''Demokratiýa we hukuk'' žurnaly

Esaslandyryjysy: Türkmenistanyň Döwlet, hukuk we demokratiýa instituty
Salgysy: Aşgabat şäheri, A. Nowaýy köçe 2022 jaý 86
Telefon belgileri: 38-06-00

Žurnaly PDF görnüşinde ýükläp almak

Makalalar

«Türkmenistan» awiakompaniýasynyň Russiýadaky baş agentligi Aşgabat — Stambul ugry boýunça petekleri rublda onlaýn satyp başlady

«Türkmenistan» awiakompaniýasynyň Russiýadaky baş agentligi Aşgabat (ASB) — Stambul (IST) gatnawlary boýunça petekleriň rublda satylyp başlandygy barada habar berdi. Degişli bildiriş «Türkmenistan» awiakompaniýasynyň Russiýadaky wekilhanasynyň resmi web sahypasynda ýerleşdirildi. «Gadyrly ýolagçylar, web sahypamyzda sentýabr üçin Aşgabat — Stambul gatnawlary boýunça petekleri satyn alyp bilersiňiz. Geljekde satuwy oktýabr aýyna çenli uzaldarys» diýilýär.

4 Awgust 2023

Syýahatçylyk

Hazaryň owazly tolkunlary

Watanymyzyň gözel künjekleriniň, melhemli mekanlarynyň biri bolan gojaman Hazaryň kenaryndaky «Awaza» milli syýahatçylyk zolagyny näçe wasp etseň hem azlyk edýär. Mundan 10-15 ýyl ozal bu ýerde bolup gören adamlar gaýtadan Awaza gelseler, düýpgöter täze keşbe giren bu künjegi tanamazlar. Dogry, Hazaryň ýakasyna ozalam dynç almaga, deňziň argynlygyňy aýyrýan, süňňüňe şypa berýän suwuna düşmäge gelýänler az däldi. Ýöne olar deňziň bu künjegindäki ertekä çalymdaş Awazanyň häzirki görnüşini görüp, haýran galarlar. Ýerli adamlaryň gürrüňini diňleseň, şeýle-de, ylmy kitaplaryň sahypalaryny agtaryp görseň, «Awaza» sözüniň gelip çykyşynyň «owaz edýän tolkunlar» diýen manysynyň bardygyny görmek bolýar. Hakykatdan hem, Awazanyň tolkunlarynyň heňi tebigy simfoniýanyň owazydyr.

3 Awgust 2023

Syýahatçylyk

Ugur — Awaza tarap

Saryja tomsuň sapaly günlerinde ildeşlerimiziň tomusky dynç alyş möwsümi gyzgalaňly dowam edýär. Adamlaryň döwrebap dynç almagy üçin ähli şertler döredilen ýurdumyzda bu döwürde ilata edilýän hyzmatlaryň, şol sanda ulag hyzmatlarynyň hiline we medeniýetine aýratyn üns berilýär. Hormatly Prezidentimiz Serdar Berdimuhamedow 14-nji iýulda geçirilen giňişleýin Hökümet mejlisinde Türkmenistanyň Ministrler Kabinetiniň ýanyndaky Ulag we kommunikasiýalar agentliginiň ýolbaşçysyna tomusky dynç alyş möwsüminde «Awaza» milli syýahatçylyk zolagynda jemgyýetçilik ulag hyzmatlarynyň ýokary hilli ýerine ýetirilmegini üpjün etmek, howa gatnawlarynyň sanyny artdyryp, işleri talabalaýyk ýola goýmak babatda anyk tabşyryklary berdi.

3 Awgust 2023

Syýahatçylyk

«Jadyly şäher»

Daşkentiň merkezinde ýerleşýän «Jadyly şäher» dynç alyş merkezi Merkezi Aziýada meňzeş nusgasy bolmadyk taslamadyr. Tutuş maşgala üçin jadynyň we güýmenjäniň iň köp ýeri bolan «Jadyly şäherde» ne ulular, ne-de çagalar ýadaýar. Bu merkez diňe bir daşkentlileri däl, eýsem, ýurda gelýän syýahatçylarydyr myhmanlary hem haýran galdyrýar. Jadyly şäheriň tutýan umumy meýdany 20 gektardan gowrakdyr. Bu ýerde Merkezi Aziýada ilkinji akwarium, ähli möwsüm üçin güýmenje merkezleri, innowasiýa lazer kinoteatry, 60 metr beýiklikdäki diňler, ertekilerdäki täsin galanyň keşbi, suw çüwdürimleri we başga-da birnäçe gyzykly gezelenç güýmenjeler bar.

2 Awgust 2023

Syýahatçylyk

«Türkmenistan» awiakompaniýasy Aşgabat — Moskwa — Aşgabat ugurlarynda uçuşlaryň togtadylýandygyny habar berdi

«Türkmenistan» awiakompaniýasy 2023-nji ýylyň 1-nji awgustyndan Aşgabat — Moskwa — Aşgabat ugurlarynda uçuşlaryň togtadylýandygyny habar berdi. Russiýa uçuşlar Aşgabat (ASB) — Kazan (KZN) — Aşgabat (ASB) ugurlarynda amala aşyrylar. Bu barada «Türkmenistan» awiakompaniýasynyň resmi web sahypasynda habar berildi. Habarda: «Hormatly ýolagçylar, 01.08.2023-den başlap, uçuş howpsuzlygyny üpjün etmek maksady bilen, Moskwa howa giňişligindäki howa ýagdaýy, şeýle hem töwekgelçiligi bahalandyrmak esasynda, «Türkmenistan» awiakompaniýasy» açyk görnüşli paýdarlar jemgyýeti tarapyndan Aşgabat — Moskwa — Aşgabat ugry boýunça ýerine ýetirilýän ähli uçuşlary togtadylýar we Aşgabat — Kazan — Aşgabat ugurlarynda amala aşyrylýandygy barada Size habar berýäris!» diýilýär.

2 Awgust 2023

Syýahatçylyk

«Türkmenistan» awiakompaniýasy Aşgabat — Stambul — Aşgabat ugurlary boýunça gatnawlaryň uçuş tertibini hödürledi

2023-nji ýylyň 2-nji awgustyndan başlap, Aşgabat — Stambul — Aşgabat ugurlaryndaky «Türkmenistan» awiakompaniýalarynyň häzirki uçuş tertibi belli boldy. Uçuş tertibi boýunça her howa menzili üçin ýerli wagt görkezilýär.

1 Awgust 2023

Syýahatçylyk

Milli raýat awiasiýasynyň içerki gatnawlarynyň sany artdyryldy

2023-nji ýylyň 2-nji awgustyndan  Aşgabat halkara howa menziline amala aşyrylýan ýerli ýolagçy howa gatnawlaryň tertibi “Türkmenistan” awiakompaniýasynyň resmi internet sahypasynda bellenilip geçilýär.  Şol sanawda ýurdumyzyň paýtagty Aşgabat şäherinden welaýat merkezlerine amala aşyrylýan uçar gatnawlarynyň sany artdyryldy. Mundan başga-da, ozal habar berşimiz ýaly, Aşgabat-Türkmenbaşy-Aşgabat ugry boýunça hem gatnawlaryň ýygylygy artdyrylmagy “Awaza” milli syýahatçylyk merkezinde dynç almak isleýänler üçin amatly mümkinçilik bolup durýar.

27 Iýul 2023

Syýahatçylyk

Uly aýlag sebitinden Türkmenistan — Hytaý ugry boýunça ilkinji göni howa ýoly açyldy

23-nji iýulda «Türkmenhowaýollarynyň» akylly elektronika, egin-eşik we beýleki harytlary alyp barýan ýük uçary Şençžen-Baoan halkara howa menzilinden Türkmenistanyň paýtagty Aşgabada uçdy. Bu uçuş Uly aýlag sebitinden Türkmenistana howa arkaly ilkinji göni halkara ýük ugrunyň resmi açylyşyny alamatlandyrdy diýip, «CGTN» halkara teleýaýlymy ýazýar.

26 Iýul 2023

Syýahatçylyk

Lýuksemburgyň iri ulag kompaniýasy Türkmenistanyň üsti bilen ýükleri daşaýar

Ýewropanyň Lýuksemburg döwletinde esaslandyrylan iri “Cargolux Airlines” ulag-logistik kompaniýasy Türkmenistanyň üsti bilen yzygiderli ýük howan gatnawlaryny ýerine ýetirýär. 2015-nji ýylda Türkmenistan bilen Lýuksemburgyň arasynda howa gatnawlaryny ýola goýmak hakynda ylalaşyk baglaşyldy. Şunuň bilen baglylykda, Lýuksemburg we Aşgabat şäherleriniň arasynda yzygiderli ýük howa gatnawlaryna badalga berildi.

25 Iýul 2023

Syýahatçylyk

“Türkmenistan” awiakompaniýasy: halkara ýolagçy howa gatnawlaryň täze tertibi

“Türkmenistan” awiakompaniýasy dünýäniň birnäçe ýurdunyň iri şäherlerine yzygiderli uçar gatnawlaryny amala aşyrýar. Şol şäherleriň arasynda London, Stambul, Deli, Pekin, Dubaý, Frankfurt, Kazan, Moskwa ýaly şäherler bar. Täze tertipde uçar gatnawlaryň uçýan güni, wagty, gonýan wagty ýaly maglumatlar beýan edilýär. 2023-nji ýylyň 1-nji awgustyndan Aşgabat halkara howa menzilinden amala aşyrylýan halkara ýolagçy howa gatnawlaryň tertibini şu salgy boýunça tanşyp bilersinňiz: https://tyy-news.gov.tm/post/5324

25 Iýul 2023

Syýahatçylyk

Dünýäniň dürli şäherlerinden Aşgabada uçuş biletleri onlaýn-satuwa çykaryldy

«Türkmenistan» uçar kompaniýasy dünýäniň dürli şäherlerinden Aşgabada uçuşlara biletleriň onlaýn-satuwa çykarylandygyny ýatlatdy. Degişli bildiriş kompaniýanyň resmi saýtynda peýda boldy.  «Hormatly ýolagçylar! Biziň saýtymyzda Moskwa, Kazan, Deli, London, Pekin we Frankfurt ýaly şäherlerden yzyna Aşgabada uçuş biletlerini satyn alyp biljekdigiňizi Siziň dykgatyňyza ýetirýäris!» - diýlip, bildirişde aýdylýar.

19 Iýul 2023

Syýahatçylyk

“Türkmenhowaýollary” uçarlaryň onlaýn bilet satuwyny ýola goýdy 

“Türkmenistan” awiakompaniýasy halkara ýolagçy gatnawlaryň onlaýn bilet satuwyny ýola goýandygy barada habar berilýär. Häzirki wagtda Moskwa — Aşgabat, Deli — Aşgabat, Pekin — Aşgabat, Frankfurt — Aşgabat, London — Aşgabat, Kazan — Aşgabat ugurlar boýunça onlaýn biletleri satyn alyp bolýar.

18 Iýul 2023

Syýahatçylyk

Gezsem, dünýäni görsem

Täsin ýaşaýyş toplumy Kanadanyň Monreal şäherinde ýerleşýän 12 gatdan ybarat ýaşaýyş toplumy beýleki ýaşaýyş jaýlaryndan özüniň täsin dizaýn gurluşy bilen tapawutlanýar. Daşyndan seredeniňde çylşyrymly görünse-de, ol örän ykjam we rejeli gurlandyr. Bina biri-biriniň üstüne ýerleşdirilen dürli 354 monolit demirbeton modullaryndan ybarat. «Habitat 67» adyna eýe bolan binalar toplumyndaky her bir öýjük öz bagy bolan aýratyn ýaşaýyş jaýydyr.

12 Iýul 2023

Syýahatçylyk

Ýewropada gijeki otlular işläp başlady

Ýewropada ýene-de gijeki otlular işläp başlady. Olar öň hereket etmek üçin amatly serişdedi. Emma arzan awiagatnawlardyr arzan benzin olary bazardan gysyp çykardy. Bu gezek gijeki otly gatnawlary durnukly jahankeşdeligiň usullarynyň birine öwrüldi. «European Sleeper» kompaniýasy şeýle gatnawy Berlin bilen Brýusseliň arasynda işe goýberdi.

7 Iýul 2023

Syýahatçylyk

Gezsem, dünýäni görsem

Üçleýin birleşýän asman binasy Üçleýin biri-biri bilen birleşýän ajaýyp asman binasynyň taslamasynyň Hytaýyň Ýuhan şäherinde ilkinji görkezilişi geçirildi. «ZNA» kompaniýasynyň wekilleri Ýuhan şäherindäki asman binasynyň diňe bir maliýe merkezi bolup hyzmat etmän, eýsem, adamlara açyk howada dynç almaga we gözellikleri synlamaga ýardam berjekdigini aýdýarlar. Asman binasynyň biri-biri bilen köpri arkaly birikmegi özüneçekijidir. Köpriniň gyralary ýaşyl baglyklar bilen örtüler. Binalar 52, 47 we 50 gatdan ybarat bolup, her biri şäheriň gözel künjeklerine gönükdirilendir. Üçleýin birleşýän asman binasy Günüň şöhlesinden paneller arkaly energiýa alyp, özbaşdak dolandyrylar. Binanyň 2025-nji ýylyň ahyrlaryna açylmagy meýilleşdirilýär.

5 Iýul 2023

Syýahatçylyk

«Armenian Airlines» Ýerewan bilen Stambulyň arasynda göni howa gatnawyny ýola goýdy

«Armenian Airlines» awiakompaniýasy Ýerewan – Stambul – Ýerewan ugry boýunça howa gatnawyny ýola goýdy diýip, «Armenpress» habar berýär. Ilkinji uçuş 2-nji iýulda amala aşyryldy, petekleriň satuwy www.armenianairlines.am saýtynda eýýäm açykdyr.

5 Iýul 2023

Syýahatçylyk

Jahankeşdeler uçarlardan otla geçmäge taýýar

Soňky ýylda ekologik jahankeşdelik boýunça internetde sowal bilen ýüzlenýänleriň sany 36 göterime çenli artdy diýip, «Habar 24» ýazýar. Bu barada Ýewropa giňişliginde turizmi ösdürmek boýunça Brýusselde geçen foruma gatnaşyjylar bellediler. Forumda soňky üç ýyllyk kynçylyklardan soňra jahankeşdelik pudagynyň dikelýändigi barada gürrüň edildi. Şeýle hem jahankeşdeleriň bu gün daşky gurşaw barada köp aladalanýandygy hasaba alyndy. Demir ýol gatnawlarynyň gowulanmagy netijesinde jahankeşdelik operatorlary uçarlar arkaly jahankeşdelikden kem-kemden otlulara islegiň artýandygyny belleýärler.

4 Iýul 2023

Syýahatçylyk

«Türkmendemirýollary» agentligi VIP wagonlar üçin petekleriň satuwyny täzeden ýola goýdy

«Türkmendemirýollary» agentligi ýolagçylar üçin ýokary hilli hyzmatlary hödürleýän VIP wagonlar üçin petekleriň satuwyny täzeden ýola goýdy. Agentligiň metbugat gullugynyň «Turkmenportala» habar bermegine görä, VIP görnüşli wagonlar üçin petekler eýýäm wokzalyň kassalarynda satylyp başlandy. Ýakyn wagta şeýle petekleri railway.gov.tm saýty arkaly onlaýn satyn almak hem mümkin bolar.

4 Iýul 2023

Syýahatçylyk

Owazasy dünýä dolan Awaza

«7/24 tm» № 27 (162) 03.07.2023 Ha­za­ryň türk­men ke­na­ryn­da dö­re­di­len hal­ka­ra de­re­je­li hä­zir­ki­za­man şy­pa­ha­na zo­la­gy­nyň dü­züm­le­ri­niň üs­ti ýy­lyň-ýy­ly­na tä­ze des­ga­lar bi­len ýe­ti­ril­ýär. Ba­ry-ýo­gy soň­ky on­ýyl­ly­gyň do­wa­myn­da bu tä­sin kün­jek jen­net me­ka­ny­na öw­rül­di. Bu ýe­re her to­mus möw­sü­min­de müň­ler­çe adam dynç al­ma­ga gel­ýär. Şun­da tu­tuş ýy­lyň do­wa­myn­da dynç al­mak üçin, şol san­da maş­ga­la bo­lup gel­mek üçin hem-de wag­ty­ňy gy­zyk­ly ge­çir­mek ug­run­da ýo­ka­ry şert­le­riň dö­re­di­len­di­gi­ni bel­le­mek ge­rek, mu­ňa türk­me­nis­tan­ly­lar we da­şa­ry ýurt­ly myh­man­lar my­na­syp ba­ha ber­ýär­ler.

2 Iýul 2023

Syýahatçylyk

Seýil edeliň bu jahana!

90 ýaşly botanika bagy Täjigistanyň Duşenbe şäherinde ýerleşýän Baş Botanika bagyna şu ýyl 90 ýyl dolýar. Bu özboluşly seýilbagda dünýäniň çar künjeginden getirilen on müňlerçe ösümlikler bar. Bu köpleriň iň gowy görýän ýeridir, biologlar hem bu ýerde dürli ylmy-barlaglary alyp barýarlar. Mysal üçin, bagyň «Gülleriň bagy» diýen ýerinde çigildemleriň 30 müňüsi ösüp otyr. Bag alty sany geografik zolaga bölünýär, bu ýerde seýrek serwi agaçlarydyr magnoliýa baglary, tropiki palmalar hem bar. Botanika bagy 40 gektar meýdany tutýar. Bagda hünärmenleriň şäherjigi hem ýerleşýär, onda baýramçylyk, aýdym-saz, aşpezlik festiwallarydyr hatda durmuş toýlary hem geçirilýär.

21 Iýun 2023

Syýahatçylyk