliň gadymy Änew topragynyň baý taryhy, şeýle-de “Gözellik öýi” diýen at bilen meşhurlyk gazanan Seýit Jemaleddin ýadygärlikler toplumy hakyndaky gürrüňleridir rowaýatlary uly gyzyklanma bilen diňlendi. XV asyrda bina edilen, asyrlarboýy jahankeşdeleriň ünsüni çekip gelýän täsin ýadygärlikler toplumynyň binagärlik gurluşy syýahata gatnaşan ýaşlaryň ünsüni özüne çekdi.

4 Oktýabr 2024

Jemgyýet

“Tegelek stoluň” başyndaky söhbetdeşlik

Änew şäherindäki Medeniýet öýünde Türkmenistanyň Kärdeşler arkalaşyklarynyň Ak bugdaý etrap birleşmesiniň, ylym we bilim işgärleriniň kärdeşler arkalaşygynyň etrap Geňeşiniň bilelikde guramagynda “tegelek stoluň” başynda söhbetdeşlik geçirildi. Onda Türkmenistanyň Halk Maslahatynyň nobatdaky mejlisiniň taryhy ähmiýeti hem-de möhüm çözgütleri boýunça täsirli gürrüň edildi. Jemgyýetçilik guramalarynyň wekilleri we bilim işgärleriniň çykyşlarynda Gahryman Arkadagymyzyň başlyklyk etmeginde mukaddes Garaşsyzlygymyzyň 33 ýyllyk şanly toýunyň bosagasynda geçen umumy milli forumdan gelip çykýan wezipelere üns çekildi. Türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň Türkmenistanyň Halk Maslahatynyň nobatdaky mejlisindäki çuň manyly çykyşlarynyň taryhy ähmiýeti hakda aýdylanlar uly täsirleri döretdi.

4 Oktýabr 2024

Jemgyýet

Täsirli geçen duşuşyk

Sarahs etrabyndaky “Döwletabatgazçykaryş” müdirliginde zähmet çekýän ýaşlaryň arasynda Türkmenistanyň Halk Maslahatynyň nobatdaky mejlisinden gelip çykýan wezipeleri wagyz-nesihat etmek maksady bilen duşuşyk geçirildi. Müdirligiň ilkinji ýaşlar guramasynyň guramagynda bolan duşuşyga işçi-hünärmenleriň uly topary gatnaşdy. Duşuşykda Gahryman Arkadagymyzyň başlyklyk etmeginde geçen Türkmenistanyň Halk Maslahatynyň nobatdaky mejlisinde ýurdumyzyň ykdysady kuwwatyny has-da ýokary götermäge ýardam etjek, raýatlaryň ýaşaýyş-durmuş şertlerini dünýä derejesine çykarmaga esas döretjek, türkmen halkynyň abraý-mertebesini äleme ýaýjak möhüm çözgütleriň kabul edilendigi dogrusynda täsirli çykyşlar boldy. Çykyş edenler taryhy maslahatyň çözgütleriniň ildeşlerimiz tarapyndan gyzgyn goldaw tapandygyny uly buýsanç bilen bellediler.

4 Oktýabr 2024

Jemgyýet

Belent hormat-sarpanyň nyşany

Ýurdumyzda her ýylyň 6-njy oktýabrynda Hatyra güni bellenilýär. Şol gün pederlerimiziň ýagty ýadygärligine bagyşlanyp hatyra çäreleri geçirilýär. Bu zatlar halkymyzda öten-geçenleriň sarpalanýandygynyň, olaryň hatyrasynyň belent tutulýandygynyň güwäsidir. Hatyra senesindäki — 6-njy oktýabrdaky çärelere «Halk hakydasy» ýadygärlikler toplumyndan başlamak indi asylly däbe öwrüldi. Aşgabat şäheriniň günorta-günbatar böleginde bina edilen «Halk hakydasy» ýadygärlikler toplumy “Ruhy tagzym”, “Baky şöhrat” we “Milletiň ogullary” ýadygärliklerini öz içine alýar. “Ruhy tagzym” ýadygärligi Aşgabat ýer titremesinde şehit bolanlaryň, “Baky şöhrat” we “Watan ogullary” ýadygärlikleri bolsa 1941—1945-nji ýyllaryň Beýik Watançylyk urşunda, Watan azatlygy, halkymyzyň erkinligi ugrundaky söweşlerde wepat bolanlaryň hatyrasyna gurlandyr. Beýik halkymyzyň buýsançly geçmişine bolan çäksiz söýgüsini alamatlandyrýan bu ýadygärlikler toplumy pederlerimiziň edermenliginiň, watançylygynyň aýdyň nyşanyna, mukaddes ýere öwrüldi.

4 Oktýabr 2024

Jemgyýet

Taryhy çözgütler wagyz edilýär

Şu ýylyň 24-nji sentýabrynda Gahryman Arkadagymyzyň başlyklyk etmeginde geçirilen Türkmenistanyň Halk Maslahatynyň nobatdaky mejlisi ýurdumyzyň jemgyýetçilik-syýasy durmuşynda taryhy waka öwrüldi. Şonuň bilen baglylykda, şu günler Babadaýhan etrabynda Halk Maslahatynyň nobatdaky mejlisinde kabul edilen çözgütleri, taryhy forumdan gelip çykýan wezipeleri ilatyň arasynda wagyz-nesihat etmekde guwandyryjy işler durmuşa geçirilýär. Türkmenistanyň Magtymguly adyndaky Ýaşlar guramasynyň etrap Geňeşiniň we etrabyň beýleki jemgyýetçilik guramalarynyň bilelikde guramagynda edara-kärhanalarda geçirilýän wagyz-nesihat duşuşyklary has uly gyzyklanma eýedir. Işçi-hünärmenleriň, oba ýaşlarynyň işjeň gatnaşmagynda geçýän şeýle çäreleriň barşynda Berkarar döwletiň täze eýýamynyň Galkynyşy döwründe ýurdumyzda dürli ugurlarda üstünlikli amala aşyrylýan özgertmeleriň, gazanylýan taryhy üstünlikleriň, ýetilýän ajaýyp sepgitleriň ähmiýeti barada gürrüň edilýär, Türkmenistanyň Halk Maslahatynyň nobatdaky mejlisinde kabul edilen çözgütleriň üstünde aýratyn durlup geçilýär.

4 Oktýabr 2024

Jemgyýet

Möwsümleýin oba hojalyk işleri gyzgalaňly dowam edýär

30-njy sentýabrda hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda ýurdumyzyň oba hojalyk toplumynda we sebitlerde alnyp barylýan işler, Oba milli maksatnamasynyň ýerine ýetirilişi bilen baglanyşykly meselelere garaldy. We­la­ýat­la­ryň hä­kim­le­ri se­bit­ler­de möw­süm­le­ýin oba ho­ja­lyk iş­le­ri­niň bar­şy ba­ra­da ha­sa­bat ber­di­ler.

4 Oktýabr 2024

Jemgyýet

Horge Martin arany açýar

Mo­to GP bo­ýun­ça möw­sü­miň 15-nji ýa­ry­şy In­do­ne­zi­ýa­nyň Lom­bok ada­syn­da­ky hal­ka­ra Per­ta­mi­na Man­da­li­ka tras­sa­syn­da ge­çi­ril­di. 27 aý­law­dan yba­rat ýa­ryş­da «Pri­ma Pra­mac» to­pa­ry­nyň is­pan pi­lo­ty Hor­ge Mar­tin ýe­ňiş ga­zan­dy. Bu onuň şu möw­süm­dä­ki 3-nji, kar­ýe­ra­syn­da­ky 8-nji ýeň­şi­dir. Ýa­ryş­da ýe­ňi­ji­den 1,404 se­kunt yza ga­lan «Red Bull GAS­GAS Tech3» to­pa­ry­nyň is­pan sü­rü­ji­si Ped­ro Akos­ta 2-nji ýe­ri eýe­le­di. Soň­ky çem­pi­on, «Ducati Le­novo» to­pa­ry­nyň ital­ýan pi­lo­ty Fran­çes­ko Ba­naia ýe­ňi­ji­den 5,595 se­kunt giç pel­le­ha­na­dan geç­di we 3-nji or­na my­na­syp bol­dy. Çem­pi­on­ly­gyň da­laş­gär­le­rin­den Ita­li­ýa­ly Enea Bas­tia­ni­ni («Ducati Le­novo») bi­len is­pa­ni­ýa­ly Mark Mar­kes («Gre­si­ni») ýa­ry­şy ta­mam­lap bil­me­di­ler.

4 Oktýabr 2024

Jemgyýet

Swif­tiň ýet­gin­jek­lik ýyl­la­ryn­da ýa­zan ki­ta­by

Ame­ri­ka­ly aý­dym­çy we aý­dym­la­ryň aw­to­ry Teý­lor Swift 14 ýa­şyn­da ýa­zan ki­ta­by­ny çap et­dir­mekçi bol­ýar. Bu ba­ra­da «The Sun» neşiri ha­bar ber­ýär. «Gyz­ ady­ny alan gyz» at­ly eser­de og­lu­nyň bol­ma­gy­ny is­län ene hak­da gür­rüň be­ril­ýär. Bu ro­man Swif­tiň ýet­gin­jek­lik döw­rün­de ýa­zy­lan bol­sa-da, ol hä­zi­re çen­li çap edil­mändir. Bu eseriň Swif­tiň ene-ata­syn­da sak­lan­ýandygy çak­la­nylýar­dy. Ýö­ne aýdymçy 2015-nji ýyl­da ki­ta­byň ady üçin söw­da bel­li­gi­ni ha­sa­ba al­dy­ryp, ki­tap we ro­ma­nyň au­dio gör­nü­şi bi­len bag­la­ny­şyk­ly ha­ryt­la­ra bo­lan hu­kuk­la­ry­ny gi­ňelt­di. Aý­dym­çy 2012-nji ýyl­da ýü­re­gi gy­san wag­ty ro­man ýa­zan­dy­gy­ny aýt­dy. – Me­niň dost­la­ry­myň äh­li­si Pen­sil­wa­ni­ýa gaýdyp barypdy, şo­nuň üçin me­niň ede­re işim ýok­dy. Şol döwürde men­de ýa­zy­jy bol­mak we ro­man ýaz­mak ba­ra­da pi­kir dö­re­di – di­ýip, Teý­lor Swift gür­rüň ber­di.

4 Oktýabr 2024

Jemgyýet

Tols­to­ýyň saý­ty baýlaşdyrylýar

Be­ýik rus ýa­zy­jy­sy Lew Tols­to­ýyň öm­ri we dö­re­di­ji­li­gi­ne ba­gyş­la­nan «tols­toy.ru» saý­tyn­da 2022-nji ýyl­da «Tols­to­ýyň sö­zi» bö­lü­mi ýo­la go­ýul­dy. Bu bö­lüm­de Tols­to­ýyň äh­li eser­le­rinden söz­le­ri we aň­lat­ma­la­ry göz­läp ta­pyp bol­ýar. «Di­gi­tal Hu­ma­ni­ti­es» teh­no­lo­gi­ýa­sy­nyň kö­me­gi bi­len «Tols­to­ýyň sö­zi» bi­lim çeş­me­si hök­mün­de bar­ha ös­ýär – sa­hy­pa­da tä­ze ma­te­ri­al­lar, söz­lük­ler we mag­lu­mat ki­tap­la­ry peý­da bol­ýar. Hä­zir­ki wagt­da tas­la­ma­ny dö­re­di­ji­ler saýt­da tä­ze mag­lu­mat­la­ry goý­ýar­lar. Lew Ni­ko­la­ýe­wiç Tols­to­ýyň äh­li eser­le­ri­niň, şah­sy ýaz­gy­la­ry­nyň we bel­lik­le­ri­niň elekt­ron gör­nü­şe ge­çi­ri­le­ni­ne 10 ýyl­dan gow­rak wagt bol­dy. «tols­toy.ru» por­ta­ly­nyň tas­la­ma­sy AB­BYY kom­pa­ni­ýa­sy­nyň ýar­da­my bi­len L.N.Tols­toý adyn­da­ky döw­let mu­ze­ýi hem-de «Ýas­na­ýa Pol­ýa­na» mu­zeý mül­ki ta­ra­pyn­dan ýo­la goý­lup­dy. Şol dö­wür­de bu saýt­da «Tu­tuş Tols­toý bir ka­kuw­da» at­ly bö­lüm ýo­la go­ýul­dy. Lew Tolstoý 18 ýa­şyn­dan baş­lap gün­de­lik ýö­re­dip­dir. Onuň iň soň­ky ýaz­gy­sy ara­dan çyk­ma­zy­nyň öňü­sy­ra­syn­da ýa­zy­lyp­dyr. Hä­zir­ki wag­ta çen­li ýa­zy­jy­nyň 31 gün­de­li­gi sak­la­nyp ga­lyp, ol 5 müň sa­hy­pa­dan yba­rat­dyr. Gün­de­lik­leriň öl­çe­gi Tols­to­ýyň 6 ýy­lyň do­wa­myn­da ýa­zan «Uruş we pa­ra­hat­çy­ly­gy­na» ba­ra­bar. Tol

4 Oktýabr 2024

Jemgyýet

«Azi­ýa­nyň No­bel baý­ra­gy­nyň» eýe­si

Ýa­po­ni­ýa­ly ani­ma­tor Ha­ýao Mi­ýad­za­ki Azi­ýa ýurt­la­ryn­da No­bel baý­ra­gy­na ba­ra­bar ha­sap­lan­ýan Ra­mon Mag­saý­saý baý­ra­gy­nyň eýe­si bol­dy. Bu ba­ra­da baý­ra­gy esas­lan­dy­ry­jy gaz­na ha­bar ber­di. «Mi­ýad­za­ki ýaş­la­ra bo­lan hor­ma­ty­ny ýü­ze çy­ka­ryp, sýu­žet­le­ri­ni we he­ka­ýa­la­ry­ny sa­da­laş­dyr­ma­ýar. Ol ýaşlara düş­nük­li et­mek maksady bilen sun­ga­t arkaly daş­ky gur­şa­wy go­ra­mak, pa­ra­hat­çy­ly­ga ym­tyl­mak ýa-da ze­nan­la­ryň jem­gy­ýet­dä­ki hu­kuk­la­ry­ny we or­nu­ny go­ra­mak ýa­ly çyl­şy­rym­ly te­ma­la­ry saýlap al­ýar» di­ýip, gaz­na­nyň be­ýa­na­tyn­da aý­dyl­ýar.

4 Oktýabr 2024

Jemgyýet

Be­ýik küştçüleriň dur­mu­şyn­dan

Öz-özü­ňe ynam Ýa­ryş baş­la­maz­dan öň Wil­gelm Steý­nis­den so­ra­ýar­lar:

4 Oktýabr 2024

Jemgyýet

Ýe­ral­ma ba­ra­da gy­zyk­ly mag­lu­mat­lar

Aş­ha­na­my­zyň aý­ryl­maz bir bö­le­gi­ne öw­rü­len ýe­ral­ma dün­ýä­de iň köp ýaý­ran bak­ja önüm­le­ri­niň bi­ri­dir. Her ýyl dün­ýä­de 400 mil­li­on ton­na tö­we­re­gi ýe­ral­ma ha­sy­ly alyn­ýar. Ýe­ral­ma­nyň üç­den bir bö­le­gi Hy­taý bi­len Hin­dis­tan­da ös­dü­ri­lip ýe­tiş­di­ril­ýär. Gaý­na­dy­lan, gow­ru­lan, kö­ze dag­la­nan – is­len­dik gör­nüş­de ta­gam taý­ýar­lap bol­ýan bu bak­ja önü­mi ba­ra­da­ky gy­zyk­ly mag­lu­mat­la­ry dyk­ga­ty­ňy­za ýe­tir­ýä­ris. Köp adam ýe­ral­ma­nyň ata Wa­ta­ny Ir­lan­di­ýa di­ýip bil­ýär. Ir­lan­di­ýa ýe­ral­ma­ny köp­çü­li­ge meş­hur eden hem bol­sa, bu ösüm­li­giň il­kin­ji ös­dü­ri­lip ýe­tiş­di­ri­len ýe­ri Bo­li­wi­ýa­nyň de­mir­ga­zyk-gün­ba­ta­ry we Pe­ru­nyň gü­nor­ta bö­le­gi ha­sap­lan­ýar. 1600-nji ýyl­lar­da is­pan­lar ýe­ral­ma­ny Ame­ri­ka alyp gid­ýär­ler. Şon­dan soň ha­sy­ly ýe­riň aşa­gyn­da bit­ýän bu ösüm­lik tu­tuş dün­ýä ýaý­ra­ýar.

4 Oktýabr 2024

Jemgyýet

Lif­tiň için­de nä­me üçin aý­na bar?

Adam­zat ta­ry­hyn­da iň go­wy oý­lap ta­pyş­la­ryň bi­ri bo­lan lift geç­miş bi­len tä­ze döw­rüň teh­no­lo­gi­ýa­sy­ny bir­leş­dir­ýär. Lif­tiň döw­re­bap­ly­gy we bu en­ja­myň hä­si­ýet­li aý­ra­tyn­lyk­la­ry ýy­lyň-ýy­ly­na ös­dü­ril­ýär, tä­ze­çe gör­nüş­de iş­le­nip dü­zül­ýär. Lift­dä­ki aý­ra­tyn­lyk­la­ryň bi­ri hem ýo­lag­çy­la­ra ni­ýet­le­nen ýüz gö­rül­ýän aý­na­nyň bol­ma­gy­dyr. Eý­sem, nä­me üçin ýo­kar­ky gat­la­ra adam­la­ry we ýük­le­ri da­şa­ýan bu en­jam­da aý­na go­ýul­ýar­ka? Kö­pi­miz lif­te gi­re­ni­miz­de bu en­ja­myň di­wa­ryn­da­ky aý­na se­red­ýä­ris, sa­çy­my­za ti­mar ber­ýä­ris, üst-ba­şy­my­zy dü­zed­ýä­ris. Ýö­ne lift­dä­ki aý­na bu se­bäp­le­re gö­rä go­ýul­man­dyr.

4 Oktýabr 2024

Jemgyýet