"Esger" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-62-23, 38-60-09, 38-61-93
Email: esger-gazeti@sanly.tm

Gazeti PDF görnüşinde ýükläp almak

Habarlar

3 oýun­da myh­man­lar üs­tün çyk­dy

Fut­bol bo­ýun­ça ýur­du­my­zyň mil­li çem­pio­na­tyn­da 28-nji tap­gy­ryň 3 du­şu­şy­gy ge­çi­ril­di. Ge­çi­ri­len 3 du­şu­şyk­da-da myh­man­lar ýe­ňiş ga­zan­dy. «Al­tyn asyr» to­pa­ry myh­man­çy­lyk­da «Şa­ga­da­my» Se­lim Nur­my­ra­do­wyň 9-njy mi­nut­da­ky go­ly bi­len 1-0 ha­sa­byn­da ut­dy. Şol ha­sap «Merw» bi­len «Aha­lyň» ara­syn­da­ky oýun­da-da ha­sa­ba al­nyp, myh­man­lar Ib­ra­ýym Aman­gel­di­ýe­wiň 35-nji mi­nut­da­ky ýe­ke-täk go­ly esa­syn­da ýeň­şi­ni baý­ram et­di. Paý­tagt der­bi­sin­de-de «Aş­ga­bat» myh­man­çy­lyk­da «Kö­pet­dag» to­pa­ryn­dan 2-0 ha­sa­byn­da üs­tün çyk­dy. Gol­la­ry 25-nji mi­nut­da Beg­my­rat Pir­ku­ly­ýew bi­len 77-nji mi­nut­da Möw­lam­ber­di Goş­şa­now öz at­la­ry­na ýaz­dyr­dy.

1 Noýabr 2024

Sport

8 gol ge­çi­ril­se-de, ýe­ňiş ga­za­nan ýok

Ita­li­ýa­nyň çem­pio­na­tyn­da 9-njy tap­gyr­da «Ita­lia» der­bi­si oý­nal­dy. Ju­sep­pe Me­az­za sta­dio­nyn­da ge­çi­ri­len du­şu­şyk­da soň­ky çem­pi­on «In­ter» bi­len «Ýu­wen­tus» du­şuş­dy. Çe­ke­le­şik­li ge­çen oýun­da jan­kö­ýer­ler 8 go­luň şa­ýa­dy bol­sa­la­ram, du­şu­şyk­da ýe­ňiş ga­za­nan bol­ma­dy. 15-nji mi­nut­da Piotr Zie­lins­ki pe­nal­ti go­lun­dan «In­te­ri» öňe saý­la­dy. Ýö­ne 5 mi­nut­dan soň Du­şan Wla­ho­wiç ha­sa­by deň­le­di. 27-nji mi­nut­da bu ge­zek «Ýu­wen­tus» öňe geç­di. Bu go­ly Ti­mo­ti Wea der­we­zä gi­riz­di. 35-nji mi­nut­da tej­ri­be­li Mhi­tar­ýa­nyň go­ly bi­len «In­ter» ha­sa­by deň­le­di. 2 mi­nut­dan so­ňam ýe­ne-de Zie­lins­ki pe­nal­ti­ni dürs urdy we «In­ter» öňe saý­lan­dy. 2-nji ýa­ry­ma-da «In­ter» gol bi­len baş­la­dy. 51-nji mi­nut­da Den­zel Dumf­ris ara­ta­pa­wu­dy 2 go­la çy­kar­dy. Du­şu­şy­gyň 61-nji mi­nu­tyn­da «Ýu­wen­tus­da» Wea­nyň or­nu­na Ke­nan Ýyl­dyz oý­na gir­di. Ol 71-nji we 82-nji mi­nut­lar­da ta­pa­wut­la­nyp, to­pa­ry­ny ýeň­liş­den ha­las et­di. Du­şu­şyk 4-4 ha­sa­byn­da deň­lik­de ta­mam­lan­dy. «Ata­lan­ta» bol­sa öz meý­dan­ça­syn­da «We­ro­na­ny» 6-1 ha­sa­byn­da ýeň­di. Du­şu­şyk­da Re­te­gi bi­len Luk­man 2 gol ge­çir­di. «Fio­ren­ti­na» öz meý­dan­ça­syn­da paý­tag­tyň «Ro­ma­sy­ny» 5-1 ha­sa­byn­da ýeň­li­şe se­ze­war et­di. Du­şu­şyk­da Moý­za Ken 2 go­ly der­we­zä gi­riz­di. «Bo­lon­ýa» – «M

1 Noýabr 2024

Sport

«Bar­se­lo­na» öz re­kor­dy­na «Rea­lyň» şä­rik bol­ma­gy­na yg­ty­ýar ber­me­di

Is­pa­ni­ýa­nyň çem­pio­na­tyn­da 11-nji tap­gy­ryň mer­ke­zi oý­ny Mad­rid­de «Re­al» bi­len «Bar­se­lo­na­nyň» ara­syn­da oý­nal­dy. 258-nji res­mi «El Kla­si­ko­da» ýe­ňiş ka­ta­lon­la­ryň ta­ra­pyn­da bol­dy. 1-nji ýa­ry­my gol­suz ge­çen oýun­da «Bar­se­lo­na» ga­dym bäs­de­şi­ni 4-0 ha­sa­byn­da der­bi-da­gyn et­di. Gol­la­ry 54-nji we 56-njy mi­nut­lar­da Ro­bert Le­wan­dows­ki, 77-nji mi­nut­da Ýa­mal, 84-nji mi­nut­da-da Ra­fin­ýa ge­çir­di. Du­şu­şyk­da 8 ge­zek of­saý­ta dü­şen Mbap­pe 3-4 sa­ny örän amat­ly pur­sa­ty el­den gi­der­di. Onuň ge­çi­ren 2 go­ly-da of­saýt se­bäp­li ha­sa­ba alyn­ma­dy. Şun­luk­da, «Bar­se­lo­na» gar­şy­da­şy­ny 101-nji ge­zek ýeň­li­şe se­ze­war et­di. 42 oýun­dan bä­ri ýe­ňil­män gel­ýän «Re­al Mad­ri­diň» «La Li­ga­da» ýeň­liş­siz se­ri­ýa­sy ta­mam­la­nyp, ol şu du­şu­şyk­da-da ýe­ňiş ga­za­nan ýag­da­ýyn­da «Bar­se­lo­na­nyň» re­kor­dy­na şä­rik bol­ma­ly­dy. Ýö­ne Han­si Fli­kiň tä­lim­çi­li­gin­dä­ki «Bar­se­lo­na» re­kor­dyň paý­la­şyl­ma­gy­na rug­sat ber­me­di. «Bar­se­lo­na» to­pa­ry «Re­al Mad­ri­di» myh­man­çy­lyk­da şu asyr­da 7-nji ge­zek uly ha­sap bi­len ut­dy. Du­şu­şyk­da 3-nji go­ly ge­çi­ren La­min Ýa­mal «El Kla­si­ko­da» ta­pa­wut­la­nan iň ýaş fut­bol­çy bol­dy. Is­pa­ni­ýa­nyň çem­pio­na­tyn­da «Re­al Mad­rid­den» soň «At­le­ti­ko Mad­rid» hem ýeň­li­şe se­ze­war bol­dy. «Be­tis­den» Hi­me­ne­siň 4-nji mi­nut­da­

1 Noýabr 2024

Sport

Ten Ha­gyň or­nu­na Amo­rim

«Pre­mi­er Li­ga­nyň» we­ki­li «Man­çes­ter Ýu­naý­ted» baş tä­lim­çi­si Erik ten Ha­gyň we­zi­pe­sin­den bo­şa­dy­lan­dy­gy­ny res­mi ýag­daý­da ha­bar ber­di. Klub ta­ra­pyn­dan ber­len be­ýa­nat­da: «Erik ten Hag «Man­çes­ter Ýu­naý­te­diň» tä­lim­çi­si we­zi­pe­sin­den bo­şa­dyl­dy. Oňa sagbol­sun aý­dyp, mun­dan soň­ky iş­le­rin­de-de uly üs­tün­lik ar­zuw ed­ýä­ris» di­ýil­ýär. 2022-nji ýy­lyň maý aýyn­da «Man­çes­ter Ýu­naý­te­diň» tä­lim­çi­li­gi­ne bel­le­nen Ten Hag 1-nji möw­sü­min­de çem­pio­na­ty 3-nji orun­da ta­mam­la­dy. Kä­bir du­şu­şyk­lar­da güýç­li gar­şy­daş­la­ryn­dan uly ha­sap­ly utu­lan «Ýu­naý­ted» onuň tä­lim­çi­li­gin­de 2-nji möw­sü­mi­nde 8-nji ýe­ri eýe­le­di. Bu möw­sü­me-de 9 oýun­da 3 ýe­ňiş, 4 deň­lik bi­len baş­lan man­ku­ni­an­lar hä­zir­ki wagt­da 14-nji orun­da bar­ýar. Klub onuň tä­lim­çi­li­gin­de äh­li ýa­ryş­la­ry ha­sa­ba ala­nyň­da, 128 oýun ge­çir­di. Şo­la­ryň 70-sin­de ýe­ňiş ga­za­nyp, 35-sin­de utul­dy. 23 oýun­da-da deň­me-deň ne­ti­je­ler ha­sa­ba alyn­dy. «Man­çes­ter Ýu­naý­ted» Ten Ha­gyň tä­lim­çi­li­gin­de Li­ga Ku­bo­gy­ny (2022/23) hem-de FA Ku­bo­gy­ny (2023/24) ga­zan­dy.

1 Noýabr 2024

Sport

Hepdäniň esasy duşuşyklary

1-nji no­ýabr (an­na) Mo­na­ko – An­že (23:00)

1 Noýabr 2024

Sport

Sportuň peýdasy

Alym Arkadagymyz «Sport dostluga, saglyga we gözellige tarap ýoldur» atly kitabynda: «Häzirki zaman lukmançylygynda käbir näsaglyklary bejermekde sportuň hyzmaty uludyr. Esasan hem oňurga näsaglyklarynda beden türgenleşdiriji maşklardan peýdalanylmagy öz netijesini berýär» diýip, parasatly belleýär. Hakykatdan-da, tejribeleriň görkezişi ýaly, her bir ynsan näçe ýaşandygyna garamazdan, hereketde bolmalydyr. Hereketiň adam bedeniniň taplanmagynda, berkemeginde ähmiýeti uludyr. Pyýada ýöremek, suwda ýüzmek, ylgamak, tigir sürmek, gimnastika, aerobika we maşklar bilen meşgullanmak bedeniň taplanmagyna, adamyň immunitetiniň berkemegine   itergi berýär. Pyýada ýöremek beden we ruhy sagdynlyk üçin iň ýakymly we peýdaly maşkdyr. Pyýada ýöremek üçin tämiz howaly açyk meýdana çykmaly. Islendik hereketi 5 minutlap arkaýyn ýöremekden başlamaly.

31 Oktýabr 2024

Sport

Dünýä çempionatlarynda gazanylan üstünlikler

Ýurdumyzyň türgenleri ýakynda dürli ýurtlarda geçirilen dünýä çempionatlaryna gatnaşyp, ýokary netijeleri gazandylar. Munuň özi Gahryman Arkadagymyzyň asylly başlangyçlaryny üstünlikli dowam etdirýän hormatly Prezidentimiziň baştutanlygynda ýurdumyzda ýokary netijeli sportuň depginli ösüşiniň ýene bir güwäsi boldy. 23 — 28-nji oktýabr günlerinde Gresiýanyň Iraklion şäherinde jiu-jitsu boýunça geçirilen dünýä çempionatyna 72 ýurtdan 1 müňden gowrak türgen gatnaşdy. Halkara ýaryşda ildeşlerimiziň jiu-jitsunyň HIF kombat görnüşi boýunça çykyşlary örän şowly boldy. Türgenlerimiz şol ýaryşda jemi 21 medal gazandylar. Şolaryň 5-si altyn, 6-sy kümüş, 10-sy hem bürünç medallardyr.

31 Oktýabr 2024

Sport

Gahryman Arkadagymyzyň «Sport dostluga, saglyga we gözellige tarap ýoldur» atly kitabyndan:

— Sport biziň döwlet syýasatymyzyň iň ileri tutulýan ugurlarynyň biridir. Sporty ösdürmek döwletiň ählumumy ösüşleriniň esasy mazmunynyň beýanydyr. * * *

30 Oktýabr 2024

Sport

Sport — sagdynlyk we ruhubelentlik

Berkarar döwletiň täze eýýamynyň Galkynyşy döwründe ýurdumyzda hormatly Prezidentimiziň baştutanlygynda amala aşyrylýan giň gerimli özgertmeler ata Watanymyzyň bedew bady bilen öňe barýandygyny äleme buşlaýar. Hormatly Prezidentimiziň: «Bedenterbiýäni we sporty ösdürmek, raýatlarymyzyň saglygyny berkitmek, sagdyn bedenli nesilleri ýetişdirmek döwlet syýasatymyzyň ileri tutulýan ugurlarynyň biridir» diýip belleýşi ýaly, ýurdumyzda bedenterbiýäni we sporty ösdürmäge aýratyn uly üns berilýär. Garaşsyz, Bitarap Türkmenistan bu günki gün dünýäde iri sport ýaryşlarynyň geçirilýän ajaýyp merkezi hökmünde giňden tanalýar. Ýurdumyzda halkara derejeli birnäçe ýaryşlaryň geçirilmegi, döwrebap sport desgalarynyň gurlup ulanmaga berilmegi munuň aýdyň nyşanydyr. «Pähim-paýhas ummany Magtymguly Pyragy» ýylynyň uly üstünliklere beslenýän günlerinde ýurdumyzda hokkeý boýunça halkara ýaryşyň geçirilmegi, Garaşsyz Döwletleriň Arkalaşygynyň Hökümet Baştutanlarynyň Geňeşiniň Çözgüdine laýyklykda, Aşgabat şäheriniň «Arkalaşygyň täze sport mümkinçilikleriniň şäheri», Aziýanyň Tennis federasiýasy tarapyndan Olimpiýa şäherçesiniň Tennis toplumynyň «Tennis boýunça Aziýa sebitiniň okuw-türgenleşik merkezi» diýlip yglan edilmegi sport ulgamynda geçirilýän özgertmeleriň guwandyryjy netijeleridir.

30 Oktýabr 2024

Sport

Sport — parahatçylygyň ilçisi

Hormatly Prezidentimiziň Hökümetiň geçen hepdede geçirilen mejlisinde Birleşen Milletler Guramasynyň Baş Assambleýasynyň 78-nji mejlisinde Türkmenistanyň başlangyjy bilen kabul eden «Birleşen Milletler Guramasynyň oýunlary» atly Kararnamasynyň hormatyna 2-nji noýabrda sport çäresini geçirmek, hemmeleriň bilelikde sagdyn durmuş ýörelgesine eýerip, Saglyk ýolundan geçmegini guramak baradaky teklibi hyýallarymyzy talyplyk ýyllaryna alyp gitdi. Talyplygyň bäş ýylynda 8 kilometrlik belentli-pesli bu ýoly, gör, näçe gezek külterländiris. Daň säherde ýola düşüp, günortana ýakyn ýoly doly tamamlanymyzdan soň hem, ýadawlyk ýan-golaýymyza gelmezdi. Gaýtam, Saglyk ýolundan geçilen günleriň talyplygymyzyň iň işjeň günlerine öwrülendigi häli-häzirlerem ýadymda.

30 Oktýabr 2024

Sport

Sport

Gyzykly geçen ýaryşlar Daşoguz şäherindäki 4-nji sport mekdebinde Türkmenistanyň küşt federasiýasynyň guramagynda küşt boýunça Türkmenistanyň çempionatynyň saýlama tapgyry geçirildi. Onda welaýatymyzyň ussat küştçüleri özara güýç synanyşdylar. Ýaryşyň netijesine görä, zenanlaryň arasynda Daşoguz şäherindäki 1-nji sport mekdebiniň türgeni Sähra Saparmyradowa birinji, 4-nji sport mekdebiniň türgenleri Dünýägözel Rejepmuradowa bilen Jennet Nepesowa ikinji we üçünji orunlara mynasyp boldular. Erkekleriň arasynda gyzgalaňly döwlerde Daşoguz şäherindäki 4-nji sport mekdebiniň türgenleri Omarbek Ismailow birinji, Muhammetnur Baýgeldiýew ikinji, Daşoguz şäherindäki 1-nji sport mekdebiniň türgeni Myrat Ýakubow üçünji orunlary eýelediler. Ýeňiş gazanan türgenler Hormat hatlary we baýraklar bilen sylaglanyldy. Ýaryşda zenanlaryň we erkekleriň arasynda utuk hasaby boýunça güýçli türgenleriň onlugyna düşmegi başaran küştçüler Türkmenistanyň çempionatyna gatnaşmaga hukuk gazandylar.

30 Oktýabr 2024

Sport

Durmuşymyzyň zynaty

Beden we ruhy taýdan sagdyn, aň-paýhas taýdan kämil nesli kemala getirmek, sporty ösdürmek babatdaky giň gerimli aladalar ýurdumyzyň döwlet syýasatynyň esasy ugurlarynyň biridir. Türkmen halkynyň Milli Lideri Gahryman Arkadagymyzyň döwletli başlangyçlaryndan gözbaş alan bu asylly maksat mizemez ýörelgä öwrüldi. Bu ýörelge Arkadagly Gahryman Serdarymyzyň paýhasly baştutanlygynda täze taryhy eýýamda üstünliklere beslenýär. Çünki hormatly Prezidentimiziň örän jaýdar nygtaýşy ýaly, bedenterbiýe we sport jemgyýetiň sazlaşykly ösüşini üpjün edýär, adam häsiýetini kemala getirmekde möhüm orny eýeleýär. Sport adamda özüne ynamy, güýç-kuwwaty, ruhubelentligi terbiýeleýär. Diýmek, sport tutuş Diýarymyzy gurşap alan giň gerimli özgertmeleriň hereketlendiriji güýji bolup durýan sagdynlygyň, ruhubelentligiň berk binýadydyr. Şeýle durmuş hakykatlaryndan ugur alnyp,  ýurdumyzyň her bir raýatyny, aýratyn-da, ýaşlary bedenterbiýe we sport bilen meşgullanmaga giňden çekmekde, sagdyn durmuş ýörelgelerini wagyz etmekde netijeli işleriň gerimi giňeýär. Döwlet derejesinde şunuň ýaly aladalar bilen gurşalan ýaş nesilleriň türkmen sportunyň abraýyny belende götermek üçin tagallalaryny gaýgyrmaýandyklaryny bellemek gerek. Ýurduň egsilmez kuwwatyna, nurana geljegine deňelýän sagdyn nesilleriň kemala gelmeginde, durmuşymyzyň zynatyna öwrülen milli sportumyzyň möhüm ornuny pugtalandyrmakda uly alada

30 Oktýabr 2024

Sport

Ýüreklerde alkyş bar

Hormatly Prezidentimiz Serdar Berdimuhamedowyň 25-nji oktýabrda sanly ulgam arkaly geçiren Ministrler Kabinetiniň nobatdaky mejlisinde Türkmenistanyň başlangyjy bilen Birleşen Milletler Guramasynyň Baş Assambleýasynyň 78-nji mejlisinde «Birleşen Milletler Guramasynyň oýunlary» atly Kararnamanyň kabul edilendigi bilen baglylykda, 2-nji noýabrda sport çäresini geçirmegi, hemmeleriň bilelikde jemgyýet bolup, sagdyn durmuş ýörelgesine eýerip, Saglyk ýolundan geçmegi teklip etmegi ulus-ilimizde gyzgyn goldaw tapdy. Munuň özi Türkmenistanyň sportuň, sagdynlygyň we ruhubelentligiň mekanydygyny nobatdaky gezek dabaralandyrar. Hormatly Prezidentimiziň we Gahryman Arkadagymyzyň taýsyz tagallalary bilen, Watanymyzda sport-sagaldyş hereketi, köpçülikleýin bedenterbiýe sazlaşykly ösdürilýär, Aşgabatda we ýurdumyzyň sebitlerinde sport düzüminiň häzirki zaman desgalary gurulýar. Bu zatlar Türkmenistan Watanymyzyň halkara sport ýaryşlarynyň, Olimpiýa oýunlarynyň geçirilýän döwrebap merkeze öwrülmegine, ussat türgenleriň kemala gelmegine şert döredýär.

29 Oktýabr 2024

Sport

Woleýbol ýaryşy

Ak bugdaý etrabyndaky 2-nji orta mekdebiň sport zalynda «Türkmenistan» Ýaşlar bedenterbiýe-sport guramasynyň welaýat bölüminiň, etrabyň bedenterbiýe we sport bölüminiň hem-de etrap bilim bölüminiň bilelikde guramagynda okuwçy gyzlaryň arasynda woleýbol ýaryşy geçirildi. «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde geçen woleýbol ýaryşynyň etrap tapgyryna mekdeplerden toparlar gatnaşdy. Ýaryş çekeleşikli duşuşyklara baý boldy. Duşuşyklaryň netijesinde okuwçy gyzlaryň arasynda güýçli toparlar öňe saýlandy. Şeýlelikde, etrapdaky 25-nji orta mekdebiň topary birinji, 19-njy orta mekdebiň topary ikinji, 1-nji orta mekdebiň topary üçünji orny eýelemegi başardy. Ýeňiji topar ýaryşyň welaýat tapgyryna gatnaşmak hukugyna eýe boldy.

29 Oktýabr 2024

Sport

Sport — dostluk, sagdynlyk, ruhubelentlik

Berkarar döwletiň täze eýýamynyň Galkynyşy döwründe durmuşa geçirilýän beýik işler halkyň bähbidine gönükdirilýär. Türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň tagallalary bilen bu günki günde ýurdumyzyň halkara abraýy barha artýar. Mälim bolşy ýaly, şu ýylyň 6-njy sentýabrynda Birleşen Milletler Guramasynyň Baş Assambleýasynyň 78-nji sessiýasynda Türkmenistanyň başlangyjy bilen «Birleşen Milletler Guramasynyň oýunlary» atly Kararnamanyň kabul edilmegi möhüm ähmiýetli waka boldy. Hoşniýetlilik, parahatçylyk söýüjilik ýörelgelerine eýerýän hemişelik Bitarap Türkmenistan dünýäde beýik başlangyçlary öňe sürýär. Ähli adamzadyň parahat durmuşyna, dost-doganlyga gönükdirilen şeýle başlangyçlar dünýäniň gyzyklanmasyna, goldawyna eýe bolýar. Çünki olar röwşen geljegimiz üçin möhüm ähmiýete eýe bolan başlangyçlardyr. Hemişelik Bitarap Türkmenistan bu başlangyçlary öňe sürmek bilen nusgalyk işleri durmuşa geçirýär. Häzirki ajaýyp döwrümizde ýaş nesilleriň sagdyn durmuşda ýaşamagyna, sportuň ösdürilmegine giň mümkinçilikler döredilýär.

29 Oktýabr 2024

Sport

Ýetginjekler futbol meýdançasynda

Ýakynda 2009 ― 2010-njy ýyllarda doglan ýetginjekleriň arasynda futbol boýunça Türkmenabat şäherindäki 14-nji sport mekdebiniň açyk birinjiligi geçirildi. Ýaryşa welaýat merkezinden toparlaryň 8-si gatnaşdy. Has takygy, «Altyn ýyldyz» we «Köpetdag — Lebap» toparlarynyň her haýsyndan iki düzüm we «Owaz», «Watan», «Miras» hem-de «Nesil» toparlary birinjilik üçin ýaryşdylar. Aýlaw görnüşinde geçirilen ýaryşda birinji orny «Altyn ýyldyz» toparynyň birinji düzümi eýeledi. Halmuhammet Gurbanow tarapyndan tälim berilýän futbolçylar duşuşyklaryň aglabasyny uly hasaply ýeňiş bilen tamamladylar. Şawket Allaýarow tarapyndan tälim berilýän «Owaz» toparynyň ikinji orna mynasyp bolan ýaryşynda ilkinji üçlügi «Köpetdag — Lebabyň» birinji düzümi jemledi. Ýeňijilere ýaryşyň guramaçylary tarapyndan Hormat hatlary we gymmat bahaly sowgatlar gowşuryldy.

29 Oktýabr 2024

Sport

Türkmen sporty şöhratlanýar

Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda türkmen sportuny ösdürmek, ussat türgenleri taýýarlamak ugrunda toplumlaýyn özgertmeler amala aşyrylýar. Şunuň esasynda, häzirki wagtda eziz Watanymyzda sport ulgamyny ösdürmek boýunça uly işleriň alnyp barylýandygyny, bu işleriň bütin dünýäde giň goldawa eýe bolýandygyny, şeýle hem Türkmenistanyň dünýä derejesindäki sport ýaryşlarynyň geçirilýän merkezine öwrülendigini buýsançly nygtamak gerek. Şu ýylyň 6-njy sentýabrynda Birleşen Milletler Guramasynyň Baş Assambleýasynyň 78-nji sessiýasynda Türkmenistanyň başlangyjy bilen «Birleşen Milletler Guramasynyň oýunlary» atly Kararnamanyň kabul edilmegi ýurdumyz üçin örän uly abraýdyr. BMG-ä agza ýurtlaryň 87-si bu başlangyjy biragyzdan goldady. Garaşsyz Döwletleriň Arkalaşygynyň Hökümet Baştutanlarynyň Geňeşiniň Çözgüdine laýyklykda, şu ýyl Aşgabat şäheri «Arkalaşygyň täze sport mümkinçilikleriniň şäheri» diýlip yglan edildi. Bu bolsa Garaşsyz Watanymyzda sporty ösdürmek babatda alnyp barylýan işlere berlen ýokary bahadyr.

28 Oktýabr 2024

Sport

Ahal welaýatynyň küşt boýunça şahsy birinjiligi

Ak bugdaý etrabynyň sport mekdebinde zenanlaryň arasynda Ahal welaýatynyň küşt boýunça şahsy birinjiligi geçirildi. Oňa welaýatymyzyň etraplaryndan jemi 16 küştçi aýal-gyzlar gatnaşdy. Ýaryşyň ilkinji döwlerinden üstünlikli başlan Bäherden, Gökdepe, Tejen etraplarynyň küştçüleri, ahyrky netijelerini hem ýokary görkezijiler bilen tamamladylar.

28 Oktýabr 2024

Sport

«Arkadag» FK halkara ýaryşda ilkinji resmi ýeňşini gazandy

Ýurdumyzyň çempiony «Arkadag» topary resmi halkara ýaryşlaryndaky ilkinji ýeňşini gazandy. Has takygy, geçen hepdäniň şenbe güni geçirilen AFK-nyň Çagyryş ligasynyň «B» toparçasynyň 1-nji tapgyryndan orun alan duşuşykda ildeşlerimiz Maldiw adalarynyň «Maziýa» kluby bilen güýç synanyşdylar. Oýunda hasap 45-nji minutda garşydaş toparyň oýunçysy J.Kantillana tarapyndan açylan hem bolsa, Wladimir Baýramowyň şägirtleri ikinji ýarymda ýeňşi öz taraplaryna agdyryp bildiler. 67-nji minutda Didar Durdyýew kelle urgusy arkaly, hasaby deňledi. 76-njy minutda bolsa Altymyrat Annadurdyýew hem kellesi bilen derwezäni dürs nyşana aldy we türkmen toparyny hasapda öňe çykardy. Oýun 2:1 hasabynda «Arkadag» toparynyň peýdasyna tamamlandy. Şol gün «B» toparçadan orun alan Kuweýtiň «Al-Arabi» we Gyrgyz Respublikasynyň «Abdyş-Ata» klublary hem özara güýç synanyşdylar. Oýun 1:0 hasabynda gyrgyz toparynyň ýeňşi bilen gutardy. «Arkadag» topary indiki oýnuny 29-njy oktýabrda «Abdyş-Ata» bilen geçirer.

28 Oktýabr 2024

Sport

Kibersportyň örüsi giňeýär

Kibersport dünýäde soňky ýyllarda tiz depginde ösýän platformalaryň biridir. Bazar ykdysadyýetini seljermek bilen meşgullanýan «Statista» kompaniýasy 2025-nji ýylda kibersport oýunçylarynyň sany 318 milliona ýeter diýip çaklaýar. «Forbes» žurnaly bolsa 2024-nji ýylda bu pudagyň girdejisiniň 4,3 milliard amerikan dollaryna deň bolandygyny aýdýar. Ýeri gelende bellesek, kibersport tanymal türgenleri hem özüne çekýär. Muňa mysal hökmünde, «Mançester Siti» futbol klubunyň ozalky oýunçysy Serhio Agueronyň özüniň kibersport toparyny döredendigini, MBA-nyň 6 gezek çempiony Maýkl Jordanyň «aXiomatic Gaming» kibersport toparyna 26 million amerikan dollary möçberinde maýa goýandygyny bellemek bolar.

28 Oktýabr 2024

Sport