12-nji dekabr — Halkara Bitaraplyk güni
1995-nji ýylyň 12-nji dekabrynda Birleşen Milletler Guramasynyň Baş Assambleýasy «Türkmenistanyň hemişelik Bitaraplygy» atly Kararnamanyň kabul edilmegi üçin biragyzdan ses berdi. Bu waka ýurda diňe Bitarap döwlet derejesiniň berilmegini berkitmän, eýsem, Türkmenistanyň halkara giňişlikdäki geljekde ähli hyzmatdaşlygynyň manysyny, ugruny hem-de iş ýüzündäki guralyny kesgitledi. Agzalan Kararnama halkara gatnaşyklaryň tejribesinde bitaraplyk babatda Milletler Bileleşigi tarapyndan kabul edilen ilkinji resminama hökmünde taryhy ähmiýete eýedir. «Bitaraplyk» düşünjesi örän giň manyny öz içine alýar. Taryhyň dürli döwürlerinde uruşýan taraplara goşulyşmazlyk, bir çetde galmak, emma olar bilen dostluk gatnaşyklaryny saklap galmak bilen baglylykda, bitaraplygyň dürli görnüşleri kemala geldi. Häzirki zaman şertlerinde bitaraplyk iki görnüşde — onuň däp bolan manysynda, ýagny uruş döwründäki bitaraplyk hem-de hemişelik bitaraplyk görnüşinde hereket edýär. Hemişelik bitaraplyk — bu bitaraplygyň ýokary görnüşi bolup, bütin dünýäde parahatçylygy we howpsuzlygy goldamak üçin uly mümkinçilige eýedir. Gelip çykyşy boýunça «ykrar edilen», görnüşi boýunça «hemişelik», manysy boýunça «oňyn» häsiýete eýe bolan Türkmenistanyň hemişelik Bitaraplygy b