Türkmenmetbugat

"Garagum" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-83, 39-96-05, 39-96-07
Email: garagum_tm@sanly.tm

Gazeti PDF görnüşinde ýükläp almak

Habarlar

Döwre buýsanç - zähmete hyjuw

Meýlis ATAÝEW,Aşgabat şäher gümrükhanasynyň gümrük statistikasy bölüminiň kiçi gözegçisi, uly leýtenant: — Milli Liderimiziň tagallalary bilen häzirki wagtda halkara söwda ugurlarynyň strategik taýdan ähmiýetli çatrygynda ýerleşen ýurdumyzyň ulag-üstaşyr kuwwatyny has doly amala aşyrmak üçin giň mümkinçilikler döredilýär.

4 Fewral 2021

Umumadamzat ähmiýetli tagallalar : daşary syýasatda baş ýörelge

Hormatly Prezidentimiziň öňdengörüjilikli daşary we içeri syýasatynyň netijesinde amala aşyrylýan tutumly işler Berkarar döwletimiziň bagtyýarlyk döwründe ýurdumyzyň mundan beýläk-de ösmegine, onuň halkara abraýynyň täze belentliklere göterilmegine ýardam edýär. Hemişelik Bitaraplyk hemişelik parahatçylykdyr, goňşy döwletlerde, tutuş dünýä ýüzünde syýasy durnuklylygyň kepilidir. Milli Liderimiziň nygtaýşy ýaly, bitaraplyk we parahatçylyk diýen düşünjeler bölünmezdir. Munuň şeýledigine hormatly Prezidentimiziň «Parahatçylyk sazy, dostluk, doganlyk sazy» atly kitabyny okanyňda doly göz ýetirmek bolýar. Bu kitapda bellenilişi ýaly, türkmenleriň öz taryhynyň irki döwürlerinde-de döwletiň we halkyň bähbitlerini goramak maksady bilen, öňüni alyş diplomatiýasyny ulanandygy, «Ähdi-peýman şertnamasy» diýlip atlandyrylýan halkara şertnamalaryny baglaşandygy bellidir. Türkmenistanyň hemişelik Bitaraplyk hukuk ýagdaýyna esaslanyp, halkara guramalarynyň, şol sanda dünýäde parahatçylygy, howpsuzlygy, durnukly ösüşi üpjün etmegi maksat edinýän Birleşen Milletler Guramasynyň başlangyçlaryna goşulmagy, şol işleri sebitde durmuşa ornaşdyrmagy, parahatçylyk söýüjilikli Harby doktrinasy, goňşy döwletlere ynsanperwer kömekleri Watanymyzyň öňküden hem gülläp ösmegini, türkmen halkynyň has-da eşretli durmuşda ýaşamagyny kepillendirdi. Türkmenistan Watanymyzyň öňe süren hemişelik Bitaraplyk syýasaty t

4 Fewral 2021

Milli Liderimiziň amala aşyrýan “Açyk gapylar” syýasatyna eýerip

Daşary ýurtly hyzmatdaşlar bilen nobatdaky wideoduşuşyklar AŞGABAT, 3-nji fewral (TDH). Şu gün Daşary işler ministrliginde Awtomobil ulaglarynyň halkara birleşiginiň (IRU) Baş sekretary Umberto de Pretto bilen wideomaslahat geçirildi. Duşuşygyň dowamynda logistikanyň we sanlylaşdyrmagyň kämilleşdirilmegi arkaly ulag-üstaşyr geçelgeleriniň has-da ösdürilmegine gönükdirilen hyzmatdaşlygyň giň gerimli meseleleri ara alnyp maslahatlaşyldy. 2016-njy ýylda Aşgabatda hormatly Prezidentimiz Gurbanguly Berdimuhamedowyň başlangyjy bilen geçirilen Durnukly ulag ulgamy boýunça birinji Ählumumy maslahatyň ähmiýeti nygtaldy.

4 Fewral 2021

Berkarar döwletimiziň bagtyýarlyk döwrüniň ýyl ýazgysy — 2020-nji ýyl

2.MALIÝE-YKDYSADY TOPLUM Watanymyzyň durnukly ösüşini üpjün etmek hormatly Prezidentimiz Gurbanguly Berdimuhamedowyň alyp barýan döwlet syýasatynyň esasy maksadydyr. Şol syýasatyň maksadalaýyk durmuşa geçirilmeginiň netijesinde Türkmenistan häzirki wagt dünýä hojalyk gatnaşyklar ulgamyna işjeň goşulyşýan durnukly ykdysadyýeti bolan ýurda öwrüldi.

4 Fewral 2021

Parahatçylyk we ynanyşmak

Türkmenistan Watanymyzyň daşary we içeri syýasatynyň esasyny düzýän ýörelgeler Islendik döwlet, islendik halk, islendik adam parahat durmuşy, abadan ýaşaýşy ähli zatdan gymmatly hasaplaýar. Çünki parahatçylyk we abadançylyk gülläp ösüşiň esasy şertleriniň biridir. Parahatçylyk söýüjilik müňýyllyklaryň dowamynda goňşy döwletler bilen diplomatik gatnaşyklary ýola goýmaga aýratyn ähmiýet beren halkymyzyň asylly häsiýetleriniň biridir. Dosta wepalylyk, borja ygrarlylyk, goňşa mähribanlyk, myhmana sarpa goýmak her bir türkmeniň ganyna siňendir.

3 Fewral 2021

Parahatçylygyň we ösüşiň kepili

Dünýä ýüzünde parahatçylygyň, dost-doganlygyň ýurdy hökmünde tanalýan, mukaddes Garaşsyzlygynyň şanly 30 ýyllyk toýuna barýan hemişelik Bitarap Türkmenistan döwletimizde amala aşýan buýsançly pursatlar, taryhy wakalar, oňyn ösüş-özgerişler bu mukaddes toprakda ömür sürýän, azat-erkin zähmet çekýän raýatlaryň eziz Watanymyza bolan mähir-söýgüsini artdyryp, täze üstünliklere ruhlandyrýar. Ýurdumyzdaky syýasy-ykdysady ösüşler, medeni-ruhy galkynyşlar hormatly Prezidentimiziň parasatly baştutanlygynda döwletli tutumlary amala aşyrýan agzybir il-halkymyzyň, berkarar Diýarymyzyň şu gününiň bagtyýarlygyndan, geljeginiň has-da röwşen hem nurana boljagyndan habar berýär. Asyrlar aşyp gelýän halallyk, sahawatlylyk, ynsanperwerlik ýaly gyzyldan gymmatly gylyk-häsiýetlerimiz durmuşymyza çuňdan kök urup, ynsan gatnaşyklarynda esasy ýol-ýörelgelerimize öwrüldi. Türkmenistan ysnyşykly hem işjeň gatnaşyklary ýola goýmak we ösdürmek isleýän daşary döwletleriň wekilleriniň, işewürleriniň gelim-gidimli ýerine öwrülip, sebitde we bütin dünýäde parahatçylygy goramaga, asudalygy üpjün etmäge mynasyp goşandyny goşýan ýurt hökmünde uly abraý-mertebä eýe boldy. Daşary döwletler bilen syýasy, ykdysady, medeni ugurlarda ikitaraplaýyn we köptaraplaýyn oňaýly, peýdaly hyzmatdaşlyklary ýola goýmaga çalyşýan ýurdumyzdaky özgerişler dünýä jemgyýetçiliginiň ünsüni özüne çekýär.

3 Fewral 2021

Parahatçylygyň we rowaçlygyň daýanjy

Türkmenistan Milletler Bileleşigi tarapyndan iki gezek ykrar edilen hemişelik Bitaraplyk hukuk ýagdaýyndan gelip çykýan wezipe-borçlaryny gyşarnyksyz berjaý edýär. Geçen döwür, gazanylan tejribe, taryh muny doly subut etdi. Milli Liderimiziň yzygiderli alyp barýan parasatly içeri we daşary syýasatynyň halkara derejede gyzgyn goldaw tapýandygy aýratyn buýsandyryjydyr. Hormatly Prezidentimiz Gurbanguly Berdimuhamedowyň parasatly baştutanlygynda dünýä bileleşiginiň ýurtlary bilen köpugurly hyzmatdaşlygy alyp barýan türkmen döwleti Ýer ýüzünde howpsuzlygy üpjün etmegiň bähbidine ählumumy hyzmatdaşlygyň häzirki zaman halkara ulgamyny döretmäge mynasyp goşant goşýar.

3 Fewral 2021

MIlli Demokratiýa rowaç alýar

Hormatly Prezidentimiziň parasatly baştutanlygy we ýiti öňdengörüjiligi bilen ýurdumyzda hukuk ulgamyny, aýratyn-da milli kanunçylygy kämilleşdirmek boýunça giň gerimli özgertmeler amala aşyrylýar. Gözbaşyny gadymy döwürlerden alyp gaýdýan milli ýörelgelerimize we ösen dünýä tejribesine laýyklykda üstünlikli durmuşa geçirilýän konstitusion özgertmeleriň netijesinde Garaşsyz, hemişelik Bitarap Watanymyzyň Parlamenti iki palataly ulgama geçdi. Türkmenistanyň Halk Maslahatynyň nobatdaky mejlisinde kabul edilen «Türkmenistanyň Konstitusiýasyna üýtgetmeler we goşmaçalar girizmek hakynda» Türkmenistanyň Konstitusion Kanunyndan ugur alnyp, ýurdumyzda täze döredilen palatanyň, ýagny, Türkmenistanyň Milli Geňeşiniň Halk Maslahatynyň agzalarynyň 2021-nji ýylyň 28-nji martynda birinji saýlawlary geçirilýär. Öňde duran saýlawlara häzirki günlerden ýokary derejede taýýarlyk görülýär. Bu möhüm ähmiýetli syýasy çäräni guramaçylykly geçirmek maksady bilen Türkmenistanda Saýlawlary we sala salşyklary geçirmek boýunça merkezi toparyň 2020-nji ýylyň 28-nji noýabryndaky Kararyna laýyklykda degişli çäreleriň meýilnamasy tassyklanyldy.

3 Fewral 2021

Kämil jemgyýetiň binýady

Türkmenistanyň Kärdeşler arkalaşyklarynyň Türkmenbaşy şäher birleşmesi Türkmenistanyň Zenanlar birleşiginiň şäher geňeşi bilen bilelikde nebiti gaýtadan işleýän zawodlar toplumynyň medeni-sport toplumynyň mejlisler zalynda «Zenan edebi — sagdyn  jemgyýetiň binýady» atly duşuşyk çäresini geçirdi. Şäheriň edara-kärhanalarynyň öňdebaryjy zenanlarynyň, mährem eneleriň we talyp gyzlaryň gatnaşmagynda geçirilen çäre Gahryman Arkadagymyzyň çykyşlarynda we dürdäne eserlerinde beýan edilýän kämil ruhy-ahlak ýörelgelerini aýal-gyzlaryň arasynda giňden wagyz-ündew etmeklige bagyşlandy.  Çärede berkarar ýurdumyzda ene sarpasynyň mukaddeslik derejesine göterilendigi, milli ýörelgelerimize eýerýän gender deňligi syýasaty esasynda gyz-gelinleriň jemgyýetimiziň dürli ulgamlarynda zähmet çekmäge hukuklarynyň we mümkinçilikleriniň bardygy barada gürrüň edildi. Çykyş edenler Berkarar döwletimiziň bagtyýarlyk döwründe zenanlarymyz ýaş nesillere bilim-terbiýe bermekde, sagdyn nesli kemala getirmekde göreldeli zähmeti bilen tapawutlanýarlar, olar medeniýetde, oba hojalygynda, telekeçilikde öz ussatlyklaryny görkezýärler, milli medeniýetimizi dünýä ýaýmakda meşhurlyga eýe bolýarlar diýip, aýratyn bellediler. Şeýle-de, asyrlaryň dowamynda türkmenleriň maşgala ojaklarynyň adamkärçilik, ahlak, edep, görüm-görelde mekdebi bolup, olarda nesiller üçin nusga alarlyk arassa, päk terbiýe ýörelgeler

3 Fewral 2021

Ýörelgämiz — sagdyn durmuş

Şeýle at bilen «Türkmennebit» döwlet konserniniň «Burnebitgazhyzmat» müdirliginiň tehniki wagyz ediş we durmuş maksatly hyzmatlar merkezinde wagyz-nesihat çäresi geçirildi. TMÝG-niň Balkanabat şäher geňeşiniň, «Türkmennebit» döwlet konserniniň şahamçasynyň we Türkmenistanyň Agrar partiýasynyň welaýat komitetiniň bilelikde guramaklarynda geçirilen çärä il sylagly ýaşulular, mährem eneler, dürli kärde zähmet çekýän hünärmenler, ýaşlar gatnaşdylar. Ýaş nesliň berk bedenli, sagdyn ruhly bolmaklaryny gazanmak, olarda ata-enäni, ulyny sylamak, lebzihalallyk, ynsaplylyk, ahlaklylyk ýaly asylly häsiýetleri terbiýelemek hem-de ýaramaz endikleriň ynsan saglygyna we jemgyýete ýetirýän zyýanyny düşündirmek maksady bilen geçirilen çärede edilen çykyşlarda hormatly Prezidentimiziň parasatly ýolbaşçylygynda ähli ugurlarda ýaýbaňlandyrylan giň gerimli özgertmeleriň amala aşyrylmagy netijesinde halkymyzyň durmuş derejesiniň ýokarlanýandygy, ýaşlaryň döwrebap bilim almagy, päk ýürekden zähmet çekmegi üçin ähli şertleriň döredilýändigi bellenildi. Ýaşlaryň ýaramaz endiklerden daşda durup, sagdyn durmuş ýörelgelerine berk eýermelidigi ündeldi.

3 Fewral 2021

Milli Liderimiziň amala aşyrýan “Açyk gapylar” syýasatyna eýerip

Daşary ýurtly hyzmatdaşlar bilen nobatdaky wideoduşuşyk AŞGABAT, 2-nji fewral (TDH). Şu gün Türkmenistanyň Daşary işler ministrliginde Birleşen Milletler Guramasynyň hem-de onuň ýurdumyzda we sebitde işleýän agentlikleriniň ýolbaşçylary we wekilleri bilen duşuşyk geçirildi. Duşuşyga gatnaşyjylaryň käbiri wideoaragatnaşyk hyzmatyndan peýdalandylar.

3 Fewral 2021

Berkarar döwletimiziň bagtyýarlyk döwrüniň ýyl ýazgysy — 2020-nji ýyl

Hormatly Prezidentimiz Gurbanguly Berdimuhamedow geçen ýylyň jemlerini jemläp, dünýäde emele gelen çylşyrymly ýagdaýa garamazdan, biz 2020-nji ýylda özümiziň joşgunly zähmetimiz bilen milli ykdysadyýetimiziň durnukly ösüşini gazandyk we halkymyzyň hem-de ýurdumyzyň abadançylygynyň hatyrasyna döwlet ähmiýetli köp sanly başlangyçlara badalga berdik diýip belledi. 2020-nji ýylda Türkmenistanda ulanylmaga berlen köp sanly durmuş we önümçilik maksatly täze desgalardan başga-da, sebit söwda-ykdysady hem-de ulag-aragatnaşyk goşulyşmagyna gönükdirilen halkara ähmiýetli iri taslamalary durmuşa geçirildi.

3 Fewral 2021

Milli Liderimiziň amala aşyrýan “Açyk gapylar” syýasatyna eýerip

Daşary ýurtly hyzmatdaşlar bilen nobatdaky wideoduşuşyklar AŞGABAT, 1-nji fewral (TDH). Şu gün sanly wideoaragatnaşyk ulgamy arkaly Türkmenistanyň we Oman Soltanlygynyň Daşary işler ministrlikleriniň arasynda ministrler derejesinde geňeşmeler geçirildi. Duşuşyga Oman Soltanlygynyň daşary işler ministri Saýýid Badr bin Hamad bin Hamud Al-Busaidi gatnaşdy.

2 Fewral 2021

Mukaddes ýörelgeleriň rowaçlanmagy

«Türkmenistan — parahatçylygyň we ynanyşmagyň Watany» diýlip yglan edilen 2021-nji ýylda türkmen halkyna täze üstünlikler, rowaçlyklar ýar bolýar. Ýurdumyzyň dünýä döwletleri bilen dostlukly gatnaşyklaryny has-da çuňlaşdyrýan we halkara abraýyny belende göterýän taryhy wakalar biziň her birimiziň buýsanjymyza buýsanç goşup, ata Watanymyza bolan söýgimizi artdyrýar. Berkarar döwletimiziň bagtyýarlyk döwründe milli Liderimiziň öňdengörüjilikli içeri we daşary syýasaty netijesinde Garaşsyz, hemişelik Bitarap Türkmenistan döwletimiz Ýer ýüzünde parahatçylygy gorap saklamaga, özara ynanyşmak esasynda syýasy, ykdysady we medeni hyzmatdaşlygy ösdürmäge mynasyp goşant goşýar. Hut şonuň üçinem hormatly Prezidentimiziň başlangyjy bilen Birleşen Milletler Guramasynyň Baş Assambleýasy tarapyndan «2021-nji ýyl — Halkara parahatçylyk we ynanyşmak ýyly» atly Kararnama kabul edildi. Bu ajaýyp ýylda halkymyzyň mukaddes ýörelgeleriniň has-da rowaçlanmagy, ata-babalarymyzdan gözbaş alyp gaýdýan dost-doganlyk, ynsanperwerlik ýaly özboluşly milli häsiýetlerimiziň bütin dünýä nusga bolmagy bizi çäksiz begendirýär, buýsandyrýar. Elbetde, munuň özi Gahryman Arkadagymyzyň ata Watanymyzyň, halkymyzyň şan-şöhratyny has-da belende götermek ugrundaky taýsyz tagallalarynyň miwesidir.

1 Fewral 2021

Halklaryň abadançylygynyň hatyrasyna

Hormatly Prezidentimiziň parasatly we öňdengörüjilikli ýolbaşçylygynda ýurdumyzda uly ösüşler gazanylýar, belent sepgitlere ýetilýär. Diýarymyz dünýä döwletleri bilen ähli ugurlarda hyzmatdaşlyk gatnaşyklaryny yzygiderli alyp barýar. Bu gatnaşyklar halklaryň hem-de ýurtlaryň bähbidine, abadançylygyna gönükdirilendir. Üstümizdäki ýylyň «Türkmenistan — parahatçylygyň we ynanyşmagyň Watany» diýlip yglan edilmegi halkymyzyň göwün guşuny ganatlandyrdy. Täze taryhy eýýamyň — Berkarar döwletiň bagtyýarlyk döwrüniň taryhy wakalary ýurdumyzyň halkara abraýynyň belentdigini görkezýär. Türkmenistanyň başlangyjy bilen Birleşen Milletler Guramasynyň Baş Assambleýasynyň 2021-nji ýyly «Halkara parahatçylyk

1 Fewral 2021

Dost-doganlygyň Diýary

2021-nji ýylyň eziz Diýarymyzda «Türkmenistan — parahatçlygyň we ynanyşmagyň Watany» diýlip yglan edilmegi, şeýle-de Birleşen Milletler Guramasynyň Baş Assambleýasynyň «2021-nji ýyl — Halkara parahatçylyk we ynanyşmak ýyly» atly Kararnamasynyň kabul edilmegi Gahryman Arkadagymyzyň öňdengörüjilik bilen alyp barýan içeri we daşary syýasatynyň, şol sanda oňyn bitaraplyk syýasatynyň barha rowaçlanýandygynyň, dünýä ýüzünde giň goldawa eýediginiň aýdyň subutnamalarydyr. Berkarar döwletimiziň bagtyýarlyk döwründe hormatly Prezidentimiziň parasatly ýolbaşçylygynda Bitaraplyk hukuk derejämizden gözbaş alýan umumadamzat ähmiýetli işler has-da rowaçlyklara beslenip, dünýäde parahatçylygy, halklaryň we ýurtlaryň arasyndaky dost-doganlyk gatnaşyklaryny has-da pugtalandyrmak ugrunda anyk ädimler ädildi, Birleşen Milletler Guramasy we beýleki syýasy guramalar, dünýä döwletleri bilen ýurdumyzyň arasynda ysnyşykly gatnaşyklar öňküdenem berkedi. Türkmenistanyň Bitaraplyk hukuk ýagdaýy Ýer ýüzünde parahatçylygy üpjün etmegiň, howpsuzlygy gazanmagyň ygtybarly usuly hökmünde öňe çykyp, ýurdumyz halkara derejesindäki belent ynamyň eýesi boldy.

1 Fewral 2021

Beýik işleriň gözbaşynda

Milli Liderimiziň başlangyjy bilen parahatçylygy söýüjilige, hoşniýetli goňşuçylyga hem-de syýasy, söwda-ykdysady, ulag, ylym-tehnika, medeni-ynsanperwer we beýleki möhüm ugurlar boýunça wajyp taslamalary amala aşyrmakda ygtybarly hyzmatdaşlar bolup durýan esasy halkara we sebitleýin hem-de köp döwletler bilen özara gyzyklanma bildirýän giň hyzmatdaşlygyň alnyp barylmagyna mahsus bolan ýörelgelere esaslanýan daşary syýasy strategiýa yzygiderli durmuşa geçirilýär. Şu syýasatyň üstünlige getirmegi, esasan, 1995-nji ýylda Birleşen Milletler Guramasynyň agzalary bolup durýan döwletler tarapyndan Türkmenistana hemişelik Bitaraplyk hukuk ýagdaýynyň berilmegi bilen şertlendirilendir. Häzirki wagtda oňyn Bitaraplyk ýörelgeleri Türkmenistanyň daşary syýasy doktrinasynyň esasy ugurlaryny kesgitlemek bilen çäklenmän, syýasy durnuklylygy saklamak, dostlukly gatnaşyklary we netijeli halkara gatnaşyklary ösdürmek ugrundaky tagallalaryň netijeli bolmagyna ýardam berýär.

1 Fewral 2021

Resmi habarlar gysga setirlerde

Türkmenistanyň Prezidenti Karara gol çekdi. Resminama laýyklykda Türkmenistanyň Merkezi bankynyň Gymmat bahaly metallar we gymmat bahaly daşlar baradaky komitetiniň ady üýtgedilip, ol Gymmat bahaly metallar we gymmat bahaly daşlar gaznasy diýlip atlandyryldy hem-de onuň Düzgünnamasy tassyklanyldy. Resminama bilen Türkmenistanyň Merkezi bankyna Türkmenistanyň Adalat ministrligi bilen bilelikde Karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlamak hem-de Türkmenistanyň Ministrler Kabinetine bermek tabşyryldy.

1 Fewral 2021

«Dagdanly taýmaz...»

Dünýä halklarynyň medeniýetinde şowlulyk getirýän, daşarky ýaramaz täsirlerden goraýan dürli hili şekilleriň, esbaplaryň asylyp goýulýandygyny bilýänsiňiz. Biziň halkymyzda dagdan, düýe ýüňi, alaja ýaly zatlar ýakymsyz täsirlerden, gözden-dilden goraglylygy aňladýar. Şunuň bilen baglanyşyklylykda bir rowaýat bar. «Öňem bir adamyň gözi degýän ekeni. Nazary düşen, mähri giden zatlary derrew bir kemçilik ýa dert tapynýan ekeni. Bu ýagdaýy onuň obadaşlary-da, özi hem bilýän ekeni. Ol öz bolşundan müýnürgäp, töweregindäkilere: «Meniň gözüm degegen-dä» diýýärmişin. Şol adamyň bir gezek owadan kejebeli, daýaw düýäniň ýoldan gelýändigine gözi düşýär. Seretmäýin diýse-de bolmandyr. Gyzyl-ýaşyl öwüşgin atýan kejebä, düýäniň daýawlygyna ol aňkarylyp galypdyr. Ýanyndaky adamlar hem bu ýagdaýy synlap, indi näme bolarka diýip, geň galyp seredişipdirler. Kejebeli düýe onuň nazary düşenden, entirekläp, bir silkinen ýaly edipdir-de, ýene öňki kaddyna gelipdir. Seredip görseler, düýäniň owsarynyň ýanynda kiçijik dagdan agajy barmyşyn». Şondan hem «Dagdanly taýmaz, taýsa-da gaýmaz» diýen nakyl döräpdir.

1 Fewral 2021

Parahatçylyk we ynanyşmak bilen dünýä röwşen geljegine barýar

Hormatly Prezidentimiz Gurbanguly Berdimuhamedowyň parasatly baştutanlygynda mukaddes Garaşsyzlygynyň 30 ýyllyk şanly toýuna barýan berkarar döwletimizde ösüşler ösüşlere beslenýär. Hormatly Prezidentimiziň soňky döwürde her bir ýylyň onuň häsiýetli aýratynlygyna kybap gelýän çuňňur manyly şygar astynda geçmegini däbe öwürmeginiň mähriban halkymyzy şol batly gadamlara ruhy taýdan galkyndyrmakda möhüm ähmiýetiniň bardygyny durmuş hakykaty aýdyň görkezýär. Berkarar döwletimiziň bagtyýarlyk döwründe ata Watanymyzy durmuş-ykdysady taýdan ösdürmegiň depgini has-da artdy. Şonuň üçin hem, döwlet Baştutanymyz her bir ýylyň onda durmuşa geçirilmeli işleriň many-mazmunyny özünde şöhlelendirýän şygar astynda uly üstünliklere beslenmegini ýola goýdy. Munuň özi ýurdumyzyň durmuş-ykdysady ösüşiniň depginli ösmegine ýardam edendigi şübhesizdir. Milli Liderimiziň her ýyly çuňňur manyly şygar bilen atlandyrmagy halkymyzy maksadaokgunly, uly ruhubelentlik bilen döredijilikli zähmet çekmäge ruhlandyrýan ýolgörkeziji şamçyrag bolup hyzmat edýändir diýsek, hakykatdan daş düşmeris.

31 Ýanwar 2021

‹
1
2
...
53
54
55
56
57
58
59
...
64
65
›