"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Gatnaşyklaryň täze tapgyry

Gahryman Arkadagymyzyň alyp barýan parahatçylyk söýüjilik we dostlukly gatnaşyklara esaslanýan daşary syýasatynyň netijesinde ýurdumyzyň halkara abraýy barha belende galýar. Golaýda paýtagtymyzda Hazar deňzindäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň hökümeti bilen Azerbaýjan Respublikasynyň hökümetiniň arasynda özara düşünişmek hakyndaky Ähtnama gol çekilmegi hem bu ugurdaky möhüm gatnaşyklaryň täze tapgyryna badalga berdi. Häzirki wagta çenli ýurdumyz bilen Azerbaýjan Respublikasynyň arasynda 100-den gowrak, şol sanda soňky üç ýylyň dowamynda bolsa 50-den gowrak resminamalara gol çekilendigi aýratyn bellärliklidir. Ikitaraplaýyn amala aşyrylýan syýasy-diplomatik, söwda-ykdysady we medeni gatnaşyklar hem hil taýdan täze derejä çykýar. Munuň özi hoşniýetli goňşuçylyk we döwletara dostlukly gatnaşyklaryň barha berkeýändiginiň aýdyň görkezijisidir. Döwletara hyzmatdaşlygyň möhüm ugry hökmünde öňe çykýan Hazar meselesi iki ýurduň arasyndaky gatnaşyklaryň agramly bölegini öz içine alýar. Mälim bolşy ýaly, 2018-nji ýylyň awgust aýynda Hazarýaka döwletleriniň bäşisiniň ýolbaşçylarynyň Hazar deňziniň hukuk derejesi baradaky Konwensiýa gol çekmegi Hazar deňzinde energetika pudagyndaky hyzmatdaşlygyň täze tapgyrynyň möhüm başlangyjy boldy. Şeýle hem, 2019-njy ýylda Türkmenbaşy şäherinde geçirilen birinji Haza

25 Ýanwar 2021

Hyzmatdaşlyk

Ýaşasyn Türkmenistan — Azerbaýjan dostlugy!

Türkmenistan bilen Azerbaýjan Respublikasynyň halklaryny umumy taryhy hem-de köpasyrlyk doganlyk gatnaşyklary birleşdirýär. Häzirki wagtda Türkmenistan we Azerbaýjan iki Garaşsyz döwlet hökmünde üstünlikli ösýär. Türkmen-azerbaýjan gatnaşyklary täze tapgyra çykdy hem-de syýasy ulgamda we ykdysady, medeni-ynsanperwer ulgamlarda täze many-mazmun bilen baýlaşdyrylýar. Türkmenistan hem, Azerbaýjan hem ählumumy parahatçylygy, howpsuzlygy, durnuklylygy we rowaçlygy üpjün etmek boýunça halkara bileleşiginiň tagallalaryna saldamly goşant goşýar. Şu maksat bilen biziň ýurtlarymyz BMG, ÝHHG, YHG ýaly abraýly halkara guramalaryň we beýlekileriň çäklerinde netijeli hyzmatdaşlyk edip, birek-birege kömek berýärler. Häzirki wagtda iki ýurduň arasynda hyzmatdaşlyk täze derejä çykyp, syýasy, ykdysady, energetika we maýa goýum ulgamlarynda özara gatnaşyklar üstünlikli ösdürilýär. Ikitaraplaýyn esasda hem-de halkara we sebit derejesinde biziň döwletlerimiz gatnaşyklaryň oňyn mysalyny görkezýärler. Medeni-ynsanperwer ulgam ikitaraplaýyn hyzmatdaşlyk etmegiň ileri tutulýan ugurlarynyň biridir. Munuň özi türkmen hem-de azerbaýjan halklaryny birleşdirýän taryhyň, medeni däpleriň we ruhy gymmatlyklaryň umumylygy bilen şertlendirilendir. Häzirki döwürde sport ulgamynda hyzmatdaşlyk etmek üçin hem giň mümkinçilikler açylýar.

25 Ýanwar 2021

Hyzmatdaşlyk

Geljegi nazarlaýan taslamalar

«Türkmenistan — parahatçylygyň we ynanyşmagyň Watany» ýylynyň ilkinji günlerinde Lebap welaýatynda ulag-aragatnaşyk we elektroenergetika ulgamlarynda iri sebitleýin taslamalaryň açylyş dabaralary geçirildi. Olaryň hatarynda Owganystan Yslam Respublikasynda Akina — Andhoý demir ýol şahasy, kuwwatlylygy 500 kW bolan Kerki (Türkmenistan) — Şibirgan (Owganystan) elektrik geçiriji ulgamy, şeýle hem Ymamnazar (Türkmenistan) — Akina (Owganystan) we Serhetabat (Türkmenistan) — Turgundy (Owganystan) halkara optiki-süýümli aragatnaşyk ulgamyny bellemek bolar. Taraplaryň gatnaşmagynda energetika, ulag-aragatnaşyk ýaly möhüm pudaklarda iri düzümleýin taslamalaryň durmuşa geçirilmegi doganlyk ýurduň syýasy durnuklylygynyň pugtalandyrylmagyna hem-de dünýä hojalyk ulgamyna üstünlikli goşulmagyna ýardam berer. Anyk mysallara ýüzlenip aýdylanda, Türkmenistan — Owganystan — Pakistan — Hindistan gaz geçirijisini, Türkmenistan — Owganystan — Pakistan optiki-süýümli aragatnaşyk ulgamyny, «Lapis-Lazuli» üstaşyr ulag geçelgesini, şeýle hem Serhetabat (Türkmenistan) — Turgundy (Owganystan) we Kerki (Türkmenistan) — Ymamnazar (Türkmenistan) demir ýol şahalaryny aýratyn nygtamak bolar. Bu halkara taslamalary doganlyk ýurduň halkara giňişligindäki eýeleýän ornunyň barha ýokarlanmagyna ýardam berer.

25 Ýanwar 2021

Hyzmatdaşlyk

Saglygy goraýyş: türkmen-german gatnaşyklary işjeňleşdirilýär

21-22-nji ýanwarda Saglygy goraýyş we derman senagaty ministrliginiň Halkara okuw-ylmy merkezinde teleköpri arkaly saglygy goraýyş boýunça IX türkmen-german forumy geçirildi. Iki günläp dowam eden foruma Germaniýanyň Mýunhen uniwersitetiniň Grosshadern klinikasynyň alym-professorlary hem-de ýurdumyzyň döwlet düzümleriniň we ylmy-kliniki merkezleriniň, Myrat Garryýew adyndaky Türkmenistanyň Döwlet lukmançylyk uniwersitetiniň, saglygy goraýyş ulgamynyň welaýatlardaky hem-de paýtagtymyzdaky düzümleriniň ýolbaşçylary we wekilleri gatnaşdy. Onuň dowamynda saglygy goraýyş ulgamynyň wajyp meseleleriniň biri bolan eneleriň we çagalaryň saglygyny goramakda gazanylan üstünlikler we ýetilen sepgitler ara alnyp maslahatlaşyldy, täze keselleriň öňüni alyş, anyklaýyş we bejeriş usullary beýan edildi hem-de olary amaly lukmançylyga ornaşdyrmagyň ýollary kesgitlenildi. Nobatdaky onlaýn duşuşykda urologiýa we ginekologiýa, şol sanda çagalar urologiýasy we ginekologiýasy meselelerine üns berildi. Lukmançylygyň bu ugurlarynyň Türkmenistandaky hem-de Germaniýadaky ýagdaýy baradaky çykyşlar diňlenildi, öňüni alyş çäreleri beýan edildi, işgärleri okatmagyň häzirki zaman çözgütleri hem-de aýratynlyklary barada gürrüň edildi. Şonuň ýaly-da, adam doglandan tä garraýança urologiýa skrininginiň çäreleri; böwrek keselleriniň patofiziologiýasy, anyklanylyşy, bejerilişi we gaýraüzülmeleriniň öňüniň a

25 Ýanwar 2021

Hyzmatdaşlyk

Netijeli hyzmatdaşlyk

Baky Bitarap Watanymyz sebitde durnukly ösüşi pugtalandyrmaga, goňşy döwletler bilen, şol sanda doganlyk Owganystan Yslam Respublikasy bilen gatnaşyklaryň pugtalandyrylmagyna uly ähmiýet berýär. Iki doganlyk ýurduň halklaryny köpasyrlyk dostluk gatnaşyklary we taryhy-medeni umumylyk birleşdirýär. Bu hoşniýetli gatnaşyklar häzirki döwürde türkmen-owgan gatnaşyklarynyň ygtybarly binýadyny emele getirýär. «Türkmenistan — parahatçylygyň we ynanyşmagyň Watany» ýylynda iki ýurduň arasyndaky netijeli hyzmatdaşlygyň ösdürilmeginiň anyk işlerde beýan tapmagy buýsandyryjy ýagdaýdyr. Ýakynda Kerki (Türkmenistan) — Şibirgan (Owganystan) ugry boýunça elektrik geçirijisiniň, Akina — Andhoý beketleriniň aralygyndaky demir ýolunyň, Ymamnazar (Türkmenistan) — Akina (Owganystan) we Serhetabat (Türkmenistan) — Turgundy (Owganystan) ugurlary boýunça halkara optiki-süýümli aragatnaşyk ulgamynyň we üstaşyr geçelgeleriniň işe girizilmegi mynasybetli dabaralar baky Bitarap Watanymyzyň goňşy owgan halkynyň durmuş-ykdysady ösüşini goldaýandygynyň ýene bir görkezijisi boldy. Bir günde birnäçe iri taslamanyň ulanmaga berilmegi maksatnamalaýyn taslamalaryň sazlaşykly, yzygiderli esasda durmuşa geçirilýändiginiň aýdyň nyşanyna öwrüldi.

24 Ýanwar 2021

Hyzmatdaşlyk

Özara hyzmatdaşlygyň täze basgançagy

Parahatçylyk, dost-doganlyk, birek-birege ynam hem-de hormat goýmak ýaly asylly ýörelgelere eýerip, hemişelik Bitaraplyk syýasaty esasynda dünýä döwletleri bilen oňyn syýasy-diplomatik gatnaşyklary, söwda-ykdysady, medeni-ynsanperwer hyzmatdaşlygy alyp barýan Gahryman Arkadagymyzyň saýasynda göwher monjugy deýin biri-biriniň yzyndan düzülip gelýän günlerdir aýlarymyz il-ýurt bähbitli taryhy, syýasy möhüm wakalara, ýakymly hoş habarlara beslenýär. Garaşsyz, baky Bitarap döwletimiziň at-abraýyny ýene bir ýola dünýäniň belentligine galdyran şeýle möhüm wakalaryň biri hem geçen hepdäniň penşenbe güni merjen paýtagtymyz Aşgabatda Hazar deňzindäki «Dostluk» ýatagynyň uglewodorod serişdelerini bilelikde barlamak, işläp taýýarlamak we özleşdirmek hakynda Türkmenistanyň hökümeti bilen Azerbaýjan Respublikasynyň hökümetiniň arasynda özara düşünişmek hakyndaky Ähtnama gol çekmek dabarasy boldy. Dabaranyň barşynda iki dostlukly ýurduň Baştutanlary — hormatly Prezidentimiz Gurbanguly Berdimuhamedow hem-de Prezident Ilham Aliýew onlaýn görnüşde bu möhüm resminamanyň kabul edilmegi bilen birek-biregi tüýs ýürekden gutladylar. Bu resminamada gadymdan gelýän hoşniýetli goňşuçylyk we dostlukly türkmen-azerbaýjan döwletara gatnaşyklarynyň ýokary derejesi beýan edildi.

24 Ýanwar 2021

Hyzmatdaşlyk

Aýdyň maksatlary nazarlap

Berkarar döwletimiziň bagtyýarlyk döwründe Gahryman Arkadagymyzyň taýsyz tagallasy bilen her bir günümiz ýatdan çykmajak taryhy wakalara beslenýär. Munuň şeýledigine döwletimiziň mukaddes Garaşsyzlygynyň 30 ýyllyk toýunyň giňden belleniljek ýylynyň ilkinji günleri hem aýdyň şaýatlyk edýär. Şol taryhy wakalaryň hatarynda golaýda Owganystan Yslam Respublikasynyň Akina — Andhoý beketleriniň arasyndaky demir ýol böleginiň, Kerki — Şibirgan ugry boýunça elektrik geçirijisiniň, Ymamnazar — Akina we Serhetabat — Turgundy halkara optiki-süýümli aragatnaşyk ulgamynyň hem-de «Malaý» ýatagynda täze gaz gysyjy bekediniň açylyş dabaralaryny ýatlamak bolar. Bularyň ählisi giň möçberli taslamalaryň başyny başlaýan we yzygiderli durmuşa geçirýän mähriban Prezidentimiziň ynsanperwer syýasatyny dabaralandyrýan netijelerdir.

24 Ýanwar 2021

Hyzmatdaşlyk

Parahatçylyk we ynanyşmak arkaly dostana gatnaşyklar

Islendik döwletde durmuşa geçirilýän özgerişleriň netijeliligi, ilkinji nobatda, onuň saýlap alan ösüş ýolunyň aýdyňlygy we täsirliligi bilen kesgitlenýär. Hormatly Prezidentimiz Gurbanguly Berdimuhamedow «Bitarap Türkmenistan» atly kitabynda: «Türkmenleriň beýleki halklar bilen gatnaşyk edenlerinde mydama özara düşünişmek we ynanyşmak ýörelgelerinden ugur alandyklaryna taryh şaýatlyk edýär» diýip, bu ýoly biziň häzir hem dowam edýänligimizi we hemişe oňa wepaly boljakdygymyzy belleýär. 2021-nji ýylyň «Türkmenistan — parahatçylygyň we ynanyşmagyň Watany» diýlip atlandyrylmagynyň örän çuňňur manysy bar. Milli Liderimiz şu şygaryň uly many-mazmuny özünde jemleýändigini, bu sözleriň watançylyk ruhumyzy ýokarlandyrmaga, eziz Diýarymyzyň mundan beýläk-de gülläp ösmegine gönükdirilen taslamalary we maksatnamalary amala aşyrmaga, ykdysady kuwwatyny berkitmäge, mähriban halkymyzyň ýaşaýyş-durmuş şertlerini has-da gowulandyrmaga ýardam berjekdigini aýratyn nygtap geçýär.

24 Ýanwar 2021

Hyzmatdaşlyk

Türkmenistan — Azerbaýjan: energetika hyzmatdaşlygynda täze tapgyr

Iki ýurduň döwlet Baştutanlary möhüm resminama gol çekilmegini mübäreklediler 21-nji ýanwarda türkmen paýtagtynda Hazar deňzindäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasynda özara düşünişmek hakyndaky Ähtnama gol çekmek dabarasy boldy. Hormatly Prezidentimiz we Azerbaýjanyň Prezidenti onlaýn görnüşde bu möhüm resminamanyň kabul edilmegini mübäreklediler. Bu resminamada gadymdan gelýän hoşniýetli goňşuçylyk we dostlukly türkmen-azerbaýjan döwletara gatnaşyklarynyň ýokary derejesi beýan edilýär.

22 Ýanwar 2021

Hyzmatdaşlyk

Bir kökden gaýdan daragt türkmen-azerbaýjan gatnaşyklarynyň mysalynda gol-pudak ýaýradyp, täze derejä çykýar

Geçmişiň azym-azym akyldarlary «medeniýet» düşünjesini dürlüçe kesgitläpdirler. Ýöne olaryň hemmesi hem medeniýetiň birek-birek bilen dostana gatnaşyklary ýola goýmakdaky köprüdigine aýratyn üns beripdirler. Şoňa görä, bagtyýarlyk döwrümizde hormatly Prezidentimiziň alyp barýan medeni diplomatiýasy netijesinde dünýä ýurtlary bilen medeni-ynsanperwer hyzmatdaşlyk giň gerim alýar, şonuň netijesinde bolsa, ykdysady, syýasy ulgamlardaky gatnaşyklar berkidilýär. 21-nji ýanwarda paýtagtymyz Aşgabatda bolan Hazar deňzindäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasynda özara düşünişmek hakynda Ähtnama gol çekmek dabarasy munuň nobatdaky subutnamasy boldy.

22 Ýanwar 2021

Hyzmatdaşlyk

Türkmen-azerbaýjan hyzmatdaşlygynyň ösdürilmegine tarap möhüm ädim

Prezidentler Gurbanguly Berdimuhamedow we Ilham Aliýew möhüm resminama gol çekilmegini mübäreklediler 21-nji ýanwarda türkmen paýtagtynda Hazar deňzindäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasynda özara düşünişmek hakyndaky Ähtnama gol çekmek dabarasy boldy. Hormatly Prezidentimiz Gurbanguly Berdimuhamedow hem-de Prezident Ilham Aliýew onlaýn görnüşde bu möhüm resminamanyň kabul edilmegini mübäreklediler.

22 Ýanwar 2021

Hyzmatdaşlyk

Ýürek sözi

Döwletara gatnaşyklary pugtalandyrýan taryhy çözgüt Garaşsyz, hemişelik Bitarap Türkmenistany bu gün tutuş dünýä ýüzi döwletleriň arasyndaky gatnaşyklary pugtalandyrmaga işjeň goşant goşýan ýurt hökmünde giňden tanaýar. Berkarar Watanymyzyň syýasy, ykdysady we beýleki ugurlar boýunça alyp barýan hyzmatdaşlyk gatnaşyklary sebit we yklym derejesinde ösüşiň netijeli guraly bolup hyzmat edýär. Dünýäde ykrar edilen milli Liderimiziň bu babatdaky öňe sürýän başlangyçlary bolsa diňe bir giň goldawa eýe bolmak bilen çäklenmän, eýsem, hakyky durmuşa geçýändigi bilen hem örän buýsandyryjydyr. Muny üstümizdäki «Türkmenistan — parahatçylygyň we ynanyşmagyň Watany» ýylynyň ilkinji günleriniň taryhy wakalary bilen hem doly delillendirmek bolýar. Ýaňy-ýakynda türkmen-azerbaýjan gatnaşyklarynda täze tapgyryň başlanýandygyny alamatlandyrýan möhüm resminama — Hazar deňzindäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasynda özara düşünişmek hakyndaky Ähtnama gol çekilmegi iki ýurduň jemgyýetçilik durmuşynda buýsandyryjy waka öwrüldi. Şol bir wagtyň özünde Türkmenistanyň hem Azerbaýjanyň ykdysady hyzmatdaşlygynyň ýokary derejede ösýändigini doly alamatlandyrdy.

22 Ýanwar 2021

Hyzmatdaşlyk

Dost-doganlyk däplerine eýerip

«Türkmenistan — parahatçylygyň we ynanyşmagyň Watany» ýylynyň ilkinji günlerinde ýurdumyzda umumadamzat ähmiýetli, il-ýurt bähbitli işlere badalga berilmegi ähli halkymyzy guwandyrdy. Lebap welaýatynyň çäginde ýerleşýän «Malaý» gaz käninde gurlan, kuwwatly gaz gysyjy desganyň ulanmaga berilmegi, diňe bir ýurdumyzyň ösüşine oňaýly täsir etmän, eýsem, sebitiň ösüşinde möhüm ähmiýete eýedir. Hormatly Prezidentimiz Milletler Bileleşiginiň forumlarynda türkmen Bitaraplygynyň many-mazmunyndan gelip çykýan «Ösüş arkaly parahatçylyk» ýörelgesine esaslanyp, ýurdumyzyň we umumadamzadyň bähbidine gönükdirilen başlangyçlary we teklipleri öňe sürdi. Olar durnukly ösüşlere we deňhukukly hyzmatdaşlygyň ösdürilmegine gönükdirilendir. Şunda döwlet Baştutanymyzyň energiýa serişdelerini dünýä bazaryna ibermegiň ygtybarly we goragly bolmagyny kepillendirmek barada öňe süren başlangyçlary aýratyn ähmiýete eýedir. Tebigy gazyň dünýä bazarlaryna eksportuny artdyrmak babatda ýurdumyzda ägirt uly işler alnyp barylýar. Bu ugurda iri taslamalar üstünlikli durmuşa geçirilýär, olar döwletara söwda-ykdysady gatnaşyklaryny işjeňleşdirmek, şeýle hem daşky gurşawy goramak babatda ählumumy wezipeleri çözmek nukdaýnazaryndan hem möhüm ähmiýete eýedir. Häzirki wagtda ýurdumyzyň energetika mümkinçilikleri has-da artdyrylýar. Elbetde, munuň özi, hormatly Prezidentimiziň ählumumy energetika howpsuzlygyny üpjün etmäg

22 Ýanwar 2021

Hyzmatdaşlyk

Ösüşiň täze menzilleri

Gahryman Arkadagymyzyň baştutanlygynda «Türkmenistan — parahatçylygyň we ynanyşmagyň Watany» ýylymyz hem şowly ädimler bilen başlady. Uly halkara taslamalary durmuşa geçirilip, hoşniýetli goňşuçylyk gatnaşyklary pugtalandyrylýar. Şu ýylyň 14-nji ýanwarynda hormatly Prezidentimiziň hem-de Owganystan Yslam Respublikasynyň Prezidentiniň gatnaşmagynda wideoaragatnaşyk arkaly goňşy ýurtda Gahryman Arkadagymyzyň ýardam bermeginde gurlan Akina — Andhoý demir ýolunyň, kuwwaty 500 kilowolt bolan Kerki — Şibirgan elektrik geçirijisiniň, Ymamnazar — Akina hem-de Serhetabat — Turgundy aralygynda halkara üstaşyr akymlaryny üpjün etmek üçin optiki-süýümli ulgamlaryň dabaraly ýagdaýda açylmagy ýylyň başynda ösüşlere badalga beren möhüm waka boldy. Milli Liderimiz Lebap welaýatyna iş sapary mahaly «Malaý» gaz käninde gaz gysyjy desganyň dabaraly açylyşyna-da gatnaşdy. Bu taslamalaryň amala aşyrylmagynyň, desgalaryň işe girizilmeginiň aňyrsynda diňe bir iki ýurduň ykdysady bähbitleri bolman, eýsem, hormatly Prezidentimiziň Owganystan Yslam Respublikasy bilen hyzmatdaşlygy has-da ösdürmek babatdaky ynsanperwer maksatlary bar. Gündogarda giň ýaýran nakyllaryň birinde «Goňşyňda gül gögerse, ysy saňa ýeter» diýilýär.

22 Ýanwar 2021

Hyzmatdaşlyk

Hoşniýetli gatnaşyklar rowaçlanýar

Ata-babalarymyzyň beýik ynsanperwer däplerine esaslanyp, Türkmenistan Owganystan Yslam Respublikasynda parahatçylygyň, durnuklylygyň gazanylmagy üçin ýörite işlenip taýýarlanylan medeni-ynsanperwer maksatnamanyň çäklerinde yzygiderli ýardam edýär. Ýurdumyzyň serişdeleriniň hasabyna saglyk öýleri, hassahanalar, orta mekdepler, metjitler gurlup ulanylmaga berilýär. Hormatly Prezidentimiziň parasatly başlangyçlary bilen ýurtlarymyzyň ykdysady taýdan ösmegine, türkmen we owgan halkarynyň ýaşaýyş-durmuş derejesini ýokarlandyrmaga gönükdirilen iri taslamalar durmuşa geçirilýär. «Türkmenistan — parahatçylygyň we ynanyşmagyň Watany» şygary astynda geçirilýän ýylymyzyň başynda goňşy döwletde energetika, ulag-kommunikasiýa we senagat düzümlerini berkitmäge niýetlenen Akina — Andhoý demir ýolunyň, Kerki — Şibirgan elektrik geçiriji ulgamyň hem-de Ymamnazar — Akina we Serhetabat — Turgundy halkara optiki süýümli aragatnaşyk ulgamynyň dabaraly ýagdaýda ulanmaga berilmegi munuň aýdyň beýanydyr. Bu giň möçberli taslamalar özara bähbitli hyzmatdaşlygy has-da berkitmäge ýardam eder. Ýurdumyzda öndürilýän elektrik energiýasynyň Owganystana amatly bahadan eksport edilmegi goňşy döwletde durmuş şertleriniň gowulanmagyna goşant goşar. Täze elektrik geçiriji ulgam goňşy halkyň öýlerine nur çaýmak bilen bir hatarda, ýurtda durmuş maksatly täze desgalaryň gurulmagyna, önümçilik kärhanalarynyň döredilm

22 Ýanwar 2021

Hyzmatdaşlyk

«Dostluk» ― türkmen-azerbaýjan gatnaşyklarynda taryhy waka

Mundan bir hepde çemesi ozal Owganystan bilen halkara taslamalaryň täze toplumyna badalga beren Türkmenistan parahatçylygy we ynanyşmagy baýdak edinen ýylyň ilkinji aýynda halkara gatnaşyklarynda möhüm ädimi ätdi. Özi-de ýene bir goňşusy ― Azerbaýjan bilen. Ýakynda Hazar deňzindäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda iki goňşy döwletiň Hökümetleriniň arasynda Ähtnama gol çekilmegi taryhyň çuňluklaryndan geçip gelýän türkmen-azerbaýjan dostlugynyň döwrebap röwüşdäki dowamyna öwrüldi. Azerbaýjan Respublikasynyň daşary işler ministri Jeýhun Baýramow 2021-nji ýylda Türkmenistanyň ilkinji daşary ýurtly myhmanlarynyň biri boldy. Dostlukly döwletiň daşary syýasat edarasynyň ýolbaşçysyny kabul eden milli Liderimiziň nygtaýşy ýaly, Türkmenistan parahatçylyksöýüjilik we hoşniýetli goňşuçylyk ýörelgeleri esasynda dostlukly Azerbaýjan Respublikasy bilen däp bolan gatnaşyklary yzygiderli ösdürmäge ygrarlydyr. Ýangyç-energetika ulgamynda hyzmatdaşlygy pugtalandyrmak hem-de giň gerimli taslamalary durmuşa geçirmekde iki iri energetika döwletleriniň tagallalaryny birleşdirmek boýunça köpýyllyk işler öz netijesini berdi. Hazaryň jümmüşindäki «Dostluk» ýatagy şol hyzmatdaşlygyň bir miwesidir.

22 Ýanwar 2021

Hyzmatdaşlyk

Buýsançly pursatlaryň beýany

Ýakynda Lebabyň Seýitnazar Seýdi adyndaky döwlet sazly-drama teatrynda hormatly Prezidentimiziň welaýatymyza amala aşyran iş saparynyň netijelerine bagyşlanan hoşallyk maslahatyny geçirdik. Oňa «Lebapgazçykaryş» müdirliginiň, «Lebapenergo» önümçilik birleşiginiň, «Lebaptelekom» welaýat elektrik aragatnaşyk kärhanasynyň we «Lebapgazüpjünçilik» önümçilik birleşiginiň kärdeşler arkalaşyklarynyň ilkinji guramalarynyň işjeň agzalary gatnaşdylar. Onda çykyş edenler Gahryman Arkadagymyzyň her gezekki saparynyň şanly wakalara beslenýändigini, ýakynda Lebap topragynda bolmagynyň hem ýurdumyzyň täze taryhynyň sahypalaryna altyn harplar bilen ýazylan açylyşlara utgaşandygyny buýsanç bilen bellediler. Owganystanda işe girizilen demir ýol böleginiň, Kerkiden Şibirgana çenli çekilen elektrik geçiriji ulgamyň, Ymamnazar — Akina hem-de Serhetabat — Turgundy optiki-süýümli halkara aragatnaşyk ulgamynyň, «Malaý» gaz käninde gaz gysyjy desganyň ulanylmaga tabşyrylmagynyň ähmiýeti barada giňişleýin gürrüň edildi. Aýratyn hem Owganystandaky işe girizilen desgalaryň goňşy ýurduň ykdysadyýetini dikeltmäge, parahatçylygy üpjün etmäge uly itergi berjekdigi barada çykyşlarda bellenildi.

22 Ýanwar 2021

Hyzmatdaşlyk

Hoşniýetli hyzmatdaşlyk giňeldilýär

Häzirki wagtda ýurdumyz halkara geçelgeleriniň ösdürilmegine uly goşant goşýar. Ygtybarly ulag-üstaşyr geçelgeleriniň dünýä ykdysadyýetiniň ösmeginde möhüm ähmiýeti bardyr. Şolaryň birisi goňşy Owganystan döwleti bilen dostlukly hyzmatdaşlygyň giňelmegine ýardam berýän Kerki — Ymamnazar — Akina halkara demir ýoludyr. Bu demir ýoluň ugrunda türkmen gurluşykçylary köprülerdir beketler, nebit önümlerini kabul etmäge, saklamaga we ugratmaga niýetlenilen terminal ýaly möhüm gurluşyklary hem amala aşyrdylar. Milli hünärmenlerimiziň ýerine ýetiren işleri öz aýratynlyklary bilen haýran galdyrýar. Ýakynda bu ajaýyp desgalardyr binalarda Türkmen döwlet binagärlik-gurluşyk institutynyň talyplary tejribe okuwlaryny geçdiler. Geljekde ýurdumyzyň binagärçilik taýdan ösüşlerine goşant goşmak hyjuwy bilen joşýan ýaş talyplar iki günüň dowamynda bu ýerde bolup, binagärlik sungatynyň inçe syrlaryny öwrendiler we gurluşyklaryň ýerine ýetiriliş usullary, olaryň biri-birine utgaşdyrylyşy bilen tanyşdylar. Ymamnazar demirýol menziliniň binasy olarda aýratyn ýakymly täsirleri galdyrdy.

22 Ýanwar 2021

Hyzmatdaşlyk

Türkmenistan we Azerbaýjan energetika hyzmatdaşlygynda täze tapgyry açdylar

Prezidentler Gurbanguly Berdimuhamedow we Ilham Aliýew möhüm resminama gol çekilmegini mübäreklediler Türkmenistanyň Garaşsyzlygynyň şanly 30 ýyllygynyň nyşany astynda geçýän şu baýramçylyk ýylynyň ilkinji günleri möhüm wakalaryň ençemesine beslendi. Şol wakalaryň hatarynda golaýda Owganystan Yslam Respublikasynyň Akina — Andhoý beketleriniň arasynda uzynlygy 30 kilometre barabar bolan demir ýoluň, Kerki (Türkmenistan) — Şibirgan (Owganystan) ugry boýunça güýjenmesi 500 kilowolt, uzynlygy 153 kilometre barabar bolan elektrik geçiriji ulgamyň, Ymamnazar — Akina we Serhetabat — Turgundy halkara optiki-süýümli aragatnaşyk ulgamynyň hem-de «Malaý» ýatagynda täze gaz gysyjy bekediň açylyş dabaralary bar. Bularyň ählisi Berkarar döwletimiziň bagtyýarlyk döwrüniň giň möçberli taslamalarynyň başyny başlaýan we yzygiderli durmuşa geçirýän milli Liderimiziň döredijilik syýasatynyň aýdyň netijesidir. Örän gysga möhletde amala aşyrylan taslamalar goňşy ýurtlar bilen öňden gelýän dostluk we hoşniýetli goňşuçylyk däplerini pugtalandyrmaga, hyzmatdaş ýurtlaryň, şeýle hem tutuş sebitiň ykdysady taýdan durnukly ösmegine ýardam etmelidir.

22 Ýanwar 2021

Hyzmatdaşlyk

Hoşniýetli hyzmatdaşlyk ösdürilýär

Berkarar döwletimiziň bagtyýarlyk döwründe, şol sanda «Türkmenistan — parahatçylygyň we ynanyşmagyň Watany» diýlen şygar astynda geçýän 2021-nji ýylda hormatly Prezidentimiziň parasatly baştutanlygynda durmuşa geçirilýän il-ýurt bähbitli, döwlet we dünýä ähmiýetli işleriň her biri, şeýle hem üstünlikli amala aşyrylýan iri taslamalar halkymyzda buýsanç döredýär. Şu ýylyň 14-nji ýanwarynda iri taslamalaryň amala aşyrylmagy şeýle buýsançly we taryhy waka boldy. Munuň özi Akina — Andhoý beketleriniň arasyndaky demir ýol böleginiň, Kerki—Şibirgan ugry boýunça elektrik geçirijisiniň hem-de Ymamnazar — Akina we Serhetabat — Turgundy halkara optiki-süýümli aragatnaşyk we üstaşyr ulgamlaryň gurluşygynyň tamamlanmagy mynasybetli dabaralardyr. Bu dabaralara Türkmenistanyň Prezidenti Gurbanguly Berdimuhamedow we Owganystan Yslam Respublikasynyň Prezidenti Mohammad Aşraf Gani gatnaşdylar. Şeýlelikde, bu iri taslamanyň üstünlikli amala aşyrylmagy bilen dostluk, doganlyk gatnaşyklary gadymyýetden gözbaşly türkmen-owgan hyzmatdaşlygynyň senenamasyna täze sahypa ýazyldy.

21 Ýanwar 2021

Hyzmatdaşlyk