Ýokumlar hazynasy
Gawun, garpyz diýlende biziň köpimiziň ýadymyza dürli oýunlara gümra bolup geçiren çagalygymyz gelýär. Edil garpyz ýaly, tutuşlygyna diýen ýaly süýji suwdan durýan gawun ulyny-kiçini öz datlylygy bilen özüne çekýär. Şonuň üçinem çagalykda, esasan hem, oba ýerlerinde, dürli oýunlara gümra bolup ýören ýerimizden, kemput ýaly, gawuny hem ýüzugra iýip, oýnumyzy dowam etdirmek biz üçin adaty ýagdaýdyr. Bu bolsa biziň oýun oýnamak bilen edýän fiziki maşklarymyzyň üstesine bedenimizi dürli ýokumlar bilen baýlaşdyrýandygymyzy aňladýar. Häzirki zaman lukmançylygynda gawuny «Ýokumlaryň hazynasy» diýip atlandyrýarlar. Düzüminde natriý, kaliý, magniý, demir, A, B we C witaminler agdyklyk etmek bilen, bedeni juwanlandyrmak, garramagy yza tesdirmek aýratynlyklarynyň bolmagy sebäpli, gawuny gadymy Müsürde «Juwanlyk nygmaty» diýip atlandyrypdyrlar. Az kaloriýalylygy sebäpli, bu behişdi nygmat artykmaç agramdan saplanmakda diýseň gysga wagtda täsirini äşgär edýär. Mundan başga-da gawun çenini bilip iýseň, gan basyşyny peseldýär, myşsalaryň agyrysyny azaldýar. Üstesine, gawun bedeniň kesele garşy durmak ukybyny-da güýçlendirýär. Tomusda gawundan geregini edinen adam ýylyň dowamynda özüni sagdyn duýýar. Göreji ýiteldýändigi, ýürek-damar ulgamynyň işini gowulaýandygy seb