Gymmaty egsilmejek ruhy hazyna

Türkmen halkynyň Milli Lideri Türkmenistanyň Halk Maslahatynyň Başlygy Gahryman Arkadagymyzyň «Hakyda göwheri» atly täze kitabynyň tanyşdyrylyş dabarasy Türkmen oba hojalyk institutynda geçirildi. Oňa institutyň mugallymlary hem-de talyp ýaşlar gatnaşdylar. Dabarada çykyş edenler «Pähim-paýhas ummany Magtymguly Pyragy» ýylynyň uly üstünliklere, taryhy wakalara beslenýän günlerinde, Halkara Bitaraplyk baýramynyň öň ýanynda Gahryman Arkadagymyzyň ajaýyp kitabynyň halkymyza gowuşmagynyň ýurdumyzyň jemgyýetçilik durmuşynda möhüm wakalaryň biri bolandygyny nygtadylar. Ylmy maglumatlara esaslanýan bu kitabyň «Taryha syýahat» we «Ruhy miras» diýlip atlandyrylan iki bapdan ybarat bolup, onuň birinji babynyň türkmen halkynyň baý taryhyna, ikinji babynyň bolsa bahasyz ruhy mirasyna bagyşlanandygy bellenildi. Onlarça kitaby, düýpli ylmy işleri ýazyp halkymyza peşgeş beren Gahryman Arkadagymyzyň «Hakyda göwheri» atly kitaby taryh ylmynda möhüm waka bolmak bilen, ilkinji nobatda, bu ugurda işleýän alymlar üçin aýratyn gymmatly gollanmadyr diýip, çykyş edenler nygtadylar.

Çagalara baýramçylyk sowgatlary gowşuryldy

Täze ýyl baýramçylygy mynasybetli welaýat Saglygy goraýyş müdirliginiň saglygy goraýyş işgärleriniň Kärdeşler arkalaşyklarynyň Daşoguz şäher geňeşi bilen bilelikde guramagynda aýdym-sazly çäre geçirildi. Welaýat inçekesel hassahanasynyň çagalaryň saglygyny dikeldiş bölüminde geçirilen dabara bu ýerde saglygyny dikeldýän çagalar gatnaşdylar. Baýramçylyk çäresiniň dowamynda bölümde bejergi alýan çagalara Täze ýyl sowgatlary gowşuryldy. Bagtyýar nesiller özleri hakda uly alada edýän Gahryman Arkadagymyza we hormatly Prezidentimize alkyş sözlerini aýtdylar.

Medeni habar

Baýramçylyk dabarasy geçirildi Daşoguz şäher medeniýet merkeziniň Daşoguz şäheriniň 9-njy orta mekdebi bilen bilelikde guramagynda «Hoş gelipsiň Täze ýyl, eziz Diýara!» atly aýdym-sazly baýramçylyk çäresi geçirildi. Şäher medeniýet merkezinde geçirilen bu çärä mekdep okuwçylarydyr ene-atalar uly höwes bilen gatnaşdylar.

Bildirişler

Resmi habar

Berkarar döwletiň täze eýýamynyň Galkynyşy döwründe ýurdumyzda amala aşyrylýan durmuş-ykdysady özgertmeleri giňden ýaýmak, Türkmenistanyň daşary ýurtlar bilen köpugurly gatnaşyklaryny ösdürmek, häzirki zaman tehnologiýalaryny önümçilige giňden ornaşdyrmak, öňdebaryjy tejribäni alyşmak we ykdysadyýetiň pudaklaryna maýa goýumlary çekmek maksady bilen, Türkmenistanyň Prezidenti Karara gol çekdi. Resminama laýyklykda, ministrlikler we pudaklaýyn dolandyryş edaralary tarapyndan 2025-nji ýylda geçiriljek sergileriň, ýarmarkalaryň, maslahatlaryň we festiwallaryň sanawy hem-de olary geçirmek boýunça guramaçylyk toparynyň düzümi tassyklanyldy. Ministrliklere we pudaklaýyn dolandyryş edaralaryna degişli çäreleriň ýokary derejede, guramaçylykly geçirilmegini üpjün etmek tabşyryldy.

Türkmen halkynyň Milli Lideri, Türkmenistanyň Halk Maslahatynyň Başlygynyň we Özbegistan Respublikasynyň Prezidentiniň arasynda telefon arkaly söhbetdeşlik

30-njy dekabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik boldy. Gahryman Arkadagymyz we Özbegistanyň Prezidenti birek-biregi ýetip gelýän Täze ýyl bilen tüýs ýürekden gutlap, iki ýurduň halklaryna 2025-nji ýylda parahatçylyk, rowaçlyk, abadançylyk arzuw etdiler. Pursatdan peýdalanyp, özbek Lideri hormatly Prezidentimiz Serdar Berdimuhamedowa mähirli salamyny, iň gowy arzuwlaryny beýan etdi.

Gymmatly eseriň şuglasy

Ajaýyp eseriň ähmiýeti wagyz edildi Türkmenistanyň Demokratik partiýasynyň welaýat komitetiniň, welaýat saglygy goraýyş müdirliginiň hem-de Daşoguz şäher hassahanasynyň KA-nyň ilkinji guramasynyň bilelikde guramagynda türkmen halkynyň Milli Lideri Gahryman Arkadagymyzyň «Hakyda göwheri» atly kitabynyň tanyşdyrylyş dabarasy geçirildi.

Türkmenistan — rowaçlygyň we bagtyýar çagalygyň ýurdy

Hormatly Prezidentimiz Serdar Berdimuhamedow Täze ýyl dabaralaryna gatnaşdy 28-nji dekabrda hormatly Prezidentimiz Serdar Berdimuhamedow asylly däbe görä, ýurdumyzyň Baş arçasynyň ýanynda guralýan Täze ýyl dabarasyna gatnaşdy. Munuň özi bagtyýar çagalarda aýratyn şatlyk we begenç duýgusyny döretdi.

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň türkmen halkyna Täze ýyl gutlagy

Eziz watandaşlar! Taryhyň ýene-de bir ýyly tamamlanyp barýar. 2024-nji ýyl ýurdumyzda «Pähim-paýhas ummany Magtymguly Pyragy» ýyly diýlip atlandyryldy. Munuň özi türkmen halkynyň akyldar şahyryna goýýan uly hormatyndan nyşandyr.

Türkmen halkynyň Milli Lideri, Türkmenistanyň Halk Maslahatynyň Başlygy Arkadag şäherine iş saparyny amala aşyrdy

28-nji dekabrda türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow Arkadag şäherinde bolup, bu ýerde alnyp barylýan işler, taýýarlanylan taslamalar bilen tanyşdy hem-de degişli ýolbaşçylaryň gatnaşmagynda iş maslahatyny geçirdi. Milli Liderimiz bagtyýar halkymyzy Täze ýyl baýramçylygy bilen gutlady. Milli Liderimiz gyş paslynyň säher çaglarynda döwrüň ösen tejribesi we sanly tehnologiýalaryň mümkinçilikleri esasynda gözel künjekde binýat bolan Arkadag şäherine geldi. Häzirki wagtda şäheriň gurluşygynyň ikinji tapgyrynda ýaýbaňlandyrylan işler sazlaşykly esasda dowam edýär.

Telefon arkaly söhbetdeşlik

28-nji dekabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenko bilen telefon arkaly söhbetdeşligi boldy. Söhbetdeşligiň başynda Gahryman Arkadagymyz we Russiýanyň parlamentiniň ýokarky palatasynyň ýolbaşçysy birek-biregi ýetip gelýän täze — 2025-nji ýyl bilen gutlap, iki ýurduň halklaryna bagtyýarlyk, abadançylyk, rowaçlyk arzuw etdiler. Pursatdan peýdalanyp, Walentina Matwiýenko türkmen halkynyň Milli Lideriniň iki ýurduň arasyndaky dostlukly gatnaşyklary mundan beýläk-de pugtalandyrmak ugrunda edýän tagallalaryny aýratyn belledi hem-de Russiýa Federasiýasynyň Prezidenti Wladimir Putiniň Gahryman Arkadagymyza hem-de hormatly Prezidentimize mähirli salamyny ýetirdi.

Türkmenistanyň Prezidenti hormatly Serdar Berdimuhamedowa

Çuňňur hormatlanylýan Türkmenistanyň Prezidenti! Sizi täze — 2025-nji ýylyň «Halkara parahatçylyk we ynanyşmak ýyly» diýlip yglan edilmegi mynasybetli Türkmenistanyň Halk Maslahatynyň adyndan tüýs ýürekden gutlaýaryn. Siziň janyňyzyň sag, ömrüňiziň uzak bolmagyny, eziz Watanymyzyň gülläp ösmegi, halkymyzyň bagtyýar durmuşda ýaşamagy ugrunda alyp barýan döwlet ähmiýetli işleriňiziň mundan beýläk-de rowaçlyklara beslenmegini arzuw edýärin.

Türkmenistanyň Prezidenti hormatly Serdar Berdimuhamedowa

Çuňňur hormatlanylýan Türkmenistanyň Prezidenti! Sizi täze — 2025-nji ýylyň «Halkara parahatçylyk we ynanyşmak ýyly» diýlip yglan edilmegi mynasybetli Türkmenistanyň Halk Maslahatynyň adyndan tüýs ýürekden gutlaýaryn. Siziň janyňyzyň sag, ömrüňiziň uzak bolmagyny, eziz Watanymyzyň gülläp ösmegi, halkymyzyň bagtyýar durmuşda ýaşamagy ugrunda alyp barýan döwlet ähmiýetli işleriňiziň mundan beýläk-de rowaçlyklara beslenmegini arzuw edýärin.

Türkmenistanyň Ministrler Kabinetiniň giňişleýin mejlisi

27-nji dekabrda hormatly Prezidentimiz Serdar Berdimuhamedow Ministrler Kabinetiniň we Döwlet howpsuzlyk geňeşiniň giňişleýin mejlisini geçirdi. Oňa welaýatlaryň, Aşgabat şäheriniň häkimleri hem gatnaşdylar. Döwlet Baştutanymyz mejlisi açyp, Türkmenistanyň Mejlisiniň Başlygy D.Gulmanowa söz berdi.

Türkmenistanyň Mejlisiniň karary

2025-nji ýyly «Halkara parahatçylyk we ynanyşmak ýyly» diýip yglan etmek hakynda

Tanyşdyrylyş dabarasy

Gahryman Arkadagymyzyň «Hakyda göwheri» atly täze kitabynyň tanyşdyrylyş dabarasy, welaýatymyzyň ähli ýerlerinde bolşy ýaly, Akdepe etrabynda hem geçirildi. Etrap häkimliginiň jemgyýetçilik guramalary bilen bilelikde guramagynda medeniýet merkezinde geçirilen dabarada çykyş edenler Berkarar döwletiň täze eýýamynyň Galkynyşy döwründe öz gözbaşyny asyrlaryň jümmüşinden alyp gaýdýan milli mirasymyzy, asylly däp-dessurlarymyzy hem-de ruhy gymmatlyklarymyzy öwrenmekde, dünýä ýaýmakda, röwşen ertirlere ýetirmekde, uly tutumly işleri durmuşa ornaşdyrmakda «Hakyda göwheri» atly täze kitabyň ähmiýetiniň uludygyny nygtadylar. Kitabyň girişden we iki bapdan ybarat bolup, onda şöhratly taryhymyz hem-de şol taryh bilen bagly saklanyp galan taryhy medeni ýadygärliklerimiz hakynda gürrüň berilýändigi, Gahryman Arkadagymyzyň bular baradaky garaýyşlarynyň we pikirleriniň giň beýanynyň tapýandygy dogrusynda belläp geçdiler. Alym Arkadagymyzyň ylmy-filosofik işleriniň we çeper eserleriniň geljekki nesiller üçin gymmatly hazynadygyny aýtmak bilen, çykyş edenler milli medeniýetimizi, şöhratly taryhymyzy dünýä tanatmakda «Hakyda göwheri» atly ajaýyp kitabynyň okyjylaryň ýankitabyna öwrüljekdigini buýsanç bilen bellediler.

Sport

Gyzykly ýaryşlar Türkmenistanyň Bedenterbiýe we sport baradaky döwlet komitetiniň hem-de Taekwondo milli merkeziniň bilelikde guramagynda Aşgabat şäherindäki Olimpiýa şäherçesiniň Başa-baş söweş sungaty sport toplumynda taekwondo boýunça Türkmenistanyň birinjiligi geçirildi. Oňa ýurdumyzyň ähli welaýatlaryndan we Aşgabat şäherinden güýçli türgenler gatnaşdylar. Ýaryşda üstünlikli çykyş edip, ýeňiş gazanan türgenleriň arasynda welaýatymyzdan gatnaşan türgenleriň hem bardygy has-da buýsandyryjydyr. Olardan Daşoguz şäherindäki 4-nji sport mekdebiň türgenleri Küren Myradow 36-40 kilogram agram derejesinde birinji, Omar Myradow 20 kilogram agram derejesinde ikinji, Sabyr Atamedow 27 kilogram agram derejesinde üçünji, Amirhan Matýakubow 30 kilogram agram derejesinde üçünji orunlara mynasyp boldular. Ýaryşda ýeňiş gazanan türgenler Hormat hatlary we baýraklar bilen sylaglandylar.

Bildirişler

Türkmenistanyň Prezidenti GDA-nyň döwlet Baştutanlarynyň resmi däl sammitine gatnaşdy

25-nji dekabrda hormatly Prezidentimiz Serdar Berdimuhamedow, däp bolşy ýaly, Täze ýylyň öňüsyrasynda geçirilýän Garaşsyz Döwletleriň Arkalaşygynyň döwlet Baştutanlarynyň resmi däl sammitine gatnaşmak üçin Russiýa Federasiýasyna iş sapary bilen ugrady. Aşgabadyň Halkara howa menzilinde döwlet Baştutanymyzy ýurdumyzyň resmi adamlary ugratdylar. Hormatly Prezidentimiziň uçary Sankt-Peterburga çenli uçuşy amala aşyryp, “Pulkowo” Halkara howa menzilinde gondy. Bu ýerde döwlet Baştutanymyzy resmi adamlar mähirli garşyladylar.

Türkmen halkynyň Milli Lideri, Türkmenistanyň Halk Maslahatynyň Başlygy Halkara onkologiýa ylmy-kliniki merkeziniň gurluşygynyň barşy bilen tanyşdy

25-nji dekabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow paýtagtymyzyň demirgazyk künjeginde gurluşygy batly depginde alnyp barylýan Halkara onkologiýa ylmy-kliniki merkeziniň meýdançasyna bardy. Ir bilen lukman Arkadagymyz Halkara onkologiýa ylmy-kliniki merkeziniň binalar toplumynyň gurulýan ýerine geldi. Milli Liderimiz gurluşykda ulanylýan serişdeleriň görnüşleri bilen tanşyp, olaryň onkologiýa ylmy-kliniki merkeziniň gurluşygy babatda bildirilýän talaplara doly laýyk gelmelidigini, gurluşyk we bezeg serişdeleriniň uzak möhletleýinlik, berklik şertlerini özünde jemlemelidigini aýtdy.