"Balkan" welaýat gazeti

Esaslandyryjysy: Balkan welaýatynyň häkimligi
Salgysy: Balkanabat şäheri, 145-nji ýaşaýyş jaý toplumy, 1
Telefon belgileri: 6-37-06, 6-07-92, 6-07-96
Email: balkan-gazeti@sanly.tm

Gazeti PDF görnüşinde ýükläp almak

Habarlar

Beýik işler buýsandyrýar her kimi

Hormatly Prezidentimiziň mukaddes Garaşsyzlygymyzyň 30 ýyllygyny dabaraly geçirmek barada aýdanlaryndan ruhlanyp, şu günler ähli watandaşlarymyz bu şanly senäni mynasyp garşylamak höwesi bilen hyjuwly işleýärler. «Türkmenistan — parahatçylygyň we ynanyşmagyň Watany» ýylymyzyň, turuwbaşdan, göwün göteriji üstünliklere beslenip başlanmagy, Gahryman Arkadagymyzyň Aşgabat şäheriniň 140 ýyllygy, döwlet Garaşsyzlygymyzyň 30 ýyllygy mynasybetli ulanylmaga berilmeli desgalary birjik-de nazaryndan düşürmän, häli-şindi olarda işleriň gidişi bilen tanşyp durmagy bolsa halkymyzyň öz öňünde goýan maksadyna abraý bilen ýetip, Baş baýramymyzy zähmet sowgatlary bilen garşylajakdygyna ynam döredýär. Garaşsyz, baky Bitarap döwletimiz şu günler Gahryman Arkadagymyzyň beýik başlangyçlary we taýsyz tagallalary netijesinde öz ösüşinde uly özgerişlikleri başdan geçirýär. Ýurdumyzyň ösüşiniň häzirki tapgyry tehnologiýalaryň çalt döwrebaplaşdyrylmagy, ähli pudaklara sanly ulgamyň we innowasiýalaryň ornaşdyrylmagy, ykdysadyýetiň gurluş düzüminiň kämilleşdirilmegi, täze önümçilikleriň döredilmegi we hususy bölegiň ösdürilmegi bilen häsiýetlendirilýär. Netijede, biziň ýurdumyzyň durmuş-ykdysady ösüşiniň maksatnamalary üstünlikli durmuşa geçirilýär.

23 Fewral 2021

Garaşsyzlyk

Bagtyýarlygyň röwşen şuglasy

«Türkmenistan — parahatçylygyň we ynanyşmagyň Watany» ýylymyzda ýurdumyz uly üstünliklere beslenýär. Hormatly Prezidentimiziň parasatly baştutanlygynda Berkarar döwletimiziň bagtyýarlyk döwründe beýik ösüşler bütin ýurdumyzy gurşap alýar. Şöhraty dünýä dolan ýurdumyzyň ähli ugurlar boýunça maksatnamalary giň gerimde amala aşyrylýar we öz oňyn netijelerini berýär. Munuň şeýledigine hormatly Prezidentimiziň döwletli Kararlarynyň durmuşa geçirilýändiginde has aýdyň göz ýetirýäris. Munuň özi ýurdumyzyň ykdysadyýetini has-da ösdürmekde aýratyn ähmiýetli möhüm ugurlardyr. Mälim bolşy ýaly, islendik ýurduň milli ykdysadyýetiniň depginli ösüşi, ozaly bilen, şol ýurduň bilim ulgamynyň kämilligine, döwrebaplygyna baglydyr. Öňde goýlan maksatnamalaryň üstünlikli durmuşa geçirilmegi hojalygy ýöretmegiň netijeli hem-de ygtybarly usullarynyň durmuşa giňden ornaşdyrylmagyny talap edýär. Durnukly ösüşi bilen dünýäni haýrana goýýan Türkmenistanyň ägirt uly mümkinçilikleri herekete girizilýär. Şunda senagat önümçiligini ýola goýmak, ösen innowasion tehnologiýalaryň mümkinçiligini giňden peýdalanmak, sanly ulgamy ösdürmek ýaly möhüm ugurlara aýratyn ähmiýet berilýär.

23 Fewral 2021

Garaşsyzlyk

Ýurdumyzyň welaýatlarynda

TÄZE SAHNA ESERLERI AHAL. Kaka etrabynyň medeniýet bölüminiň teatr studiýasynyň agzybir döredijilik topary mukaddes Garaşsyzlygymyzyň şanly 30 ýyllygy mynasybetli ildeşlerimize toý sowgady boljak täze eserleri taýýarlaýarlar. Şu günler teatryň sahnasynda Aşyr Mämiliýewiň «Duralgada duran», Berdi Bäşimowyň «Kime jaý gerek, kime taý» atly eserleri esasynda sahna oýunlarynyň üstünde işlenilýär. Aýmämmet Işangulyýewiň «Jadyly söz» atly gurjak oýny hem körpe tomaşaçylara özboluşly sowgat bolar.

23 Fewral 2021

Garaşsyzlyk

Röwşen geljegiň binýady

Ýaş nesli ata Watana wepalylyk ruhunda terbiýelemek, olary ösen döwrüň talaplaryna laýyk derejede, sanly bilim ulgamyndan ussatlyk bilen baş çykarýan, bilimli, terbiýeli, sagdyn bedenli hünärmenler edip ýetişdirmek döwrüň esasy wezipeleriniň hatarynda durýar. Watany söýmek, goramak, onuň dünýädäki at-abraýyny ýokary götermek belent borçdur. Hormatly Belent Serkerdebaşymyzyň «Watan goragy mukaddesdir», «Mertler Watany beýgeldýär», «Mert ýigitler gaýrat üçin dogulýar» ýaly ajaýyp eserlerinde hem Watanyň ezizligini kalbyňa siňdirip, oňa ak ýürekden gulluk etmegiň belent borçdugy beýan edilýär. Hormatly Belent Serkerdebaşymyzyň taýsyz tagallalary bilen, ýurdumyzda Watan goragçylary hakyndaky alada hemişe üns merkezinde saklanylýar. Türkmenistanyň Ministrler Kabinetiniň 12-nji fewralda geçirilen giňişleýin mejlisinde hem hormatly Belent Serkerdebaşymyz ýurdumyzyň harby we hukuk goraýjy edaralarynyň maddy-enjamlaýyn binýadynyň berkidilmegine, döwrebaplaşdyrylmagyna, harby gullukçylaryň hünär derejeleriniň ýokarlandyrylmagyna, olaryň ýaşaýyş-durmuşy üçin zerur şertleriň döredilmegine gönükdirilen giň möçberli özgertmeleri amala aşyrmagyň, Watan goragçylarynyň söweşjeň taýýarlygynyň yzygiderli kämilleşdirilmeginiň hem-de olara watançylyk terbiýesiniň berilmeginiň wajypdygyny nygtap belledi.

23 Fewral 2021

Garaşsyzlyk

Resmi habarlar gysga setirlerde

Türkmenistanyň Prezidenti Karara gol çekdi. Resminama laýyklykda Türkmenistanda 2021-nji ýylda ykdysadyýetiň pudaklarynda ýerine ýetirilmeli işleriň we çäreleriň Meýilnamasy tassyklanyldy. Degişli ministrliklere, pudaklaýyn dolandyryş edaralaryna, welaýatlaryň we Aşgabat şäheriniň häkimliklerine hem-de beýleki edaralara Meýilnamada göz öňünde tutulan işleriň we çäreleriň öz wagtynda ýerine ýetirilmegini üpjün etmek tabşyryldy.

22 Fewral 2021

Garaşsyzlyk

Arkadagly Aşgabady söýýäs biz!

Aşgabat! Bu nurana sözi aýdan dessine Garaşsyz, baky Bitarap Türkmenistan döwletimiziň islendik raýatynyň kalbynda buýsanç artýar. Biz «Aşgabat» diýenimizde, ak şäherimizi diňe bir ýurdumyzyň paýtagty hökmünde däl-de, Watanymyzyň ýüregi, ýurdumyzyň kuwwaty, halkymyzyň guwanjy hökmünde söýgüleýäris, ezizleýäris. Biz «Aşgabat» diýenimizde, Gahryman Arkadagymyzyň dana paýhasyndan bina bolan, abadançylygyň, rowaçlygyň, gülleýşiň, dost-doganlygyň mekanyna öwrülen ak şäherimizi uly buýsanç bilen mertebeleýäris, hormatlaýarys, söýýäris. Garaşsyzlyk ýyllary içinde Aşgabat şäheri tanalmaz derejede özgerýär, ösýär, gülleýär. Bedew batly ýurdumyzyň beýik ösüşleriniň nyşanyna öwrülen Aşgabatda hormatly Prezidentimiziň kämil binagärlik, şähergurluşyk maksatnamalary üstünlikli durmuşa geçirilýär. Aşgabatda dünýä derejesindäki kaşaň myhmanhanalar, döwrebap, ähli amatlyklary bolan ýaşaýyş jaýlary, iri söwda-dynç alyş merkezleri, saglyk, anyklaýyş merkezleri, hassahanalar, sport toplumlary, medeni-durmuş maksatly binalar, nurana şaýollar... yzygiderli gurulýar. Bularyň ählisi halkyň bagtyýar, abadan durmuşda ýaşamagynyň, ýurdumyzyň gülläp ösmeginiň hatyrasyna amala aşyrylýar. Milli Liderimiziň parasatly baştutanlygynda häzirki döwürde gözel paýtagtymyzyň kämil binagärlik keşbiniň kemala getirilmegine, Aşgabatda alnyp barylýan şähergurluşyk işleriniň toplumlaýyn döwrebaplaşdyrylmagyna, ak

22 Fewral 2021

Garaşsyzlyk

Diýarymyz — parahatçylygyň, ynanyşmagyň watany

Gahryman Arkadagymyzyň parasatly baştutanlygynda alnyp barylýan halk bähbitli we umumadamzat ähmiýetli işler özüniň oňyn netijelerini berip, eziz Diýarymyz uly ösüşlere eýe bolýar. 2020-nji — «Türkmenistan — Bitaraplygyň mekany» ýylynda halkymyzyň abadan, bolelin durmuşyny nazarda tutýan beýik işleriň amala aşyrylmagy hem munuň şeýledigine aýdyň mysaldyr. Her ýylda ýurdumyzyň dürli künjeklerinde gurlup ulanylmaga berilýän ençeme durmuş-medeni desgalaryň bina edilmegi, täze iş orunlarynyň döredilmegi, kärhanalaryň öndürijilikli zähmet çekmäge gönükdirilýän işiniň döwrebap ýola goýulmagy, kiçi we orta telekeçilige döwlet tarapyndan yzygiderli goldawlaryň berilmegi raýatlarymyzyň ýaşaýyş-durmuş derejesini has-da gowulandyrmak ugrundaky işleriň miweleridir. Gahryman Arkadagymyz diňe bir ýurdumyzda abadançylygy, parahatçylygy berkitmek ugrunda beýik işleri ýola goýmak bilen çäklenmän, eýsem, parahatçylygyň, dost-doganlyk ýörelgeleriniň dünýä ýüzünde dabaralanmagyny maksat edinýän başlangyçlary amala aşyrmakda hem dünýä nusgalyk işleri alyp barýar.

22 Fewral 2021

Garaşsyzlyk

Ata Watanymyzyň rowaç menzilleri

Türkmenistanyň Ministrler Kabinetiniň şu ýylyň 12-nji fewralynda geçirilen giňişleýin mejlisinde Hökümetiň 2020-nji ýylda hem-de 2021-nji ýylyň ýanwar aýynda ýerine ýetiren işleriniň netijelerine garaldy. Şonda dünýä ykdysadyýetindäki çökgünlige garamazdan, döwletimiziň geçen ýylda we häzirki wagtda durmuş-ykdysady taýdan ösüşiniň durnukly bolmagynda galýandygy bellenildi. Hormatly Prezidentimiz Gurbanguly Berdimuhamedow mejlisde çykyş edip: «Milli ykdysadyýetimiziň ýokary ösüş depginini saklap galdyk. Jemi içerki önümiň ösüşi geçen ýyl 5,9 göterime, şol sanda senagat pudagynda 3,3, söwdada 15,1, ulag we aragatnaşyk pudagynda 4,7 göterime barabar boldy. Biz 12 müňe golaý täze iş ornuny döretdik. Puluň hümmetsizlenmegini bellenen çäklerde saklamak başartdy. Ata Watanymyzyň kuwwatyny we bäsdeşlige ukyplylygyny ýokarlandyrmagyň ýolunda täze ädimler ädildi» diýip belledi. Şeýle hem geçen aýda 2020-nji ýylyň degişli döwrüne garanyňda, bölek-satuw haryt dolanyşygynyň 17,8 göterim artandygyny nygtamalydyrys. Ýurdumyzyň iri we orta kärhanalarynda ortaça aýlyk zähmet haky 10,4 göterim ýokarlandy.

22 Fewral 2021

Garaşsyzlyk

Bedew batly ösüşler — röwşen geljegiň nury

Garaşsyz, hemişelik Bitarap Türkmenistan häzirki wagtda ösüşleriň milli ýoluny kemala getirip, dünýäniň kuwwatly döwletleriniň hataryndaky ornuny has-da pugtalandyrýar. Geçen ýyl, ýagny, «Türkmenistan — Bitaraplygyň mekany» ýylynda berkarar Diýarymyz hemişelik Bitaraplygynyň 25 ýyllygyny halkara hyzmatdaşlygynda, şeýle hem halk hojalygynyň dürli ulgamlarynda bitirilen beýik işler bilen uludan belläp geçdi. Üstümizdäki «Türkmenistan — parahatçylygyň we ynanyşmagyň Watany» ýylynda bolsa ýurdumyz mukaddes Garaşsyzlygymyzyň şanly 30 ýyllyk, şeýle hem gözel paýtagtymyz Aşgabadyň döredilmeginiň 140 ýyllyk toýuny uludan toýlar. Mähriban halkymyz uly toýlara beslenýän şanly ýylymyzyň ilkinji günlerini hem dünýä jemgyýetçiliginde uly seslenme döreden, halkara durmuşynda möhüm ähmiýeti bolan iri desgalaryň, ýagny, Türkmenistanyň we Owganystan Yslam Respublikasynyň Prezidentleriniň gatnaşmagynda teleköpri arkaly Akina — Andhoý beketleriniň arasyndaky demir ýol böleginiň, Kerki — Şibirgan ugry boýunça elektrik geçirijisiniň hem-de Ymamnazar — Akina we Serhetabat — Turgundy ugry boýunça halkara optiki-süýümli aragatnaşyk hem-de üstaşyr akymlarynyň ulanylmaga berilmegi bilen garşylady.

22 Fewral 2021

Garaşsyzlyk

Köňüller buýsanja beslenýär

Hormatly Prezidentimiz Gurbanguly Berdimuhamedowyň beýik başlangyçlary bilen Türkmenistan döwletimiziň öňe süren, Birleşen Milletler Guramasynyň Baş Assambleýasynda ähli agza döwletler tarapyndan goldanan «2021-nji ýyl — Halkara parahatçylyk we ynanyşmak ýyly» atly Kararnamanyň kabul edilmegi ýurdumyzyň halkara abraýynyň barha pugtalanýandygynyň aýdyň şöhlelenmesi boldy. Resminamada «Halkara parahatçylyk we ynanyşmak ýylynyň» yglan edilmeginiň parahatçylygyň we ynanyşmagyň pugtalandyrylmagy boýunça işlere, hususan-da, syýasy gepleşikleriň, özara düşünişmegiň we hyzmatdaşlygyň esasynda tagallalary jebisleşdirmäge ýardam etjekdigi bellenilýär. 2021-nji ýyly «Türkmenistan — parahatçylygyň we ynanyşmagyň Watany» diýip yglan etmek hakynda Türkmenistanyň Mejlisiniň Karary ýurdumyzda her ýylyň döwrebap atlandyrylmagynyň asylly däbe öwrülendigini tassyklaýar. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletimiziň bagtyýarlyk döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär. Bu resminamada Garaşsyz ýurdumyzyň taryh taýdan gysga möhletiň içinde Bitaraplyk hukuk ýagdaýyna daýanyp, Ýer ýüzüniň köp döwletleri, abraýly halkara guramalary bilen dünýäde parahatçylygyň, ählumumy howpsuzlygyň we durnukly ösüşiň hatyrasyna dostlukly, birek-birege ynanyşmak, deňhukukly hyzmatdaşlyk ýörelgelerine es

22 Fewral 2021

Garaşsyzlyk

Şan­ly ýyl şöh­rat ge­tir­ýär

2021-nji ýy­lyň «Türk­me­nis­tan — pa­ra­hat­çy­ly­gyň we yna­nyş­ma­gyň Wa­ta­ny» diý­lip yg­lan edil­me­gi hal­ky­my­zyň gö­wün gu­şu­ny ga­nat­lan­dyr­dy. Bu şy­gar hal­ky­my­zyň hoş­ni­ýet­li­lik, dost-do­gan­lyk, bi­rek-bi­re­ge he­ma­ýat et­mek, ar­ka­laş­mak ýaly asylly ýö­rel­ge­le­ri­niň mynasyp dowam etdirilýändigini ýe­ne-de bir ge­zek aý­dyň­ly­gy bi­len açyp gör­kez­ýär. Ýur­du­myz Gah­ry­man Ar­ka­da­gy­my­zyň pa­ra­sat­ly baş­tu­tan­ly­gyn­da Bi­ta­rap­lyk hu­kuk ýag­da­ýy­na eýe­rip, Ýer ýü­zün­de pa­ra­hat­çy­ly­gyň, äh­lu­mu­my howp­syz­ly­gyň we dur­nuk­ly ösü­şiň üp­jün edil­me­gin­de mö­hüm or­ny eýe­le­ýär. Üs­tü­miz­dä­ki ýy­lyň aja­ýyp şy­ga­ry bu mak­sat­la­ryň, asyl­ly iş­le­riň be­lent bin­ýa­dy­dyr. Pa­ra­hat­çy­lyk we yna­nyş­mak türk­men jem­gy­ýe­ti­niň ýa­şa­ýyş-dur­muş pel­se­pe­si­niň öze­ni­ni düz­ýär. Gah­ry­man Ar­ka­da­gy­my­zyň bel­leý­şi ýa­ly, döw­le­ta­ra gat­na­şyk­la­ry pa­ra­hat­çy­lyk­ly ýol bi­len ber­kit­mek hal­ky­my­zyň Oguz han Türkmeniň za­ma­nyn­dan bä­ri yg­rar­ly ýö­rel­ge­si­dir. Şol ýö­rel­ge hä­zir­ki gün­de za­ma­na­bap maz­mun­da Ga­raş­syz türk­men döw­le­ti­niň hal­ka­ra gat­na­şyk­la­ryn­da wa­jyp or­ny eýe­le­ýär. Türk­me­nis­tan hal­ka­ra gat­na­şyk­la­ryn­da ta­rap­la­ryň bäh­bit­le­ri­ni hiç bir ba­bat­da üns­den dü­şür­me­ýän yg­ty­bar­ly hyz­mat­daş­dyr. Mu­nuň özi döw­le­ti­mi­ziň pa­ra­hat­çy­lyk­sö­ýü­ji­li

22 Fewral 2021

Garaşsyzlyk

Bag­la­ra ide­g edil­ýär

Ha­lal iş­läp, ha­lal ba­ýa­mak döw­let­li­lik­den ny­şandyr. Ata-ba­ba­la­ry­myz «Çek­seň zäh­met — ýa­gar rähnet» di­ýip ýö­ne ýe­re aýt­man­dyr­lar. Şo­nuň üçin hem ga­dy­my Le­bap top­ra­gy­nyň ba­ba­daý­han­la­ry­nyň-da hä­zir­ki wagt­da äh­li üns-ala­da­la­ry, ba­şar­nyklary, tu­tan­ýer­li zäh­me­ti saçak­la­ry­my­zyň rys­gal-be­re­ke­di­ni art­dyr­ma­ga gö­nük­di­ri­len­dir. Gyş gün­le­ri bag­la­ra ideg et­mek olar­dan bol mi­we al­ma­gyň ala­da­sy­dyr. Bag­lar — bi­ziň dur­mu­şy­my­zyň aý­ryl­maz bir bö­le­gi. Ola­ra öz wag­tyn­da we göw­ne­jaý ideg edil­me­gi hem esa­sy ta­lap­la­ryň bi­ri bo­lup dur­ýar. Bu işe us­sat­lyk bi­len höt­de gel­ýän bag­ban­la­ryň bi­ri hem Ha­laç et­ra­by­nyň Mag­tym­gu­ly adyn­da­ky daý­han bir­le­şi­gi­niň 3-nji kä­ren­de­çi­ler to­pa­ry­nyň bag­ba­ny An­na­gel­di Gal­ka­now­dyr. Bu kä­ren­de­çi­ler topa­ry­nyň ýol­baş­çy­sy Al­la­be­ren Abdy­we­li­ýew, baş ag­ro­no­my Mer­dan Ça­ry­ýew da­gy bag­ban An­na­gel­di aga­nyň ba­ga ber­ýän ide­gin­den ju­da ho­şal. An­na­gel­di Gal­ka­now hä­zir­ki wagt­da 1,6 gek­tar ýer­de ýer­leş­ýän ba­gy­na ideg ed­ýär.

22 Fewral 2021

Garaşsyzlyk

Türkmenistan — parahatçylygyň we ynanyşmagyň Watany

Kalby ylham-joşly ýyllar ak geljegiň buşlugynda,Gujagynda dostluk güller parahatlyk joşgunynda,Tarypynda saýrak diller, eneleriň şatlygynda,Milli Lider — dünýä ykrar, nura besleýär jahany,Türkmenistan — parahatçylygyň we ynanyşmagyň Watany. Egsilmez rysgal eçilýär mukaddes Watan ýerleri,Kalplara ýalkym saçylýar, ak ýolda bagtyň kerweni,Şöhratly menzil geçilýär, Arkadag — Watan Serweri, Ak bagtynda tämiz asman, Aşgabat — merjen şäheri, Türkmenistan — parahatçylygyň we ynanyşmagyň Watany.

22 Fewral 2021

Garaşsyzlyk

Watan – başymyzyň täji

Ata Watan, ene toprak. Bu mukaddes jümleler ynsanyň doglan gününden başlap, onuň kalbynda mizemez orun tutýan tebigy duýgudyr. Çaga doglan gününden başlap, öz mähriban topragynyň howasyndan dem alýar, ösýär, ulalýar, kämilleşýär. Meniň Watanym — Türkmenistan. Bu toprak merdi-merdana gerçekleriň, akyldarlaryň önüp-ösen topragy. Bu toprak — keramatly-keremli. Bu ýerler her bir dänäň müň bolup, gaýdyp gelýän topragy. Mähriban Arkadagymyzyň saýasynda ýurdumyz gün-günden gözelleşýär, özgerýär. Goý, Gahryman Arkadagymyzyň ýaşlar üçin, ýaşlaryň sagdyn geljegi üçin edýän aladalary rowaç alsyn! Hormatly Prezidentimiziň jany sag, ömri uzak bolsun!

22 Fewral 2021

Garaşsyzlyk

Eziz Türkmenistan

Saýalydyr baglary,Kerkawlydyr daglary,Beýik Ýüpek ýollary,Eziz Türkmenistanyň. Bedew, haly, nagşy bar,Şahyr, ozan, bagşy bar,Günüň parlak dogşy bar,Eziz Türkmenistanyň.

22 Fewral 2021

Garaşsyzlyk

Şekillerde — Diýaryň keşbi

Mukaddes Garaşsyzlygymyzyň şanly 30 ýyllyk baýramynyň uly dabaralara, beýik üstünliklere beslenjek «Türkmenistan — parahatçylygyň we ynanyşmagyň Watany» ýylynyň ajaýyp şygary ösüşiň we rowaçlygyň owazy bolup ýaňlanýar. Türkmenistanyň Şekillendiriş sungaty muzeýinde şanly ýylyň şygaryna bagyşlanyp, “Diýarym — asuda, ýurdum — parahat” atly sergi guraldy. Onda ýurdumyzyň ussat nakgaşlarynyň hem-de heýkeltaraşlarynyň ýerine ýetiren ajaýyp sungat eserleri sergilendi. Mähriban Diýarymyzyň tebigy gözelliklerini, tanymal zähmet adamlarynyň keşplerini beýan edýän eserler asuda, parahat Watanymyzyň özboluşly waspyna öwrüldi.

22 Fewral 2021

Garaşsyzlyk

Garaşsyzlyk — bagtymyzyň gözbaşy

«Türkmenistan — parahatçylygyň we ynanyşmagyň Watany» şygary astynda geçýän üstümizdäki ýylda mukaddes Garaşsyzlygymyzyň şanly 30 ýyllyk senesi giňden, dabaraly bellenip geçiler. Şonuň bilen baglanyşykly, Kaka etrabynda naýbaşy toýumyzyň hormatyna gyzyklydan täsirli çäreler geçirilýär. Şu günler etrapdaky orta mekdeplerde «Garaşsyzlyk — bagtymyzyň gözbaşy» ady bilen geçirilýän wagyz-nesihat duşuşyklary hem muňa şaýatlyk edýär. Mukaddes Garaşsyzlygymyzyň ähmiýetini, gadyr-gymmatyny ýaşlara düşündirmek we olaryň watançylyk ruhuny ýokarlandyrmak maksady bilen, etrapdaky 19-njy orta mekdebiň ýokary synp okuwçylarynyň arasynda geçirilen duşuşyk has-da täsirli boldy. Ylym we bilim işgärleriniň kärdeşler arkalaşygynyň etrap Geňeşi tarapyndan guralan duşuşykda çykyş edenler mukaddes Garaşsyzlygymyzyň halkymyza beren tükeniksiz bagty, ýurt Garaşsyzlygy ýyllary içinde durmuşyň dürli ugurlarynda ýetilen sepgitler, gazanylan üstünlikler, Watanymyzyň arşa göterilen şan-şöhraty dogrusynda gürrüň berdiler.

21 Fewral 2021

Garaşsyzlyk

Baky bagtyň gözbaşy

Häzirki bagtyýarlyk döwrümizde türkmen halky mukaddes Garaşsyzlygymyzyň şanly 30 ýyllygyny belentden dabaralandyrýar. Ýurdumyzyň durmuşynda gazanylýan üstünlikler, ýetilýän belent sepgitler şanly toýa sowgatly barmaga ruhlandyrýar. Şonuň üçin hem bagtyýar türkmen halky hormatly Prezidentimiziň döredýän giň mümkinçiliklerinden peýdalanyp, täze-täze üstünlikleri gazanýar. Eziz Diýarymyzda gazanylýan beýik ösüşler, belent üstünlikler biziň her birimizi guwandyrýar. Hormatly Prezidentimiz Gurbanguly Berdimuhamedowyň parasatly baştutanlygynda gazanylýan şeýle ösüşler ýurdumyzyň abraý-mertebesini has-da belende göterýär.

21 Fewral 2021

Garaşsyzlyk

Parahatçylygyň we ruhubelentligiň sazlaşygy

Agzybirlige, jebislige uly hormat goýýan milletimiz elmydama goňşy halklar bilen parahatçylykly ýaşaşmagyň, özara ynamly hyzmatdaşlyk köprülerini gurmagyň ygtybarly usullaryny yzygiderli gözläpdir. Halkymyzyň ýakyn-u-alys ýurtlara tarap uzadan dostluk gollary, guran ýollary barada söz açylýan taryhy deliller, rowaýatlardyr ýazuw çeşmeleri-de uzak ýyllaryň dowamyndan bäri hakydalarda ýaşaýar. Olaryň biri-de meşhur «Şükür bagşy» eseridir. Eseriň baş gahrymany Şükür bagşynyň öz agasyny ýesirlikden boşatmak üçin parahatçylykly ýoly saýlamagy, ýagny, eline ýaragyň deregine dutaryny alyp ýola düşmegi türkmen halkyna tüýs mahsus häsiýetdir. Türkmen dutarynyň, sazyň gudratyna ýürekden ynanan Şükür bagşynyň bu ädimi ata-babalarymyzdan miras galan parahatçylyksöýüjilik meýilleriniň, dürli çylşyrymly meseleleri parasatlylyk bilen çözmäge ymtylmak ýaly asylly däpleriniň şöhlelenmesidir. Bu barada Gahryman Arkadagymyzyň «Parahatçylyk sazy, dostluk, doganlyk sazy» atly kitabynda dana we pelsepewi pikirler näçe diýseň bar.

19 Fewral 2021

Garaşsyzlyk

Täzelikler

Welaýatymyzyň pagta arassalaýjy kärhanalarynda geçen ýylky hasyly gaýtadan işlemek bilen birlikde ekiş üçin gowaça tohumyny taýýarlamak işleri hem guramaçylykly alnyp barylýar. Şu döwre çenli taýýarlanylan gowaça tohumy 13 müň tonna golaý boldy. Üstümizdäki ýylda welaýatymyz boýunça 130 müň gektar meýdana gowaça ekiler. Şonça meýdanda ekiş geçirmek üçin tohumlyk gowaça çigidiniň 15 müň tonna golaýyny taýýarlamak meýilleşdirilýär. Şu möwsümde ekin meýdanlaryna gowaçanyň «Ýolöten-7», «Ýolöten-39», «S-2006», «149 F» we «Jeýhun» ýaly görnüşleri ekiler. * * *Türkmenistanyň Magtymguly adyndaky Ýaşlar guramasynyň Darganata etrap geňeşi etrap bilim bölümi bilen bilelikde orta mekdepleriň ýokary synp okuwçylarynyň arasynda «Bilimli ýaşlar — ak geljege badalga» atly wagyz-nesihat duşuşygyny geçirdi.

19 Fewral 2021

Garaşsyzlyk