"Habarlar" gazeti

Esaslandyryjysy: Hojalyk hasaplaşygyndaky redaksion birleşik
Salgysy: Aşgabat şäheri, 1995-nji köçe, 66
Telefon belgileri: 22-33-29, 22-33-06
Email: habarlar@sanly.tm

Gazeti PDF görnüşinde ýükläp almak

Habarlar

Täze kitabyň tanyşdyrylyş dabarasy

Täsirli geçdi Golaýda Mary etrabyndaky 8-nji orta mekdepde TDP-niň etrap komiteti etrap bilim bölümi bilen bilelikde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň “Hakyda göwheri” atly täze kitabynyň tanyşdyrylyş dabarasyny geçirdi. Dabara etrapdaky 3-nji, 24-nji, 17-nji we 29-njy orta mekdepleriň mugallymlary gatnaşdylar.

23 Dekabr 2024

Jemgyýet

Baýramçylyk dabaralary

Täze ýyl gelýär Wekilbazar etrabynyň gözel künjeginde ýerleşýän “Belent” toý mekanynda täze ýyl baýramçylygy mynasybetli Wekilbazar etrap häkimligi Mary etrap häkimligi, TMÝG-niň Wekilbazar hem-de Mary etrap geňeşleri, Wekilbazar etrap medeniýet bölümi bilen bilelikde «Arkadagly Gahryman Serdar bilen, eziz Diýar bagta ýar, ak arzuwlara beslenip Täze ýyl gelýär» ady bilen baýramçylyk çäresini geçirdi.

23 Dekabr 2024

Jemgyýet

Wagyz-nesihat çäresi

Tertip-düzgün ündeldi Berkarar döwletiň täze eýýamynyň Galkynyşy döwrüniň şan-şöhrata beslenen “Pähim-paýhas ummany Magtymguly Pyragy” ýylynyň tamamlanmagyna sanlyja gün galdy. Häzirki wagtda ýurdumyzda uludan bellenilip geçilýän Täze ýyl baýramyna taýýarlyk çäreleri giňden ýaýbaňlandyrylýar. Şu baýramçylygyň şatlykly toýlanylmagyny üpjün etmek bolsa, özümize bagly.

23 Dekabr 2024

Jemgyýet

Adamzadyň ýoluny ýagtyldan ruhy şamçyrag

Gahryman Arkadagymyzyň «Hakyda göwheri» atly täze kitabynda halkymyzyň müňýyllyklardan gözbaş alýan şöhratly geçmişine berilýän bahalar, ol baradaky pikir ýöretmeler aýratyn ünsüňi özüne çekýär. Kitapda ilkibaşdan ynsany bagtyýarlyga ýetirýän esasy sebäpleriň biriniň milli buýsanç arkaly kemala gelýändigi, milli buýsanjyň gözbaşynda bolsa halkyň müňýyllyklardan gözbaş alýan şöhratly taryhynyň durandygy barada öňe sürülýän pikirleri gaýta-gaýta okaýarsyň. Hakykatdanam, geçmişe göz aýlasaň, dünýäniň kämilleşmegine, halklaryň biri-birine ýakynlaşmagyna, parahatçylygyň pugtalanyp, halkara gatnaşyklaryň ösmegine ata-babalarymyzyň goşan goşandy az däl. Gahryman Arkadagymyzyň täze kitabynda bu barada örän parasatlylyk bilen pikir ýöredilýär. Gahryman Arkadagymyz taryhy döwürler hakynda alymlarymyzyň ýazan ylmy işlerini hem täze pikir-düşünjeler, kesgitlemeler bilen ýerlikli baýlaşdyrypdyr. Bu bolsa örän ýerine düşüpdir. Kitapda öňe sürülýän gymmatly oý-pikirler, gelinýän netijeler, kämillige gönükdirýän ugurlar biziň üçin uly bir mekdepdir. Gahryman Arkadagymyzyň jöwher paýhasyndan dörän bu eser bütin halkymyza ýapylan Täze ýyl sowgady boldy. Biz bu ajaýyp kitaby adamzadyň ýoluny ýagtyldan ruhy şamçyrag hökmünde kabul edýäris.

23 Dekabr 2024

Jemgyýet

Taryhyň beýikligi — nesilleriň buýsanjy

Gahryman Arkadagymyzyň «Hakyda göwheri» atly kitaby halkymyz tarapyndan gyzgyn garşylandy. Şu günler bu gymmatly eser bilen baglanyşykly tanyşdyrylyş dabaralary yzygiderli geçirilýär. Berkarar döwletiň täze eýýamynyň Galkynyşy döwründe bu kitabyň elimize gowuşmagy bizi diýseň buýsandyrdy. Şöhratly taryhymyza söýgi döretmekde kitabyň ähmiýeti örän uludyr. Gahryman Arkadagymyz täze kitabynda: «Halkymyzyň müňýyllyklara uzaýan geçmişi, taryhy — mertligiň, gahrymançylygyň, ygrarlylygyň, belent ahlaklylygyň taryhydyr» diýip, örän jaýdar belleýär. Kitapda bellenilişi ýaly, meşhur alym Wadim Masson türkmen topragynda geçmişde döredilen Altyndepe we Gadymy Margiana siwilizasiýalarynyň, Parfiýa, Beýik Seljukly döwletleriniň tutuş adamzadyň taryhyna täsir edendigi barada ýazypdyr. Gahryman Arkadagymyz bu ägirt uly siwilizasiýalaryň we döwletleriň öňüsyrasynda Gadymy Änew medeniýetiniň gülläp ösendigini göz öňünde tutmalydyrys hem-de şunuň bilen birlikde şan-şöhraty dünýä taryhynyň bezegine öwrülen Horezmşalar döwleti hem aýratyn bellenmäge mynasypdyr diýen adalatly pikiri öňe sürýär.

23 Dekabr 2024

Jemgyýet

«Hakyda göwheri» köňüllere şugla saçýar

Türkmen halkynyň Milli Lideri Gahryman Arkadagymyzyň döredýän her bir eserinde beýan edilýän pikirler, aňladylýan duýgular biz  — ýaşlar üçin kämil ýol-ýörelgedir. Daragtyň ömri onuň köküniň berkligine hem abatlygyna bagly. Edil şonuň ýaly, ynsan hem özüniň gelip çykyşy, asyl-aňyrsy bilen beýikdir. Ine, Milli Liderimiziň jöwher zehininden dörän täze «Hakyda göwheri» atly kitabynda hem hut şu pelsepe öňe sürülýär we okyjynyň öňünde ähli çuňlugy bilen açylýar. Gahryman Arkadagymyz özüniň täze eserinde ynsany bagtyýar edýän esasy ýagdaýlaryň içinde milli buýsanjyň aýratyn ornunyň bardygyny dürli mysallaryň üsti bilen beýan edýär, öz milletiňe, halkyňa bolan söýginiň hiç zat bilen deňeşdirip bolmajak ägirt güýje eýedigini düşündirýär. Aslynda, millilige bolan buýsanç Gahryman Arkadagymyzyň islendik eserinde hem kämilligiň daýanç nokady, watansöýüjiligiň beýik mysaly hökmünde öňe sürülýär. Bu bolsa Milli Liderimiziň ähli oý-pikirlerini, ilkinji nobatda, Watana bolan öçmejek hem päk söýgä baglaýandygyny subut edýär.

22 Dekabr 2024

Jemgyýet

Gümrük gullukçylaryna döwrebap şertler döredilýär

Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň hem-de hormatly Belent Serkerdebaşymyzyň taýsyz tagallalary netijesinde döwletimizde gümrük edaralarynyň maddy-enjamlaýyn binýady pugtalandyrylyp, harby gullukçylaryň ýaşaýyş-durmuş şertleri has-da ýokarlandyrylýar. Biz muňa 2024-nji ýylyň dowamynda Türkmenistanyň Döwlet gümrük gullugynyň düzümlerinde ýerine ýetirilen işlerde hem aýdyňlygy bilen göz ýetirýäris.  2024-nji ýylyň ýanwarynda Watan goragçylarynyň güni mynasybetli Lebap welaýatynyň Türkmenabat şäherinde Döwlet gümrük gullugynyň işgärleri üçin niýetlenilen 4 gatly 24 öýli döwrebap ýaşaýyş jaýy, iýun aýynda bolsa Balkan welaýatynyň Türkmenbaşy şäherinde Balkan welaýat gümrükhanasynyň harby gullukçylary üçin niýetlenilen 4 gatly 32 öýli gulluk ýaşaýyş jaýy dabaraly ýagdaýda açylyp ulanylmaga berildi. Bu günki günde bu döwrebap jaýlarda harby gullukçylar maşgala agzalary bilen erkana ýaşap, bagtyýar durmuşyň hözirini görýärler.

22 Dekabr 2024

Jemgyýet

«Iran Agrofood»: netijeli hyzmatdaşlygy nazarlap...

Söwda-senagat edarasynda Eýran Yslam Respublikasynyň «Iran Agrofood» atly ýöriteleşdirilen sergisi geçirildi. 16 — 18-nji dekabry öz içine alan serginiň çäklerinde Türkmen-eýran işewürlik maslahatyna hem uly orun berildi. Serginiň açylyş dabarasyna Mejlisiň Başlygy, Hökümet agzalary, ýurdumyzyň ministrlikleriniň, pudaklaýyn dolandyryş edaralarynyň, daşary ýurtlaryň we halkara guramalaryň Türkmenistandaky diplomatik wekilhanalarynyň ýolbaşçylary, jemgyýetçilik guramalarynyň, köpçülikleýin habar beriş serişdeleriniň wekilleri gatnaşdylar. Serginiň açylyş dabarasy hormatly Prezidentimiz Serdar Berdimuhamedowyň Eýran Yslam Respublikasynyň «Iran Agrofood» atly 16-njy ýöriteleşdirilen sergisine we Türkmen-eýran işewürlik maslahatyna gatnaşyjylara iberen Gutlagy bilen açyldy. Ýokary guramaçylyga eýe bolan dabara ýygnananlarda uly buýsanç duýgusyny döretdi.

22 Dekabr 2024

Jemgyýet

Bazarlarda Täze ýyl söwdasy dowam edýär

Islendik ýaşdaky adamyň sabyrsyzlyk bilen garaşýan baýramçylygy, megerem, Täze ýyl bolsa gerek. Türkmençilikde yrym bar: «Täze ýylyň ilkinji gününi nähili garşylasaň, tutuş ýyl şo hili geçýär». Şonuň üçin-de adamlar bu baýramçylykda ýakyn hossarlaryny, dostlaryny begendirmek, olaryň ýüzüne şatlyk, begenç duýgularyny çaýmak maksady bilen, Täze ýyl sowgatlaryny gowşurýarlar. Nazu-nygmatdan dolduryp, saçak ýazyp, myhman garşylaýarlar. Elbetde, alnan sowgatlyklaryň, ýazylan saçagyň has göwnejaý bolmagy üçin bolsa, ilkinji nobatda, biziň ilkinji duralgamyz bazardyr söwda merkezleri bolýar.

22 Dekabr 2024

Jemgyýet

Önümçilik tejribeligi üstünlikli tamamlandy

Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda ýaşlaryň döwrebap bilim alyp, kämil ynsan bolup ýetişmekleri üçin giň şert-mümkinçilikler döredilýär. Elbetde, bu bolsa ýaşlary saýlap alan hünärlerinden doly baş çykaryp, Watanymyzyň ösüşlerine mynasyp goşant goşmaklyga iterýär. Şunda, ilkinji nobatda, nazaryýetde alan bilimiňi tejribelikde özleşdirmek zerur şertleriň biri hasaplanylýar. Munuň üçin bolsa ýurdumyzyň ähli ýokary we orta hünär okuw mekdeplerinde okaýan talyplar nazary bilimlerini tejribede özleşdirmekleri üçin ýörite bellenilen ýerlere ugradylýar. Şunda Türkmenistanyň Daşary işler ministrliginiň Halkara gatnaşyklary institutynyň 5-nji ýyl talyplarynyň 12 hepdelik önümçilik tejribeliklerini ýurdumyzyň daşary ýurtlardaky wekilhanalarynda geçip gelmekleri aýratyn bellenilmäge mynasypdyr. Meniň talyplyk durmuşymda hem bu gezekki önümçilik tejribeligi ýatdan çykmajak wakalaryň biri boldy. Çünki maňa hormatly Prezidentimiziň döredip berýän mümkinçilikleriniň saýasynda 12 hepdelik önümçilik tejribeligini Türkmenistanyň Täjigistan Respublikasyndaky Ilçihanasynda geçmek bagty miýesser etdi. Önümçilik tejribeliginiň dowamynda Ilçihana hem-de onuň konsullyk bölümine daşary ýurt raýatlaryndan hem-de şol ýurtda bolýan watandaşlarymyzdan gelip gowuşýan dürli arzalar boýunça alnyp barylýan işler bilen ýakyndan tanyş bolduk. Öz saýlap a

22 Dekabr 2024

Jemgyýet

FAO Türkmenistanda okuw seminaryny geçirdi

19-20-nji dekabrda «Arçabil» myhmanhanasynda BMG-niň Azyk we oba hojalyk guramasy (FAO) tarapyndan suw jandarlary üçin iýmleriň önümçiligini, olaryň hilini we durnuklylygyny ýokarlandyrmaga gönükdirilen milli okuw seminary geçirildi. Bu barada «tmcars.info» saýty habar berýär. Çäre FAO-nyň «Akwa önümçiligi üçin iýmitleriň önümçilik-ýerlemek zynjyrynyň we suw haýwanlarynyň saglygyny goramagy dolandyrmagyň netijeliliginiň ösüşi» TCP/TUK/3902 taslamasynyň çäklerinde geçirildi. Seminara döwlet edaralarynyň, Senagatçylar we telekeçiler birleşmesiniň wekilleri, şeýle-de milli balyk iýmlerini öndürijiler gatnaşdylar. Okuwy FAO-nyň halkara hünärmeni Tomas Şipton geçirdi. Çäräniň esasy mowzuklary suw jandarlary üçin iýmleriň taýýarlanyş usulyny işläp taýýarlamak, olaryň önümçiligi we fermalarda dolandyrmak boldy.

22 Dekabr 2024

Jemgyýet

Ýaş estradaçylaryň üstünlikleri

Uly taryhy ösüşlere beslenýän «Pähim-paýhas ummany Magtymguly Pyragy» ýylynda Türkmenistanyň Alp Arslan adyndaky milli drama teatrynda «Ýylyň parlak ýyldyzy — 2024» atly döredijilik bäsleşiginiň jemleýji tapgyry geçirildi. Bu bäsleşik diňe bir ýaş estrada ýerine ýetirijileriniň bäsleşigi bolman, eýsem, ýurdumyzyň aýdym-saz sungatynyň geljegine özboluşly garaýyşdyr. Türkmenistanyň Magtymguly adyndaky Ýaşlar guramasynyň Merkezi geňeşi, Türkmenistanyň Medeniýet ministrligi hem-de Türkmenistanyň Telewideniýe, radiogepleşikler we kinematografiýa baradaky döwlet komiteti tarapyndan geçirilýän bu iri möçberli döredijilik çäresi ýyl geçdigiçe, ýaş zehinli ýerine ýetirijileriň köp sanlysyny ýüze çykarýar. Berkarar döwletiň täze eýýamynyň Galkynyşy döwründe Gahryman Arkadagymyzyň başlangyjy we hormatly Prezidentimiziň taýsyz tagallalary netijesinde milli medeniýetimizi we sungatymyzy ösdürmek, ony ajaýyp döwrümiziň belent maksatlaryna laýyklykda baýlaşdyrmak ugrunda netijeli işler amala aşyrylýar. Milli aýdym-saz sungatymyzy ösdürmäge, ýaş zehinleri ýüze çykarmaga uly üns berlip, bu ugurda dürli döredijilik bäsleşikleri yzygiderli geçirilýär. Ýurdumyzda aýdym-saz sungatyna höwesli ýaşlary goldamak, zehinli aýdymçylary we sazandalary ýüze çykarmak üçin ähli şertler döredilýär. Munuň özi olaryň ukyp-başarnyklaryny artdyrmaga, sungata bolan höweslerini ýokarlandyrmaga uly itergi berýär.

22 Dekabr 2024

Jemgyýet

Nah ýüplük kärhanasynda...

Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda ýurdumyzy senagat zolagyna öwürmek, öndürilýän önümleriň görnüşini we mukdaryny artdyrmak, şeýle-de dünýä bazarynda bäsdeşlige ukyply milli harytlarymyzy eksport etmek boýunça alnyp barylýan işler aýdyň maksatly ata Watanymyzyň nurana geljegine gönügendir. Döwrüň we döwletiň döreden mümkinçilikleri ýurduň ösüşine mynasyp goşant goşýan hususyýetçileri il-halk bähbitli tutumly işleri ýola goýmaga ugrukdyrýar Gahryman Arkadagymyzyň, Arkadagly Gahryman Serdarymyzyň başda durmagynda aýratyn üns berilýän hususy pudagyň wekilleriniň — türkmen telekeçileriniň, işewürleriniň ykdysadyýetimiziň ösüşindäki paýy uludyr. Ýakynda açylyp ulanylmaga berlen «Gök saraý» hususy kärhanasy Ahal welaýatynyň Ak bugdaý etrabynyň Magtymguly daýhan birleşiginiň Magtymguly köçesiniň 2-nji kilometrinde ýerleşip, ol ýurdumyzda dokma senagatyny ösdürmek babatda alnyp barylýan işleriň netijeli ýola goýlandygynyň subutnamasydyr. Hususy kärhananyň önümçilik we tehniki bazasy Ýewropadan, Ýaponiýadan, Hytaýdan getirilen ýokary hilli enjamlar we täze innowasion tehnologiýalar bilen üpjün edilen.

22 Dekabr 2024

Jemgyýet

Meşhur «Бабаевский» haryt nyşany

Şokolad hakynda öňem kän ýazyldy. Ýöne islegi hiç haçan azalmajak haryt barada ýene-de ýazmaklygy makul hasapladyk. Megerem, şokolady halamaýan adam ýok bolsa gerek. Köp sarp edilýän önümleriň biri bolan bu önümiň önümçiligi ençeme ýyllar bäri, dünýäde uly meşhurlyga eýedir. Häzirki wagtda Ýer ýüzünde şokolad önümçiligi we üpjünçiligi bilen meşgullanýan ençeme ýurtlar bar. Olaryň biri-de Russiýa Federasiýasydyr. Konditer önümlerini öndürýän kompaniýalarynyň arasynda esasy üç brendi («Красный Октябрь», «Алёнка», «Бабаевский») bilen dünýä meşhur bolan Russiýa şokolad öndürmekde ýöriteleşendir. Üç brendiň esasysy hasaplanylýan «Бабаевский» haryt nyşanly önümler gara şokoladlary bilen tanymaldyr. Moskwanyň Krasnoselskiý etrabynda ýerleşýän «Бабаевский» konditer önümleri konserni (Кондитерский концерн Бабаевский) ýurtda konditer önümlerini öndürýän iň gadymy kärhanalaryň biridir.

22 Dekabr 2024

Jemgyýet

3 müň adam işsiz galar

«Volkswagen» Germaniýadaky kärhanalaryny ýapmagyň ýollaryny gözläp ýörkä, «Volkswagen Group» konserniň «Audi AG» kompaniýasy özüniň Belgiýanyň paýtagty Brýussel şäherindäki kärhanasyny ýapmaly diýen karara geldi. Kärhananyň işi öňümizdäki ýylyň fewral aýynda ýatyrylar. «Q8 e–tron» we «Q8 e–tron Sportback» modelleri bolsa önümçilikden aýrylar. «Audi» kompaniýasynyň Brýusseldäki kärhanasyny satmak meýli şowsuz tamamlandy. Sentýabr aýynda Hytaýyň «Nio» kompaniýasy «Audi» bilen gyzyklanýar diýen myş-myşlar hem bardy. Emma «Nio» kompaniýasynyň baş direktory muny inkär edipdi.

22 Dekabr 2024

Jemgyýet

Hindi kolleksioneri «Bugattileri» satyn aldy

Hindistandan bir baý kolleksionere ähli «Bugatti World Record Edition» awtoulaglaryny bir ýere jemlemek başartdy. «Bugatti» muşdagynyň adyny häzirlikçe aýtmaýar. Emma kompaniýanyň satylan kolleksiýa «Singhiň kolleksiýasy» diýip at bermegi köpleriň ünsüni Ruben Singhe çekdi. Ol gymmatbaha awtoulaglara bolan ýykgynlygy bilen tapawutlanýan hindi telekeçisidir. Onuň kolleksiýasynda «Bugatti Divo», «Ferrari Monza SP2», «Daytona SP3», «Aston Martin Valkyrie» we «Rolls-Royse» awtoulaglary bardyr. Ýeri gelende bellesek, satylan «Bugatti» awtoulaglary 2010, 2013, 2019 we 2024-nji ýyllarda çykarylandyr. Şeýle-de bu awtoulaglar öz ýyllarynda çykarylan awtoulaglaryň arasynda iň tizleridir.

22 Dekabr 2024

Jemgyýet

Mani ýa-da pul harplygy

Oýun ýaly usul arkaly ÜSTÜNLIGE we üpjünlige tarap BODO ŞEFER

22 Dekabr 2024

Jemgyýet

Täze ýyly agzybirlik bilen garşylalyň!

Täze ýyl baýramy her birimiziň sabyrsyzlyk bilen garaşýan ajaýyp günlerimiziň biridir. Bu baýramçylygyň şatlygy we umydy dürli çäreler bilen has-da baýlaşýar. Emma, şeýle ajaýyp pursatlaryň hözirini doly görmek üçin howpsuzlygy ünsden düşürmezlik möhüm ähmiýete eýedir. Täze ýyl dabarasynyň howpsuz geçirilmegi diňe bir şatlygyňyzy goramak bilen çäklenmän, adamlaryň saglygyny we jemgyýetçilik durnuklylygyny hem üpjün edýär. Täze ýyl dabaralarynyň dowamynda köpçülik ýerlerinde ýygnanyşyklary we baýramçylyk çärelerini guramak adaty ýagdaýdyr. Şu çärelerde howpsuzlyk düzgünlerine laýyk çemeleşmek we gerekli çäreleri görmek örän möhümdir. Köçelerde ýygnanyşyklaryň tertipli geçirilmegi, ýol hereketiniň sazlaşykly guralmagy we howply ýagdaýlaryň öňüni almak üçin degişli düzümleriň tagallalary möhüm orunda durýar.

22 Dekabr 2024

Jemgyýet

Ta­ry­hy eser bilen tanyşlyk

«7/24.tm»: №52 (239) 23.12.2024 Çe­per dö­re­di­ji­li­ge çäk­siz sar­pa goý­ýan Gah­ry­man Ar­ka­da­gy­my­zyň şöh­rat­ly ta­ry­hy­myz ha­kyn­da top­lan en­çe­me mag­lu­mat­la­ry­ny ka­gy­za ge­çi­rip, tä­ze ki­ta­by­ny ýa­zyp ta­mam­lan­dy­gy­ny, bu ge­zek­ki tä­ze dür­dä­ne ese­ri­ne «Ha­ky­da göw­he­ri» di­ýip at go­ýan­dy­gy ba­ra­da­ky ha­bar bü­tin türk­men hal­ky bi­len bi­le­lik­de bi­ziň hem ýü­re­gi­miz­de çäk­siz buý­sanç duý­gu­sy­ny art­dyr­dy.

22 Dekabr 2024

Jemgyýet

«Ýaş­lar — Wa­ta­nyň da­ýan­jy» ýa­pon di­lin­de

«7/24.tm»: №52 (239) 23.12.2024 2024-nji ýy­lyň 18-nji de­kab­ryn­da Türk­me­nis­ta­nyň Da­şa­ry iş­ler mi­nistr­li­gi­niň Hal­ka­ra gat­na­şyk­la­ry ins­ti­tu­tyn­da hor­mat­ly Pre­zi­den­ti­mi­ziň «Ýaş­lar — Wa­ta­nyň da­ýan­jy» at­ly ki­ta­by­nyň ýa­pon di­li­ne ter­ji­me edi­len ne­şi­ri­niň ta­nyş­dy­ry­lyş da­ba­ra­sy ge­çi­ril­di.

22 Dekabr 2024

Jemgyýet