"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

Kikboksçulardan bäş medal

Türkmenistanly ýetginjek kikboksçular Wengriýanyň Budapeşt şäherinde geçirilen çempionatda bir altyn, bir kümüş we üç sany bürünç medala mynasyp boldular. Dünýä çempionaty 70-e golaý döwletden 3100-den gowrak türgeni özünde jemledi. Ýurdumyzyň ýetginjekler ýygyndysyna bolsa 17 türgen wekilçilik etdi. Şolardan bäş türgenimiz kikboksuň «kik-laýt» we «full-kontakt» görnüşleri boýunça üstünlikli çykyş etdiler. Ýaryşda 37 kilograma çenli agram derejesinde çykyş eden Jasurbek Ahmedow geçiren dört tutluşygynyň ählisinde ýeňiş gazanyp, hormat münberiniň iň ýokarky basgançagyna çykyp, öz agram derejesinde dünýäniň çempiony bolmagy başardy. Türkmen ýygyndysynyň kümüş medalyny 51 kilograma çenli agram derejesinde Serdar Bekenow gazandy. Ol dünýä çempionatynyň dowamynda güýçli garşydaşlarynyň üçüsinden üstün çykdy. Ymamguly Rejebow, Salamathan Baltaýew we Nepes Bäşimow bolsa üçünji orundan paýly boldular.

5 Sentýabr 2024

Sport

Öňdelik meşhur toparda

Düýn Türkmenistanyň futbol çempionatynyň Ýokary ligasynyň 22-nji tapgyrynyň çäginde «Arkadag» bilen «Ahal» futbol toparlary duşuşdy. Ýaryş tertipnamasynda öňdäki orunlary eýeleýän iki güýçli toparyň arasynda paýtagtymyzyň «Nusaý» stadionynda bolan oýun diýseň çekeleşikli geçdi. Duşuşyk Arkadag şäheriniň adybir futbol toparynyň esasy bäsdeşini 5:1 hasabynda ýeňmegi bilen tamamlandy. Ýurdumyzyň çempion topary yzygiderli ýeňişleri bilen barha öňe ilerleýär. Ol çempionlyk ugrundaky ýaryşda iň ýakyn bäsdeşi «Altyn Asyrdan» 14 utuk tapawudy bilen öňde barýar. Ýeri gelende bellesek, «Arkadag» topary ýekşenbe güni Türkmenistanyň Kubogyny almak ugrunda çärýek finalyň jogap duşuşygy üçin meýdança çykar. «Şagadamyň» myhmany boljak «Arkadag» topary birinji oýunda 3:0 hasabynda ynamly ýeňiş gazanypdy.

4 Sentýabr 2024

Sport

«Arkadag» toparynyň ýeňişli ýoly

Futbol Türkmenistanyň milli futbol çempionatynyň 21-nji tapgyrynyň oýunlary geçirildi. Balkanabadyň «Nebitçisi» myhmançylykda Arkadag şäheriniň «Arkadag» topary bilen duşuşyp, bu oýun ýer eýeleriniň uly hasaply ýeňşi bilen tamamlandy. 12-nji minutda «Arkadag» toparynyň iň netijeli oýunçysy Didar Durdyýewiň 11 metrlik jerime urgusyndan hasaby açan duşuşygynda balkanabatlylardan Muhammet Annaýew 13-nji minutda ony deňlemegiň hötdesinden geldi. 27-nji minutda Didar toparyny ýene öňe saýlady. Begmyrat Baýow 42-nji minutda ýurdumyzyň çempionynyň üçünji goluny öz adyna ýazdyrdy. 81-nji minutda 11 metrlik jerime urgusyny dürs ýerine ýetiren Altymyrat Annadurdyýew myhmanlaryň derwezeçisini 85-nji minutda ýene bir gezek ahmyrda goýdy.

4 Sentýabr 2024

Sport

Dünýä çempionatyndan ýeňiş bilen

Wengriýanyň paýtagty Budapeştde kikboks boýunça ýetginjekleriň arasynda geçirilen dünýä çempionatynda welaýatymyzyň türgenleri üstünlikli çykyş edip, medallaryň 4-sine mynasyp boldular. Bu yklym ýaryşynda Türkmenabat şäherindäki 9-njy sport mekdebiniň türgeni Jasur Ahmedow 37 kilogram agram derejesinde çykyş edip, altyn medala mynasyp boldy. Ildeşlerimiziň ýene biri — Türkmenabat şäherindäki 3-nji sport mekdebiniň türgeni Serdar Bekenow bolsa 48 kilogram agram derejesine çykyş edip, kümüş medala mynasyp boldy. Dünýä çempionyny ýaryşa mekdebiň tälimçisi Ruslan Çöliýew taýýarlady. Işine ussat tälimçiniň türgenleriniň ýene-de ikisi bu halkara ýaryşynda öz ussatlygyny görkezip, bürünç medala eýe boldular. Ýagny Nepes Bäşimow 51, Salamathan Baltaýew 85 kilogram agram derejelerinde üçünji baýrakly orny gazandylar.

3 Sentýabr 2024

Sport

«Miras» ― bürünç medalyň eýesi

Türkmenabat şäherindäki 14-nji sport mekdebiniň futbol boýunça «Miras» zenanlar topary ýakynda tamamlanan Türkmenistanyň çempionatynda bürünç medala mynasyp boldy. Iki aýlawdan ybarat bolan ýaryşyň birinji aýlawy şu ýylyň aprelinde Aşgabatda, ikinji aýlawy ýakynda Maryda geçirildi. Tejribeli tälimçi Bagtyýar Jumabaýewiň şägirtleri çempionatda geçiren dokuz duşuşygynyň diňe üçüsinde ýeňlip, bir duşuşykda deňme-deň oýnadylar. Galan bäş duşuşykda bolsa olar garşydaşlaryny uly hasap bilen ýeňmegi başardylar.

3 Sentýabr 2024

Sport

Sport ýaryşlary geçirildi

Sport bilen meşgullanmak, sagdyn durmuş ýörelgelerine eýermek ulus-ilimiziň, aýratyn hem ýaşlarymyzyň durmuşyna mäkäm ornaşdy. Biz hem ýaşlary köpçülikleýin bedenterbiýe hereketine höweslendirmek boýunça öňümizde duran wezipelerden ugur alyp, täze okuw ýylynyň başlanmagy mynasybetli mekdebimizde sport ýaryşlaryny guradyk. Oňa etrabymyzyň sport mekdeplerinde tälim alýan türgenler uly ruhubelentlik bilen gatnaşdylar. Woleýbol, futbol boýunça toparlaryň arasynda geçirilen ýaryşlarda mekdebimiziň türgenleri has tapawutly çykyş etdiler. Şeýle hem erkin göreş boýunça guralan tutluşyklar ýaş türgenleriň kämilligine we ussatlygyna göz ýetirmäge pursat döretdi. Gyzgalaňly häsiýete eýe bolan ýaryşlar hakyky sport baýramçylygyna öwrüldi. Şeýle ýaryşlary ýylyň tutuş dowamynda geçirmegi meýilleşdirýäris.

3 Sentýabr 2024

Sport

Sport habarlary

Ýaş türgeniň üstünligi Golaýda Ahal welaýatynyň Babadaýhan etrabynda sportuň uşu görnüşi boýunça Türkmenistanyň birinjiligini almak ugrunda geçirilen çempionat gyzgalaňly häsiýete eýe bolup, ezber türgenleriň ençemesini ýüze çykardy. Berkarar döwletiň täze eýýamynyň Galkynyşy döwründe milli sportumyzy dabaralandyrmak, sagdyn durmuş ýörelgesini wagyz etmek we ýaş türgenleriň sport ussatlygyny ýokarlandyrmak maksady bilen guralan çempionatda Köneürgenç etrabynyň 2-nji sport mekdebiniň türgeni, etrapdaky 58-nji orta mekdebiň okuwçysy Şanepes Araznepesow 30 kilogram agram derejesinde üstünlikli çykyş edip, birinji orna mynasyp boldy. Ýaryşyň ýeňijileri Hormat hatlary bilen sylaglanyldy.

3 Sentýabr 2024

Sport

Sport

Ýaş türgeniň üstünligi Berkarar döwletiň täze eýýamynyň Galkynyşy döwründe ýurdumyzda sporty we köpçülikleýin bedenterbiýäni ösdürmek babatda ägirt uly işler durmuşa geçirilýär. Muňa  dünýäniň abraýly halkara ýaryşlarynda ýaş türgenlerimiziň yzygiderli gazanýan üstünlikleriniň mysalynda hem aýdyň göz ýetirmek mümkin.

2 Sentýabr 2024

Sport

Mil­li spor­tu­myz ösüş ýo­lun­da

«7/24.tm»:№36 (223) 02.09.2024     Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de yk­dy­sa­dy­ýe­tiň beý­le­ki ugur­la­ry bi­len bir­lik­de mil­li spor­tumyz hem uly ösüş ýo­lu­na düş­di. Gah­ry­man Ar­ka­da­gy­my­zyň hem-de Ar­ka­dag­ly Gah­ry­man Ser­da­ry­my­zyň öň­den­gö­rü­ji­lik­li sy­ýa­sa­ty ne­ti­je­sin­de, hä­zir­ki dö­wür­de ýur­du­my­zyň pu­dak­la­ýyn do­lan­dy­ryş eda­ra­la­ryn­da, döw­re­bap gu­rul­ýan bi­na­lar­da we des­ga­lar­da ze­rur bo­lan en­jam­lar bi­len üp­jün edi­len tür­gen­le­şik zal­la­ry we sport meý­dan­ça­la­ry he­re­ket ed­ýär.

1 Sentýabr 2024

Sport

«Ar­ka­dag» fut­bol to­pa­ry AFK-nyň Ça­gy­ryş li­ga­syn­da­

«7/24.tm»:№36 (223) 02.09.2024     2024-nji ýylyň 22-nji aw­gust­ynda AFK-nyň Ça­gy­ryş li­ga­sy­nyň il­kin­ji möw­sü­mi­niň bi­je­le­ri çe­kil­di. Bi­je çe­kiş­li­giň ne­ti­je­sin­de Türk­me­nis­ta­nyň çem­pio­ny «Ar­ka­dag» fut­bol to­pa­ry Ku­weý­tiň «Al-Ara­bi», Mal­diw ada­la­ry­nyň «Ma­zi­ýa Sports end Rek­rieýşn» we Gyr­gy­zys­ta­nyň «Ab­dy­ş a­ta» to­par­la­ry bi­len bi­le­lik­de «B» to­par­ça düş­di.

1 Sentýabr 2024

Sport

Türk­me­nis­tan­ly ka­ra­te­çi­ler hor­mat mün­be­rin­de

«7/24.tm»:№36 (223) 02.09.2024     Aş­ga­bat şä­he­rin­dä­ki 61-nji or­ta mek­de­biň 9-njy synp okuw­çy­sy Aly­mu­ham­met Ka­ka­ly­ýew Fi­lip­pin­le­riň paý­tag­ty Ma­ni­la­da 21 ýa­şa çen­li ka­det­le­riň we ýet­gin­jek­le­riň ara­syn­da ge­çi­ri­len 22-nji Azi­ýa çem­pio­na­tyn­da bü­rünç me­dal gazandy. Türk­me­nis­ta­nyň Ka­ra­te­do fe­de­ra­si­ýa­sy­nyň tür­ge­ni Mag­tym­gu­ly An­na­ýew bi­len Türk­me­nis­ta­nyň Da­şa­ry iş­ler mi­nistr­li­gi­niň Hal­ka­ra gat­na­şyk­la­ry ins­ti­tu­ty­nyň 4-nji ýyl ta­ly­by Da­wut Naz­my­ra­dow bü­rünç me­da­la my­na­syp bol­dular. Ola­ryň iki­si hem 21 ýa­şa çen­li ýetginjekleriň arasynda ku­mi­te­de üs­tün­lik ga­zan­dy­lar. Mag­tym­gu­ly An­na­ýew 13 tür­ge­niň me­dal­lar ug­run­da bäs­le­şen 55 ki­log­ra­ma çen­li ag­ram de­re­je­sin­de, Da­wut Naz­my­ra­dow bol­sa 16 ka­ra­te­çi­niň bäs­le­şen 75 ki­log­ra­ma çen­li ag­ram de­re­je­sin­de ta­pa­wut­lan­dy­lar.

1 Sentýabr 2024

Sport

Türk­me­nis­tan­ly ta­lyp­lar yk­lym ýa­ry­şyn­da al­tyn me­dal ga­zan­dy­lar

«7/24.tm»:№36 (223) 02.09.2024     Öz­be­gis­tan Res­pub­li­ka­sy­nyň Sa­mar­kant şä­he­rin­de ada­ty ka­ra­te bo­ýun­ça Azi­ýa­nyň we Okea­ni­ýa­nyň IV çem­pio­na­ty ge­çi­ril­di. Bu çem­pio­nat­da ýur­du­my­zyň ýy­gyn­dy­sy­nyň ha­ta­ryn­da türk­me­nis­tan­ly ta­lyp­lar hem çy­kyş et­di­ler.

1 Sentýabr 2024

Sport

Altyn arzuwlaryň wysaly

«7/24.tm»:№36 (223) 02.09.2024     Yn­san, on­da-da ha­ky­ky dur­mu­şa in­di ga­dam bas­ma­ly ýaş yn­san gel­jek üçin ýü­re­gin­de asyl­ly ar­zuw­la­ry bes­le­giç bol­ýar. Şol ar­zuw­lar, gün­ler-aý­lar geç­di­gi­çe, kö­ňül­de-beý­ni­de bi­şip, gaý­nap, al­tyn ar­zuw­la­ra öw­rül­ýär.

1 Sentýabr 2024

Sport

Maniladan üç medal

Türkmenistanly türgenler Filippinleriň paýtagty Manilada 21 ýaşa çenli kadetleriň we ýetginjekleriň arasynda geçirilen karate boýunça 22-nji Aziýa çempionatynda bürünç medallaryň üçüsine mynasyp boldular. Aziýanyň karate federasiýasynyň we Bütindünýä karate federasiýasynyň guramagynda geçirilen ýaryşa 30 ýurtdan 561 türgen gatnaşdy. Aziýa çempionatynda Türkmenistanyň toparyna 10 türgen, 2 tälimçi we halkara derejeli eminleriň üçüsi wekilçilik etdi.

30 Awgust 2024

Sport

Möhüm synaglaryň bosagasynda

Watanymyzda sportuň sazlaşykly ösüşini gazanmak ugrunda durmuşa geçirilýän beýik işleriň netijesinde onuň gyşky görnüşlerine hem uly ähmiýet berilýär. Gahryman Arkadagymyzyň taýsyz tagallalary bilen şu ugry ösdürmek boýunça emele getirilen binýadyň hormatly Prezidentimiziň parasatly baştutanlygynda kemsiz üsti ýetirilip, türkmen türgenleriniň ýaşyl Tugumyzyň astynda halkara arenasyna çykmagy üçin zerur şert-mümkinçilikler döredilýär. Bu hakykat sportuň kýorling görnüşi boýunça milli mekdebimiziň gysga döwrüň dowamynda toplan tejribesinde hem-de aýgytly gadamlarynda aýdyň beýanyny tapýar. Sportuň ýaş görnüşidigine garamazdan, türkmen ýygyndysynyň iň uly ýaryşlaryň degişli diwizionyna çagyrylyp başlanmagy biziň toparymyzyň mümkinçiliklerine berlen ýokary bahadan nyşandyr. 16 – 24-nji awgust aralygynda Norwegiýanyň Lillehammer şäherinde geçirilen kýorling boýunça halkara okuw-türgenleşik ýygnanyşygynyň netijesi boýunça Bütindünýä kýorling federasiýasynyň ýolbaşçysyndan gelip gowşan hatda türkmen türgenleriniň bu çärä işjeň gatnaşygy, maksadaokgunlylygy hem-de başarjaňlygy tassyklanylýar. Türkmenistanyň Kýorling federasiýasyna ýollanan hatda türkmen topary şu ýylyň dekabrynda ýetginjek gyzlaryň arasynda geçiriljek dünýä çempionatynyň «B» diwizionyna gatnaşmaga çagyrylýar. Munuň özi türkmen ýaşlary üçin uly mümkinçilikdir. Çünki bu ýaryşda öňdäki bäşlige girmegi başaran ýygy

30 Awgust 2024

Sport

«Ar­ka­dag» to­pa­ry AFK-nyň Ça­gy­ryş li­ga­syn­da

Aziýanyň Futbol konfederasiýasynyň (AFC) Kuala-Lumpur şäherindäki ştab-kwartirasynda AFK-nyň Çagyryş ligasynyň bije çekişlik dabarasy geçirildi. Netijede, geçen möwsümde ýurdumyzyň futbol çempionatynyň ýeňijisi bolan «Arkadag» topary bu bäsleşigiň «B» toparçasynda çykyş etmäge mümkinçilik aldy. Türkmenistanyň çempionynyň toparçadaky garşydaşlary Kuweýtiň «Al-Arabi», Maldiw adalarynyň «Maziýa» hem-de Gyrgyz Respublikasynyň «Abdyş-Ata» toparlary bolar. «Al-Arabi» geçen möwsümde Kuweýtiň Premýer ligasynda ikinji orny eýeläp, yklymyň üçünji derejeli klublaýyn ýaryşynda çykyş etmäge mümkinçilik aldy. «Maziýa» bilen «Abdyş-Ata» toparlary bolsa öz ýurtlarynyň çempionlarydyr.

30 Awgust 2024

Sport

Ussatlyk ýolunda

Ýurdumyzda sportuň beýleki görnüşleri bilen birlikde, millionlaryň söýgüli oýny bolan futbolyň ösmegi, kämil futbolçylaryň kemala gelmegi babatda hem uly aladalar edilip, nusgalyk şert-mümkinçilikler döredilýär. Aşgabat we Arkadag şäherlerinde, welaýatlarda gurlup, ulanmaga berlen ajaýyp stadionlar bu hakykatyň aýdyň subutnamasydyr. Şeýle bolansoň, häzirki wagtda barha kämilleşýän futbolçylarymyzyň daşary ýurtlaryň toparlarynyň düzümine çagyrylmagy hem adaty ýagdaýa öwrüldi. Elbetde, şeýle çakylyklaryň gelmegi biziň türgenlerimiziň zehin taýdan tapawutlanýandygyny görkezýän aýratynlykdyr. Türkmenistanyň milli ýygyndysynyň ýarym goragçysy Teýmur Çaryýew hem şeýle futbolçylaryň biridir. Häzirki wagtda Gyrgyz Respublikasynyň «Abdyş-Ata» toparynda çykyş edýän ildeşimiz bilen sanly ulgamyň ösen mümkinçiliklerinden peýdalanmak arkaly guran söhbetdeşligimizi okyjylaryň dykgatyna hödürleýäris. – Teýmur, ilki bilen doglan, önüp-ösen ýeriň, futbola gadam goýşuň, ilkinji halypaň hakynda aýdaýsaň!

30 Awgust 2024

Sport

Okuw-maslahat geçirildi

29-njy awgustda Bilimler we talyp ýaşlar güni mynasybetli welaýatlaryň we Aşgabat şäheriniň bedenterbiýe we sport baradaky Baş müdirliginiň hünärmenleriniň, sport mekdepleriniň ýolbaşçylarynyň gatnaşmagynda onlaýn görnüşinde okuw-maslahat geçirildi. Türkmenistanyň Bedenterbiýe we sport baradaky döwlet komitetiniň kiçi mejlisler zalynda guralan maslahatda komitetiň sport mekdepleriniň işini we sport çärelerini guramak bölüminiň başlygy J.Jumaýew giriş sözi bilen çykyş etdi. Türkmen döwlet bedenterbiýe we sport institutynyň sportuň mediki-biologiki üpjünçilik kafedrasynyň uly mugallymy O.Ýalkapowanyň sport mekdeplerinde okuw-türgenleşik sapaklarynyň alnyp barylýan döwründe arassaçylyk düzgünleriniň berjaý edilmegine we dogry iýmitlenmegiň türgenleriň ösüşine ýetirýän täsiri baradaky çykyşy uly gyzyklanma bilen diňlenildi. Institutyň uly mugallymy O.Geldimyradowa okuw-türgenleşik sapaklary döwründe lukman we pedogogika gözegçilikleriniň ýola goýulmagy barada çykyş etdi. Şeýle hem welaýatlaryň, Aşgabat şäheriniň bedenterbiýe we sport baradaky Baş müdirlikleriniň ýanynda döredilen usulyýet toparlary tarapyndan alnyp barylmaly işler barada usulyýet kabinetiniň müdiri K.Işanow giňişleýin gürrüň berdi. Sport mekdeplerinde iş dolandyryş resminamalarynyň talabalaýyk alnyp barylyşy barada hem durlup geçildi.

30 Awgust 2024

Sport

«Se­na­gat­bank» ýe­ne-de öň ha­tar­da

Sport ýurduna öwrülen eziz Watanymyzda professional türgenler bilen birlikde, dürli ugurlarda zähmet çekýän raýatlarymyza hem sport bilen meşgullanmaga ähli mümkinçilikler döredilýär. Ýakynda Türkmenistanyň «Senagat» paýdarlar täjirçilik bankynyň guramagynda «Bank – 2024» ady bilen «Pähim-paýhas ummany Magtymguly Pyragy» ýylyna bagyşlanyp geçirilen kiçi futbol bäsleşigi hem bu hakykatyň aýdyň beýany boldy. Ýurdumyzyň bank ulgamynyň işgärleriniň arasynda guralan bäsleşik ýedi toparyň (Türkmenistanyň Merkezi banky, Türkmenistanyň Döwlet Ösüş banky, Türkmenistanyň «Daýhanbank» döwlet täjirçilik banky, Türkmenistanyň «Halkbank» paýdarlar täjirçilik banky, Türkmen-Türk paýdarlar täjirçilik banky, Türkmenistanyň «Rysgal» paýdarlar täjirçilik banky, Türkmenistanyň «Senagat» paýdarlar täjirçilik banky) gatnaşmagynda geçirildi. Ýaryşyň deslapky tapgyrynyň netijelerine görä, ökdeler öňe saýlandy. Ýarymfinal duşuşyklarynda «Senagatbank» topary uly hasap bilen Türkmen-Türk paýdarlar täjirçilik bankynyň toparyndan, Türkmenistanyň Merkezi bankynyň topary bolsa «Halkbankdan» üstün çykdylar.

30 Awgust 2024

Sport

Taryhda şu gün

Serbiýanyň Belgrad şäherinde guralan dünýä birinjiliginde 47 döwlete wekilçilik eden türgenleriň 686-sy baş baýrak ugrunda bäsleşdi. Suw görnüşleriniň dördüsi (suwda ýüzmek, sinhronlaýyn ýüzüş, suwa bökmek, suw pökgüsi) boýunça geçirilen dünýä birinjiliginde türgenleri dürli öwüşginli medallaryň 40-syny gazanan (15 altyn, 16 kümüş, 9 bürünç) ABŞ-nyň ýygyndysy toparlaýyn bäsleşikde birinji orny eýeledi. Ikinji, üçünji orunlarda degişlilikde Germaniýanyň (13-6-9) hem-de Italiýanyň (2-1-2) ýygyndy toparlary ornaşdylar.

30 Awgust 2024

Sport