"Asudalygyň goragynda" žurnaly

Esaslandyryjysy: Türkmenistanyň Içeri işler ministrligi
Salgysy: Aşgabat şäheri, Magtymguly şaýoly, 85
Telefon belgileri: 93-00-81, 38-90-62

Žurnaly PDF görnüşinde ýükläp almak

Makalalar

Taryhda şu gün

1896-njy ýylyň 6-njy aprelinde ilkinji gezek guralan häzirki zaman Olimpiýa oýunlarynyň açylyş dabarasy boldy. Gresiýanyň paýtagty Afiny şäheriniň «Mermer» stadionynda geçirilen açylyş dabarasyna 80 müň tomaşaçynyň gatnaşandygyny bellemek gerek. Halkara Atletik kongresiniň 1894-nji ýylyň 23-nji iýunyndaky ýygnagynda antik döwrüniň oýunlaryny dikeltmek barada Pýer de Kuberteniň teklibi gyzgyn goldaw tapýar. Ýygnagyň dowamynda ilkinji Oýunlary Gresiýa ynanmak barada ylalaşyga gelinýär. 6 – 15-nji aprel aralygynda geçirilen Oýunlara 14 döwlete (Awstraliýa, Bolgariýa, Beýik Britaniýa, Germaniýa, Gresiýa, Daniýa, Italiýa, ABŞ, Fransiýa, Çili, Şweýsariýa, Şwesiýa, Awstriýa, Wengriýa) wekilçilik eden türgenleriň 241-si gatnaşmaga isleg bildirýär. Türgenler sport görnüşleriniň 9-synda (nusgawy grek-rim göreşi, welobäsleşik, gimnastika, ýeňil atletika, suwda ýüzmek, tüpeňden ok atmak, tennis, agyr atletika, gylyçlaşmak) medal sanawynyň 43-si ugrunda bäsleşýärler. ***

5 Aprel 2024

Sport

Ýeňiş bilen Tejenden Türkmenabada

Türkmenabat şäherindäki 14-nji sport mekdebiniň «Altyn ýyldyz» futbol topary 2010-njy ýylda doglan ýetginjekleriň arasynda Tejen şäherinde geçirilen Ahal welaýatynyň açyk birinjiligine gatnaşyp, Türkmenistanyň Futbol federasiýasynyň kubogyna we altyn medala mynasyp boldy. Mekdebiň tälimçi-mugallymy Halmuhammet Gurbanowyň şägirtleri Ahal, Daşoguz, Mary welaýatlaryndan we Aşgabat şäherinden gatnaşan toparlaryň arasynda iň ýokary netijäni görkezmegi başardylar. Duşuşyklarda Ahal welaýatyna wekilçilik eden «Tejen» toparyny 2:0, Daşoguzyň «Nesil» toparyny 5:0, Mary welaýatynyň «Ýaşlyk» toparyny 1:0 hasabynda ýeňen lebaply futbolçylar diňe paýtagtymyzyň «Garagum» toparyndan 1:3 hasabynda asgyn geldiler. Muňa garamazdan, garşydaş toparlaryň özara duşuşyklarda utuk ýitirmegi bilen, bir aýlawdan ybarat bolan ýaryşda birinjilik Lebap welaýatyndan baran futbolçylara nesip etdi.

5 Aprel 2024

Sport

Köpçülikleýin bedenterbiýe maşklary giňden ýaýbaňlandyrylýar

Halkyň arasynda bedenterbiýe we köpçülikleýin sport hereketlerini ýaýbaňlandyrmak, sagdyn durmuş ýörelgesini wagyz etmek, berk bedenli, sagdyn ruhly ýaşlary kemala getirmek ýurdumyzda döwlet syýasatynyň ileri tutulýan ugurlarynyň biridir. Şu nukdaýnazardan ugur alnyp, indi her ýyl ýurdumyzda giňden ýaýbaňlandyrylýan Bütindünýä saglyk gününiň dabaralary dürli sport çäreleri, ýörüşler, sport ýaryşlary, çempionatlar we köpçülikleýin bedenterbiýe maşklary bilen utgaşýar. Bütindünýä saglyk güni mynasybetli welaýatymyzyň çägindäki edara-kärhanalarda hem bedenterbiýe maşklary giňden ýaýbaňlandyryldy. Olara  dürli ulgamlarda, halk hojalygynyň ähli pudaklarynda zähmet çekýän işgärler, talyp ýaşlar, mekdep okuwçylary we beýleki raýatlar işjeň gatnaşdylar.

5 Aprel 2024

Sport

Talyplar ylgaw ýodasynda

Bütindünýä saglyk güni mynasybetli Türkmenabat şäherindäki köpugurly sport toplumynda welaýat bedenterbiýe we sport baradaky baş müdirliginiň guramagynda estafeta ýaryşy geçirildi. Oňa welaýatymyzyň ýokary, ýörite we orta hünär okuw mekdepleriniň talyplaryndan düzülen toparlar gatnaşdylar. Oglanlaryň arasynda guralan ýaryşda Seýitnazar Seýdi adyndaky Türkmen döwlet mugallymçylyk institutynyň türgenleri birinji orna mynasyp boldular. Türkmenabadyň lukmançylyk orta okuw mekdebiniň topary ikinji, Türkmenabadyň Agrosenagat orta hünär mekdebiniň topary üçünji orunlary eýelediler. Gyzlaryň arasynda guralan ýaryşlarda Türkmenabadyň Agrosenagat orta hünär mekdebiniň talyplary birinji, Türkmenabadyň lukmançylyk orta okuw mekdebiniň gyzlary ikinji we Seýitnazar Seýdi adyndaky Türkmen döwlet mugallymçylyk institutynyň talyplary üçünji orunlara mynasyp boldular. Ýeňijilere Türkmenistanyň Kärdeşler arkalaşyklarynyň welaýat birleşmesi, Türkmenistanyň Demokratik partiýasynyň welaýat komiteti we Türkmenistanyň Magtymguly adyndaky ýaşlar guramasynyň welaýat geňeşi tarapyndan sowgatlar gowşuryldy.

5 Aprel 2024

Sport

Şäheriň birinjiligi geçirildi

Sport mekdebimizde sambo we söweş sambosy, dzýudo, kuraş boýunça Türkmenabat şäheriniň birinjiligini almak ugrunda ýaryş guraldy. Oňa welaýat merkeziniň sport mekdeplerinde tälim alýan ýaş pälwanlaryň 250-den gowragy gatnaşdy. 2011 — 2012-nji ýyllarda doglan ýetginjekleriň arasynda guralan ýaryşlarda oglan-gyzlar agram derejeleriniň 7-si boýunça ukyp-başarnyklaryny görkezdiler. Çekeleşikli we gyzgalaňly häsiýete eýe bolan tutluşyklarda sport mekdebimiziň türgenleri baýrakly orunlaryň aglabasyny eýelediler. Olardan Merjen Açilowa, Firangiz Karýagdyýewa, Şatlyk Gurbanow, Serdar Şeripow, Myrat Maksadow, Döwletjan Röwşenow dagy öz agram derejelerinde birinjiligi gazandylar. Ýaryşyň dowamynda Türkmenabat şäherindäki 7-nji sport mekdebiniň ussat tälimçisi Şirin Kubaýewanyň türgenleri Zuhra Babamuradowa we Dünýägözel Rozynýazowa hem öz agram derejelerinde öňdeligi elden bermediler. Ýeňijiler degişli medallar we Hormat hatlary bilen sylaglanyldylar.

5 Aprel 2024

Sport

Sport

Gyzykly geçen tutluşyklar Welaýat bedenterbiýe we sport baradaky Baş müdirliginiň guramagynda Görogly etrabyndaky 2-nji sport mekdebinde türkmen milli göreşi boýunça ýaşlaryň arasynda welaýatyň çempionaty geçirildi. Ýaryşa Akdepe, Görogly, Köneürgenç, Ruhubelent, Saparmyrat Türkmenbaşy etraplaryndan deslapky saýlama ýaryşlarda ýeňiji bolan pälwanlar gatnaşdylar.

5 Aprel 2024

Sport

Sport

Giň gerime eýe bolýan ýaryşlar Berkarar döwletiň täze eýýamynyň Galkynyşy döwründe hormatly Prezidentimiziň Türkmenistan döwletimizde köpçülikleýin bedenterbiýäni we sporty ösdürmek baradaky görkezmelerini durmuşa geçirmek maksady bilen, Daşoguz şäheriniň orta mekdepleriniň 2008 — 2010-njy ýyllarda doglan  okuwçy oglanlarynyň  arasynda «Berkarar döwletiň täze eýýamynyň Galkynyşy döwrüniň nesilleri» ady bilen sportuň erkin göreş görnüşi boýunça şäher birinjiligi geçirildi. Ony «Türkmenistan» Ýaşlar bedenterbiýe sport guramasynyň welaýat bölümi welaýatyň bedenterbiýe we sport baradaky Baş müdirligi, welaýat Baş bilim müdirligi bilen bilelikde guradylar. Aýlaw esasynda geçirilen bu ýaryşda ýaşajyk türgenler 38,41,44,48,52,57,62,68,75 kilogram agram derejelerde bäsleşdiler. Şeýlelikde, 38 kg agram derejede Daşoguz şäherindäki 16-njy orta mekdepden Sanjar Hamidow, 41 kg agram derejede 23-nji orta mekdepden Muhammet Saryýew hem-de 44 kg agram derejede Nadirbek Mamedow, 48 kg agram derejede 16-njy orta mekdepden Arslan Toýlyýew, 52 kg agram derejede 28-nji orta mekdepden Kemran Jumaniýazow, 57 kg agram derejede 16-njy orta mekdepden Ahmet Açilow, 68 kg agram derejede 30-njy orta mekdepden Behruz Atajanow, 75 kg agram derejede 28-nji orta mekdepden Ýerlan Aliýew dagy bi

5 Aprel 2024

Sport

Ökdeler öňe saýlandylar

Welaýat Baş bilim müdirliginiň, «Türkmenistan» ýaşlar bedenterbiýe-sport guramasynyň Daşoguz şäher bölüminiň, ylym we bilim işgärleriniň KA-nyň Daşoguz şäher geňeşiniň bilelikde guramagynda Daşoguz şäherindäki 15-nji orta mekdepde orta mekdepleriň mugallymlarynyň arasynda woleýbol boýunça şäher birinjiligi ugrunda ýaryş geçirildi. Gyzykly geçen ýaryşda ökdeler öňe saýlandylar. Onda daşary ýurt dillerine ýöriteleşdirilen 2-nji orta mekdebiň topary öz ukyp-başarnyklaryny görkezip, birinji orny eýelemegi başardylar. 34-nji orta mekdebiň topary ikinji, daşary ýurt dillerine ýöriteleşdirilen 23-nji orta mekdebiň mugallymlary üçünji orna mynasyp boldular.

5 Aprel 2024

Sport

«Baýer» çempionlyga barha golaýlaýar

Ger­ma­ni­ýa­nyň çem­pio­na­tyn­da sa­na­wyň ýeň­liş­siz li­de­ri «Ba­ýer» bu de­re­je­si­ni soň­ky mi­nut­lar­da hem bol­sa go­ra­ma­gy ba­şar­dy. Öz meý­dan­ça­syn­da «Hof­fen­haý­my» ka­bul eden «Ba­ýer» to­pa­ry 33-nji mi­nut­da Mak­si­mil­li­an Ba­ýe­riň go­lu­na alaç ta­pyp bil­me­di. Ýer eýe­le­ri­ne bu go­la jo­gap ber­mek ýe­ňil düş­me­di. 88-nji mi­nut­da And­rih bi­len ha­sa­by deň­län le­wer­ku­zen­li­le­re ýe­ne-de Pat­rik Şik 90+1-nji mi­nut­da ge­çi­ren go­ly bi­len ýe­ňiş ge­tir­di. Şun­luk­da, «Ba­ýe­riň» ýe­ňil­me­zek­li­gi 39 oý­na çyk­dy. Tap­gy­ryň iň esa­sy oý­nun­da, «Der Klas­si­ker» du­şu­şy­gyn­da «Ba­wa­ri­ýa» öz meý­dan­ça­syn­da «Bo­rus­si­ýa Dort­mund­dan» 2–0 ha­sa­byn­da utul­dy. 5 ýyl­dan soň gar­şy­da­şy­ny il­kin­ji ge­zek ýe­ňen dort­mund­ly­la­ryň gol­la­ry­ny Ade­ýe­mi bi­len Rýuer­son ge­çir­di. «Bo­rus­si­ýa» to­pa­ry «Ba­wa­ri­ýa­ny» 10 ýyl­dan soň il­kin­ji ge­zek myh­man­çy­lyk­da ýe­ňip, umu­my­lyk­da 11 du­şu­şyk­dan soň ýeň­li­şe se­ze­war et­di. Bu ýeň­liş­den soň «Ba­ýer» «Ba­wa­ri­ýa­dan» 13 utuk öňe saý­la­nyp, ga­lan 7 oý­nuň 3-sin­de ga­

5 Aprel 2024

Sport

Ger­ma­ni­ýa­da hem-de Fran­si­ýada ku­bok ýa­ry­şy­nyň fi­nal­çy­la­ry bel­li bol­dy

Ger­ma­ni­ýa­nyň Ku­bo­gy ýa­ry­şy­nyň fi­na­lyn­da «Kai­zers­lau­tern» bi­len «Ba­ýer» to­par­la­ry du­şu­şar­lar. «Kai­zers­lau­tern» to­pa­ry ýa­rym fi­nal­da mun­dan öň­ki tap­gyr­lar­da de­giş­li­lik­de, «Ba­wa­ri­ýa», «Aýnt­raht», «Bo­rus­si­ýa M» to­par­la­ry­ny ýa­ryş­dan çy­karan 3-nji li­ga­nyň wekili «Saarb­ruk­ken» to­pa­ry­ny 2–0 ha­sa­byn­da ýeň­di. 21 ýyl­dan soň fi­na­la çy­kan «Kai­zers­lau­ter­niň» fi­nal­da­ky bäs­de­şi «Ba­ýer» to­pa­ry ýa­rym fi­nal­da «For­tu­na Düs­sel­dorf» to­pa­ry­ny 4–0 ha­sa­byn­da ut­dy. Ýe­ňil­mez­lik se­ri­ýa­sy 40 oý­na çy­kan we 5-nji sa­par fi­nal­da oý­na­ma­ga hu­kuk ga­za­nan «Ba­ýe­riň» gol­la­ry­ny Frim­pong (7), Ad­li (20) hem-de Wirts (36, 60 p) ge­çir­di. Fi­nal du­şu­şy­gy 25-nji maý­da Ber­lin­de ge­çi­ri­ler. * * *

5 Aprel 2024

Sport

Fut­bo­lyň ta­ry­hyn­da 13 müň go­la ýe­ten il­kin­ji klub

Fut­bo­lyň ta­ry­hyn­da il­kin­ji ge­zek bir klub 13 müň go­la ýet­di. Bra­zi­li­ýa­nyň we­la­ýat li­ga­sy «Carioca Se­rie A»-nyň fi­na­ly­nyň 1-nji du­şu­şy­gyn­da «Fla­men­go» to­pa­ry myh­man­çy­lyk­da «No­wa Igua­su» to­pa­ry bi­len du­şuş­dy. Du­şu­şyk­da myh­man­çy­lyk­da­ky «Fla­men­go» to­pa­ry 3–0 ha­sa­byn­da ýe­ňiş ga­zan­dy. Rio de Ža­neý­ro­ly­la­ra ýe­ňiş ge­ti­ren gol­la­ryň 2-si­ni Ped­ro, beý­le­ki­si­ni-de Ro­nald dos San­tos Sil­wa öz der­we­ze­sin­den ge­çir­di. Du­şu­şyk­da der­we­zä gi­ri­zi­len 2-nji gol «Fla­men­go» to­pa­ry­nyň ta­ry­hyn­da­ky 13 000-nji gol bol­dy. Şun­luk­da, «Fla­men­go» to­pa­ry fut­bo­lyň ta­ry­hyn­da 13 müň go­la ýe­ten il­kin­ji klub hök­mün­de ha­sa­ba alyn­dy. 1911-nji ýyl­da esas­lan­dy­ry­lan klub Bra­zi­li­ýa­nyň çem­pio­na­tyn­da 7, we­la­ýat li­ga­syn­da 37, Ko­pa Li­ber­ta­do­res Ku­bo­gyn­da-da 3 çem­pi­on­lyk ga­zan­dy. We­la­ýat li­ga­sy «Carioca Se­rie A»-nyň fi­na­ly­nyň jo­gap du­şu­şy­gy 7-nji ap­rel­de oý­na­lar.

5 Aprel 2024

Sport

Sagdyn ýaşaýşyň gözbaşynda

Ynsan saglygyny goramak, beden we ruhy taýdan sagdyn nesilleriň ösdürilip kemala getirilmegini gazanmak, sagdyn durmuş ýörelgesiniň kadalaryny raýatlaryň durmuşyna ornaşdyrmak arkaly keselleriň öňüni almak bilen baglanyşykly meseleler her bir döwletiň içerki we daşarky syýasatynyň aýrylmaz bölegi bolup durýar. Çünki dünýä ýurtlarynyň we halklarynyň arasynda syýasy-ykdysady, medeni-durmuş, dostlukly jemgyýetçilik gatnaşyklary barha ösýän häzirki wagtda saglyga dahylly meseleler diňe bir ýurt derejesinde däl-de, eýsem, halkara derejede hem tagallalaryň birleşdirilmegini talap edýär. 1948-nji ýylyň 7-nji aprelinde şeýle maksat bilen Bütindünýä Saglygy Goraýyş Guramasy (BSGG) döredilýär. 1950-nji ýylyň 7-nji aprelinden başlap bu sene ähli dünýä ýurtlarynda dabaraly ýagdaýda bellenilip başlanylýar. Bu baýramçylyk ýylda belli bir şygar astynda geçirilip, BSGG-nyň hünärmenleri tarapyndan tutuş ýylyň dowamynda öwrenilip, «iň agyryly hem-de möhüm mesele» hökmünde gozgalan, dünýä ýurtlarynyň degişli gulluklarynyň we lukmançylyk işgärleriniň bilelikdäki tagallalary bilen çözgüdini tapmak maksat edilýän meselä bagyşlanylýar. Tutuş dünýäde, şol sanda biziň ýurdumyzda-da jemgyýetçilik ýerlerinde, okuw jaýlarynda, edaralardyr kärhanalarda Bütindünýä saglyk güni g

5 Aprel 2024

Sport

Sport — saglygyň sakasy

Berkarar döwletiň täze eýýamynyň Galkynyşy döwründe türkmen sporty dünýä derejesine çykýar. Bedenterbiýäni we sporty ösdürmek, sagdyn durmuş ýörelgelerini wagyz etmek, ösüp gelýän ýaş nesliň beden we ruhy taýdan sagdynlygyny gazanmak ugrunda döwlet ähmiýetli anyk maksatnamalaýyn işler alnyp barylýar. Sport arkaly dost-doganlygy berkitmek, parahatçylygy söýüjilik we özara düşünişmek ýörelgelerini pugtalandyrmak, hoşniýetli halkara gatnaşyklaryny täze tapgyra çykarmak hormatly Belent Serkerdebaşymyzyň alyp barýan içeri we daşary syýasatynyň möhüm ugurlarynyň biridir. Sporty ösdürmek babatynda alnyp barylýan işler, türgenlerimiziň gazanýan halkara üstünlikleri sanardan juda köp. Bu sözleriň aýdyň subutnamasy hökmünde Ýer ýüzüniň iri sport ýaryşlarynda ýurdumyza mynasyp wekilçilik edýän ýaş türkmen türgenleriniň ençemesiniň gazanan üstünliklerini agzamak bolar. Ýokarda hem belläp geçişimiz ýaly, häzir dünýäde sport — halkara hyzmatdaşlygynyň möhüm düzüm bölegi, ussatlygy bilen Olimpiýa hereketiniň belent maksatlaryny tassyklaýan türgenler bolsa parahatçylygyň ilçileri hasaplanylýar. Hut şoňa görä-de halkara derejeli ökde türkmen türgenlerini, ussat tälimçileri we beýleki ugurdaş hünärmenleri taýýarlamak «Türkmenistanda 2021 — 2025-nji ýylla

5 Aprel 2024

Sport

Bedeniň artyk agramynda geçirilýän fiziki maşklar

Dünýäniň ähli ýurtlarynda bedeniň artyk agramyndan we semizlikden ejir çekýänleriň sany ýyl-ýyldan artýar. Bu ýagdaýa adamyň az hereketliliginiň netijesinde bedende madda alyş-çalyş hadysasynyň bozulmagy sebäp bolýar. Artyk agram ýürek-damar ulgamynyň keselleriniň, II tipli süýjüli diabetiň döremek hem-de bogunlara we oňurga sütünine agramlyklaryň düşme ähtimallygyny ýüze çykarýar. Şonuň üçin semizligiň öňüni almakda, bedeni kadaly agrama getirmekde fiziki hereketleriň, maşklaryň aýratyn ornunyň bardygy amalyýetde subut edildi. semizlikde geçirilýän fiziki maşklar gandaky glýukozanyň (şekeriň) artyk mukdarynyň saklanmagynyň öňüni alýar. Ondan başga-da ganda holesteriniň derejesini we gan basyşyny kadalaşdyrýar. Ýöne semizlikde fiziki maşklar bilen bir hatarda berhiz saklamaklygy, şol bir wagtda ýeňil özleşýän iýmitleri kabul etmekligi ýatda saklamalydyr. Semizlikde fiziki maşklary ýerine ýetirmäge girişmezden ozal doly barlaglardan geçmeli, şeýle hem ýürek-damar, dem alyş ulgamlarynyň kadaly işleýşine göz ýetirmeli. Ýörite fiziki maşklar bedeniň madda çalşygyny, okislenme-dikeliş hadysasyny kadalaşdyrýar, artyk agramy peseldip, ýürek-damar hem-de dem alyş ulgamynyň funksional ýagdaýyny gowulaşdyrýar, fiziki işjeňliligi ýokarlandyrýar. Netijede, bedende

5 Aprel 2024

Sport

Uzak ýaşamagyň syry

Saglyk — bagtyýar ýaşaýşyň gözbaşy. Ýaşaýşy bolsa, hereketsiz göz öňüne getirmek mümkin däl. Her bir adam näçe ýaşandygyna garamazdan, hereketde bolmaly. Hereketiň ähmiýetiniň juda uludygyny unutmaly däldiris. Günüň dowamynda 30 — 45 minut bedenterbiýe bilen meşgullanmak uzak ýaşamagyň syrydyr. Fiziki hereket bedeniň berkemegi we bedenden zyýanly maddalaryň bölünip çykmagy üçin peýdalydyr. Bedeniňi taplamagyň iň ygtybarly usullary pyýada ýöremek, suwda ýüzmek, ylgamak, tigir sürmek, gimnastika bilen meşgullanmakdyr. Şeýle-de tigir sürmek adam bedenine peýdaly hereketleriň biridir. Tigir sürmek adamyň aýaklarynyň myşsalaryny berkitmäge ýardam berýär, olaryň çydamlylygyny artdyrýar, gany kislorod bilen baýlaşdyrýar. Mundan başga-da, sportuň bu görnüşi gözleriň görüşini güýçlendirmek üçin hem peýdalydyr. Sebäbi uzaga seredip, daşdaky bir zada gözüňi dikmek göz myşsalarynyň berkemegine ýardam berýär.

4 Aprel 2024

Sport

Sagdynlygyň Watany

Berkarar döwletiň täze eýýamynyň Galkynyşy döwründe ýurdumyz sagdynlygyň we ruhubelentligiň mekanyna öwrülýär. Munuň şeýledigine häzirki günlerde diýarymyzyň ähli künjeginde Bütindünýä saglyk güni mynasybetli geçirilýän çärelerden buýsanç bilen göz ýetirmek bolýar. Jemgyýetimize sagdyn durmuş ýörelgelerini işjeň ornaşdyrmakda, bedenterbiýäni we sporty wagyz etmekde hem-de ösdürmekde şanly sene mynasybetli geçirilýän köpçülikleýin bedenterbiýe-sport hem-de sagdyn durmuş-medeni çäreleriniň ähmiýeti uludyr. Bütindünýä saglyk gününiň şanyna bilim edaralarynda dürli sport ýaryşlary bilen bir hatarda, wagyz-nesihat häsiýetli maslahatlardyr duşuşyklar geçirilýär. Şonda sagdyn durmuş ýörelgelerine berk eýermek, sport bilen yzygiderli meşgullanmak boýunça okuwçy ýaşlara degerli maslahatlardyr öwüt-ündewler berilýär.

4 Aprel 2024

Sport

Ýaş türgenler erjelligini görkezdiler

Bütindünýä saglyk güni mynasybetli Änew şäherinde estafeta ylgawy boýunça geçirilen ýaryşa welaýatymyzyň etraplaryndan ýaş türgenlerden düzülen toparlar gatnaşdy. Welaýat häkimligi, welaýatyň bedenterbiýe we sport baradaky Baş müdirliginiň hem-de jemgyýetçilik guramalarynyň bilelikde guramagynda geçen ýaryş uly gyzyklanma döretdi. Ýaryşyň açylyş dabarasy aýdym-sazly çykyşlara beslendi. Mukaddeslik meýdançasynda ýaýbaňlandyrylan joşgunly sungat çykyşlaryndan göwni göterilen ýaş türgenler Ahal köçesiniň bellenen ýerindäki badalgadan ýaryşa başladylar. Olar bu köçäniň ugry bilen sport mekdebine çenli aralygy uly ruhubelentlikde geçdiler.

4 Aprel 2024

Sport

Çempion birinji orunda

Iki duşuşykda garşydaş derwezelere 12 gol geçiren «Arkadag» futbol topary 4-nji we 5-nji tapgyrlarda ýene-de ýeňişli ýoluny dowam etdirdi. Ýurdumyzdaky ilkinji akylly şähere wekilçilik edýän topar 4-nji tapgyrda «Ahaly», 5-nji tapgyrda bolsa «Aşgabat» futbol toparyny uly hasaplar bilen ýeňdi. 4-nji tapgyrdaky duşuşyk «Arkadag» futbol topary üçin aýratyn ähmiýete eýe. Çünki topar şol duşuşygy Arkadag şäherindäki 10 müň orunlyk sport toplumynda geçirdi. Munuň özi toparyň milli çempionatymyzda öz stadionyna ilkinji gezek gadam basyşydyr. Ilkinji gadam örän şowly hem boldy. Topar ilkinji üç tapgyrda juda üstünlikli çykyş edip, birinji orna çenli göterilen «Ahaly» 4:1 hasabynda ýeňip, ýaryş tertibiniň başyna geçirdi.

4 Aprel 2024

Sport

Ýaşlar ýaryşdylar

Ýakynda Türkmenistanyň Magtymguly adyndaky Ýaşlar guramasynyň Arkadag şäheriniň geňeşiniň hem-de Arkadag şäheriniň Bedenterbiýe we sport müdirliginiň bilelikde guramaklarynda 20 ýaşa çenli ýaşlaryň arasynda sportuň küşt oýny hem-de mekdep okuwçylarynyň arasynda sportuň kiçi futbol görnüşi boýunça ýaryşlar geçirildi. Arkadag şäheriniň Köpugurly sport toplumynda we ýöriteleşdirilen 1-nji okuw-terbiýeçilik toplumynda geçirilen bu ýaryşlar gyzgalaňly boldy. Eminler toparynyň gelen netijelerine görä, ýeňiji bolanlara Türkmenistanyň Magtymguly adyndaky Ýaşlar guramasynyň Arkadag şäheriniň geňeşi tarapyndan Hormat haty we ýadygärlik sowgatlary gowşuryldy.

4 Aprel 2024

Sport

Sagdyn durmuş ýörelgesine eýerip

Berkarar döwletiň täze eýýamynyň Galkynyşy döwründe, ýurdumyzda sporty we bedenterbiýäni ösdürmäge, esasan-da, ýaş nesliň bedenterbiýe-sagaldyş hereketlerine köpçülikleýin çekilmegine durmuşyň iň ileri tutulýan möhüm ugurlarynyň biri hökmünde aýratyn uly üns berilýär. Şeýle tutumly işlerden ruhlanyp, ýakynda podpolkownik Sapar Berdiýewiň serkerdelik edýän harby bölüminde harby gullukçylary sagdyn beden we ruhy taýdan terbiýelemek maksady bilen, köpçülikleýin bedenterbiýe-sport we sagdyn durmuş medeni çäreleri geçirildi. Bu çäräniň dowamynda zenan harby gullukçylar sportuň 100 hem-de 200 metr aralyklara ylgamak, uzynlygyna bökmek, uly-kiçi tennis hem-de bellenen päsgelçilik ýodasyndan geçmek we beýleki görnüşleri boýunça bäsleşdiler. Çekeleşikli geçen bäsleşikde uly leýtenant Gülşirin Mukdarowa sportuň gysga aralyklara ylgaw görnüşlerinden 1-nji, borçnama boýunça harby gullugyň starşinasy Tawus Wekilowa uzynlygyna bökmek, uly tennis görnüşlerinden 1-nji orny eýelediler. Borçnama boýunça harby gullugyň starşinasy Saida Halmurzaýewa bu ýaryşlarda has-da tapawutlanmagy başardy. Ýeňijilere serkerdäniň adyndan Hormat hatlary we TMÝG-niň etrap geňeşiniň sowgatlary gowşuryldy.

3 Aprel 2024

Sport