Türkmenmetbugat

"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Ynsanperwerlik we ynanyşmak taglymatynyň dabaralanmagy

Her bir halkyň milli ýörelgeleriniň onuň döwlet derejesinde saýlap alan syýasy ugruna öwrülýändigine taryh şaýatlyk edýär. Her bir halk millet derejesine ýetmek üçin taryhyň belli bir döwründe özüniň milli gahrymanlaryny orta çykarypdyr. Şol gahrymanlar halkyň beýik ruhundan we aňyýetinden gözbaş alýan taglymatlary öňe sürmek bilen, belent derejelere ýetip, baky şöhrata mynasyp bolupdyr. Muny milli Liderimiziň: «Mertler Watany beýgeldýär, Watan bolsa mertleri beýgeldýändir» diýip, buýsançly nygtaýan jümlesi aýdyň görkezýär. Ata Watanymyzyň mizemez hukuk we demokratik kökleri barada söhbet edilende, Oguz han, Mälik şa, Soltan Sanjar, Alp Arslan ýaly türkmeniň döwletlilik ýörelgesiniň nusgalyk binýadyny goýan ärler göz öňümizde janlanýar. Ine, şonuň üçin hem hormatly Prezidentimiz häzirki döwürde ýaş nesillerimizi şöhratly taryhymyzda uly yz galdyran şahsyýetlerimiziň mysalynda watansöýüjiligiň we ynsanperwerligiň belent ruhunda terbiýelemek babatda öňümizde anyk maksatlary goýýar. Döwlet Baştutanymyzyň okyjylaryň çuňňur söýgüsine mynasyp bolýan nusgalyk kitaplarynda berkarar döwletimiziň berk binýadynyň milli köklerden gözbaş alýandygy hem-de häzirki wagtda olaryň mynasyp dowam etdirilýändigi yzygiderli bellenýär. Türkmeniň döwletlilik ýörelgesi şol binýadyň sütünidir. Şöhratly taryha eýe türkmeniň döwletlilik ýörelgesi milletiň aňyýetini kemala getirip, jemgyýetiň gündel

16 Fewral 2021

Söz — parahatçylygyň keşbinde

Hormatly Prezidentimiziň 7-nji fewralda medeniýet ulgamyny we köpçülikleýin habar beriş serişdelerini kämilleşdirmek boýunça iş maslahatyny geçirende aýdyşy ýaly, ýazyjy-şahyrlaryň tolgundyryjy sözleri hiç kimi biparh goýmaýar. Gahryman Arkadagymyz: «Şoňa görä-de, biziň millet derejesinde gazanan üstünliklerimiz, ýeten sepgitlerimiz medeniýetiň ösüşi bilen aýrylmaz baglydyr» diýmek bilen, jemgyýetde döredijilik işiniň, ilkinji nobatda, söz sungatynyň tutýan ornuna ýokary baha berdi. Allatagala adamlara ýaşaýşyň dogry ýoluny görkezýän SÖZI ugradypdyr. Ähli mukaddes kitaplar sözden ybarat. Söz adamzady iň gowy häsiýetlere, şonuň bilen birlikde, parahat ýaşaýşa ugrukdyrypdyr.

16 Fewral 2021

Zähmetsöýerlik — gaýratlylygyň gözbaşy

Bahar paslynyň gelmegi bilen ýurdumyzda ählihalk agaç ekmek dabarasy giňden ýaýbaňlandyrylyp, täze bag nahallary oturdylýar, ýaş baglara ideg edilýär. Şol pursatlar baýramçylyk şowhunyna öwrülip, köp wagtlap ýadyňda galýar. Birnäçe ýyldan soň ýaňky ýerde baglygyň dörändigini öz gözüň bilen görýärsiň. Mekdebe gelen ýaş çagalaryň oturdan nahalynyň olar uçurym bolýançalar, nähili bolup ýetişjekdigi mugallymlaryň terbiýesine, adamlaryň görüm-göreldesine baglydyr. Hawa, tebigata söýgi zähmete söýgini kemala getirmegiň binýadydyr. Aslynda, tebigata söýgi ilkinji orunda bolmaly. Zähmet hem aňly-düşünjeli guralmasa, ol harsydünýälige barýar. Şeýle zähmetiň netijesi ýaramaz bolup, tebigata zeper ýetirip biler. Ekologiýa taýdan düşünjeliligiň möhümligi hem şondadyr. Zähmet diňe oňyn netijäniň — adamlaryň bähbidine, tebigy deňagramlylygyň saklanmagyna hyzmat etmelidir. Käteler ýeri hapa-haşal otlardan arassalamak üçin ondaky ähli minerallara zyýan ýetirilýän ýagdaýlary-da bolýar. Şeýle ýagdaýlaryň her biri hem ylymda aýratyn göz öňünde tutulýar we olaryň öňüni almagyň çäreleri işlenilip düzülýär. Ol toplumlaýyn häsiýetde bolup, sansyz köp bilimleriň, ylmy seljermeleriň jeminden ybaratdyr. Halkymyzyň zähmet terbiýesinde şolar bilen bagly düşünjeler hem kemala getirilendir. Topraga, suwa nähili garamalydygy görüm-görelde bilen nesilden-nesle geçirilýär. Şolar esasynda ýaş nesiller

16 Fewral 2021

Maksat — özgertmeler ýoly bilen öňe gitmek

Ýyllar ýyllardan zyýada. Sebäbi tamamlanýan her bir ýyl halkymyzyň çekýän tutanýerli zähmetiniň netijesinde gazanylýan uly-uly ösüşlere, düýpli özgerişliklere, ýatda galyjy taryhy wakalara beslenýär. Şonuň netijesinde Garaşsyz we hemişelik Bitarap Türkmenistan dünýäde gülläp ösýän, ilaty abadan we eşretli durmuşda ýaşaýan ýurt hökmünde giňden ykrar edilýär. Olar barada geçen anna güni hormatly Prezidentimiziň geçiren Ministrler Kabinetiniň giňişleýin mejlisinde jikme-jik durlup geçildi. Onda 2020-nji ýylda hem-de şu ýylyň ýanwar aýynda ýerine ýetirilen işleriň netijelerine garaldy. Döwlet Baştutanymyz giňişleýin mejlisde eden çykyşynda dünýä ykdysadyýetinde ýagdaýlaryň ýaramazlaşmagy sebäpli ýüze çykan kynçylyklara garamazdan, ýurdumyzda geçen ýylda ýokary ösüş depgininiň saklanyp galandygyny kanagatlanma bilen belledi. Halkymyzyň tutanýerli zähmet çekmegi netijesinde milli ykdysadyýetde tamamlanan ýylda düýpli ilerlemeler üpjün edildi: jemi içerki önümiň ösüşi 5,9 göterime barabar boldy. Oňyn ösüşler ykdysadyýetiň ähli pudaklarynda bolup geçdi. Şeýle guwandyryjy görkezijiler hormatly Prezidentimiziň baştutanlygynda ýurdumyzy senagatlaşdyrmaga, ykdysady ösüşiň ýokary depginlerini gazanmaga, ilatyň ýaşaýyş-durmuş derejesini düýpli ýokarlandyrmaga gönükdirilen çuňňur oýlanyşykly maksatnamalaryň durmuşa geçirilmegi netijesinde gazanyldy.

15 Fewral 2021

Internet ulgamynyň elýeter nyrhnamalary

Hormatly Prezidentimiz ýakynda ýurdumyzyň ulag we aragatnaşyk ulgamynda ýerine ýetirilen işleriň jemlerine bagyşlap geçiren iş maslahatynda toplumyň ýolbaşçylaryna ýüzlenip, 2020—2021-nji ýyllar üçin maksatnama laýyklykda hem-de elektron söwdasynyň, Internet hyzmatlarynyň, uzak aralykdan işlemegiň we okatmagyň giňden ýaýramagy bilen baglylykda aragatnaşyk hyzmatlarynyň hilini we geçirijilik ukybyny gowulandyrmalydygyny aýtdy. Milli Liderimiz bu maslahatda maglumat tehnologiýalarynyň dünýädäki ösüşine laýyklykda ykdysadyýetiň pudaklaryna häzirkizaman tehnologiýalaryny giňden ornaşdyrmak babatda halkara tejribesi esasynda edilýän hyzmatlaryň görnüşlerini giňeltmegi, ilata hödürlenilýän Internet we beýleki aragatnaşyk hyzmatlary üçin nyrhlara gaýtadan seretmegi, ilat köpçüligine Internet ulgamynyň giňden elýeterli bolmagyny üpjün etmegi tabşyrdy. Hormatly Prezidentimiziň bu tabşyryklaryndan ugur alýan «Türkmentelekom» we Aşgabat şäher telefon ulgamy (AŞTU) aragatnaşyk kärhanalary müşderileri üçin internet hyzmatlarynyň nyrhlaryny ep-esli arzanlatdy. Bu barada kompaniýalaryň resmi web sahypalarynda maglumatlar ýerleşdirildi. Şeýle hem aragatnaşyk kompaniýalary Türkmenistanyň guramalary, kärhanalary we bilim edaralary üçin bahalary hem has elýeter etdi. Gahryman Arkadagymyzyň ýörite karary bilen «Türkmenaragatnaşyk» agentligi döwletimizde sanly ykdysadyýeti ösdürmek boýunça ygtyýar

15 Fewral 2021

Rowaç işleriň belent ykrary

Mälim bolşy ýaly, Ministrler Kabinetiniň geçen anna güni bolan giňişleýin mejlisinde welaýatlaryň etraplarynyň we etrap hukukly şäherleriniň arasynda durmuş, ykdysady we medeni taýdan ähli görkezijiler boýunça 2020-nji ýylda yglan edilen bäsleşigiň jemi jemlenilip, welaýatymyzyň S.A.Nyýazow adyndaky etraby ýeňiji diýlip yglan edildi. Hormatly Prezidentimiz etrabyň häkimligini ABŞ-nyň 1 million dollary möçberindäki pul baýragy bilen sylaglamak hakynda Buýruga gol çekdi.

15 Fewral 2021

Depämiz gök diredi

Geçen anna güni hormatly Prezidentimiz tarapyndan geçirilen Türkmenistanyň Ministrler Kabinetiniň giňişleýin mejlisi biziň etrabymyzyň adamlary hem-de halkymyz üçin ýatdan çykmajak şanly wakalara beslendi. 2020-nji ýylyň jemine bagyşlanan bu mejlisde Gahryman Arkadagymyz ençeme taryhy resminamalara gol çekdi. Olaryň arasynda hormatly Prezidentimiziň Daşoguz welaýatynyň S.A.Nyýazow adyndaky etrabyny welaýatlaryň etraplarynyň we etrap hukukly şäherleriniň arasynda durmuş, ykdysady we medeni taýdan ähli görkezijiler boýunça iň ýokary netijeleri gazanyp, Türkmenistan boýunça ýeňiji bolan etrap diýip yglan etmek we etrap häkimligini 1 million amerikan dollary bilen sylaglamak hakynda Karar hem bar. Etrabymyz Berkarar döwletimiziň bagtyýarlyk döwründe şanly ösüşleri başdan geçirýär. Etrabymyz diňe bir oba hojalyk pudagynda öňdebaryjy etraplaryň biri bolman, beýleki ulgamlarda hem uly ösüşleriň ýoluna düşdi. Onuň aýdyň mysalyny soňky birnäçe ýylyň dowamynda S.A.Nyýazow adyndaky etrabynda gurlan ykdysady, durmuş we medeni gurluşyklaryň mysalynda hem aýdyň görmek bolýar. Gurlan döwrebap ýyladyşhanalarda ýetişdirilýän gök önümler, ir-iýmişler halkymyza ýetirilýär. Etrabyň ussat daýhanlary ekerançylygyň ähli görnüşleri boýunça zähmet çekip, etrabymyzda her ýyl pagtanyň, bugdaýyň, gök-bakja, miwe önümleriniň bereketli hasylynyň kemala gelmegine goşant goşýarlar. Geçen ýylda hem etrabymyz e

15 Fewral 2021

Halkyň bagtyýarlygynyň gözbaşy

Üstümizdäki ýylda agzybir türkmen halky ýene bir uly baýrama ― mukaddes Garaşsyzlygymyzyň 30 ýyllyk toýuna garaşýar. Bu şanly sene mynasybetli geçilen 30 ýyllyk özgerişlikli, ýakymly ýatlamaly, belent sepgitli ýyllara göz aýlamak, gör, neneň buýsançly! Ol ýyllar halkyň ýaşaýyş-durmuş şertlerini ýokary derejä ýetiren, ýurdumyzyň dünýä jemgyýetçiliginde öz ornuny berkiden, hemişelik Bitaraplygyny ykrar etdiren ýyllardyr. Watanyň ýokary göterilen derejesiniň şaýady bolýan ýüzlerçe möhüm ähmiýetli buýsançly wakalary, şöhratly günleri özünde jemleýän şol ýyllar ýurdumyza şan-şöhrat getirdi we halkyň röwşen geljegine bolan ýagty ynamy oýardy. Garaşsyzlygyň we dünýäde ykrar edilen baky Bitaraplygyň erkinlik, parahatçylyk howasyndan dem alyp ýaşaýan halkymyza indi diňe buýsançly we guwançly ösüşler, öňegidişlikler ýaran. Asyrlarboýy arzuwlanyp ýetilen mukaddes Garaşsyzlygymyz, sözüň doly manysynda, halkymyzyň özygtyýarlylygynyň, bagtyýarlygynyň gözbaşydyr. Onda ýurduň ösen kuwwaty bilen birlikde halkyň parahat, bolelin, bagtyýar durmuşy görnüp dur. Gahryman Arkadagymyzyň parasatly syýasaty bilen özgeren ýurdumyzyň bu günki gözel keşbine-de, äleme ýaýran at-owazasyna-da tutuşlygyna Garaşsyzlygyň ruhy siňendir. Türkmenistan özygtyýarlylygyny gazanan ilkinji gününden başlap garaşsyz ösüşiň ähli mümkinçiliklerini üstünlikli durmuşa geçirmek bilen, adam hakyndaky aladany ilkinji orunda goý

15 Fewral 2021

Poeziýanyň belent şahasy

Şu kiçijik ýazgyny ýazyjy dostum Amanmuhammet Nepesiň beren gürrüňlerinden başlasym gelýär... ...Bahar aýlary sähranyň meňzine elwan gülleriň nur bolup çaýylýan döwri. Bu gün dürli güllerden nagyş çekilen, howasy jana tenekar bolup duran ýaýlanyň goýnuna guş bolup gonduk. Töwerege hyrydar göz bilen nazar aýlamda, degresi buzgunç ysly keteniniň gyrasy ýaly sarymeňiz çopantelpek bilen gurşalan, biziň düşlän ýerimiziň sesýetim ileri ýanyndaky gyzyl çog gülälekli depäniň üstünde ýeke özi oturan ak köýnekli kişä gözüm düşdi. Ol Gün öýläne sanyp, gaýtmakçy bolanymyzda-da şol oturan ýerinden gozganmandyr.

15 Fewral 2021

Ýylyň ýeňiji etraby: bagtyýar durmuşyň nusgasy

Ozal habar berlişi ýaly, Ministrler Kabinetiniň geçen anna günündäki mejlisinde welaýatlaryň etraplarynyň we etrap hukukly şäherleriniň arasynda durmuş, ykdysady we medeni taýdan ähli görkezijiler boýunça iň ýokary netijeleri gazanmak ugrunda geçirilen däp bolan bäsleşigiň netijeleri jemlenildi. Daşoguz welaýatynyň S.A.Nyýazow adyndaky etraby bäsleşigiň ýeňijisi diýlip yglan edildi. Hormatly Prezidentimiz etrabyň häkimligini 1 million amerikan dollary möçberindäki pul baýragy bilen sylaglamak hakynda Buýruga gol çekdi. Ýurdumyzyň demirgazyk sebitiniň merkezi bölegini gurşap alan, dürli milletleriň dogan bolup, agzybirlikde ýaşaýan ýeri bolan bu etrap ata-baba oturymly gadymy mekanlaryň biri hasaplanýar. Welaýatyň günorta çäginiň iň çetinde ýerleşýän obanyň görkünde hem şähere ýakynlygyň özboluşly alamatlary nurlanýar: onuň gyra-ýakasyna uzap gidýän uly ýollaryň bütin boýuny jähekleýän syrdam derekleriň nyzamly hatary sünnä çekilen keşdä meňzeýär. Gahryman Arkadagymyzyň Oba milli maksatnamasyna laýyklykda amala aşyrylýan beýik işleriň netijesinde, etrabyň häzirki çäk-dolandyryş meýdanynyň bu çetki nokadyndan welaýat merkezine çenli bolan aralyk barha golaýlaşýar.

15 Fewral 2021

Üstünliklere binýat

Hormatly Prezidentimiziň taýsyz tagallalary bilen, eziz Diýarymyz çalt depginde ösýär, özgerýär, ýurdumyzyň şan-şöhraty barha arşa göterilýär. Ildeşlerimiziň ýaşaýşynyň hilini gowulandyrmak, girdejilerini artdyrmak, täze iş orunlaryny döretmek, şeýle-de milli ykdysadyýetimiziň innowasion ugur boýunça durnukly ösüşini gazanmak, bazar gatnaşyklaryna geçmek, sanlylaşdyrmak işini giňeltmek babatda alnyp barylýan işler Watanymyzyň rowaçly ösüşlerinde möhüm ähmiýete eýe bolmak bilen, ulus-ilimizde gyzgyn goldaw tapýar. Hormatly Prezidentimiziň 12-nji fewralda geçiren Ministrler Kabinetiniň giňişleýin mejlisinde ýurdumyzy durmuş-ykdysady taýdan ösdürmek babatda örän ähmiýetli resminamalara, şol sanda Türkmenistanda sanly ykdysadyýeti ösdürmegiň 2021 — 2025-nji ýyllar üçin Döwlet maksatnamasyny hem-de şu Maksatnamany amala aşyrmak boýunça ýerine ýetirilmeli çäreleriň Meýilnamasyny, Türkmenistanda 2021 — 2025-nji ýyllarda döwletiň gatnaşmagyndaky kärhanalary dolandyrmak we özgertmek boýunça Strategiýany hem-de şu Strategiýany amala aşyrmak boýunça ýerine ýetirilmeli çäreleriň Meýilnamasyny, Türkmenistanyň 2021-nji ýyl üçin maýa goýum Maksatnamasyny, Türkmenistanyň 2021 — 2030-njy ýyllar üçin daşary söwda Strategiýasyny tassyklamak bilen baglanyşykly Kararlara gol çekmegi ählimiziň göwün guşumyzy ganatlandyrdy.

14 Fewral 2021

Bagtyýarlyk ganat berýär kalplara

Hormatly Prezidentimiziň parasatly baştutanlygynda eziz Diýarymyz ähli ugurlar babatda beýik ösüşlere eýe bolýar. Türkmenistan Watanymyzyň şeýle beýik hem dowamly ösüşlerinde şanly Garaşsyzlygymyzyň aýratyn ähmiýeti bardyr. Garaşsyzlyk ata-babalarymyzyň erkinlik, özbaşdaklyk baradaky arzuwlarynyň ajaýyp dabaralanmasydyr, türkmen halkynyň bagtyýar ertirine, müňýyllyklara uzaýan ak ýoludyr. Bir söz bilen aýdylanda, Garaşsyzlyk halkymyzyň millet, özbaşdak döwlet hökmünde ykrar edilmegidir. Mukaddes Garaşsyzlyk halkymyzy mizemez erkinlige, ruhy hem-de maddy gymmatlyklara eýe etdi. Bu sene adamy iň ýokary gymmatlyk hasaplaýan demokratik döwlet hökmünde dünýäde giňden tanalýan ýurdumyzyň durmuşynda täze eýýamy açdy. Garaşsyz, hemişelik Bitarap Türkmenistan döwletimiziň Zemin içre abraýyny arşa göterdi.

14 Fewral 2021

Göreldeli etrap

12-nji fewralda geçirilen Türkmenistanyň Ministrler Kabinetiniň giňişleýin mejlisinde 2020-nji ýylyň jemleri boýunça welaýatda durmuş-ykdysady we medeni görkezijileri babatda iň ýokary netijeleri gazanan etraplary we etrap hukukly şäherleri kesgitlemek maksady bilen yglan edilen bäsleşigiň jemi jemlenip, Daşoguz welaýatynyň S.A.Nyýazow adyndaky etraby ýeňiji diýlip yglan edildi. Milli Liderimiziň Daşoguz welaýatynyň S.A.Nyýazow adyndaky etrabynyň häkimligini ABŞ-nyň 1 million dollary möçberindäki pul baýragy bilen sylaglamak hakyndaky we bu bäsleşigi 2021-nji ýyl üçin yglan etmek hakyndaky Buýruklara gol çekmegi ähli ildeşlerimiz bilen bir hatarda, ýurdumyzyň demirgazyk sebitiniň, şol sanda S.A.Nyýazow adyndaky etrabyň bagtyýar ýaşaýjylaryny has-da buýsandyrdy. Kärdeşler arkalaşyklarynyň Milli merkeziniň başlygynyň hasabatynda bellenilişi ýaly, ýörite topar bu bäsleşigiň ýeňijisini kesgitlemekde Oba milli maksatnamasyny durmuşa geçirmek boýunça görkezijiler, bugdaý we pagta öndürmek boýunça şertnamalaýyn borçnamalaryň ýerine ýetirilişi, dürli maksatly desgalaryň gurluşygy, durmuş meseleleriniň çözülişi, şol sanda ilatyň iş bilen üpjünçiligi, olaryň sagdyn durmuş ýörelgelerine bolan gatnaşygy, medeni derejesiniň ýokarlanyşy, ösüp barýan ýaş nesillere berilýän terbiýe we beýleki wajyp görkezijiler nazara alyndy.

14 Fewral 2021

Watan waspy dilde sena

Bagtyýarlyk döwrümizde hormatly Prezidentimiziň parasatly baştutanlygynda ata Watanymyz Türkmenistan döwletimizde ähli babatda uly ösüşler gazanylýar. Milli Liderimiziň alyp barýan döwlet syýasaty netijesinde ykdysadyýetimiz we ylym-bilim ulgamy has-da ösdürilýär, milli mirasymyzy düýpli öwrenmek babatda beýik işler durmuşa geçirilýär. Bularyň ählisi bolsa «Türkmenistan — parahatçylygyň we ynanyşmagyň Watany» ýylymyzda 30 ýyllyk şanly toýy uludan toýlanjak mukaddes Garaşsyzlygymyzdan gözbaş alýar. Garaşsyz ýurdumyzda hormatly Prezidentimiziň tagallalary bilen ylym-bilimi ösdürmek we bu ulgamy täze innowasion tehnologiýalar bilen üpjün etmek üçin ähli mümkinçilikler döredildi. Diýarymyzda milli ykdysadyýetimiziň dürli pudaklarynda zähmet çekjek hünärmenleri ýetişdirmek üçin maksatnamalaýyn işler alnyp barylýar. Ýurdumyzda amala aşyrylýan şeýle işler türkmen ýaşlarynyň ählitaraplaýyn kämil şahsyýetler bolup ýetişmeginde uly ähmiýete eýedir.

12 Fewral 2021

Döwlet dolandyryş ulgamy yzygiderli kämilleşdirilýär

11-nji fewralda hormatly Prezidentimiz Gurbanguly Berdimuhamedow sanly wideoaragatnaşyk arkaly Ministrler Kabinetiniň we Döwlet howpsuzlyk geňeşiniň bilelikdäki giňişleýin mejlisini geçirdi. Oňa ministrlikleriň we pudaklaýyn dolandyryş edaralarynyň, ýokary okuw mekdepleriniň, köpçülikleýin habar beriş serişdeleriniň ýolbaşçylary, Aşgabat şäheriniň hem-de welaýatlaryň häkimleri hem çagyryldy. Hormatly Prezidentimiz mejlisiň gün tertibini yglan edip, döwlet dolandyryş ulgamyny mundan beýläk-de kämilleşdirmek, Hökümetiň işini has-da gowulandyrmak maksady bilen Ministrler Kabinetiniň düzümine Ministrler Kabinetiniň Başlygynyň ýene-de bir orunbasarynyň wezipesini girizmek, ony Döwlet howpsuzlyk geňeşiniň agzalygyna hem-de Ýokary gözegçilik edarasynyň başlygy wezipesine bellemek barada karara gelendigini aýtdy.

12 Fewral 2021

Belent sepgitleri nazarlap

Öňňin hormatly Prezidentimiz Gurbanguly Berdimuhamedow sanly wideoaragatnaşyk arkaly Ministrler Kabinetiniň we Döwlet howpsuzlyk geňeşiniň bilelikdäki giňişleýin mejlisini geçirdi. Oňa ministrlikleriň we pudaklaýyn dolandyryş edaralarynyň, ýokary okuw mekdepleriniň, köpçülikleýin habar beriş serişdeleriniň ýolbaşçylary, Aşgabat şäheriniň hem-de welaýatlaryň häkimleri hem çagyryldy. Döwlet Baştutanymyz ýakynda ähli pudaklaryň ýolbaşçylary bilen iş maslahatlarynyň geçirilendigini aýtdy. Şol maslahatlarda geçen ýylda edilen işleriň netijeleri düýpli we jikme-jik seljerildi hem-de ýol berlen kemçilikleri düzetmek boýunça guramaçylyk çäreleri bellenildi.

12 Fewral 2021

Demokratik ýörelgelere daýanyp

Ýurdumyzda geçirilýän saýlawlar özüniň milli demokratik köklerini ata-babalarymyzyň kämil tejribeleri esasynda kemala gelen gadymy ýol-ýörelgelerden alyp gaýdýar hem-de döwrebap talaplara laýyklykda üstünlikli dowam etdirilýär. Şanly Garaşsyzlygymyzyň 30 ýyllygynyň bellenilýän «Türkmenistan — parahatçylygyň we ynanyşmagyň Watany» ýylymyzda möhüm jemgyýetçilik-syýasy waka, ýagny, Milli parlamentimiziň iki palataly ulgama geçilmegi bilen bagly Türkmenistanyň Milli Geňeşiniň Halk Maslahatynyň agzalarynyň saýlawlaryna görülýän taýýarlyk işleri ählumumy ykrar edilen demokratik ýörelgelere laýyklykda ýaýbaňlandyrylýar. Hormatly Prezidentimiziň parasatly baştutanlygynda saýlawlaryň Türkmenistanyň Konstitusiýasyna, Saýlaw kodeksine, halkara kadalaryna laýyklykda, demokratik ýörelgeler esasynda guramaçylykly geçirilmegini üpjün etmek, saýlaw toparlarynyň, welaýat hem-de Aşgabat şäher Halk Maslahatlarynyň möhüm wezipeleri bolup durýar.

12 Fewral 2021

Arkadaga alkyşlar sena bolup ýaňlandy

Berkarar döwletimiziň bagtyýarlyk döwrüni esaslandyran hormatly Prezidentimiz Gurbanguly Berdimuhamedowyň parasatly hem öňdengörüjilikli başlangyçlary bilen durmuşa geçirilýän her bir döwletli tutum halkyň ykbalyna, ýurduň mertebe beýikligine düýpli täsiri bilen has gymmatly mana eýe bolýar. Ol häzirki wagtda daş-töweregimizi gurşap alan döwrebap özgertmeleriň, hil taýdan täze ösüşleriň, bagtyýar ýaşaýyş gurşawynyň emele gelendiginiň, adamlaryň syýasy işjeňliginiň ýokarlanýandygynyň mysalynda has aýdyň duýulýar. Bu hakykat telwasly köňülleriň her birinde halal zähmet çekmek, döretmek, gurmak ýaly maksatly işleriň ynamyny berkidýär. Häzirki wagtda mähriban halkymyz Gahryman Arkadagymyzyň töweregine jebisleşip, özgertmeler eýýamynyň «Türkmenistan  —  parahatçylygyň we ynanyşmagyň Watany» ýylyny dabaralandyrmak, beýik işlere beslemek maksadynda ynamly öňe barýar. Şeýle belent ynam welaýatymyzyň zähmetkeş halkyna mahsuslygy bilen hem tapawutlanýar. Bagtyýar ýaşaýyş-durmuşyň hözirini görüp ýaşaýan ildeşlerimiz her ädimde, her pursatda şeýle döwranly döwri peşgeş eden Gahryman Arkadagymyza çyn ýürekden joşup çykýan alkyşlaryny aýdýarlar.

12 Fewral 2021

Rahat ertirimiziň şuglasy

Gahryman hem mähriban Prezidentimiziň başyny başlan täze taryhy eýýamynyň ýyllary jemgyýetimizde rowaçlanýan öňegidişliklere, taryhy wakalara mynasyp atlar bilen gelýär. Döwlet Baştutanymyzyň goldamagynda üstümizdäki ýylyň “Türkmenistan — parahatçylygyň we ynanyşmagyň Watany” diýlip atlandyrylmagy Garaşsyz, Bitarap Türkmenistanyň içeri we daşary syýasatynyň sebitde we bütin dünýäde parahatçylyk söýüjilikli, birek-birege ynanyşmak we hormat goýmak, deňhukukly hyzmatdaşlygy işjeňleşdirmek ýörelgelerini äşgär edýär. Bu ýörelge Garaşsyz döwletimiziň durmuş-ykdysady taýdan durnukly ösdürilmeginiň ugrudyr. 2021-nji ýylyň ilkinji aýlarynda gazanylýan üstünlikler Beýik Garaşsyzlygymyzyň 30 ýyllygynyň baýram ediljek ýylynyň dabaralanjakdygyna güwä geçýär. TAP-nyň etrap komitetiniň işgärleri işjeň agzalarymyzyň kömek-goldawyna daýanyp, şanly ýylymyzda etrabymyz boýunça oba hojalyk ekinlerinden bol hasylyň alynmagyna gönükdirilen işlere ýakyndan ýardam berýärler. Ýaz ekişiniň golaý gelýän günlerinde daýhanlaryň aladasy artýar. Şonuň üçinem biz daýhanlary öňde durýan möhüm wezipelere jemlemek maksady bilen wagyz-nesihat işlerini geçirýäris. Öňdebaryjy kärendeçileriň höweslendirilmegem işleriň öňe gitmegine ýardam edýär.

12 Fewral 2021

Resmi habarlar gysga setirlerde

Türkmenistanyň Prezidentiniň Permany bilen Baýmyrat Ilmyradowiç Annamämmedow Türkmenistanyň senagat we gurluşyk önümçiligi ministri wezipesine bellenilip, ol Türkmenistanyň senagat we gurluşyk önümçiligi ministriniň orunbasary wezipesinden boşadyldy.* * *Türkmenistanyň Prezidentiniň Permany bilen Allanur Nurgeldiýewiç Altyýew Türkmenistanyň oba hojalyk we daşky gurşawy goramak ministri wezipesine bellenilip, ol Türkmenistanyň oba hojalyk we daşky gurşawy goramak ministriniň daşky gurşawy goramak we ýer serişdeleri boýunça orunbasary wezipesinden boşadyldy. * * *Türkmenistanyň Prezidentiniň Permany bilen Meredow Myratgeldi Resulowiç işde goýberen düýpli kemçilikleri üçin Türkmenistanyň Ministrler Kabinetiniň Başlygynyň orunbasary wezipesinden boşadyldy. * * *Türkmenistanyň Prezidentiniň Permany bilen Baýrammyrat Ýaýlymowiç Atamanow Halkara nebit we gaz uniwersitetiniň rektory wezipesine bellenilip, ol Türkmen döwlet binagärlik-gurluşyk institutynyň rektory wezipesinden boşadyldy. * * *Türkmenistanyň Prezidentiniň Permany bilen Parahat Orazmuhamedowiç Orazow Türkmen döwlet binagärlik-gurluşyk institutynyň rektory wezipesine bellenilip, ol Türkmen döwlet binagärlik-gurluşyk institutynyň okuw işleri boýunça prorektory wezipesinden boşadyldy. * * *Türkmenistanyň Prezidentiniň Permany bilen Türkmenistanyň Garaşsyzlygyny we özygtyýarlylygyny pug

12 Fewral 2021

‹
1
2
...
545
546
547
548
549
550
551
...
560
561
›