"Asudalygyň goragynda" žurnaly

Esaslandyryjysy: Türkmenistanyň Içeri işler ministrligi
Salgysy: Aşgabat şäheri, Magtymguly şaýoly, 85
Telefon belgileri: 93-00-81, 38-90-62

Žurnaly PDF görnüşinde ýükläp almak

Makalalar

Bedenterbiýe we sport — sagdyn durmuşyň gözbaşy

Saglyk ynsanyň bahasyna ýetip bolmajak baýlygydyr. Garaşsyz, hemişelik Bitarap döwletimizde sporta dostana gatnaşyklaryň ilçisi, halkymyzyň bagtyýar ýaşaýşynyň möhüm şertleriniň biri hökmünde aýratyn ähmiýet berilýär. Sagdyn durmuş ýörelgeleriniň ykrar edilmegine, köpçülikleýin bedenterbiýe-sagaldyş hereketini we ýokary netijeli sporty ösdürmäge gönükdirilen bimöçber aladalaryň netijesinde, ýurdumyzda bedenterbiýe, sport geljegi uly ugurlaryň hatarynda kesgitlenilýär. Her bir ynsanyň saglygy onuň ýurdunyň baýlygy bilen deňelýär. Diýarymyzda ilatyň ähli gatlaklaryna bedenterbiýe we sport bilen meşgullanmak mümkinçiligini kepillendirýän «Bedenterbiýe we sport hakynda» Türkmenistanyň Kanuny hereket edýär. Şu Kanun Türkmenistanyň raýatlarynyň sagdyn durmuş ýörelgesini kemala getirmäge gönükdirilip, ýurdumyzda bedenterbiýe we sport babatda esasy ýörelgeleri kesgitleýär, jemgyýetçilik gatnaşyklaryny düzgünleşdirýär hem-de işiň hukuk, guramaçylyk, ykdysady we durmuş esaslaryny belleýär.

5 Mart 2024

Sport

Pälwanlar ýeňiş bilen dolandylar

Welaýatymyzyň pälwanlary Aşgabat şäherinde kuraş boýunça ýaşlaryň arasynda geçirilen Türkmenistanyň birinjiliginde üstünlikli çykyş etdiler. Agram derejeleriniň 30-sy boýunça geçirilen ýaryşlarda welaýatymyzyň topary birinji orna mynasyp boldy. Ýaryşda ussat tälimçi Şirin Kubaýewanyň türgenleri Leýli Bahadurowa 48, Rozymeňli Meýmanowa 52 kilograma çenli agram derejelerinde altyn medallara mynasyp boldular. Leýli Ýusupowa 52, Kamila Zakirowa 63, Ataniýaz Amangeldiýew 90 kilograma çenli agram derejelerinde ikinji orny eýelediler. Dünýägözel Babaniýazowa 48, Gunça Nurgeldiýewa 70, Leýla Rahmanowa 78, Jamşiddin Ismatow we Şatlyk Hemraýew 100 kilograma çenli agramdaky türgenleriň arasynda bürünç medallara mynasyp boldular.

5 Mart 2024

Sport

Welaýatyň çempionaty geçirildi

Türkmenabat şäherindäki 10-njy sport mekdebinde woleýbol boýunça welaýatymyzyň çempionaty guraldy. Ýaryşda 2008 — 2009-njy ýyllarda doglan oglanlardan düzülen toparlar özara duşuşdylar. Ýaryşyň netijeleri boýunça welaýat merkezimiziň Türkmenabat — 2 topary çempionlygy gazandy. Toparyň düzüminde Türkmenabat şäherindäki 9-njy sport mekdebiniň türgenleri Kerim Allanazarow, Atajan Döwletow, Orun Gylyjow, Myrat Hydyrkulow, Nepes Meňliýew, Alihan Merdanow, Kakajan Metdiýew, Meýlis Seýidow, Arslan Seýtiýew, Allanur Meredow dagy çykyş etdiler. Woleýbolçylary ýaryşa ussat tälimçi Ahmet Jankulyýew taýýarlady. Ýaryşyň ikinji baýrakly ornuny çärjewli türgenler eýelediler. Türkmenabadyň birinji topary üçünji orna mynasyp boldy. Ýeňijiler welaýat bedenterbiýe we sport baradaky baş müdirligi tarapyndan Hormat hatlary bilen sylaglanyldylar.

5 Mart 2024

Sport

Wagyz-nesihat duşuşygy

Sport — ýaşlaryň gujurly güýji Golaýda etrapdaky 2-nji sport mekdebinde TMÝG-niň etrap geňeşiniň, Türkmenistanyň ylym we bilim işgärleriniň kärdeşler arkalaşyklarynyň ilkinji guramalarynyň başlyklarynyň etrap geňeşiniň, etrap bedenterbiýe we sport bölüminiň bilelikde guramagynda “Sport — ýaşlaryň gujurly güýji” atly wagyz-nesihat duşuşygy geçirildi.

5 Mart 2024

Sport

Sport

Çekeleşikli geçdi Hormatly Prezidentimiziň taýsyz tagallalary netijesinde ýurdumyzyň ähli künjeklerinde döwrebap sport desgalary, sport mekdepleri gurlup, ulanylmaga berilýär. Ýurdumyzda sagdynlygyň we bagtyýarlygyň sakasy bolan sport bilen meşgullanmak sagdyn durmuş kadalaryny berjaý etmek esasy ýörelgämize öwrüldi.

5 Mart 2024

Sport

Sport

Basketbolçylarymyzyň ýeňşi Berkarar döwletiň täze eýýamynyň Galkynyşy döwründe ýurdumyzda ähli ugurlar bilen bir hatarda, sport ulgamyna hem uly üns berilýär. Welaýat bedenterbiýe we sport baradaky baş müdirliginiň Mary şäherindäki 5-nji sport mekdebinde sportuň futbol, basketbol, ýeňil atletika, grek-rim göreşi, erkin göreş, kikboksing, çeper gimnastika, suwda pökgi oýnamak, taekwon-do ITF görnüşleri boýunça türgenleriň onlarçasy tälim alýar. Sportuň basketbol görnüşi boýunça tälimçi-mugallym Ahmet Ýusupowyň tälimçilik etmeginde onuň türgenleri hem ýaryşlarda şowly çykyş edýärler.

5 Mart 2024

Sport

Sport

Welaýatyň çempionaty geçirildi Ýakynda Baýramaly etrabyndaky 1-nji sport mekdebinde sportuň hapkido görnüşi boýunça Mary welaýatynyň çempionaty geçirildi. Oňa Mary, Baýramaly şäherlerinden, Mary, Baýramaly, Ýolöten, Wekilbazar etraplaryndan 100-den gowrak türgenler gatnaşdylar. Welaýat bedenterbiýe we sport baradaky baş müdirliginiň guramagynda geçirilen ýaryşda türgenler öz ussatlyklaryny görkezdiler.

5 Mart 2024

Sport

Iň güýçli düzzümçiler anyklanyldy

Türkmenabat şäherindäki 13-nji sport mekdebinde 14 ýaşa çenli ýetginjekleriň arasynda düzzüm boýunça welaýatymyzyň birinjiligi geçirildi. Birinjilige Türkmenabat şäherinden, Çärjew we Kerki etraplaryndan türgenleriň 30-a golaýy gatnaşdy. Şahsy görnüşde geçirilen ýaryşda gyzlaryň arasynda Türkmenabat şäherindäki 9-njy orta mekdebiň okuwçysy D.Jumaniýazowa iň ýokary netijäni gazandy. Şol mekdepden S.Maşaripowanyň ikinji orny eýelän ýaryşynda Saýat etrabyndaky 29-njy orta mekdebiň okuwçysy S.Arslanowa hormat münberiniň üçünji basgançagyna çykdy.

4 Mart 2024

Sport

Körpe şaşkaçylaryň ýaryşynda

Ýakynda 64 öýjükli şaşka boýunça 8 ― 12 ýaşa çenli oglan-gyzlaryň arasynda welaýatymyzyň birinjiligi geçirildi. Ýaryşa Türkmenabat şäherinden, Dänew we Darganata etraplaryndan 50-den gowrak türgen gatnaşdy. 8 ýaşa çenli oglanlaryň arasynda geçirilen ýaryşda Dänew etrabyndan gelen Ramazan Nowruzow hemmelerden öňe saýlanmagy başardy. Türkmenabatly çagalar Rahman Karýagdyýew bilen Dawut Rozykulyýew bolsa ikinji we üçünji orunlary paýlaşdylar.

4 Mart 2024

Sport

Berkarar döwletiň täze eýýamynyň Galkynyşy döwrüniň nesilleri

Ak bugdaý etrabyndaky ýöriteleşdirilen 46-njy orta mekdepde 2008 — 2010-njy ýyllarda doglan mekdep okuwçylarynyň arasynda sportuň stol üstündäki tennis görnüşi boýunça ýaryş geçirildi. “Berkarar döwletiň täze eýýamynyň Galkynyşy döwrüniň nesilleri” atly sport bäsleşikleriniň çägindäki bu ýaryşa etrapdaky orta mekdeplerden toparlar gatnaşdy. “Türkmenistan” Ýaşlar bedenterbiýe-sport guramasynyň welaýat bölüminiň, etrap bilim bölüminiň hem-de jemgyýetçilik guramalarynyň bilelikde guramagynda geçen ýaryş güýçli toparlary öňe saýlady. Onuň netijesinde okuwçy gyzlaryň arasynda 16-njy, 1-nji, ýöriteleşdirilen 46-njy orta mekdepleriň toparlary degişlilikde birinji, ikinji, üçünji orunlary eýelediler. Okuwçy oglanlaryň arasyndaky ýaryşda 1-nji orta mekdebiň topary birinji, ýöriteleşdirilen 45-nji orta mekdebiň topary ikinji, 16-njy orta mekdebiň topary üçünji orna mynasyp boldular.

4 Mart 2024

Sport

Ar­ka­dag şä­he­ri — sport şäheri

«7/24. tm» №10 (197), 04.03.2024 Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de äh­li ul­gam­lar bi­len bir ha­tar­da ylym, bi­lim, sport ul­ga­myn­da uly sep­git­le­re ýe­til­ýär. Be­dew ba­dy bi­len öňe bar­ýan Türk­me­nis­tan döw­le­ti­miz hal­ka­ra ser­gi­le­riň, yl­my-ama­ly mas­la­hat­la­ryň, hal­ka­ra iri sport ýa­ryş­la­ry­nyň ge­çi­ril­ýän mer­ke­zi­ne öw­rül­di.

4 Mart 2024

Sport

Üstünlikli tamamlanan wo­leý­bol ýa­ry­şy

«7/24. tm» №10 (197), 04.03.2024 2008 — 2010-njy ýyl­lar ara­ly­gyn­da dog­lan mek­dep okuw­çy­la­ry­nyň ara­syn­da «Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rü­niň ne­sil­le­ri» at­ly sport ýa­ryş­la­ry­nyň çäk­le­rin­de gu­ra­lan wo­leý­bol bo­ýun­ça bäs­le­şik­ler ta­mam­lan­dy. Ar­ka­dag şä­he­ri­niň og­lan­lar we gyz­lar to­par­la­ry­nyň ara­syn­da ge­çi­ri­len wo­leý­bol ýar­yşyn­da Ar­ka­dag şä­he­ri­niň mek­dep okuw­çy­la­ry öz ukyp-ba­şar­nyk­la­ry­ny gör­kez­di­ler.

4 Mart 2024

Sport

Türkmenistan — sport ýurdy

«7/24. tm» № 10 (197), 04.03.2024 Türk­me­nis­ta­nyň çem­pio­ny «Ar­ka­dag» fut­bol klu­by Gyr­gyz Res­pub­li­ka­sy­nyň çem­pio­ny «Ab­dyş-Ata» to­pa­ry bi­len ýol­daş­lyk du­şu­şy­gy­ny ge­çir­di.

3 Mart 2024

Sport

Geljegiň oýunlary

«7/24. tm» № 10 (197), 04.03.2024 2024-nji ýy­lyň 21-nji few­ra­lyn­dan 3-nji mar­ty­na çen­li ara­lyk­da Ka­zan şä­he­rin­de do­wam eden «Gel­je­giň oýun­la­ry» at­ly hal­ka­ra sport ýa­ry­şy üs­tün­lik­li ta­mam­lan­dy. Ka­zan şä­he­rin­de bu iri sport ýa­ry­şy­nyň ýap­ylyş da­ba­ra­sy ge­çi­ri­lip, ol uly şow­hu­na bes­len­di.

3 Mart 2024

Sport

Fut­bol­da gök duý­du­ryş pe­tek­le­ri ha­çan ula­ny­lyp baş­la­nar?

«7/24. tm» № 10 (197), 04.03.2024 Hal­ka­ra fut­bol fe­de­ra­si­ýa­sy­nyň met­bu­gat gul­lu­gy fut­bo­la gök pe­tek­le­riň gi­ri­zil­me­gi ha­kyn­da ha­bar­la­ry wag­tyn­dan ir ber­len ha­bar­lar di­ýip ha­sap­la­ýar. Mä­lim bol­şy ýa­ly, Fut­bol as­so­sia­si­ýa­la­ry­nyň hal­ka­ra ge­ňe­şi (IFAB) oý­na gök pe­tek­le­ri gi­riz­mek is­le­ýär, şeý­le duý­du­ryş alan oýun­çy­la­ra 10 mi­nut­lyk oýun­dan çy­ka­ryl­mak ar­ka­ly çä­re gö­rül­ýär. Ha­bar ber­li­şi­ne gö­rä, 9-njy few­ral­da gök pe­tek­le­ri ýa­ryş­lar­da sy­nag edip gör­mek ka­ra­ry­na ge­lin­di. Il­ki­ba­da olar ze­nan­la­ryň we ýaş­la­ryň fut­bol oýun­la­ryn­da, şeý­le hem pes li­ga­lar­da ula­ny­lar.

3 Mart 2024

Sport

Paýtagtyň açyk birinjiligi

Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly baştutanlygynda jemgyýetde sagdyn durmuş ýörelgelerini ornaşdyrmakda, köpçülikleýin bedenterbiýäni we sporty ösdürmekde giň gerimli işler alnyp barylýar. Ýaşlar sportuň dürli görnüşleri bilen köpçülikleýin meşgullanyp, uly üstünlikleri gazanýarlar. 26-27-nji fewralda sport gimnastikasy, akrobatika we batutda bökmek boýunça Aşgabat şäheriniň açyk birinjiligi geçirildi. Aşgabat şäheriniň bedenterbiýe we sport baradaky Baş müdirliginiň 7-nji sport mekdebinde guralan bäsleşige 2006-njy ýylda doglan we ondan kiçi ýaşly türgenleriň 70-den gowragy gatnaşdy.

2 Mart 2024

Sport

Pähim-paýhas bäsleşigi

26-njy fewralda Daşogzuň 4-nji sport mekdebinde küşt boýunça Türkmenistanyň çempionatynyň birinji ligasynyň duşuşyklary tamamlandy. Şweýsar usulyndaky ýaryşlar 11 tapgyrda geçirildi. Oňa 56 küştçi gatnaşdy. Ýurdumyzyň iň abraýly ýaryşlarynyň biri hasaplanylýan bäsleşikde Türkmenistanyň Döwlet serhet gullugynyň harby gullukçysy Allaýar Şirliýew (FIDE/Elo reýtingi — 2111) ýeňiji boldy. Ol 11 utukdan 9-syny gazandy. Toplan utuklarynyň sany Allaýaryňky bilen deň bolan Türkmenistanyň zenanlar ýygyndy toparynyň Daşoguz şäherinden bolan tälimçisi Şahruh Turaýew (reýtingi – 2183) ikinji orny eýeledi. Ol diňe goşmaça görkezijileri boýunça Allaýardan yza galdy.

2 Mart 2024

Sport

Saýlama ýaryşyň bosagasynda

Ýurdumyzda Gahryman Arkadagymyzyň döwrebap başlangyçlary bilen başlanan sporty ösdürmek, ýaşlaryň sport bilen meşgullanmaklary üçin ajaýyp şertleri döretmek boýunça uzak geljegi nazarlaýan maksatnamalaýyn işler Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň parasatly baştutanlygynda üstünlikli dowam etdirilýär. Türkmenistanyň Bedenterbiýe we sport baradaky döwlet komitetiniň hem-de Türkmenistanyň Boks federasiýasynyň türgenleriniň 2024-nji ýylda Fransiýa Respublikasynyň Pariž şäherinde geçiriljek XXXIII tomusky Olimpiýa oýunlaryna gatnaşmagy we üstünlikli çykyş edip, ýokary netijeleri gazanmagy boýunça meýilnamalaýyn işler alnyp barylýar.

2 Mart 2024

Sport

Çekeleşikli tutluşyklar

Türkmen döwlet bedenterbiýe we sport institutynyň sport zallarynda sportuň dürli görnüşleri boýunça dürli derejeli ýaryşlary geçirmek asylly däbe öwrüldi. Ine, ýakynda bu ýerde kuraş boýunça Türkmenistanyň çempionatynyň jemleýji tapgyry tamamlandy. Çekeleşikli pursatlary özünde jemlän ýaryşda ýer eýeleriniň — ýokary okuw mekdebimiziň talyp pälwanlarynyň ikisi hormat münberiniň ýokarky basgançagyna çykmagy başardy. 66 kg agramda Döwlet Hemrakulyýew, 73 kg agramda Ilýas Muhammedow ýeňiji boldular.

2 Mart 2024

Sport

Mekdep okuwçysynyň medaly

22 — 25-nji fewralda Birleşen Arap Emirlikleriniň Fujeýra şäherinde geçirilen «Karate 1 — Ýaşlaryň ligasy» halkara ýaryşda Türkmenistanyň ýygyndy toparynyň düzüminde 25 türgen çykyş etdi. Bäsleşige 78 döwletden 2000-den gowrak türgen gatnaşdy. Ahal welaýatynyň Ak bugdaý etrabynyň 16-njy orta mekdebiniň 9-njy synp okuwçysy Gurbannazar Amandurdyýew kumite boýunça 52 kg agramda çykyş edip, bürünç medala eýe boldy. Ol birinji duşuşygynda Gazagystan Respublikasynyň türgenini ýeňip, ikinji duşuşykda Amerikanyň Birleşen Ştatlarynyň wekilinden asgyn geldi. Gurbannazar üçünji duşuşykda Hindistan Respublikasynyň, dördünji duşuşykda Iordaniýa döwletiniň, bäşinji duşuşykda Müsür Arap Respublikasynyň, altynjy duşuşykda bolsa Gazagystan Respublikasynyň türgenlerinden üstün çykdy.

2 Mart 2024

Sport