Türkmenmetbugat

"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Ählumumy howpsuzlyk ýörelgelerine esaslanýan dünýä ähmiýetli tutumlar

Garaşsyz, baky Bitarap Türkmenistan tarapyndan öňe sürülýän dünýä ähmiýetli başlangyçlar halkara bileleşik tarapyndan hemişe uly goldawa eýe bolýar. Birleşen Milletler Guramasynyň Baş Assambleýasynyň 78-nji sessiýasynda hormatly Prezidentimiziň Ählumumy howpsuzlyk strategiýasyny işläp taýýarlamak baradaky başlangyç bilen çykyş etmegi, şeýle-de ýurdumyzyň BMG-ä agza döwletleriň 86-synyň awtordaşlygynda 2025-nji ýyly «Halkara parahatçylyk we ynanyşmak ýyly» diýip yglan etmek hakynda teklip eden Kararnamasynyň şu ýylyň 21-nji martynda Baş Assambleýa tarapyndan biragyzdan kabul edilmegi munuň nobatdaky aýdyň subutnamasy boldy. Ählumumy howpsuzlyk ýörelgeleri, parahatçylyk, özara ynanyşmak umumymilli bähbitleri nazarlamak bilen, dünýä giňişliginde ykdysady özgertmeleri üstünlikli amala aşyrmakda, hyzmatdaşlygy berkitmekde we ösdürmekde täze ugurlary ýüze çykarýar. Bu bolsa, ähli ulgamlar bilen bir hatarda, ýangyç-energetika pudagyna hem oňaýly täsirini ýetirýär.

3 Iýul 2024

Watan — bagtyň düşelgesi

Eziz Diýarymyz 33 ýyla golaý wagt mundan ozal Garaşsyz döwlet hökmünde jemgyýetçilik-syýasy, ykdysady we medeni ösüşine gadam goýdy. Döwletimiziň geçen menzili il-ýurt, umumadamzat ähmiýetli beýik işlere beslendi. Garaşsyzlyk ýyllary içinde gazanylan üstünlikler ata Watanymyzy parahatçylyk ýörelgeleriniň, hoşniýetli, özara bähbitli hyzmatdaşlyk gatnaşyklarynyň ösdürilýän mekany hökmünde dünýä jemgyýetçiligine giňden tanatdy. Şeýlelikde, Hakyň nazary düşen keramatly topragymyzda döwletimiz täze ösüşlere badalga aldy. Asyl köklerimize dolanmak bilen, milli medeniýetimize we sungatymyza, däp-dessurlarymyza, ýol-ýörelgelerimize täze öwüşgin çaýyldy. Olar döwrebap mazmun bilen baýlaşdyryldy we milli gymmatlyklarymyz äleme äşgär boldy. Watanymyzda ösüşleriň dowamat-dowam bolmagynyň özeninde halkymyzyň döredijilikli zähmeti durýar. Munuň şeýledigini Berkarar döwletiň täze eýýamynyň Galkynyşy döwrüniň «Pähim-paýhas ummany Magtymguly Pyragy» ýylynda durmuşa geçirilýän işleriň mysalynda hem görmek bolýar. Bu ýylam ilkinji gününden başlap, göwün galkyndyryjy şanly wakalara hem-de hoş habarlara beslenýär. Şol şanly wakalar ýurdumyzyň ösüşli menzillerinde aýratyn ähmiýete eýedir. Şeýle döwürde, elbetde, Watana bolan buýsanjyň has-da artýar. Watan barada oýlananyňda bolsa, kalbyňy söz bilen beýan edip bolmaýan üýtgeşik bir ýakymly duýgy gaplap alýar. Şol duýgy hem şeýle ajaýyp döwürde ýaşaý

3 Iýul 2024

Rowaçlyklara beslenýän tutumlar

Gahryman Arkadagymyzyň başyny başlan taryhy özgertmelerini üstünlikli dowam etdirýän hormatly Prezidentimiziň Berkarar döwletiň täze eýýamynyň Galkynyşy döwründe alyp barýan oýlanyşykly içeri we daşary syýasaty ýurdumyzyň durmuş-ykdysady ösüşini üpjün edip, halkara abraýyny has-da belende göterýär. Durmuşymyzyň ähli ugurlary uly üstünliklere beslenýär. «Açyk gapylar» syýasaty esasynda dünýä ýurtlary bilen özara bähbitli hyzmatdaşlyk barha giň gerime eýe bolup, ýurdumyzyň ykdysadyýetini täze ösüşlere beslese, amala aşyrylýan il-ýurt bähbitli işler halkymyzyň ýaşaýyş-durmuş derejesiniň has-da ýokarlanmagynda aýratyn ähmiýete eýedir. «Halkyň abadan, asuda we bagtyýar durmuşda ýaşamagy hakyndaky alada döwlet syýasatymyzda hemişe öňe sürýän baş maksadymyzdyr» diýip, Arkadagly Gahryman Serdarymyz nygtaýar. Diňe bir «Pähim-paýhas ummany Magtymguly Pyragy» ýylynda amala aşyrylýan işleriň, gurlup ulanmaga berilýän önümçilik hem-de medeni-durmuş maksatly desgalaryň mysalynda-da muňa aýdyň göz ýetirmek bolýar. Şonuň bilen birlikde-de, maýa goýum işjeňliginiň kämilleşdirilmegi, ähli pudaklaryň has ýokary tehnologik ösüş derejesine geçmegi üçin oňaýly şertleriň döredilmegi berkarar Watanymyzyň durmuş-ykdysady taýdan durnukly ösmegini, adamlaryň ýaşaýyş şertleriniň has-da gowulanmagyny üpjün edýär.

3 Iýul 2024

Döwletli-döwranly döwrümiziň bezegi

Döwletli-döwranly döwrümiziň bezegi, mukaddes öý-ojaklarymyzyň eýeleri bolan zenanlara ýurdumyzda aýratyn uly hormat goýulýar. Ähli raýatlar bilen bir hatarda, zenanlaryň hukuklarynyň ygtybarly goralmagyny üpjün etmeklige jemgyýetimizi ösdürmegiň esasy ugurlarynyň biri hökmünde garalýar. Gahryman Arkadagymyzyň we Arkadagly Gahryman Serdarymyzyň özleri barada edýän aladalaryna türkmen zenanlary tutanýerli zähmetleri bilen jogap berýärler. Bu gün olar dürli ugurlarda göreldeli zähmetiň nusgasyny görkezip, ýurdumyzyň durmuş-ykdysady ösüşine mynasyp goşantlaryny goşýarlar, döwletimiziň kuwwatyny has-da artdyrmak babatda alnyp barylýan işlere, özgertmelere işeňňir gatnaşýarlar. Şeýle-de ýurdumyzda zenanlaryň ukyplaryny we zehinlerini ösdürmäge hem-de kämilleşdirmäge döwlet derejesinde uly üns berilýär. Şol esasdanam, dürli ugurlar boýunça her ýylda geçirilýän döredijilik bäsleşiklerinde olar ýokary netijeleri görkezýärler. «Pähim-paýhas ummany Magtymguly Pyragy» ýylynyň başyndan bäri Türkmenistanyň Zenanlar birleşiginiň welaýat bölümi aýal-gyzlaryň, şeýle-de mekdeplere, çagalar baglaryna gatnaýan gyzjagazlaryň arasynda dürli bäsleşikleri yzygiderli geçirip gelýär. Bu bolsa olaryň döwlet derejesinde geçirilýän bäsleşiklere taýýarlykly barmaklaryna ýakyndan ýardam edýär. Aýratyn bir bellemek isleýän zadym, ol hem şu ýylyň başynda çagalar baglaryna gatnaýan gyzjagazlaryň arasynda «Bir

3 Iýul 2024

Sarpasy beýik söz ussady

Magtymguly Pyragynyň eserlerini okanyňda, pähim-paýhasa ýugrulan dürdäne setirleriň lezzetinden ganyp bolmaýar. Şeýle ölmez-ýitmez eserleriň döremegini şahyryň ata Watanyny, ene topragyny, il-halkyny jany-teni bilen söýendigi, milletiniň özbaşdak döwlet gurup, eşretli durmuşda ýaşamagyny ýürekden arzuw edendigi bilen düşündirip bolar. Akyldar şahyryň eserlerini hemmeler gyzyklanma bilen okaýarlar. Çünki onuň dostlugyň, parahatçylygyň, agzybirligiň waspy bolup ýaňlanýan şygyrlarynda Watana, halka bolan bimöçber söýgi-buýsanç duýgusy, ynsanperwer garaýyşlaryň, halkyň bagty, birek-birege sylag-hormatyň ähmiýeti mynasyp beýanyny tapýar. Beýik şahyryň «çoh garaşan ajap eýýamynyň» eýesi bolan türkmen halky, türkmen döwleti häzirki döwürde ösüşleriň ak ýolundan bedew bady bilen öňe barýar. Ýurdumyz — asuda, ilimiz — bagtyýar. Bu gün Watanymyz parahatçylyk, agzybirlik höküm sürýän kuwwatly, baky berkarar ýurda öwrüldi.

3 Iýul 2024

Ýaş nesil hakda alada

Hormatly Prezidentimiziň pähim-paýhasly ýolbaşçylygynda bagtly çagalygyň ýurdy bolan ata Watanymyzda Berkarar döwletiň täze eýýamynyň Galkynyşy döwründe ýaş nesliň bagtyýar we abadan durmuşda ýaşamagy, okamagy üçin ähli şertleriň döredilmegi netijesinde, çagalar häzirki zaman enjamlary bilen üpjün edilen döwrebap çagalar baglarynda, ak mekdeplerde bilim-terbiýe alýarlar. Dürli mazmunly çäreler olaryň döredijilik ukyplarynyň ösmegine ýardam edýär. Çagalara aýratyn söýgi bilen garamak halkymyzyň asyrlaryň dowamynda kämilleşdirip gelen ruhy gymmatlygydyr. Bu asylly ýörelge täze taryhy eýýamda mynasyp dowam etdirilýär. Nesilleriň ylym-bilimli, arassa ahlakly, ilhalar adamlar bolup ýetişmekleri berilýän terbiýä baglydyr. Edepli, giň dünýägaraýyşly, watansöýüji ýaşlary terbiýeläp ýetişdirmek bolsa, döwrüň möhüm meselesi bolup durýar. Şundan ugur almak bilen, orta mekdeplerde wagyz-ündew çärelerini, düşündiriş işlerini geçirip durýarys. Olarda zyýanly endiklerden daşda durmak, ýagty geljegimiz bolan ýaş nesliň öňünde durýan möhüm wezipeler barada täsirli we ýatda galyjy söhbet edilýär. Şunuň bilen birlikde, mekdep okuwçylary köçe-ýol hereketiniň düzgünleri bilen hem yzygiderli tanyşdyrylýar.

3 Iýul 2024

Nurana günleriň röwşeni

Gahryman Arkadagymyzyň, Arkadagly Gahryman Serdarymyzyň il-günüň, döwletimiziň bähbidine alyp barýan işleri indi ençeme ýyllardan bäri bütin dünýä ýüzünde ykrarnamalaryny tapyp gelýär. Arkadag şäheriniň bir ýyllygynyň baýram edilýän günlerinde bolsa biz bagtyýar döwletiň raýatlary hökmünde belent işleriň ykrarnamasynyň ýene bir ýola şaýady bolduk. Älem giňişligindäki ýyldyzlaryň birine «Arkadag» adynyň dakylmagy eziz Arkadagymyzyň belent tutumlarynyň dünýä ýüzündäki ykrarnamasynyň aýdyň güwäsidir. Mälim bolşy ýaly, täze ýyldyzyň adyny tassyklaýan güwänama, şeýle-de teleskop, onuň düşüren suratlary Magtymguly adyndaky Türkmen döwlet uniwersitetine tabşyryldy. Bellenilişi ýaly, Gahryman Arkadagymyzyň beýik işleriniň gerimini asman giňişligine alyp çykan ýyldyz Pegas ýyldyzlar toparyna degişlidir. Bu topar emele getirýän şekili boýunça ganatly aty suratlandyrýar. «Arkadag» ýyldyzynyň şeýle toparda ýerleşmegi döwletli Diýarymyzyň bedew badyna tüýs mynasypdyr.

3 Iýul 2024

Ynam we yhlas — üstünlikleriň gözbaşy

Beýik işleri durmuşa geçirýän şahsyýetleriň ady we mertebesi hem amala aşyrýan işleri ýaly ägirt bolýar. Ümmülmez älem giňişligindäki «Arkadag» ýyldyzy bilen bagly hoş habaryň ýürekleri ýagtyldýan günlerinde hut şol giňişlikden Russiýanyň hem Türkmenistanyň Gahrymany, Kosmos işi boýunça «Roskosmos» döwlet korporasiýasynyň tälimçi-kosmonawt-synagçysy, kosmonawtlar toparynyň serkerdesi Oleg Dmitriýewiç Kononenko hormatly Prezidentimiziň we türkmen halkynyň Milli Lideri Gahryman Arkadagymyzyň adyna hoşallyk sözlerini ýollady. Kosmonawt watandaşymyz öz ýazgylarynda Arkadagly Gahryman Serdarymyza we Milli Liderimize doglan güni mynasybetli iberen gutlaglary üçin tüýs ýürekden hoşallyk bildirýär, şeýle-de Arkadag şäheriniň açylmagynyň bir ýyllygy mynasybetli mähirli gutlaglaryny beýan edýär. Ol Türkmenistanyň at-abraýyny ýokarlandyrmakda we kosmos ugrunda türkmen-rus hyzmatdaşlygyny ösdürmekde mundan beýläk-de uly tagallalary etmäge taýýardygyny mälim edýär. O.Kononenko pursatdan peýdalanyp, hormatly Prezidentimize we Gahryman Arkadagymyza berk jan saglygyny, maşgala abadançylygyny, döwlet hem-de syýasy işlerinde uly üstünlikleri arzuwlaýar. Mälim bolşy ýaly, şu ýylyň 21-nji iýunynda 60 ýaşyny bellän kosmonawt şondan 15 gün ozal — 5-nji iýunda älem giňişliginde 1000 günläp bolan ilkinji adam hökmünde taryha girdi. Kosmonawtyň her bir üstünliginde, her bir ýakymly gününd

3 Iýul 2024

Arkadag şäheri — täze başlangyçlara badalga

Ýurdumyzyň durmuşynda möhüm ähmiýete eýe bolan Arkadag şäheriniň açylmagynyň bir ýyllygy uly dabaralara beslendi. Ilkinji «akylly» şäher bolan Arkadag şäheri bu gün sebitde şähergurluşygynda öňdebaryjy tehnologiýalaryň işjeň ornaşdyrylýan, «ýaşyl» tehnologiýalara esaslanýan, ekologiýa ulgamyna uly üns berilýän, sazlaşykly ösýän, ilatyň abadan durmuşy hakynda alada edilýän şäher hökmünde tanalýar. Gahryman Arkadagymyzyň başlangyjy bilen binýat bolan täze şäher ençeme halkara güwänamalara eýedir. Arkadag şäherine «Ýewropada Howpsuzlyk we Hyzmatdaşlyk Guramasynyň sebitinde durnukly, «ýaşyl», howa üçin oňaýly we innowasion çözgütli şäherleri ösdürmek» taslamasyna goşulýandygy baradaky güwänamanyň berilmegi hem guwandyryjy çözgütdir. 2023-nji ýylyň 29-njy iýunynda hormatly Prezidentimiz Serdar Berdimuhamedowyň gatnaşmagynda açylan Arkadag şäheri örän uly taslamadyr. Şäheriň gurluşygynyň birinji tapgyrynyň çäginde durmuş-medeni we beýleki maksatly desgalaryň 336-sy guruldy. Geçen ýylyň 16-njy iýunynda bolsa, hormatly Prezidentimiziň gatnaşmagynda täze şäheriň gurluşygynyň ikinji tapgyrynyň düýbi tutulyp, dabarada şäheriň edaralaryna, guramalaryna dürli görnüşli awtoulag serişdeleri, şol sanda elektromobiller sowgat berildi.

2 Iýul 2024

Hoş habaryň buýsanjy

Beýik söz ussady Magtymguly Pyragynyň doglan gününiň 300 ýyllygynyň halkara derejede uludan bellenilýän «Pähim-paýhas ummany Magtymguly Pyragy» ýylynyň toý-dabaralary buýsançly köňüllere şatlyk paýlaýar. Bu taryhy ýylda gojaman Köpetdagyň etegine aýratyn görk berýän Arkadag şäheriniň açylmagynyň bir ýyllygynyň bellenilmegi toý-dabaralaryň üstüni ýetirdi. Bu baýramçylyk mynasybetli döwlet Baştutanymyzyň Arkadag şäheriniň hormatly ýaşaýjylaryna iberen Gutlagynda bellenilişi ýaly: «Arkadag şäheri Gahryman Arkadagymyzyň ýiti zehininden, jöwher paýhasyndan dörän binagärlik eseri bolup, Garaşsyz, hemişelik Bitarap döwletimiziň ykdysady taýdan rowaçlygyny, ägirt uly mümkinçiliklerini, halkymyzyň bagtyýar we erkana durmuşyny, ýaş nesillerimiziň nurana geljegini alamatlandyrýar». 29-njy iýunda Arkadag şäheriniň häkimliginde geçirilen baýramçylyk maslahatynda «Kosmos-Ýer» jemgyýetiniň alymlarynyň Arkadag şäheriniň açylmagynyň bir ýyllygy mynasybetli asman giňişligindäki ýyldyzlaryň birine «Arkadag» diýip at goýandyklary barada aýdylan hoş habar ildeşlerimiziň toý şatlygyna şatlyk goşdy. Halkymyzy ýyldyz baradaky maglumat bilen tanyşdyrmak maksady bilen, asman jisimine «Arkadag» adynyň dakylandygyny tassyklaýan güwänamanyň, şeýle hem teleskopyň we onuň düşüren suratlarynyň ýurdumyzyň baýry ýokary okuw mekdepleriniň biri bolan Magtymguly adyndaky Türkmen döwlet uniwersitetine gowşurylmagy

2 Iýul 2024

Şatlygymyz goşalandy

Il saglygyny ýurt baýlygyna deňeýän Gahryman Arkadagymyz, Arkadagly Gahryman Serdarymyz tarapyndan ýurdumyzda ynsan saglygyny goramak, sagdyn bedenli, belent ruhly nesli kemala getirmek babatda giň möçberli işler alnyp barylýar. Täze döreýän oba-şäherlerde saglyk maksatly binalar gurlup, halkymyzyň hyzmatyna berilýär. Berkarar döwletiň täze eýýamynyň Galkynyşy döwrüniň ajaýyp miwesi bolan Arkadag şäherinde gurlan saglyk maksatly binalara iň häzirki zaman enjamlar ornaşdyrylyp, olarda lukmançylyk hyzmatlary ýokary derejede ýola goýulýar. Sebitde deňsiz-taýsyz owadan şäheriň ekologik taýdan arassa howasy, saýaly we pürli baglary, al-elwan gülleri hem göwnüňi göterip, keýpiçaglyk paýlaýar. Gahryman Arkadagymyzyň başlangyjy bilen gurlup, Arkadagly Gahryman Serdarymyzyň ak pata bermegi bilen açylan «akylly» şäher ýakynda baýramçylyk lybasyna beslendi. Ol gün täze şäherde uludan tutulan toý dabaralaryň şatlyk-şowhuny belende galdy. Arkadag şäheriniň açylmagynyň bir ýyllygynyň bellenilen gününde «Arkadag Medisina Klasteri Menejment» kärhanasyna Türkmenistanyň sertifikatlaşdyryş ulgamy tarapyndan hil ulgamynyň laýyklyk güwänamasynyň berilmegi toý şatlygymyzy goşalandyrdy. Arkadag şäherinde täze döredilen kärhanada saglygy goraýyş ulgamynda gündelik ulanylýan lukmançylyk serişdeleriniň dürli görnüşleriniň önümçiligi alnyp barylýar. Täze önümçilikler lukmançylyk edaralarynda zerur bolan

2 Iýul 2024

Türkmenistan — toý-baýramlaryň mekany

«Dokmaçylar» medeni merkezi açyldy 25-nji iýunda paýtagtymyzda Türkmenistanyň Dokma senagaty ministrliginiň «Dokmaçylar» medeni merkeziniň açylyş dabarasy boldy. Açylyş dabarasynyň barşynda sanly ulgam arkaly türkmen halkynyň Milli Lideri, Türkmenistanyň Halk Maslahatynyň Başlygy bu möhüm waka mynasybetli gutlag sözleri bilen çykyş etdi.

2 Iýul 2024

Gahryman Arkadag — ösüşiň, özgerişiň Lideri

Türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadag! Bu düşünje — her bir türkmenistanlynyň ýüreginiň ýylysy, ýaşaýşa söýgüsi, geljege ynamy. Ine, taryhy hakykat şeýdip, ynsanyň rahat, bagtly ýaşaýşy baradaky arzuw-umytlarynyň owazy bolup dünýä dolýar. Uzak geçmişinde türkmeniň dünýä beren kämil ýaşaýyş, ösüş nusgalarynyň az bolmandygyny goja taryhdan habarly kişiler bilýändirler. Bu gün türkmen adamzada ösüşli, özgerişli, abadançylykly ýaşaýşyň ýene bir nusgasyny eçildi. Ony öz Milli Lideri Gahryman Arkadagynyň pähim-parasady, başarjaňlygy arkaly eçildi. Geçen ýakyn taryhymyza nazar aýlalyň! Gahryman Arkadagymyz halkyň ykbaly üçin zerur pursatda döwlet Baştutany wezipesine girişdi. Öňde haýal-ýagallyk etmezden çözülmeli meseleler bardy. Şonuň bilen birlikde, birneme howlukman, emma hökman çözülmeli meseleler-de bardy. Şonsuz ýakyn we uzak geljege nazarlanmak hem, bular üçin maksatnamalary işläp düzmek hem, ol maksatnamalary üstünlikli amala aşyrmak hem mümkin däldi. Bu işlere nähili ökdelik bilen hötde gelnendigine şaýat bolduk. Munuň özi, islendik hasap bilen, iň uly hasap bilen alnanda-da, taryhy döwürdir. Ruhy-ahlak, medeni, aň-düşünje, saglyk meselelerinden başlap, durmuş-ykdysady meselelere çenli, içerki gatnaşyklardan başlap, sebitiň we dünýäniň ýurtlary bilen gatnaşyklara çenli öz içine alan bu özgertmeler ýurdy tanalm

2 Iýul 2024

Watançylyk taglymy

Hormatly Prezidentimiziň «Ýaşlar — Watanyň daýanjy» we «Änew — müňýyllyklardan gözbaş alýan medeniýet» atly kitaplarynyň mysalynda Arkadagly Gahryman Serdarymyz bize «Ýaşlar — Watanyň daýanjy» hem-de «Änew — müňýyllyklardan gözbaş alýan medeniýet» atly ajaýyp kitaplaryny peşgeş berdi. Olar hormatly Prezidentimiziň iň ýokary döwlet wezipesine ählihalk tarapyndan saýlanan dessine yglan eden şygarynyň — «Watan diňe halky bilen Watandyr! Döwlet diňe halky bilen döwletdir!» diýen çagyryşynyň düýp manysyna düşünmäge mümkinçilik berýär. Aslynda, bu çagyryş döwlet Baştutanymyzyň baş taglymynyň gysgaça beýanydyr diýsek, ýerlikli bolar. Bu taglymda Watan, döwlet we halk düşünjeleri özara berk baglydyr.

2 Iýul 2024

Amala aşan arzuwlar şäheri:

Arkadag şäheri döredilmeginiň bir ýyllygyny belledi 29-njy iýunda Türkmen döwletiniň durmuşynda hakyky taryhy wakanyň bolup geçenligine — täze, «akylly» Arkadag şäheriniň açylmagyna bir ýyl boldy, ol döwlet ähmiýetli şäher diýen aýratyn hukuk ýagdaýyna eýedir.

1 Iýul 2024

Gümrükçiler üçin täze ýaşaýyş jaýy

Türkmenbaşy şäherinde Türkmenistanyň Döwlet gümrük gullugynyň işgärlerine niýetlenen döwrebap ýaşaýyş  jaýy ulanylmaga berildi. 4 gatly, 32 öýli, 2 we 3 otagly bu ýaşaýyş jaýy «Sapaly geljek» hojalyk jemgyýeti tarapyndan guruldy. Täze ýaşaýyş jaýynyň Türkmenistanyň Mejlisiniň deputatlarynyň, Döwlet gümrük gullugynyň ýolbaşçylarynyň we harby gullukçylarynyň, ýaşuly nesliň wekilleriniň, medeniýet, sungat ussatlarynyň gatnaşmaklarynda geçirilen açylyş dabarasynda çykyş eden harby gullukçylar döredýän giň mümkinçilikleri üçin hormatly Prezidentimize hoşallyklaryny beýan etdiler.

1 Iýul 2024

Türkmen halkynyň Milli Lideri, Türkmenistanyň Halk Maslahatynyň Başlygy bilen Özbegistan Respublikasynyň Prezidentiniň arasynda telefon arkaly söhbetdeşlik

29-njy iýunda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik boldy. Özbegistanyň Baştutany Gahryman Arkadagymyzy doglan güni bilen gutlap, berk jan saglyk, uzak ömür, Watanymyzyň mundan beýläk-de gülläp ösmegine, halkymyzyň abadan durmuşynyň üpjün edilmegine gönükdirilen köpugurly işinde üstünlikleri arzuw etdi. Dostlukly ýurduň Prezidenti Özbegistanda häzirki wagtda Türkmenistanyň ähli ugurlarda gazanýan üstünliklerine, iki döwletiň gözbaşyny asyrlaryň jümmüşinden alyp gaýdýan dost-doganlyk, hoşniýetli goňşuçylyk gatnaşyklaryna buýsanylýandygyny aýdyp, hormatly Prezidentimiz Serdar Berdimuhamedowa mähirli salamyny, iň gowy arzuwlaryny ýetirmegini haýyş etdi.

1 Iýul 2024

Türkmen halkynyň Milli Lideri, Türkmenistanyň Halk Maslahatynyň Başlygy bilen Türkiýe Respublikasynyň Prezidentiniň arasynda telefon arkaly söhbetdeşlik

29-njy iýunda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen telefon arkaly söhbetdeşligi boldy. Prezident Rejep Taýyp Ärdogan Gahryman Arkadagymyzy doglan güni bilen tüýs ýürekden gutlap, berk jan saglyk, rowaçlyk, jogapkärli döwlet işinde täze üstünlikleri arzuw etdi hem-de Türkiýe bilen Türkmenistanyň arasynda däp bolan hyzmatdaşlygyň pugtalandyrylmagyna uly goşant goşýan hormatly Prezidentimiz Serdar Berdimuhamedowa mähirli salamyny beýan etdi.

1 Iýul 2024

Türkmen halkynyň Milli Lideri, Türkmenistanyň Halk Maslahatynyň Başlygy bilen Russiýa Federasiýasynyň Federal Ýygnagynyň Federasiýa Geňeşiniň Başlygynyň arasynda telefon arkaly söhbetdeşlik

29-njy iýunda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenko bilen telefon arkaly söhbetdeşligi boldy. Russiýanyň parlamentiniň ýokarky palatasynyň ýolbaşçysy Gahryman Arkadagymyzy doglan güni bilen tüýs ýürekden gutlap, türkmen halkynyň Milli Lideriniň strategik häsiýete eýe bolan döwletara gatnaşyklary has-da pugtalandyrmak ugrunda edýän tagallalaryny aýratyn belledi hem-de Russiýa Federasiýasynyň Prezidenti Wladimir Putiniň bu şanly waka mynasybetli iň gowy arzuwlaryny beýan etdi.

1 Iýul 2024

Türkmenistanyň Prezidenti hormatly Serdar Berdimuhamedowa

Çuňňur hormatlanylýan Türkmenistanyň Prezidenti! Sizi Berkarar döwletiň täze eýýamynyň Galkynyşy döwrüniň beýik ösüşleriniň nusgasy bolan Arkadag şäheriniň dabaraly açylmagynyň bir ýyllygy mynasybetli Türkmenistanyň Halk Maslahatynyň adyndan tüýs ýürekden gutlaýaryn. Siziň janyňyzyň sag, ömrüňiziň uzak bolmagyny, ata Watanymyzyň içeri we daşary syýasy ösüşleri ugrunda alyp barýan işleriňiziň mundan beýläk-de rowaçlyklara beslenmegini arzuw edýärin.

1 Iýul 2024

‹
1
2
...
27
28
29
30
31
32
33
...
561
562
›