Türkmenmetbugat

"Balkan" welaýat gazeti

Esaslandyryjysy: Balkan welaýatynyň häkimligi
Salgysy: Balkanabat şäheri, 145-nji ýaşaýyş jaý toplumy, 1
Telefon belgileri: 6-37-06, 6-07-92, 6-07-96
Email: balkan-gazeti@sanly.tm

Gazeti PDF görnüşinde ýükläp almak

Habarlar

Watanymyzyň Garaşsyzlygy — gülläp ösüşleriň kepili

Aşgabatda ýurdumyzyň ykdysady üstünlikleriniň sergisi açyldy Aşgabat, 19-njy sentýabr (TDH). Şu gün paýtagtymyzda ýurdumyzyň Garaşsyzlygynyň 33 ýyllygy mynasybetli Türkmenistanyň ykdysady üstünlikleriniň sergisi öz işine başlady. Watanymyzyň baş baýramynyň öňüsyrasynda geçirilýän gözden geçiriliş milli ykdysadyýetimiziň, ýurdumyzyň syýasy-jemgyýetçilik, medeni-ynsanperwer durmuşyndaky giň möçberli özgertmeleriň, özboluşly baý medeni mirasymyzyň guwandyryjy üstünliklerini şöhlelendirýär. “Pähim-paýhas ummany Magtymguly Pyragy” şygary astynda geçýän şu ýylda Söwda-senagat edarasy tarapyndan guralýan bu forum aýratyn ähmiýete eýedir. Garaşsyz Türkmenistan ählumumy dünýä hojalyk gatnaşyklaryna okgunly goşulyşýan ýurt hökmünde ykdysady taýdan ýokary depginler bilen ösýändigini, serişdeler kuwwatynyň artýandygyny we geljeginiň uludygyny tutuş dünýä äşgär edýär.

1 sagat öň

«Ýaşyl» we «akylly» şäher — täze eýýamyň nyşany

Milli Liderimiziň başlangyjy bilen badalga berlen we häzirki wagtda hormatly Prezidentimiziň tutanýerli tagallalary esasynda gurluşygy dowam etdirilýän Arkadag şäheri entek taryhymyzda, şol sanda tutuş sebitde görlüp-eşidilmedik iri şähergurluşyk taslamasydyr. Ol bary-ýogy dört ýylyň içinde Köpetdagyň ajaýyp eteginde dörän iň döwrebap şäherdir. Mälim bolşy ýaly, gurluşygyň birinji tapgyrynyň çäklerinde dürli maksatly desgalaryň 336-sy guruldy. Häzir onuň gurluşygynyň ikinji tapgyry üstünlikli amala aşyrylýar. Arkadag şäheriniň birinji tapgyrynyň halkara sylaglaryň 21-sine mynasyp bolmagy, şeýle hem “Ýewropada Howpsuzlyk we Hyzmatdaşlyk Guramasynyň sebitinde durnukly, “ýaşyl”, howa üçin oňaýly we innowasion çözgütli şäherleri ösdürmek” taslamasyna goşulmagy ýurdumyzyň şähergurluşyk ulgamynda innowasion esaslara daýanýan başlangyçlaryň hem-de çözgütleriň halkara jemgyýetçilik tarapyndan ykrar edilýändigini we goldanylýandygyny görkezýär. Arkadag şäheri döredijiligiň, abadançylygyň we ösüşiň ýoly bilen ynamly öňe barýan Türkmenistanyň häzirki zaman şöhratly ýyl ýazgysyna altyn harplar bilen ýazyldy. Ol ýurdumyzda başy başlanan uly maksatlaryň ýokary derejede amala aşyrylýandygyny tassyklaýar.

1 sagat öň

Maksadymyz ― döwrebap hyzmat

Baş Kanunymyzda görkezilişi ýaly, adam ― ýurdumyzyň iň gymmatly baýlygy. Şeýle bolansoň, raýatlarymyza kanunçylyk tarapyndan döwrebap derejede hyzmat etmek biziň hemişelik aladamyz. Gahryman Arkadagymyzyň we Arkadagly Gahryman Serdarymyzyň tutumly başlangyçlary netijesinde ildeşlerimiz bagtyýar we eşretli durmuşda ýaşaýarlar. Täze jaýlary edinýän, satyn alýan, jaý toýlaryny tutýan ildeşlerimiziň sany bolsa barha artýar. Bölümimiz tarapyndan täze jaýlaryň eýesi bolan ildeşlerimize resminamalary doly we dogry düzetmekde ýardamçy bolmak üçin elimizden gelen kömegi gaýgyrmaýarys. Resminamalaryň milli kanunçylyk namalarymyza laýyklykda taýýarlanylmagyna ýardam edýäris.

10 sagat öň

Täze bina ulanylmaga berildi

Şanly senä mynasyp sowgat “Pähim-paýhas ummany Magtymguly Pyragy” ýylynda Garaşsyz, baky Bitarap döwletimiz hormatly Prezidentimiziň baştutanlygynda ösüş-özgerişleriň ýoly bilen öňe barýar. Ähli ugurlarda ýokary görkezijiler gazanylyp, belent sepgitlere ýetilýär. Beýik Garaşsyzlygymyzyň 33 ýyllygynyň öňüsyrasynda gurlup, ulanylmaga berilýän binalardyr desgalar baýramçylyk sowgady bolup, il-günümizde guwanç duýgusyny döredýär.

11 sagat öň

Mukaddes Garaşsyzlygymyzyň 33 ýyllygyna

Garaşsyzlyk — başymyzyň täji Ýakynda şeýle at bilen TKA-nyň welaýat birleşmesiniň mejlisler zalynda TDP-niň welaýat komitetiniň we TKA-nyň welaýat birleşmesiniň bilelikde guramagynda mukaddes Garaşsyzlygymyzyň 33 ýyllygy mynasybetli maslahat geçirildi. Oňa Türkmenistanyň Mejlisiniň deputatlary, welaýat halk maslahatynyň agzalary, TDP-niň welaýat, şäher, etrap komitetleriniň ýolbaşçylary, işgärleri we işjeň agzalary gatnaşdylar. Maslahaty TDP-niň welaýat komitetiniň bölüm müdiri Myrat Ataýew alyp bardy.

12 sagat öň

Şatlyk-şowhuna beslenen dabara

Türkmenistanyň Garaşsyzlyk güni mynasybetli TKA-nyň welaýat birleşmesiniň hem-de TAP-nyň welaýat komitetiniň bilelikde guramagynda Mary şäherindäki “Kejebe” toý mekanynda “Garaşsyzlyk — Pyragynyň arzuwlan ajap eýýamy” atly aýdym-sazly dabara geçirildi. Baýramçylyk ruhunda geçirilen dabara dürli edara-kärhanalarda zähmet çekýän ildeşlerimiz gatnaşdylar.

12 sagat öň

Garaşsyzlyk bagtymyzyň gözbaşy

Ýakynda şanly Garaşsyzlygymyzyň 33 ýyllygynyň toýuny mynasyp garşylamak, Garaşsyzlyk ýyllarynda ýurdumyzda gazanylan üstünlikleri wagyz etmek maksady bilen TMÝG-niň şäher geňeşiniň hem-de Hydyr Derýaýew adyndaky mugallymçylyk mekdebiniň bilelikde guramagynda Mary şäherindäki “Bagt köşgi” toý dabaralar merkezinde «Garaşsyzlyk bagtymyzyň gözbaşy» atly aýdym-sazly baýramçylyk dabarasy geçirildi. Baýramçylyk dabarasyna TMÝG-niň şäher geňeşiniň işgärleri we dürli pudakda zähmet çekýän işjeň agzalary hem-de Hydyr Derýaýew adyndaky mugallymçylyk mekdebiniň mugallymlarydyr talyp ýaşlary gatnaşdylar. Baýramçylyk dabarasynda Hydyr Derýaýew adyndaky mugallymçylyk mekdebiniň talyp ýaşlary aýdym-sazly çykyşlary ýerine ýetirdiler. Aýdymlarda ata Watanymyzyň beýik ösüşleriniň, Gahryman Arkadagymyzyň, Arkadagly Gahryman Serdarymyzyň rowaçly işleriniň waspy edildi. Şeýle-de, dabarada işjeň agzalaryň hem-de talyp ýaşlaryň ýürek buýsançlary belentden ýaňlandy.

12 sagat öň

Daşoguz welaýatynda aragatnaşyk pudagynyň täze döwrebap edara binalary açyldy

18-nji sentýabarda şanly Garaşsyzlygymyzyň 33 ýyllyk baýramynyň öňüsyrasynda Döwlet Baştutanymyzyň bagtyýar döwrümiziň badyna tizlik berýän başlangyçlary bilen, Daşoguz welaýatynyň Akdepe etrabynyň Andalyp şäherinde aragatnaşyk pudagynyň işgärleri üçin niýetlenen, ähli amatlyklary bolan täze döwrebap 2 gatly edara binasynyň hem-de kömekçi binalaryň açylyş dabarasy geçirildi. «Türkmenaragatnaşyk» agentliginiň buýurmasy boýunça bina edilen döwrebap binalaryň gurluşyk işleri halkara ülňülere laýyklykda amala aşyrylyp, iş otaglarynyň giňligi we ýagtylygy iň amatly şertlere kybap gelýär we häzirkizaman enjamlary bilen doly üpjün edildi.

18 sagat öň

Aragatnaşykçylara toý sowgady

Mukaddes Garaşsyzlygymyzyň 33 ýyllyk şanly baýramy mynasybetli, Daşoguz welaýatynyň Akdepe etrabynyň Andalyp şäherinde etrap aragatnaşyk bölüminiň täze binasy ulanmaga berildi. «Daşoguztelekom» welaýat elektrik aragatnaşyk kärhanasynyň gurluşyk-abatlaýyş bölüminiň işçi-hünärmenleri tarapyndan gurlan binada häzirki zamanyň ösen isleglerine laýyk gelýän iň kämil enjamlar ornaşdyryldy. Ol etrabyň şäher we oba ilatyna ýokary derejede aragatnaşyk hyzmatlaryny ýetirmäge mümkinçilik berýär. Daşary ýurt kompaniýalary tarapyndan öndürilen ýörite enjamlar bilen üpjün edilen bölümde etrabyň edara-kärhanalaryna, müşderileriň üç müňden gowragyna hyzmat edilýär. Etrap aragatnaşyk bölüminiň döwrebap binasynda şäherara telefon aragatnaşygy, telefakslar, fakslar arkaly habarlary ýollamak nokatlary, abunaçylara gündelik neşirleri, žurnallary bökdençsiz paýlamaga we beýleki poçta hyzmatyny etmäge niýetlenýän bölümler, internet kafesi, ýörite otaglar ýerleşýär. Täze binanyň açylyş dabarasy şatlyk-şowhuna beslendi. Bu ýerde welaýatyň sungat ussatlary ajaýyp döwrümizi wasp edýän aýdym-sazlary bilen çykyş etdiler. Dabaraly çärede edilen çykyşlarda Arkadagly Gahryman Serdarymyza alkyşlar aýdyldy.

1 gün öň

Täze bina — kämil hyzmat

Düýn «Marytelekom» welaýat elektrik aragatnaşyk kärhanasynyň Tagtabazar etrap aragatnaşyk bölüminiň täze döwrebap edara binasy açylyp ulanmaga berildi. Bu bina etrap merkezine aýratyn gözellik berýär. Täze binanyň mukaddes Garaşsyzlygymyzyň 33 ýyllyk şanly toýunyň öň ýanynda ulanmaga berilmegi sebitiň ýaşaýjylarynyň baýramçylyk ruhuny arşa göterdi. 2 gatdan, 16 sany önümçilik we iş maksatly otaglardan ybarat bina sanly ulgamyň kämil enjamlary bilen üpjün edilipdir. Munuň özi etrabyň ýaşaýjylaryna aragatnaşyk hyzmatynyň dürli görnüşini ýokary hilli guramaga ýardam berer. Dabara gatnaşanlar ilata ýokary hil derejesinde aragatnaşyk hyzmatlaryny ýetirjek etrap aragatnaşyk bölüminiň täze binasyny gurduryp beren Gahryman Arkadagymyza, Arkadagly Gahryman Serdarymyza sagbolsun aýdyp, olara jan saglyk, uzak ömür, alyp barýan il-ýurt, umumadamzat bähbitli işlerinde rowaçlyk arzuw etdiler. Bagtyýar ildeşlerimiziň ýürek buýsanjyny okyjylarymyza ýetirýäris.

1 gün öň

Täze neşir: Arkadag şäheriniň tarypnamasy

Sebitde ýeke-täk «akylly» şäher bolan Arkadag şäheriniň ýeten belent derejelerini, gazanan üstünliklerini beýan edýän täze kitapça çapdan çykdy. Bu kitapça ýakynda paýtagtymyz Aşgabatda geçirilen maýa goýum forumyna gatnaşyjylara gollanma hökmünde Türkmen döwlet neşirýat gullugy tarapyndan çap edildi. Okyjylar köpçüligine ýetirilen bu kitapçada ýurdumyzyň iň bir owadan künjeginde gojaman Köpetdagy etekläp oturan, sebitde ilkinji «akylly» şäher konsepsiýasy esasynda bina edilen ajaýyp Arkadag şäheriniň waspy giňden beýan edilýär. Giriş bilen başlanyp, «Akylly» şäher: birinji tapgyrdaky döwletli tutumlar», «Bagtyýar ýaşaýşyň şäheri», «Akylly» durmuş infrastrukturasy», «Ýaşyl» şäher ekoulgamy», «Haýyr-sahawat gaznasy — ynsanperwerligiň nusgasy», «Arkadag şäheri halkara hyzmatdaşlygyň ilerleýän mekany», «Ikinji tapgyr: gurluşyklar dowam edýär», «Lukmançylyk klasteri — «akylly» şäheriň innowasion mümkinçilikleriniň nusgasy» hem-de «Bagtyň waspy» atly baplardan ybarat bu täze kitapça ajaýyp şäheriň iň gözel ýerleriniň suratlary bilen bezelipdir.

1 gün öň

Ýollarymyz — ýürekleriň ýylysy

Döwrüň derwaýys desgalary Ilimizde gadymdan bäri ýörgünli bolan «Toý bir bolup dursun!» diýen senaly sözlerde nije many bar. Toýlar! Taryhy toýlar! Tutumly toýlar! «Gurýan döwlet gurpludyr» diýilýär. Elbetde, gurmak — gurpdan. Edil şonuň ýaly, toýlar hem tutumlylykdan, gurp-gurbatdan nyşan. Toýlaryň toýa ulaşyp, Garaşsyzlyk baýramymyzyň golaýlap gelýän günlerinde yzly-yzyna iri-iri çäreleriň çawy diňe bir ýurdumyzda däl-de, Watanymyzyň giňişliginden dostlukly döwletlere çenli dag aşdy. Türkmenistanyň maýa goýum forumy ählumumy ähmiýetliligi bilen taryhy waka boldy.

1 gün öň

Döwletiň berkararlygy, jemgyýetiň jebisligi

Ýurdumyzda milli demokratik ýörelgämiziň dabaralanmagy jemgyýetiň kämil ösüşiniň binýadyny emele getirdi. Eziz Diýarymyzda türkmen halkynyň Milli Lideri Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň halkymyz baradaky taýsyz tagallalary we irginsiz zähmetleri netijesinde adalatlylyk, ynsanperwerlik, döwletlilik, milli gymmatlyklara sarpa goýmak ýaly ýörelgelerimiz dowamat-dowam bolýar. Şöhratly taryhymyzda beýik işleri bitiren ata-babalarymyzyň döwleti dolandyrmakdaky örän baý tejribesi esasynda, halkyň pikirine sarpa goýmak ýaly asylly däpleriniň şu günlerimize çenli gelip ýetmegi, döwletlilik ýörelgämizden habar berýär. Halkyň bähbidi, parahat durmuşda ýaşamagy ýaly ýörelgeleriň durmuşa geçirilmeginde Türkmenistanyň Halk Maslahatynyň ähmiýeti örän uludyr. Halk Maslahatynyň esasy maksady her bir raýatyň hukuklaryna aýratyn hormat goýmak bilen, jemgyýetde halkyň tekliplerini diňläp, ýurdumyza we halkymyza bähbitli boljak işleri bilelikde durmuşa geçirmekden ybaratdyr. «Pähim-paýhas ummany Magtymguly Pyragy» ýylynda Halk Maslahatynyň jemgyýetiň we döwletiň ösüşine aýratyn täsiri bardyr. Çünki beýik akyldaryň özbaşdak, Garaşsyz ýurtda ýaşamak arzuwy bu gün ähli türkmen halkyna miýesser etdi we Pyragynyň eserlerindäki watansöýüjilik, ynsanperwerlik, maşgala gymmatlygyna sarpa goýmak ýaly düşünjeleri öz beýanyny tapdy. Türkmenistanyň Ha

1 gün öň

Garaşsyzlyk — geçmişimiz, şu günümiz, geljegimiz

Türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyz Gurbanguly Berdimuhamedowyň hem-de hormatly Prezidentimiz Arkadagly Gahryman Serdarymyzyň iňňän öňdengörüjilikli, parasatly, ynsanperwer işleriniň giňden ýaýbaňlandyrylmagy netijesinde uly zähmet üstünlikleri, belent abraý-mertebe bilen mukaddes Garaşsyzlygymyzyň 33 ýyllyk baýramyna barýarys. Gazanylýan üstünlikler Gahryman Arkadagymyzyň başlangyjy esasynda Arkadagly Gahryman Serdarymyzyň tagallasy bilen gurlan we gurulýan Arkadag şäheriniň mysalynda has aýdyň görünýär. Geçen 2023-nji ýylyň 29-njy iýunynda hormatly Prezidentimiziň gatnaşmagynda sebitde deňi-taýy bolmadyk bu «akylly» şäheriň birinji tapgyry dabaraly ýagdaýda açylanda döwrüň iň kämil enjamlary bilen enjamlaşdyrylan dürli maksatly desgalaryň 336-synyň, şol sanda 2, 5, 7, 9 gatly häzirki zaman ýaşaýyş jaýlarynyň 258-siniň hem-de beýleki hyzmat ediş edaralarynyň gurlup ulanmaga berilmegi halkymyzyň bolelin, bagtyýar durmuşyny üpjün etmek üçin uly tagallalaryň edilýändigini görkezýär. Arkadag şäherinde bina edilen ylym-bilim, saglygy goraýyş, medeniýet we sungat edaralaryna halkymyzyň bagtyýar durmuşa eýe bolmagyna mynasyp goşant goşan, halkymyzyň taryhynda öçmejek yz galdyran beýik şahsyýetleriň atlarynyň dakylmagy hem uly buýsanç duýgusyny döretdi.

1 gün öň

Dogan gelýär dogan didaryn küýsäp

Dünýä türkmenleri ata Watanymyzyň köpugurly ösüşlerine bolan ýürek buýsançlaryny ýaşaýan ýerlerindäki beýleki halklaryň wekilleri bilen paýlaşyp, Arkadagly Gahryman Serdarymyzyň baştutanlygynda türkmen topragynda amala aşyrylýan ägirt işleri, ýetilýän belent sepgitleri giňden wagyz etmek işine mynasyp goşantlaryny goşýarlar. Dünýä türkmenleriniň ynsanperwer birleşigi abraýly halkara jemgyýetçilik guramasy bolup, 1991-nji ýylyň 18-nji maýynda Aşgabat şäherinde geçirilen Dünýä türkmenleriniň I maslahatynyň karary esasynda döredildi.

1 gün öň

Ýaşlaryň şäheri — watansöýüjiligiň dabaralanmasy

Türkmen halkynyň Milli Lideri Gurbanguly BERDIMUHAMEDOW:— Arkadag şäheriniň «ýaşlaryň şäheri» diýen derejesinden ugur alyp, täze şäheriň ýaşlary watansöýüjilik, milli däp-dessurlara wepalylyk ruhunda terbiýelenilmelidir, ösüp gelýän ýaş nesilleriň şähere bolan söýgüsini pugtalandyrmak, olaryň edep-terbiýeli bolmagyny gazanmak ugrunda bilelikdäki tagallalar ýola goýulmalydyr. Geçen ýekşenbe güni Gahryman Arkadagymyz «akylly» şähere nobatdaky iş saparyny amala aşyranda, ýaşlaryň şäheri derejesine eýe bolan Arkadag şäherinde türkmen halkynyň taryhyň dowamynda döreden ýagşy dessurlarynyň ýaş nesliň aňyna berk ornaşdyrylmagynyň zerurdygyny nygtady we bu işde bilim işgärleri bilen bir hatarda ýaşulularyň hem bilelikdäki wagyz-nesihat işlerini yzygiderli guramagyň möhümdigine ünsi çekdi.

1 gün öň

Ýaz ýakymly günler

Ajaýyp döwrümiziň şanly taryhyndan orun bermek üçin günlerimiziň her birinde müň bir sebäp bar. Şol günleriň içinde Arkadagly Gahryman Serdarymyzyň welaýatymyza şa gadamynyň, nazarynyň düşen günleri bolsa has aýratyn ýakyma eýe. Şol ýakymy welaýatymyzyň ýaşaýjylarynyň her biri ömürboýy gursagynda göterýär. Sahypamyzda «Pähim-paýhas ummany Magtymguly Pyragy» ýylynyň şeýle ýakymly günleriniň birnäçesini ýatlap geçmegi makul bildik.

1 gün öň

Diýarymyň ýüregi sen, Aşgabat!

Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde Aşgabat gün-günden gözelleşýär. Ajaýyp binagärligi özünde jemleýän, milli öwüşginleri bilen göreni haýrana goýýan, hatar guraýan owadan binalaryň, önümçilik kärhanalaryň, medeni-durmuş, ylym-bilim, saglyk maksatly desgalaryň, ýokary amatlyklary bolan ýaşaýyş jaýlaryň utgaşykly sazlaşygy paýtagtymyzyň görküne görk goşýar. Bu binalar diňe daşky gözelligi bilen däl, eýsem, ýokary hil derejesi, dünýä ülňülerine laýyk gelýändigi bilen hem tapawutlanýar. Paýtagtymyzdaky köpsanly binalar halkara derejede geçirilen binagärlik bäsleşikleriniň abraýly baýraklaryna mynasyp bolup, olaryň ençemesi Ginnesiň Bütindünýä rekordlar kitabyna girizildi. Gahryman Arkadagymyzyň jöwher paýhasyndan kemala gelýän Aşgabady binagärlik sungatynyň kämil nusgasyna öwürmek işleri häzirki wagtda hormatly Prezidentimiz tarapyndan üstünlikli dowam etdirilýär. Gözel paýtagtymyzda giňden bellenilýän Bilimler we talyp ýaşlar gününde hormatly Prezidentimiz Serdar Berdimuhamedowyň gatnaşmagynda ýurdumyzyň baş şäheriniň ajaýyp binagärlik keşbine sazlaşykly utgaşýan täze desgalaryň açylyş dabaralary boldy. Açylyp ulanylmaga berlen Aşgabat şäher häkimliginiň toplumynyň binasy halkymyzyň bagtyýar zamanamyza bolan buýsanjyny goşalandyrýar. Şähergurluşyk-binagärlik keşbi barha kämil gö

1 gün öň

Arkadagly Gahryman Serdarly ýeňişli ýollar

Garaşsyz, hemişelik Bitarap döwletimiz Gahryman Arkadagymyzyň halkymyzyň çuňňur bähbidine ýugrulan mukaddes taglymatyny mynasyp dowam etdirýän Arkadagly Gahryman Serdarymyzyň beýik başlangyçlary netijesinde okgunly ösüşlere eýe bolýar. Berkarar döwletiň täze eýýamynyň Galkynyşy döwründe halk hojalygyna, medeni-durmuş ulgamyna ylmyň iň soňky gazananlaryny ornaşdyrmak, ýurdumyzy innowasion ýol bilen ösüşleriň täze belentliklerine çykarmak döwlet syýasatynyň esasyna öwrüldi. Hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen parasatly ýörelgesi Gahryman Arkadagymyzyň «Döwlet adam üçindir!» diýen şygary bilen utgaşyp, halk bilen Watanyň birligini, bitewiligini emele getirdi. Ýurdumyzyň alyp barýan «Açyk gapylar» syýasaty bolsa sebitiň, şeýle hem dünýäniň ösen döwletleri bilen dostlukly gatnaşyklara, özara bähbitli hyzmatdaşlyga giň ýol açdy.

1 gün öň

Baky berkararlygyň bagty

Garaşsyzlyk güni özygtyýarly ösüşiň täze taryhy döwründe ýurdumyzyň geçen şöhratly ýoluny äşgär edýän beýik baýramçylykdyr. Gahryman Arkadagymyzyň sargyt edişi ýaly, biz geçen taryhy ýolumyza buýsanmaga doly haklydyrys. Garaşsyz, hemişelik Bitarap Diýarymyzda amala aşyrylýan işler hem-de gazanylýan üstünlikler ulus-ilimiziň kalbynda öz halkyna we ajaýyp Watanyna buýsanç duýgularyny döredýär. Peder ýoluny mynasyp dowam etdirýän hormatly Prezidentimiziň öňdengörüjilikli döwlet syýasaty netijesinde Garaşsyz, hemişelik Bitarap Watanymyz dünýäniň kuwwatly, hemmetaraplaýyn ösýän döwletleriniň birine öwrülýär we syýasy, ykdysady, medeni ulgamlarda ägirt uly üstünliklere eýe bolýar. Garaşsyz döwletimiziň ösüşiniň häzirki döwründe ata Watanymyzyň beýik geljeginiň şanyna tutumly işler durmuşa geçirilýär, ykdysadyýetimiziň durnukly ösmegine aýratyn ähmiýet berilýär. Gahryman Arkadagymyzyň «Döwlet adam üçindir!» diýen döwletli ýörelgesine hem-de Arkadagly Gahryman Serdarymyzyň «Watan diňe halky bilen Watandyr! Döwlet diňe halky bilen döwletdir!» diýen taglymatyna laýyklykda ýurdumyzyň ykdysadyýetiniň ähli pudaklarynda, ylym, bilim, saglygy goraýyş, sport, medeniýet we syýahatçylyk ulgamlarynda giň möçberli özgertmeler amala aşyrylýar.

1 gün öň

1
2
3
4
5
6
7
8
...
559
560
›