Ýerleriň ýagdaýy gowulandyrylýar
Melioratiw ýagdaýynyň gowulanmagy ýerleriň hasyllylygynyň artmagynda uly ähmiýete eýe. Hut şunuň bilen baglylykda, suw akabalarynyň, şor suw akabalarynyň talabalaýyk arassalanylmagy zerur bolup durýar. Bu işlerde «Köneürgençsuwhojalyk» önümçilik dolanyşygynyň alyp barýan işleri aýratyn bellenmäge mynasypdyr. Häzirki wagtda hojalygara suw we şor suw akabalaryny gyrmançalardan arassalamak, çuňaltmak işleri geçirilýär. Şu günler etrabyň «Kyrkgyz», «Täze ýap», «Zaman» daýhan birleşikleriniň çäklerinde iş alnyp barylýar. Bu babatda Şöhrat Armyşow, Täçmyrat Kutlyýew we beýlekiler has tapawutlanýarlar. Geçen on aýyň dowamynda dolanyşyk boýunça hojalygara suw akabalarynyň 70, 4 hojalygara şor suw akabalarynyň bolsa 98,1 kilometr ýerinde arassaçylyk işleri geçirilip, meýilnama degişlilikde 100,8 we 116,83 göterim berjaý edildi-diýip, dolanyşygyň baş inženeri Begenç Öräýew söhbetdeş bolanymyzda gürrüň berdi.
