"Turkmenistanda Ylym we tehniki" žurnaly

Esaslandyryjysy: Türkmenistanyň Ylymlar akademiýasy
Salgysy: Aşgabat şäher, Bitarap Türkmenistan şaýoly 15
Telefon belgileri: 94-30-53

Žurnaly PDF görnüşinde ýükläp almak

Makalalar

Sportdaky rekordlar

«Türkmenistan Sport»: № 4 (24), 2024 200 met­re kebelekläp ýüz­mek­de dün­ýä re­kor­dy­ tä­ze­le­ndi

25 Dekabr 2024

Sport

Fijital sportuň kanunçylyk esaslary

«Türkmenistan Sport»: № 4 (24), 2024 Arkadagly Gahryman Serdarymyzyň we Gahryman Arkadagymyzyň tagallalary netijesinde ýurdumyzda bedenterbiýäni we sporty ösdürmek, sport ulgamyny kämilleşdirmek, ylma we innowasiýalara daýanyp, sagdyn durmuş ýörelgelerini ýaýbaňlandyrmak, sportuň innowasion ugurly görnüşlerinden halkara tejribesini öwrenmek, sportuň täze görnüşlerini ornaşdyrmak barada uly işler amala aşyrylýar.

24 Dekabr 2024

Sport

Türkmeniň kalbynda orun alan milli göreş

«Türkmenistan Sport»: № 4 (24), 2024 Pälwançylyk, göreş tutmaklyk türkmen halkynyň durmuşynda asyrlarboýy ähmiýetli orny eýeläp, ol sungat derejesine ýetirilendir. Berkarar döwletiň täze eýýamynyň Galkynyşy döwründe sportuň göreş görnüşleriniň, esasan hem, türkmen milli göreşiniň ösmegi, giň gerimde ýaýbaňlanmagy üçin döwletimizde ähli şert-mümkinçilikleriň döredilmegi ata-babalarymyzdan gelýän ýörelgäniň mynasyp dowam etdirilýändiginiň aýdyň subutnamasydyr. Sportuň göreş görnüşleri boýunça dünýä, yklym, sebit derejelerindäki iri ýaryşlary geçirmek hukugyna birnäçe gezek biziň Garaşsyz, hemişelik Bitarap Türkmenistan döwletimiziň mynasyp görülmegi bolsa pederlerimizden dowamat-dowam bolup gelýän türkmen milli pälwançylyk ýolunyň halkara derejede ykrar edilmesidir. Ata-babalarymyz tarapyndan sungat derejesine ýetirilen türkmen göreşi barada toplan aşakdaky maglumatlarymyz hem onuň dünýäde meşhur bolýan häzirki günlerinde sizi biparh goýmaz diýip pikir edýäris.

24 Dekabr 2024

Sport

Gyş pas­lyn­da spor­tuň haý­sy gör­nü­şi sag­ly­ga oňaý­ly tä­sir ed­ýär?

«Türkmenistan Sport»: № 4 (24), 2024 Gyşda sportuň dürli görnüşleri saglyga we beden saglygyna oňaýly täsir edýär. Gyş möwsüminde sport bilen meşgullanmak, bedeniňi güýçlendirip, immun ulgamyny güýçlendirip we psihologik ýagdaýyňy gowulandyrmak üçin gowy mümkinçilikdir. Ýöne sportuň görnüşleriniň saglyga ýetirýän täsiri dürli-dürli bolýar.

24 Dekabr 2024

Sport

Dünýäden ulurak ýewropadan kiçi

«Türkmenistan Sport»: № 4 (24), 2024 Islendik ugurdan berilýän uly baýraklara üns berseňiz, diňe bir hünär başarnygy däl, eýsem şol hünär bilen baglylykdaky daş-töwerege edýän täsirine hem üns berilýändir. Bu adam şahsyýetiniň esasy orunda durýanlygyndan gelip çykýan ýagdaý bolsa gerek...

24 Dekabr 2024

Sport

Çagalary haçan sporta ugrukdyrmaly?

«Türkmenistan Sport»: № 4 (24), 2024 Çagalary 3-4 ýaş aralygynda sporta ugrukdyrmak bolar. Bu ýaşda çagalaryň bedeni we hereketleri sport bilen meşgullanyp başlamaga taýýar bolýar. Şu döwürde olaryň fiziki ösüşini goldamak üçin diňe sportda başlangyç ädimleri ätdirmek gerekdir. Ilki oýunlar, esasanam, milli oýunlar bilen meşgullanan çagalar sportuň görnüşleri boýunça türgenleşiklere tiz girişýärler. Biz muňa öz bakja-bagymyzda terbiýelenýän çagalaryň mysalynda hem göz ýetirýäris.

24 Dekabr 2024

Sport

Sportuň ösüşli menzilleri

«Pähim-paýhas ummany Magtymguly Pyragy» ýyly türkmen sportunyň şan-şöhratyny arşa göteren wakalara baý boldy. Ak mermerli paýtagtymyz Aşgabadyň gözel künjegindäki Olimpiýa şäherçesiniň Gyşky oýunlar sport toplumynda Hokkeý boýunça halkara ýaryşyň, Tennis toplumynda 14 ýaşa çenli ýetginjek oglan-gyzlaryň arasynda tennis boýunça «Ashgabat Open 2024» atly halkara ýaryşyň üstünlikli geçirilmegi buýsançly wakalar bolup, berkarar Watanymyzyň halkara sport hyzmatdaşlygynyň merkezleriniň biri hökmünde ykrar edilýändigini görkezdi. Bu ýaryşlarda ildeşlerimiziň gazanan üstünlikleri her birimizi buýsandyrýar. Şu ýylyň 24-nji maýynda Aşgabat şäherinde ýokary derejede we guramaçylykly geçirilen Garaşsyz Döwletleriň Arkalaşygynyň Hökümet Baştutanlarynyň Geňeşiniň degişli Çözgüdine laýyklykda, Aşgabat şäheri «Arkalaşygyň täze sport mümkinçilikleriniň şäheri» diýlip yglan edildi, şanly ýylyň 6-njy sentýabrynda bolsa BMG-niň Baş Assambleýasynyň 78-nji sessiýasynda Türkmenistanyň başlangyjy bilen hem-de Milletler Bileleşigine agza döwletleriň biragyzdan goldamagynda «Birleşen Milletler Guramasynyň oýunlary» atly Kararnama kabul edildi. Bu zatlar bolsa dünýäde parahatçylygyň we dostlugyň pugtalandyrylmagyna, sagdyn durmuş ýörelgeleriniň ösdürilmegine saldamly

24 Dekabr 2024

Sport

Akyl-paýhas oýny

«Türkmenistan Sport»: № 4 (24), 2024 Adam aň-düşünjesiniň, pikirleniş ukybynyň ösmeginde akyl-paýhas oýunlarynyň uly ähmiýeti bardyr. Şeýle oýunlaryň hatarynda küşt-şaşka bilen birlikde, düzzüm oýnuna hem gyzyklanma barha artýar. Ýurdumyzda sportuň dürli görnüşleriniň hatarynda küşt, şaşka we düzzüm boýunça ýaryşlaryň, çempionatlaryň yzygiderli geçirilmegi bu ugurda ökde, ezber oýunçylaryň kemala gelmegine getirýär.

24 Dekabr 2024

Sport

Ýeňiş (Hekaýa)

«Türkmenistan Sport»: № 4 (24), 2024 Şageldi agalaryň öýleriniň öňündäki ullakan tut agajynyň aşagy hemişekileri ýaly köp adamlydy. Geň galaýmaly ýeri bolsa adam köpem bolsa hiç kimden ses-üýn çykanokdy. Hemmeleriň nazary küşt tagtasynyň başyndaky iki adama we küşt tagtasyndaky atlara dikilipdi. Ähli adamyň ünsüni çekýän zat bolsa küşt oýnunyň düýn başlap, tamamlanman, bu gün hem dowam edýänligidi. Ýene-de bir oýnyň täsin ýeri bolsa oýunçylaryň ýaşydy. Kyrk ýyla golaý daýhan birleşikde baş hasapçy bolup işlän, obada küşt oýnunda hiç kimden utulmadyk Babajan aganyň garşydaşy uniwersitetiň fizika fakultetiniň dördünji ýyl talyby Mergendi. Dogrusyny boýun almaly bolsa-ha Mergeniň küşt boýunça ilkinji halypasy Babajan aganyň özüdi. Ýanaşyk goňşy bolup ýaşansoňlar oglan wagtlary Mergeni ýitirseň Babajan aganyň ýanyndan tapaýmalydy. Babajan aga-da bu zehinlije oglana ýaltanman-ýadaman küşt oýnamagy öwrederdi. Bu gün bolsa halypa-şägirdiň ýolbaşçylygynda şadyr piliň, atyň, ruhdur perziniň gatnaşmagynda küşt tagtasynyň üstünde «söweş» guralýardy. Mergeniň özüne galsa-ha ýaşuly halypasyny hormatlap ýeňlip oturyberjek. Emma şägirdiniň bilgeşleýin ýeňlenini aňaýsa Babajan aganyň gaty görjegi ikuçsyzdy. Oýun dowam edýärdi. Göçü

24 Dekabr 2024

Sport

Paýhas oýnunyň ussatlary

«Türkmenistan Sport»: № 4 (24), 2024 Sport oýunlarynyň arasynda taryhyny asyrlardan alyp gaýdýany-da, ynsan aňynyň ösüşi, oýlap tapyşlary esasynda dörän täze görnüşleri-de bar. «Beýniniň grammatikasy» diýlip atlandyrylan küşt oýny akyl-paýhasy bir ugra jemläp oýnalýan sport görnüşleriniň biridir.

24 Dekabr 2024

Sport

«Arkadag» toparynyň nobatdaky üstünligi

«Arkadag» toparynyň futbolçylary möwsümiň dowamynda üçünji baýragyny gazandylar. Arkadag şäheriniň adybir topary ýurdumyzyň Ýokary ligasyndaky çempionlygynyň, Naýbaşy Kubogynyň üstüni ýurdumyzyň Kubogy bilen ýetirdi. Bu topar «Aşgabat» köpugurly stadionynda geçirilen duşuşykda «Ahaly» 1:0 hasabynda ýeňlişe sezewar etdi. Topara ýeňiş getiren goly oýnuň 45-nji minutynda Begenç Akmämmedow geçirdi. 2023-nji ýylyň başynda döredilen «Arkadag» toparynyň Kubok bäsleşiginde bassyr ikinji ýyl ýeňiş gazanandygyny bellemek gerek. Geçen möwsüm geçirilen final duşuşygynda bu topar «Ahaly» 3:0 hasabynda ýeňmegi başardy.

24 Dekabr 2024

Sport

«Arkadag» topary Türkmenistanyň kubogynyň finalyna çykdy

«Arkadag» futbol topary ýarymfinal duşuşyklarynda Balkanabadyň «Nebitçisinden» üstün çykyp, Türkmenistanyň kubogynyň finalynda çykyş etmäge hukuk gazandy. Sanlyja günden geçiriljek final duşuşygynda «Arkadag» we «Ahal» toparlary duşuşar. Bu iki topary geçen ýyl hem Kubok ýaryşynyň finalynda biri-birine garşydaş bolupdylar. Finala çenli ýolda «Arkadag» topary çärýek finalda «Şagadamy» iki duşuşykda 3:0 we 3:1 hasaplarynda utup, adyny ýarymfinala ýazdyrdy. Ýarymfinalda bolsa topar iki duşuşykda «Nebitçiniň» derwezesinden iki duşuşykda 12 gol geçirdi.

23 Dekabr 2024

Sport

Merkezi duşuşykda «Atletiko» ýeňiş gazandy

Geçen hepdäniň şenbe güni Ispaniýanyň La ligasynyň 18-nji tapgyrynyň merkezi oýnunda «Barselona» öz meýdançasynda «Atletikony» myhman aldy. Dartgynly geçen oýunda «Atletiko» 90+6 minutda Serlot tarapyndan urlan gol arkaly 2:1 hasabynda ýeňiş gazanmagy başardy. Serlotdan başga-da, ýer eýeleriniň düzüminde 30-njy minutda Pedri, myhmanlardan bolsa 60-njy minutda De Pol tapawutlandy. Şeýlelikde, «Atletiko» 18 oýunda utuklarynyň sanyny 41-e ýetirip, La liganyň turnir tablisasynda 1-nji orna geçdi. «Barselonanyň» hasabynda bolsa 19 oýundan soňra 38 utuk bar.

22 Dekabr 2024

Sport

VI Yslam raýdaşlygy oýunlary Er-Riýadda geçiriler

2025-nji ýylda VI Yslam raýdaşlygy oýunlary Saud Arabystanynyň paýtagty Er-Riýad şäherinde geçiriler. Bu barada Yslam raýdaşlygynyň sport assosiasiýasynyň Albaniýanyň Tirana şäherinde geçirilen nobatdaky mejlisinde mälim edildi. Guramanyň metbugat gullugynyň habar bermegine görä, VI Yslam raýdaşlygy oýunlary geljek ýylyň 7 — 21-nji noýabry aralygynda bolup geçer. Ýaryşyň maksatnamasyndan sportuň olimpiýa görnüşleriniň 13 sanysy, olimpiýa däl sport görnüşleriniň 4 sanysy, paralimpiýa sport görnüşleriniň 3 sanysy hem-de 1 sany milli sport görnüşi orun alar.

22 Dekabr 2024

Sport

Žunior — «ýylyň iň gowy futbolçysy»

Geçen hepde Doha şäherinde geçirilen dabarada FIFA tarapyndan futbol dünýäsinde «Ýylyň iň gowulary» yglan edildi. Oňa laýyklykda, «Realyň» 24 ýaşly braziliýaly wingeri Winisius Žunior «Ýylyň iň gowy erkek futbolçysy» diýen ada eýe boldy. Ol bu ugurda geçirilen ses berlişikde topardaşy Jud Bellingemden hem-de «Mançester Sitiniň» wekili, «France Footbal» tarapyndan «altyn topa» mynasyp görlen Rodriden öňe saýlanmagy başardy. Şeýle-de FIFA tarapyndan «Realyň» halypasy Karlo Ançelotta «Ýylyň iň gowy tälimçisi», «Aston Willanyň» argentinaly derwezeçisi Emiliano Martinese «Ýylyň iň gowy derwezeçisi» üçin niýetlenilen baýraklar gowşuryldy. «Mançester Ýunaýtediň» argentinaly hüjümçisi Alehandro Garnaço bolsa «Ýylyň iň owadan golunyň» awtory hökmünde ykrar edildi.

22 Dekabr 2024

Sport

135 ýyllyk rekordy gaýtalady

«Liwerpulyň» täze tälimçisi Arne Slot özboluşly netije bilen taryha girdi. Has takygy, ol toparyň halypasy hökmünde deslapky 24 oýunda 20 ýeňiş gazandy, 3 gezek deň oýnady hem-de 1 gezek ýeňlişe sezewar boldy. Şeýlelikde, niderlandly hünärmen futbol boýunça Angliýanyň çempionatynyň ýokary diwiziýonynda çykyş edýän toparlaryň tälimçileriniň arasynda 20 ýeňşe iň çalt ýetmekde 1888-1889-njy ýylda goýlan rekordy gaýtalady. Şol möwsümde «Prestonyň» halypasy Uilýam Sadell hem topary bilen 24 oýunda 20 ýeňiş gazanmagyň hötdesinden gelipdir.

22 Dekabr 2024

Sport

190 million dollarlyk tutluşykda Usik ýeňdi

21-nji dekabrda Saud Arabystanynda uly boks agşamy guraldy. Onuň merkezi tutluşygynda agyr agramyň çempiony Aleksandr Usik Taýson Fýuri bilen güýç synanyşdy. Boks äleminde ýylyň iň garaşylan wakalarynyň biri bolan bu haklaşyk söweşi doly dowam etdi. Onda eminleriň karary esasynda Aleksandr Usik ýene garşydaşyndan üstün çykdy. Şeýlelikde, Aleksandr Usik agyr agramda özüne degişli çempionlyk guşaklaryny saklap galmagy başardy. Onuň häzire çenli 23 tutluşyk geçirip, heniz ýeňlişe sezewar bolmandygyny nygtamak gerek.

22 Dekabr 2024

Sport

«Real» yklymara kuboga mynasyp boldy

Ispaniýanyň «Real» topary FIFA-nyň klublaryň arasyndaky yklymara kubogyna mynasyp boldy. «Real» ýaryşyň finalynda Meksikanyň «Paçuka» toparynyň derwezesine jogapsyz 3 top ýollady. Kataryň Doha şäherindäki «Lusail» stadionynda oýnalan finalda gollara Kiliýan Mbappe, Rodrigo hem-de Winisius Žunior awtorlyk etdi. Şeýlelikde, «Real» 2024-nji ýyldaky 5-nji kubogyna eýe çykdy. Topar mundan ozal ýylyň başynda Ispaniýanyň Superkubogyna mynasyp bolupdy. Geçen möwsümiň jemleri boýunça bolsa «Real» Ýewropanyň çempionlar ligasynda hem-de Ispaniýanyň La ligasynda ýeňşini baýram etdi. Şeýle-de bu ýyl UEFA-nyň Superkubogy hem «Reala» nesip edipdi.

22 Dekabr 2024

Sport

Sport. Dostluk. Bagtyýarlyk

«7/24.tm»: №52 (239) 23.12.2024 Bal­ka­na­bat şä­he­ri­niň Gum­dag şä­her­çe­si­niň 6-njy we 7-nji sport mek­dep­le­ri bi­len bi­le­lik­de Türk­me­nis­ta­nyň Mag­tym­gu­ly adyn­da­ky Ýaş­lar gu­ra­ma­sy­nyň Bal­ka­na­bat şä­her Ge­ňe­şi «Sport bi­ziň sag­ly­gy­myz­dyr» ady bi­len mil­li gö­reş bo­ýun­ça Gum­dag şä­her­çe­si­niň sport mek­dep­le­ri­niň tür­gen­le­ri­niň ara­syn­da bi­rin­ji­lik ge­çir­di. Ýa­ryş­da 1-nji or­na Kuw­wat Baý­ram­dur­dy­ýew, 2-nji or­na Jeý­hun Sö­ýün­mäm­me­dow, 3-nji or­na Ka­kyş Se­ýi­dow my­na­syp bol­dy. Ýa­ryş­da ýe­ňi­ji bo­lanlara Gum­dag şä­her­çe­si­niň 6-njy sport mek­de­bi­niň Hor­mat hat­la­ry we Türk­me­nis­ta­nyň Mag­tym­gu­ly adyn­da­ky Ýaş­lar gu­ra­ma­sy­nyň Bal­ka­na­bat şä­her Ge­ňe­şi­niň ýa­dy­gär­lik sow­gat­la­ry gow­şu­ryl­dy.

22 Dekabr 2024

Sport

Sport habarlary

«7/24.tm»: №52 (239) 23.12.2024 Akyl-paý­has oýun­la­ry bo­ýun­ça bäs­le­şik

22 Dekabr 2024

Sport