"Zenan kalby" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-10, 38-61-74, 38-62-05
Email: zenankalby@sanly.tm

Gazeti PDF görnüşinde ýükläp almak

Habarlar

Ýörelgämiz — pederleriň paýhasy

Ynsany bezeýän, mertebesini beýgeldýän aýratynlyklaryň hatarynda edepli-terbiýeli bolmagyň esasy orunda durýandygyny, onuň üsti bilen öňde goýan maksadyňa ýetip, üstünlik gazanylýandygyny durmuş tejribeleri subut edýär. Munuň üçin her bir ädimiňi oýlanyşykly ätmeli, berilýän öwütdir nesihatlara gulak asmagy, olary berjaý etmegi başarmaly. Ýamany ýazgaryp, ýagşyny söýmek ýaly häsiýetleri hemişelik hemra edinmeli. Ynsan ömrüniň manysy belli bir derejede perzentleriniň edep-terbiýeli, Watana wepaly, ilhalar adamlar bolup ýetişmegi bilen kesgitlenilýär. Şonuň üçin hem mugallymlardyr ene-atalar çagalara durmuşyň ýagşylyklara, üstünliklere eltýän gapylaryny açyp bermeli, olary kiçiliginden durmuşa taýýarlamaly, giň gözýetimli nesilleri kemala getirmeli. Munuň üçin, ilkinji nobatda, olara bu ugurda hemişe görelde bolmaly. Çagalaryň aňyna iň gowy häsiýetler ornaşdyrylan maşgalada soňlugy bilen kalplary buýsanja besleýän ýaş nesiller kemala gelýärler.

19 Ýanwar 2021

Jemgyýet

Kim bilmeşek?

Ertir gider Leýli han,Agşam geler Leýli han,Dürli-dürli çöplerden,Düwme ýasar Leýli han.  (Düýe)

19 Ýanwar 2021

Jemgyýet

Meniň bir jigim bar...

«Jigi bizde-de bar» diýýänsiňiz. Dogry, meniň jigim «Maşa we Aýy» multfilmindäki Maşajyk ýaly örän ýeserje. Onuň ady Aýbölek, dört ýaşynda. Bir gün Aýbölek goşgy öwrenipdir. Agasynyň ýanyna baryp, goşgyny labyzly aýtdy. Agasy oňa elleriniň aýasyny dolduryp süýji berdi. Ol süýjüleri hiç kime bermän iýdi. Süýjüleri gutaransoň: «Men şol goşgyny ýene gaýtalap bilýärin» diýýär. Wiý, men size Täze ýyl baýramçylygyny gürrüň bereýin. Çagalar bagynda Täze ýyl baýramçylygy geçirildi. Ullakan arçany bezediler, Aýazbabadyr Garpamyk geldi. Aýazbabanyň ýanynda goşgy aýtmak, ilki bilen, Aýbölegiň bijesine düşdi. Ol öz goşgusyndan başlap, ähli çagalaryň goşgularyny aýdyp çyksa nätjek. Onuň bilenem kanagatlanman, hüwdüdir sanawaçlary aýdyp başlady. Ahyrsoňy Aýazbaba onuň her eline bir sowgat berip, zordan ýerine geçirdi. Şondan soň beýleki çagalara gezek ýetdi.

19 Ýanwar 2021

Jemgyýet

Üns beriň, bäsleşik! düzgünnamasy

«Güneş» žurnalynyň redaksiýasy bilen Türkmenistanyň Magtymguly adyndaky Ýaşlar guramasynyň Merkezi Geňeşiniň bilelikde guramagynda çagalaryň we ýetginjekleriň arasynda Türkmenistanyň Garaşsyzlygynyň şanly 30 ýyllygy mynasybetli Garaşsyzlygyň gazananlaryny, bagtyýar çagalygy we Berkarar döwletimiziň bagtyýarlyk döwrüniň bedew batly ösüşlerini wagyz etmek hem-de döredijilik ukyby bolan ýaş zehinleri ýüze çykarmak maksady bilen yglan edilýän «Arkadagly eziz Diýar — Watanym, Garaşsyzlyk bilen bagta ýetenim» atly çeper döredijilik bäsleşiginiň Bu ýyl Türkmenistanyň mukaddes Garaşsyzlygyna 30 ýyl dolýar. Garaşsyzlyk ýyllarynda ata Watanymyz Türkmenistanda beýik ösüşler gazanyldy. Gahryman Arkadagly Watanymyzyň Garaşsyzlyk ýyllaryndaky guwandyryjy ösüşlerini ýaş nesilleriň döredijilik eserleriniň üsti bilen açyp görkezmek we wagyz etmek, şeýle hem zehinli çagalary ýüze çykarmak maksady bilen, «Arkadagly eziz Diýar —Watanym, Garaşsyzlyk bilen bagta ýetenim» atly çeper döredijilik bäsleşigini yglan edýäris. Oňa ýurdumyzyň ähli mekdeplerinden, islendik ýaşdaky çagalar hem ýetginjekler gatnaşyp bilerler. Bäsleşige hödürlenjek eserlerde şu ýylyň altyn güýzünde şanly 30 ýyllyk ýubileý baýramyny toýlajak Garaşsyz Türkmenistan döwletimiziň ýeten belent sepgitleri, ajaýyp taryhy wakalary şöhlelendirilmeli. Olaryň çuň mazmunly we edebi-çeper žanrlaryň üsti bilen beýan edilmegi bä

19 Ýanwar 2021

Jemgyýet

Her pursatda şatlyk bar

Mähriban körpe! Seniň durmuşyňda şu günler täsin pursatlar bolup geçýärmi? Ýa-da ähli bolup geçýän wakalar bireýýam adatylyga öwrüldimi? Şu wagt adaty bolup görünýän bolmagy hem ahmal. Ýyllar geçer, deň-duşlaryň bilen bolan wakalary edil şu günki ýaly, jykyr-jykyr gülüp ýatlarsyň. Şu günüňi göresiň geler, çagalygyňy küýsärsiň. Bu hökman şeýle bolarmyka diýýän. Mende-hä şeýle! Kämahal şeýle pursatlar bolýar, üstünden näçe ýyl geçse-de, surat ýaly nazaryňdan aýdyň geçip dur. Edil düýn bolan ýaly, kalbyňa möhür bolup ýazylýar. Hatda eşiden käbir gürrüňleriňem çeper keşpde aňyňda orun alýar.

19 Ýanwar 2021

Jemgyýet

Ýoldan seresap geçiň!

Mähriban çagalar, gyş paslynda gündizleriň gysga, gijeleriň uzalýandygy sebäpli, awtoulaglar, köplenç, ýagtylandyryş çyralaryny ýakyp, hereket edýärler. Gyşyň ygally we ümürli günlerinde çyralaryň yşygy açyk howadaky ýaly uzak aralyga düşmeýär. Şol sebäpli uly ýollardan, geçelgelerden geçilmeli bolanda, siz ulagyň gelýändigini uzakdan saýgarýarsyňyz. Ýoldan geçeniňizde ýol hereketiniň düzgünlerini hökman doly we dogry berjaý etmelisiňiz. Ata-eneleriňiz gyş egin-eşikleriňizi alanlarynda, siz olara yşyk serpikdirýän reňki bolan eşikleriň göwnejaýdygyny ýatladyň. Şeýle hem ulagyň yşygynda haýsy reňkiň näçe aralykdan görünýändigini hem ýatda saklaň: — Gara reňk gaty golaýa gelýänçä görünmeýär;

19 Ýanwar 2021

Jemgyýet

Halkymyzyň döwletlilik ýörelgesi

Düýn Türkmenistanyň Mejlisiniň guramagynda ýurdumyzyň Jemgyýetçilik guramalarynyň merkezi binasynyň mejlisler jaýynda «Parahatçylyk we ynanyşmak türkmeniň döwletlilik ýörelgesidir» atly maslahat geçirildi. Oňa Mejlisiň Başlygy, deputatlar, syýasy partiýalaryň, jemgyýetçilik guramalarynyň ýolbaşçylary, ýokary okuw mekdepleriniň professor-mugallymlary, «Türkmendemirýollary» agentliginiň hünärmenleri hem-de köpçülikleýin habar beriş serişdeleriniň wekilleri gatnaşdylar. Maslahatda çykyşlara giň orun berildi. Çykyş edenleriň belleýişleri ýaly, «Türkmenistan — parahatçylygyň we ynanyşmagyň Watany» şygaryna eýe bolan 2021-nji ýyl hormatly Prezidentimiziň parasatly baştutanlygynda, turuwbaşdan, taryhy wakalara, dünýä ýaň salan beýik işlere beslenýär. Golaýda hormatly Prezidentimiziň hem-de Owganystan Yslam Respublikasynyň Prezidentiniň wideoaragatnaşyk arkaly gatnaşmagynda Akina — Andhoý demir ýolunyň, Kerki — Şibirgan ugry boýunça elektrik geçirijisiniň, Ymamnazar — Akina we Serhetabat — Turgundy optiki-süýümli halkara aragatnaşyk ulgamlarynyň açylmagy hem munuň anyk subutnamalary boldy. Bu taryhy wakalaryň ählisiniň özeninde bolsa, ilkinji nobatda, adam hakdaky aladanyň durandygy açyk-aýdyň duýulýar. Sahawatly türkmen topragyndan uzaýan bu dostluk ýollary, röwşenlik paýlaýan elektrik geçirijileri, optiki-süýümli halkara aragatnaşyk we üstaşyr akymlary doganlyk owgan halkyna n

19 Ýanwar 2021

Jemgyýet

Baş maksat — halkyň islegini kanagatlandyrmak

Hormatly Prezidentimiziň tagallalary bilen ýurdumyzda hereket edýän kärhanalaryň durky täzelenilip, döwrebaplaşdyrylýar. Önümçilik kärhanalaryna döwrebap tehnologiýalaryň ornaşdyrylmagy, olarda işiň netijeliliginiň ýokarlanmagyna, önümleriň öndürilişiniň artmagyna giň mümkinçilikleri döredýär. Munuň şeýledigini önümçilik kärhanalarynyň gazanýan üstünlikleriniň mysalynda hem görmek mümkin. Şeýle kärhanalar welaýatymyzda sanardan köp. Daşoguzyň «Çeper» tikin fabrigi hem şolaryň biri. Tikin fabriginde dürli görnüşli, ýokary hilli önümler öndürilmek bilen, ilatyň islegini kanagatlandyrmakda uly işler durmuşa geçirilýär. Häzirki wagtda tikin fabriginiň alyp barýan işleri, gazanýan netijeleri dogrusynda fabrigiň direktorynyň orunbasary Allamyrat Öräýew bilen söhbetdeş bolduk.

18 Ýanwar 2021

Jemgyýet

Giň dünýäniň geň habarlary

Geljegiň kämil ulagy Russiýanyň Woronež şäherinde ýerleşýän «Scienex» kompaniýasy «Flyter» atly aeromobil ulagynyň üstünde iş alyp barýar. Ulagy şu ýylyň maý aýynda synagdan geçirmek göz öňünde tutulýar. Ganatlary we açyk perrikleri bolmadyk uçýan ulag hakyndaky maglumatlaryň internet ulgamlarynda peýda bolmagy häzirki zaman jemgyýetçiliginde uly seslenme döretdi. Kompaniýanyň hünärmenleriniň aýtmaklaryna görä, geljegiň kämil ulaglary şeýle görnüşde bolar. Boýy 5 m, ini 2 m deň bolan ulag sagatda 100 km geçmäge ukyply bolup, onuň aňrybaş tizligi sagatda 120 kilometrdir. Ol awtouçarman arkaly dolandyrylar. Ulag iki adama niýetlenendir.

18 Ýanwar 2021

Jemgyýet

Täze ýyl arzuwlary (Bolan waka)

Täze ýyl örän şowhunly baýramçylyklaryň biri. Täze ýyla ähli adamlar, esasan-da, biz — çagalar her ýyl sabyrsyzlyk bilen garaşýarys. Täze ýylda ýagşy niýet bilen edilen arzuwlar hasyl bolýar. Bu hakda enem maňa: «Balam, «Täze ýyl» sözünde ýyly mähir, gudrat bardyr. Çünki her çalyşýan ýyl özüniň bagty bilen gelermişin. Bu baýramçylyk —sowgatlar baýramçylygydyr. Ol çagalary begendirmegi halaýar. Täze ýyl güni çyn ýürekden islän zatlaryňy, arzuwlaryňy hata ýazyp, Täze ýyl arçasyndan asyp goýsaň, onda olar hökman hasyl bolar» diýdi. Enem meniň üçin iň mähriban ynsan. Onuň aýdyp berýän gyzykly gürrüňlerini diňlemek maňa diýseň ýakymly. Ähli aýdan zatlaryny hem ýatda saklamaga çalyşýaryn.

18 Ýanwar 2021

Jemgyýet

Ýaşlar syýasaty rowaçlanýar

Hormatly Prezidentimiziň «Türkmenistan — parahatçylygyň we ynanyşmagyň Watany» ýylynyň Ministrler Kabinetiniň sanly wideoaragatnaşyk arkaly geçirilen ilkinji mejlisinde «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasyny» hem-de ony amala aşyrmak boýunça ýerine ýetirilmeli çäreleriň Meýilnamasyny tassyklamak hakynda Karara gol çekmegi ýurdumyzyň bagtyýar ýaşlarynyň durmuşynda, sözüň doly manysynda, taryhy wakalaryň biri boldy. Munuň özi milli Liderimiziň ýaş nesiller hakyndaky aladanyň geljek üçin goýlan iň ygtybarly, oýlanyşykly hem asylly maýa goýumydygy babatda aýdýan parasatly jümleleriniň iş ýüzünde doly amal edilýändiginiň ýene-de bir güwäsidir. Häzirki wagtda döwrebap bilimli, ylymly, giň dünýägaraýyşly, sagdyn durmuş ýörelgelerini hemişelik hemra edinen, her bir işe yhlasly, döredijilikli çemeleşmegi başarýan, ösen tehnologiýalardan we ylmyň gazananlaryndan ussatlyk bilen baş çykarýan, milli durmuş we zähmet ýörelgelerini mynasyp dowam etdirýän, ruhubelent, watansöýüji, geljege ynamly garaýan nesilleri terbiýeläp ýetişdirmek döwlet syýasatymyzyň ileri tutulýan ugurlarynyň biridir. Şeýlelikde, döwlet Baştutanymyzyň anyk mümkinçiliklere we ylmy esaslandyrmalara daýanýan giň gerimli durmuş özgertmeleriniň çäginde bu wezipeleri üstünlikli durmuşa geçirmekde düýpli öňegidişlikler gazanyldy. Çünki tutuş dünýä jemgyýetçi

18 Ýanwar 2021

Jemgyýet

Ýatkeşlik we ony goramak (Durmuş we biz)

Ähli zatlaryň elektronlaşýan döwründe adamyň edäýmeli işlerini hem köp babatda elektron enjamlar, uzakdan dolandyryjylar, akylly tehnikalar amala aşyrýar. Mysal üçin, öňler telewizory bir kanaldan beýleki bir kanala geçirmek üçin ýeriňden turup, onuň «gulajygyndan» towlap geçirmelidi. Indi bolsa diňe bir telewizor däl, ähli enjamlar uzakdan dolandyryjylar arkaly sazlanýar. Mundan başga-da, matematiki hasaplamalary ýerine ýetirmek üçin hem kelle döwüp oturmagyň geregi ýok. Elektron hasaplaýjylar arkaly islän ululykdaky sanyňy goşup, aýryp, bölüp, köpeldip... bolýar. Telefon belgileri hem ýatda saklajak bolup alada galmaly däl. Häzirki wagtda mobil telefonlaryň iň ýönekeýlerinde hem bu hyzmat doly amal edilýär. Kimiň telefon belgisi gerek bolsa, onuň adyny tapaýmaly. Şu agzalyp geçilenler we ýene-de şuňa meňzeş ençeme durmuşda döredilen elektronik ýeňillikler adamlaryň belli bir derejede hereketsiz galmaklaryna, şeýle hem ýatkeşliginiň peselmegine getirip bilýär. Eýsem, bu nädip bolýar?! Ynsan beýnisiniň ýatkeşlik bilen bagly bölegindäki nerw öýjükleri ulanylman galanyndan soňra, olar ölüp başlaýar. Çünki olaryň ýerine ýetirmeli wezipesini elektronik enjamlar amala aşyrýar. Şeýlelik bilen, ýatkeşlik peselip ugraýar. Elbetde, durmuşymyzy ýeňilleşdirýän elektronik enjamlardan ýüz öwrüp ýaşamaklyg-a känbir akyla sygjak zat däl. Emma ýatkeşligimizi başgarak usullar bilen gorap

18 Ýanwar 2021

Jemgyýet

Paýtagtymyzyň binagärlik keşbi

Binagärlik we gurluşyk ýurdumyzyň halk hojalyk toplumynyň esasy pudaklarynyň biri bolup durýar. Hormatly Prezidentimiz Gurbanguly Berdimuhamedowyň parasatly baştutanlygynda işlenip taýýarlanylan şähergurluşyk maksatnamasyna laýyklykda, Diýarymyzyň ähli ýerinde, şol sanda ak mermerli paýtagtymyzda giň gerimli gurluşyk işleri ýaýbaňlandyrylýar. Şähergurluşyk özgertmeleri eziz Arkadagymyzyň durmuş-ykdysady maksatnamasynyň netijeli amala aşyrylmagynyň aýdyň subutnamasy bolup durýar. Paýtagtymyzyň binagärlik ösüşi onuň ozal döredilen düzümleriniň, Aşgabadyň keşbini kemala getirýän kompozisiýa arabaglanyşygyny aýawly saklamagyň esasynda emele gelýär. Mukaddes Garaşsyzlygymyzyň şanly 30 ýyllyk toýuna barýan mähriban ýurdumyzda, milli Liderimiziň binagärlik sungaty, pähim-paýhasy bilen gurlan täze binalar mermer şäherimiz Aşgabadyň gözel keşbi bilen ajaýyp sazlaşygy emele getirýär, olarda Watanymyzda berkarar bolan täze eýýamyň belent ruhy, häzirki döwrüň ýaraşyklylygy we ajaýyplylygy öz beýanyny tapýar. Eziz Arkadagymyzyň öňdengörüjiligi bilen ata-babalarymyzdan nesillerimize ebedi miras galan binagärlik senedi beýik sungat derejesine göterildi. Şonuň esasynda ak mermerli Aşgabat ata Watanymyzda amala aşyrylýan giň gerimli özgertmeleriň öň hataryny çekip, özüniň ajaýyp keşbi bilen Gahryman Arkadagymyzyň binagärlik sungatynyň göwher gaşyna öwrüldi.

18 Ýanwar 2021

Jemgyýet

Çaý hakynda täsin maglumatlar

■ Rowaýata görä, ilkinji çaý biziň eýýamymyzdan öňki 2737-nji ýylda hytaý imperatory Şen Ningiň guran çaý ýapragyny tötänlikde gaýnag suwa gaçyrmagy bilen oýlanyp tapylýar. ■ Ýer ýüzünde çaýyň iň köp içilýän ýeri Irlandiýadyr. Beýik Britaniýa bolsa bu sanawda ikinji orunda durýar.

18 Ýanwar 2021

Jemgyýet

Şekillere siňen gözellik

Pasyllaryň hersiniň özboluşly owadanlygy, özüne çekiji ajaýyp bir keşbi bar. Gyşda tutuş barlyk ak gar bilen örtülse, bahar gelende, tebigat janlanýar, meýdanlar al-ýaşyl begrese bürenýär. Jöwzaly tomusda miwelerini bolluk bilen eçilen baglaryň ýapraklary tyllaýy güýz gelende älem-jahanyň ýüzüni altynsow reňke boýaýar. Pasyllaryň tebigata eçilýän tükenmez bu üýtgeşik gözellikleri islendik ynsany özüne bendi edýär. Ol aýratyn hem döredijilik bilen meşgullanýanlary biparh goýanok. Welaýatymyzyň Çagalar sungat we çeperçilik mekdepleriniň suratkeşleri hem şeýle gözellikleri öz eserlerinde şekillendirmekden uly lezzet alýarlar. Biz muňa «Arkadagly Watan ― türkmeniň bagty, Bitaraplyk saçýar ýollara ýagty» ady bilen geçirilen sergi bäsleşiginde hem ýene bir gezek göz ýetirdik. Türkmenistanyň Magtymguly adyndaky Ýaşlar guramasynyň welaýat geňeşiniň hem-de Türkmenistanyň Kärdeşler arkalaşyklarynyň welaýat birleşmesiniň bilelikde yglan eden bu bäsleşigi ukyp-başarnykly ýaşlary ýüze çykardy. Biz bu döredijilik bäsleşiginiň ýeňijileriniň birnäçesiniň ýürek buýsanjyny beýan edýäris. Selbi  RUSLANOWA,Dänew etrabynyň Seýdi şäherindäki ýöriteleşdirilen 19-njy orta mekdebiň 9-njy synp okuwçysy:

18 Ýanwar 2021

Jemgyýet

Tutumly taslamalar — Şanly ýylymyzyň rowaçlygynyň buşlugy

Eziz Arkadagymyzyň Türkmenistan — parahatçylygyň we ynanyşmagyň Watany ýylynyň ilkinji günlerinde welaýatymyza amala aşyran iş saparynyň dowamynda halkara derejesindäki möhüm ähmiýetli desgalaryň birbada bäşisine — Akina—Andhoý menzilleriniň arasyndaky 30 kilometrlik demir ýolunyň, Kerki — Şibirgan ugry boýunça güýjenmesi 500 kilowolt bolan 153 kilometrlik elektrik geçiriji ulgamyň, Ymamnazar —Akina we Serhetabat —Turgundy optiki-süýümli halkara ulgamyň, şeýle hem Çärjew etrabynyň çägindäki «Malaý» gaz käninde ýyllyk kuwwaty 30 milliard kub metre barabar bolan täze gaz gysyjy desganyň işe girizilmegine ak pata bermegi ulus-ilimiziň göwün guşuny ganatlandyryp, ruhuny belende göterdi. Şu günler diňe bir welaýatymyzyň durmuşynda däl, eýsem, dünýä jemgyýetçiliginde hem tolgundyryjy duýgulary döredip, hakydalarda öçmejek yz goýan taryhy wakalara şaýat bolmagyň şatlygy ildeşlerimiziň uludan-kiçisiniň kalbyny egsilmez buýsanja besleýär. Bu taryhy waka mynasybetli geçen şenbe güni welaýat häkimliginde welaýatymyzyň iri jemgyýetçilik guramalarynyň wekilleriniň, Türkmenistanyň Mejlisiniň deputatlarynyň, edara-kärhanalaryň ýolbaşçylarynyň, il sylagly ýaşulularyň hem-de kümüş saçly eneleriň gatnaşmaklarynda hoşallyk maslahaty geçirildi. Maslahaty welaýat häkimi Şöhrat Amangeldiýew açyp, hormatly Prezidentimiziň welaýatymyza Şa gadamynyň düşmegi bilen ýurdumyzyň Garaşsyzlygynyň şanly 30 ýy

18 Ýanwar 2021

Jemgyýet

Jümle-jahan habarlary

Sagano — bambuk tokaýlygy Sagano bambuk tokaýlygy Ýaponiýanyň iň gözel ýerleriniň biridir. Ol ýurduň Kioto şäheriniň günbatar eteginde, Araşiýama seýilgähinde ýerleşýär. Bu tokaýlygyň tutýan umumy meýdany 16 inedördül kilometre barabar bolup, onda gös-göni ösýän bambuklaryň müňlerçe düýbi bardyr. Täsin tokaýlygy XIV asyrda ussat bagban Muso Soseki döredipdir. Bu ýer diňe bir adatdan daşary gözelligi bilen däl, eýsem, şemalyň ýuka bambuk baldaklary bilen galtaşmagy netijesinde döreýän özboluşly sesiň ýaňlanýandygy bilen hem meşhurlyk gazandy. Sagano tokaýlygyna gelýänler gulaga ýakymly owazyň rahatlandyryjy täsiriniň bardygyny belleýärler. Şol sebäpli bu täsin ýer ýurduň ilatynyň we dünýäniň jahankeşdeleriniň arasynda uly meşhurlykdan peýdalanýar.

18 Ýanwar 2021

Jemgyýet

Uly joşgun bilen

Hormatly Prezidentimiziň parasatly ýolbaşçylygynda Berkarar döwletiň bagtyýarlyk döwründe ähli ugurlar boýunça ajaýyp ýeňişlere beslenýän ýurdumyz ösüşleriň täze tapgyryna ynamly gadam basdy. Jemgyýetimizde ykbal kesgitleýji düýpli özgertmeleriň sazlaşykly we tapgyrlaýyn durmuşa geçirilmegi, olaryň kanunçylyk binýadynyň döwrebap kämilleşdirilmegi, ýurdumyzyň syýasy- jemgyýetçilik durmuşynda demokratik ýörelgeleriň barha çuňlaşdyrylmagy agzybir we jebis halkymyzyň ýaşaýyş-durmuş derejesiniň yzygiderli ýokarlanmagyny ygtybarly üpjün edýär. Döwletimiziň ykdysady kuwwatynyň artmagy, her ýyl zähmet haklarynyň, pensiýalaryň we döwlet kömek pullarynyň, talyp haklarynyň möçberleriniň ýokarlandyrylmagy ilatymyzyň durmuş goraglylygyny we maddy hal-ýagdaýyny gowulandyrýar. Ilatymyzyň erkana ýaşaýşy, asuda dynç almagy, saglygyny berkitmegi üçin ähli şertler döredilýär.

18 Ýanwar 2021

Jemgyýet

Täze jaýyň açylyş dabarasy

Belent sepgitlere beslenip, dabarasy dünýä dolan taryhy wakalaryň ýyly bolan Türkmenistan —–Bitaraplygyň mekany ýyly taryhyň gatyna siňdi. Türkmen halky hormatly Prezidentimiziň ýolbaşçylygynda 2021-nji — Türkmenistan — parahatçylygyň we ynanyşmagyň Watany ýylyna gadam goýdy. Beýik Garaşsyzlygymyzyň şanly 30 ýyllygynyň toýy uludan tutuljak üstümizdäki ýylyň ilkinji günlerinden guwançly wakalara beslenýändigi il-günümiziň kalbyna nur çaýýar. Bilşimiz ýaly, ajap eýýamymyzda döwlet Baştutanymyzyň tabşyryklaryndan ugur alnyp, önümçilik we medeni-durmuş maksatly binalardyr desgalaryň, ýaşaýyş jaýlarynyň gurluşygy giň gerime eýe bolýar. Şol binalardyr desgalaryň gurlup, ulanmaga berilmegi bolsa, Garaşsyz döwletimiziň gülläp ösmegine, il-günümiziň ýaşaýyş- -durmuş şertleriniň ýokarlanmagyna ýardam edýär.

18 Ýanwar 2021

Jemgyýet

Bökdençsizlik gazanylýar

Ajap eýýamymyzda milli Liderimiziň öňe süren “Döwlet adam üçindir!” diýen ynsanperwer syýasatyndan ugur alnyp, halkymyzyň ýaşaýyş-durmuş şertlerini gowulandyrmakda netijeli işler durmuşa geçirilýär. Il-gün bähbitli bu wezipelerde edara-kärhanalaryň we ilatyň tebigy gaz bilen bökdençsiz üpjün edilmegi derwaýysdyr. Şeýle wezipäniň çözgüdi gyş aýlarynyň häzirki günlerinde aýratyn ähmiýete eýe bolýar. Şu günüň ýokary talabyndan ugur alýan “Baýramalyşähergaz” gaz hojalyk edarasynyň işgärleri tebigy gazyň sarp edijilere bökdençsiz akymyny üpjün etmekde ýadawsyz aladalanýarlar. Gyş aýlarynyň sowuk we ygally günleri edaranyň işgärlerinden ýokary jogapkärçiligi talap edýär. Möwsümiň ýokary talabyna düşünýän ady agzalan edaranyň işgärleri Baýramaly şäheriniň sarp edijilerini mawy ýangyjyň akymy bilen üpjün etmekde ähli tagallalary edýärler. Olar dürli basyşly gaz geçirijileriň, olaryň ugrundaky gaz paýlaýjy we sazlaýjy desgalaryň gurat işlemegine yzygiderli gözegçiligi ýola goýýarlar. Gaz hojalyk edarasynda sargytlary kabul edýän bölümiň işgäri Azat Çolukow, ussa Geldimyrat Pyryýew, sürüji Alty Meretdurdyýew ýaly işine ezber zähmetsöýer adamlar has tapawutlanýarlar. Bu ýerde gyş günleriniň çylşyrymly wezipelerine abraý bilen hötde gelmek üçin degerli çäreler görülýär. Jogapkärçilik duýlup, işiň guramaçylykly ýola goýlan ýerinde bolsa gowy netijeler gazanylýar.

18 Ýanwar 2021

Jemgyýet