"Saglyk" žurnaly

Esaslandyryjysy: Türkmenistanyň Saglygy goraýyş we derman senagaty ministrligi
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-65, 38-61-67
Email: saglyk-zurnaly@sanly.tm

Žurnaly PDF görnüşinde ýükläp almak

Makalalar

Gül Diýar toý ruhunda

Bedew bady bilen öňe barýan eziz Diýarymyzyň ähli welaýatlary, «Aziýanyň merjeni» diýlip ykrar edilen ak mermerli paýtagtymyz hem-de sebitde deňi-taýy bolmadyk «akylly» şäher — Arkadag şäheri şu günler uly toýlaryň ruhy joşgunyna beslenýär. Mukaddes Garaşsyzlygymyzyň şanly 33 ýyllyk baýramy, şeýle-de ýakyn günlerde geçiriljek Türkmenistanyň Halk Maslahatynyň mejlisi mynasybetli ýurdumyzyň ähli künjeklerinde ýokary derejede taýýarlyk görlüp, zähmet üstünlikleri gazanylýar. Düýn bolsa Halk Maslahatynyň mejlisine gatnaşyjylar Aşgabada geldiler. Olar türkmeniň myhmansöýerlik däbine eýerilip, duz-çörek, aýdym-sazly çykyşlar bilen mähirli garşylandy.

22 Sentýabr 2024

Garaşsyzlyk

Çar tarapdan, çyn ýürekden

Ýüreklerde alkyş, kalplarda buýsanç Ýurdumyzda amala aşyrylýan taryhy ähmiýetli işler Garaşsyz Watanymyza, beýik döwrümize buýsanjymyzy artdyryp, watançylyk ruhumyzy belende göterýär. Hormatly Prezidentimiziň taýsyz tagallalary esasynda, täze taryhy döwürde ähli ugurlar bilen birlikde, bilim ulgamynda-da tutumly işler durmuşa geçirilýär. Diňe şu şanly ýylyň Bilimler we talyp ýaşlar gününde paýtagtymyzda Berdimuhamet Annaýew adyndaky Ýöriteleşdirilen harby mekdebiň täze binalar toplumy, Diýarymyzyň sebitlerinde döwrebap mekdeplerdir çagalar baglarynyň birnäçesi açyldy. Şatlykly günde etrabymyzyň Bokurdak şäherçesinde gurlan 1 müň 200 orunlyk umumybilim berýän orta mekdebiň we 120 orunlyk umumy ýaşaýyş jaýynyň toý ruhunda açylyp, ýaş nesillere, bilim işgärlerine sowgat edilmegi hem ýatdan çykmajak ýakymly waka öwrüldi. Bu gün täze mekdepde bilim alýan çagalaryň, zähmet çekýän mugallymlaryň şatlygyny görüp, göwnüň göterilýär.

22 Sentýabr 2024

Garaşsyzlyk

Şanly senä toý sowgady

Ak mermerli paýtagtymyzy toplumlaýyn ösdürmek, ýurdumyzyň baş şäherinde ähli amatlyklar bilen üpjün edilen ýaşaýyş jaýlaryny gurmak hormatly Prezidentimiziň baştutanlygynda amala aşyrylýan giň gerimli şähergurluşyk maksatnamasynyň ileri tutulýan ugrudyr. Baýramçylyklardyr şanly seneler mynasybetli döwrebap ýaşaýyş jaýlarynyň açylyp ulanmaga berilmegi bagtyýar zamanamyzda ajaýyp däbe öwrüldi. Ýurt Garaşsyzlygymyzyň 33 ýyllygynyň öňüsyrasynda paýtagtymyzyň «Parahat — 7» ýaşaýyş toplumynda 13 sany 9 gatly ýaşaýyş jaýynyň we seýilgähiň dabaraly ýagdaýda ulanmaga berilmegi ildeşlerimiziň toý şatlygyny goşalandyrdy. Bu günki gün Aşgabat dünýäniň iň owadan we ýaşamak üçin amatly şäherleriniň birine öwrülýär. «Parahat — 7» ýaşaýyş toplumynda ýerli gurluşyk kärhanalary tarapyndan bina edilen döwrebap ýaşaýyş jaýlary hem paýtagtymyzyň binagärlik keşbi bilen ajaýyp sazlaşygy emele getirýär. 9 gatly, her biri 54 we 36 öýli ýaşaýyş jaýlarynyň gurluşygynda hem-de enjamlaşdyrylyşynda, bezeg işlerinde döwrebap binagärlik çözgütleriniň peýdalanylyp, binalaryň ýanaşyk ýerleriniň doly abadanlaşdyrylandygyny hem-de degişli ýol-ulag, inženerçilik-tehniki düzümleriň göz öňünde tutulandygyny bellemek gerek.

21 Sentýabr 2024

Garaşsyzlyk

Döwletlilik ýolunyň dowamaty

XXI asyryň bosagasynda dünýä giňişliginde Türkmenistan döwletiniň döremegi bilen, Garaşsyzlyk merdana halkymyzyň alnynda bagtyýar geljegi gurmaga ýagty ýol açýan Gün bolup dogdy. «Garaşsyzlyk» atly gymmatlygyň özeninde ata-babalarymyzyň parahat durmuş baradaky arzuwlary, adalatlylyk, hoşniýetlilik ýaly ynsanperwer ýörelgeler jemlenýär. Garaşsyzlyk türkmen halkyna erkin ýaşamaga, halkara giňişliginde özbaşdak döwlet hökmünde çykyş etmäge ägirt uly şertleri döretdi. Garaşsyzlygyň baş maksady, ilkinji nobatda, onuň hukuk binýadynda şöhlelenýär. «Türkmenistanyň garaşsyzlygy we döwlet gurluşynyň esaslary hakynda» Türkmenistanyň Konstitusion Kanunynda (27.10.1991ý.) ýurdumyzyň Garaşsyzlygynyň belent maksatlaryň hatyrasyna adam hukuklarynyň ählumumy jarnamasynda we halkara hukugynyň beýleki kadalarynda göz öňünde tutulan hukuklary we azatlyklary üpjün etmegiň, demokratik jemgyýeti gurmagyň hatyrasyna jar edilýändigi bellenildi.

21 Sentýabr 2024

Garaşsyzlyk

Baýramçylygyň bosagasynda

Mukaddes Garaşsyzlygymyzyň 33 ýyllyk şanly baýramy mynasybetli Daşoguz welaýatynyň Akdepe etrabynyň Andalyp şäherinde etrabyň aragatnaşyk bölüminiň täze binasy açylyp ulanmaga berildi. Müşderileriň birbada 3000-den gowragynyň aragatnaşyk hyzmatlaryndan peýdalanmagyna niýetlenen täze aragatnaşyk bölümi daşary ýurt kompaniýalary tarapyndan öndürilen ýörite enjamlar bilen üpjün edildi. Täze bina «Daşoguztelekom» welaýat elektrik aragatnaşyk kärhanasynyň gurluşyk-abatlaýyş bölüminiň işçi-hünärmenleri tarapyndan guruldy. Ol etrabyň şäher we oba ilatyny ýokary derejede aragatnaşyk hyzmaty bilen üpjün etmäge mümkinçilik berýär. Etrap aragatnaşyk bölüminiň döwrebap binasynda şäherara telefon aragatnaşygy, telefakslar, fakslar arkaly habarlary ýollamak nokatlary, abunaçylara gündelik neşirleri, žurnallary bökdençsiz paýlamaga we beýleki poçta hyzmatyny etmäge niýetlenen bölümler, internet kafesi we ýörite otaglar ýerleşýär.

21 Sentýabr 2024

Garaşsyzlyk

Aşgabatda täze ýaşaýyş jaýlary ulanmaga berildi

Aşgabat, 20-nji sentýabr (TDH). Şu gün ýurdumyzyň Garaşsyzlyk baýramynyň öňüsyrasynda paýtagtymyzyň «Parahat — 7» ýaşaýyş toplumynda 13 sany 9 gatly ýaşaýyş jaýy we seýilgäh dabaraly ýagdaýda ulanmaga berildi. Açylyş dabarasyna Aşgabat şäher we etrap halk maslahatlarynyň, jemgyýetçilik guramalarynyň, köpçülikleýin habar beriş serişdeleriniň wekilleri, il sylagly ýaşulular, köp sanly ýaşaýjylar hem-de myhmanlar gatnaşdylar. Berkarar döwletiň täze eýýamynyň Galkynyşy döwründe halkymyzyň bagtyýar durmuşda ýaşamagy we döredijilikli zähmet çekmegi üçin şertleriň üpjün edilmegi bilen bagly meseleler hormatly Prezidentimiz Serdar Berdimuhamedowyň parasatly baştutanlygynda durmuşa geçirilýän döwlet syýasatynyň ileri tutulýan ugurlarynyň biridir. Gahryman Arkadagymyzyň ýurdumyzyň baş şäherini ösdürmek boýunça başyny başlan şähergurluşyk maksatnamasynyň häzirki wagtda Arkadagly Gahryman Serdarymyz tarapyndan üstünlikli amala aşyrylmagy netijesinde, Aşgabat dünýäniň iň owadan we ýaşamak üçin amatly şäherleriniň biri hökmünde ykrar edildi.

21 Sentýabr 2024

Garaşsyzlyk

Sanly we “ýaşyl” ykdysadyýet — döwlet syýasatynyň ileri tutulýan ugry

Aşgabat, 20-nji sentýabr (TDH). Şu gün Türkmenistanyň Ykdysadyýet toplumynda ýurdumyzyň Garaşsyzlygynyň 33 ýyllygy mynasybetli «Sanly we “ýaşyl” ykdysadyýet — durnukly ykdysady ösüşi üpjün etmegiň şerti» atly ylmy-amaly maslahat geçirildi. Oňa ýurdumyzyň degişli ministrlikleriniň we pudaklaýyn dolandyryş edaralarynyň, maliýe düzümleriniň, ugurdaş ýokary okuw mekdepleriniň ýolbaşçylarydyr wekilleri gatnaşdylar. Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda ata Watanymyzyň hemmetaraplaýyn ösdürilmegine, halkymyzyň abadançylygynyň ýokarlandyrylmagyna gönükdirilen giň möçberli işler durmuşa geçirilýär. Şunda durnukly ykdysady ösüşiň binýady hökmünde innowasion tehnologiýalaryň ornaşdyrylmagyna, sanly ykdysadyýetiň ilerledilmegine möhüm ähmiýet berilýär. Häzirki wagtda «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyny» amala aşyrmak bilen bagly işler maksatnamalaýyn esasda alnyp barylýar. Ýurdumyzyň ykdysadyýetiniň ähli pudaklarynyň maglumat-aragatnaşyk tehnologiýalar binýady berkidildi, edara-kärhanalaryň, guramalaryň sanly ykdysadyýete tapgyrlaýyn esasda geçmegi üpjün edildi we olaryň maddy-tehniki binýady döwrebaplaşdyryldy. Sanly ykdysadyýetiň ösýän şe

21 Sentýabr 2024

Garaşsyzlyk

Mukaddes Garaşsyzlygymyzyň şanly 33 ýyllygyna

Baýramçylyk sowgady Beýik Garaşsyzlygymyzyň 33 ýyllygynyň öňüsyrasynda Diýarymyzyň çar künjeginde bolşy ýaly, biziň welaýatymyzda-da şanly sene mynasybetli täze binalardyr desgalar ulanylmaga berilýär. Şu wakalaryň dabarasy barha golaý gelýän baş baýramymyzyň şatlygyna şatlyk goşup, il-günümizde ýokary ruhubelentligi döredýär.

21 Sentýabr 2024

Garaşsyzlyk

Aşgabatda täze ýaşaýyş jaýlary ulanmaga berildi

Aşgabat, 20-nji sentýabr (TDH). Şu gün ýurdumyzyň Garaşsyzlyk baýramynyň öňüsyrasynda paýtagtymyzyň «Parahat — 7» ýaşaýyş toplumynda 13 sany 9 gatly ýaşaýyş jaýy we seýilgäh dabaraly ýagdaýda ulanmaga berildi. Açylyş dabarasyna Aşgabat şäher we etrap halk maslahatlarynyň, jemgyýetçilik guramalarynyň, köpçülikleýin habar beriş serişdeleriniň wekilleri, il sylagly ýaşulular, köp sanly ýaşaýjylar hem-de myhmanlar gatnaşdylar. Berkarar döwletiň täze eýýamynyň Galkynyşy döwründe halkymyzyň bagtyýar durmuşda ýaşamagy we döredijilikli zähmet çekmegi üçin şertleriň üpjün edilmegi bilen bagly meseleler hormatly Prezidentimiz Serdar Berdimuhamedowyň parasatly baştutanlygynda durmuşa geçirilýän döwlet syýasatynyň ileri tutulýan ugurlarynyň biridir. Gahryman Arkadagymyzyň ýurdumyzyň baş şäherini ösdürmek boýunça başyny başlan şähergurluşyk maksatnamasynyň häzirki wagtda Arkadagly Gahryman Serdarymyz tarapyndan üstünlikli amala aşyrylmagy netijesinde, Aşgabat dünýäniň iň owadan we ýaşamak üçin amatly şäherleriniň biri hökmünde ykrar edildi.

21 Sentýabr 2024

Garaşsyzlyk

Sanly we “ýaşyl” ykdysadyýet — döwlet syýasatynyň ileri tutulýan ugry

Aşgabat, 20-nji sentýabr (TDH). Şu gün Türkmenistanyň Ykdysadyýet toplumynda ýurdumyzyň Garaşsyzlygynyň 33 ýyllygy mynasybetli «Sanly we “ýaşyl” ykdysadyýet — durnukly ykdysady ösüşi üpjün etmegiň şerti» atly ylmy-amaly maslahat geçirildi. Oňa ýurdumyzyň degişli ministrlikleriniň we pudaklaýyn dolandyryş edaralarynyň, maliýe düzümleriniň, ugurdaş ýokary okuw mekdepleriniň ýolbaşçylarydyr wekilleri gatnaşdylar. Berkarar döwletiň täze eýýamynyň Galkynyşy döwründe hormatly Prezidentimiziň baştutanlygynda ata Watanymyzyň hemmetaraplaýyn ösdürilmegine, halkymyzyň abadançylygynyň ýokarlandyrylmagyna gönükdirilen giň möçberli işler durmuşa geçirilýär. Şunda durnukly ykdysady ösüşiň binýady hökmünde innowasion tehnologiýalaryň ornaşdyrylmagyna, sanly ykdysadyýetiň ilerledilmegine möhüm ähmiýet berilýär. Häzirki wagtda «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyny» amala aşyrmak bilen bagly işler maksatnamalaýyn esasda alnyp barylýar. Ýurdumyzyň ykdysadyýetiniň ähli pudaklarynyň maglumat-aragatnaşyk tehnologiýalar binýady berkidildi, edara-kärhanalaryň, guramalaryň sanly ykdysadyýete tapgyrlaýyn esasda geçmegi üpjün edildi we olaryň maddy-tehniki binýady döwrebaplaşdyryldy. Sanly ykdysadyýetiň ösýän şe

21 Sentýabr 2024

Garaşsyzlyk

Ykdysady üstünlikleriň we ösüşleriň şöhlelenmesi

Mukaddes Garaşsyzlygymyzyň şanly 33 ýyllygy mynasybetli paýtagtymyzda ýaýbaňlandyrylan ýurdumyzyň ykdysady üstünlikleriniň üç günlük sergisinde ata Watanymyzyň ösüş-özgertmeleri, ýeten belent sepgitleri giňden şöhlelendirilýär. Bu iri gözden geçirilişe ykdysadyýetiň pudaklaryna degişli döwletiň garamagyndaky edara-kärhanalar, hususy düzümler bilen birlikde, bilim, saglygy goraýyş, medeniýet, sport, syýahatçylyk ulgamlarynyň wekilleri hem işjeň gatnaşýarlar. Biz sergä gatnaşyjylaryň käbirleri bilen söhbetdeş bolup, olaryň beren gürrüňlerini okyjylara ýetirmegi makul bildik.

21 Sentýabr 2024

Garaşsyzlyk

Lebap welaýaty: göwünleri galkyndyrýan sepgitler

Baş baýramymyz ýurdumyzyň gündogar sebitinde hem uly dabaralar, zähmet üstünlikleri bilen garşy alynýar. Jeýhunyň goşa kenarynda ýaşaýan bagtyýar ildeşlerimiz mukaddes Garaşsyzlygymyzyň şanly 33 ýyllyk toýuna ykjam taýýarlykly geldiler. Soňky ýyllarda welaýatda amala aşyrylan işler göwnüňi galkyndyrýar. Ilatyň ýaşaýyş-durmuş şertlerini ýokarlandyrmaga gönükdirilen giň gerimli işler häzirki wagtda hem ýokary depginde alnyp barylýar. Şu ýylyň göwünlerde aýdyma öwrülen şygary lebaply zähmetkeşleriň ylham çeşmesine öwrüldi. Döwre ýaraşyk binalar

21 Sentýabr 2024

Garaşsyzlyk

Etrap kazyýetiniň täze binasy

Beýik Garaşsyzlygymyzyň 33 ýyllyk şanly toýunyň dabaralanýan günlerinde ýurdumyzyň ähli künjeginde bolşy ýaly, Mary welaýatynda hem täze gurlan binalardyr desgalaryň açylyp ulanmaga berilmegi halkymyzyň baýramçylyk şatlygyny has-da artdyrýar. Düýn bolsa welaýatyň Garagum etrap kazyýetiniň täze edara binasy dabaraly ýagdaýda açyldy. Binanyň açylyş dabarasyna Mejlisiň deputatlary, il sylagly ýaşulular, ak saçly mährem enelerimiz, dürli ýaşdaky we dürli kärdäki ildeşlerimiz ýokary ruhubelentlikde gatnaşdylar.

21 Sentýabr 2024

Garaşsyzlyk

Täze binalar — baş baýrama sowgat

Berkarar döwletiň täze eýýamynyň Galkynyşy döwrüniň «Pähim-paýhas ummany Magtymguly Pyragy» ýylynda giňden bellenilýän mukaddes Garaşsyzlygymyzyň şanly 33 ýyllyk baýramy dürli maksatly täze binalaryň, döwrebap desgalaryň açylyş dabaralaryna beslenýär. Baş baýramymyzyň öňüsyrasynda Türkmenistanyň Içeri işler ministrliginiň welaýat Polisiýa müdirlikleriniň düzümlerinde awtoulaglaryň tehniki ýagdaýyny anyklaýyş we hasaba alyş toparlarynyň täze edara binalarynyň açylyp ulanmaga berilmegi-de munuň nobatdaky aýdyň güwäsi boldy. «Ýol hereketiniň howpsuzlygy — ömrümiziň rahatlygy» atly biraýlygyň dowam edýän günlerinde Türkmenistanyň içeri işler edaralarynyň öňünde goýlan wezipeleri birkemsiz ýerine ýetirmek, bu ugurdaky işleriň gerimini giňeltmek maksady bilen, Ahal welaýatynyň Polisiýa müdirliginiň Babadaýhan etrabynyň, Balkan welaýatynyň Polisiýa müdirliginiň Magtymguly, Etrek etraplarynyň, Mary welaýatynyň Polisiýa müdirliginiň Wekilbazar, Garagum etraplarynyň, Lebap welaýatynyň Polisiýa müdirliginiň Halaç, Hojambaz etraplarynyň polisiýa bölümlerinde, şeýle-de Saýat etrabynyň Garabekewül şäheriniň polisiýa bölümçesinde awtoulaglaryň tehniki ýagdaýyny anyklaýyş we hasaba alyş toparlarynyň döwrebap edara binalary dabaraly ýagdaý

21 Sentýabr 2024

Garaşsyzlyk

Agzybirlik we ruhubelentlik bilen

Şu gün Türkmenistanyň Halk Maslahatynyň nobatdaky mejlisine wekilçilik etjek ildeşlerimiziň 300-e golaýy bu syýasy çärä gatnaşmak üçin Watanymyzyň paýtagtyna tarap ýola düşdüler. Olary Türkmenabat demir ýol menzilinde welaýatymyzyň sungat ussatlary aýdym-sazly çykyşlar bilen ugratdylar. Bosagada duran döwletli mejlise gatnaşjaklaryň arasynda uly nesliň, welaýatymyzyň etrap-şäherlerinden wekilleriň, dürli pudaklarda zähmet çekýän öňdebaryjylaryň, ýaşlaryň bardygyny aýtmak gerek. Watandaşlarymyzyň ýurdumyzyň ösüşleri, raýatlarymyzyň durmuşy bilen baglanyşykly möhüm meseleleriň bilelikde maslahatlaşylyp, çözülmegine işjeň gatnaşmaklary döwletlilik ýörelgelerini ösdürmäge, halk bilen döwletiň jebisligini üpjün etmäge ýardam eder. Türkmenistanyň Halk Maslahatynyň nobatdaky mejlisine gatnaşjak ildeşlerimize ýollarynyň ak bolmagy, Milli Liderimiziň baştutanlygynda geçiriljek ählihalk forumyna işjeň gatnaşmaklary arzuw edildi.

20 Sentýabr 2024

Garaşsyzlyk

Ata Watanymyzyň abraýy arşa galýar

Garaşsyzlyk güni – bagtyýar türkmen halkynyň baş baýramy. Bu şanly senäniň golaýlaşýan günleriniň halkymyzyň, ýurdumyzyň dünýädäki at-abraýyny arşa göterýän dabaraly wakalara beslenmegi, hoş habarlaryň gelip gowuşmagy bolsa Garaşsyzlygymyza, eziz Watanymyza, ajaýyp zamanamyza bolan buýsanjymyzy has-da artdyrýar. 6-njy sentýabrda BMG-niň Baş Assambleýasynyň 78-nji sessiýasynda Türkmenistanyň başlangyjy bilen hem-de Milletler Bileleşigine agza döwletleriň biragyzdan goldamagynda «Birleşen Milletler Guramasynyň oýunlary» atly Kararnamanyň kabul edilmegi, bu resminama dünýäniň 87 döwletiniň awtordaş bolup çykyş etmegi hem şeýle şanly wakalaryň biri hökmünde hormatly Prezidentimiziň baştutanlygynda alnyp barylýan parahatçylyk söýüjilikli daşary syýasatyň we sport diplomatiýasynyň dünýäde dabaralanýandygynyň nobatdaky güwäsi bolup, täze taryhymyza altyn harplar bilen ýazyldy. Sagdynlygyň, ruhubelentligiň, sportuň mekany hökmünde halkara derejesinde belent abraýa we ykrarnama eýe bolan Garaşsyz Türkmenistan Watanymyzyň BMG-niň Baş Assambleýasy tarapyndan iki gezek ykrar edilen hemişelik Bitaraplyk hukuk ýagdaýyndan gelip çykýan esasy wezipe dünýäde parahatçylygy, abadançylygy, dost-doganlygy pugtalandyrmakdan ybaratdyr. Ýurdumyzyň bu wezipäni ýokary derejede ýer

20 Sentýabr 2024

Garaşsyzlyk

Garaşsyzlyk – jahan içre mertebe

Garaşsyzlyk – jahan içre mertebe,Owal-ahyr arzuwlary pederiň.Halkym üçin şanly şu gün, erteler,Oguz handan gaýdan beýik şejeriň –Ýollaryny söýläp, togap ederin. Bu gün altyn berýär gadym topragym,Hazyna ol – hasyl çeken zähmetiň.Bagşy, çal sen dutar, gyjak, depregiň,Halypalyk – ýoly pälwan Mahmydyň,Alp Arslan bar, göreşlerde bagt tapan.

20 Sentýabr 2024

Garaşsyzlyk

Beýik ösüşlerden galkynýan Watan

Türkmen halkynyň Milli Lideri Gahryman Arkadagymyz tarapyndan başy başlanan beýik işleriň, döwrebap özgertmeleriň, taryhy wakalaryň, dünýä ýaň salýan halkara ähmiýetli başlangyçlaryň dowam edýän zamanasynda halkymyz bagtyýar, asuda, bolelin durmuşda ýaşaýar. Hormatly Prezidentimiziň baştutanlygynda «Watan diňe halky bilen Watandyr! Döwlet diňe halky bilen döwletdir!» şygary astynda ýurdumyz ösüşiň täze belentliklerine tarap ynamly öňe barýar. Döwlet Garaşsyzlygymyz halkymyzyň öz gözbaşyny müňýyllyklardan alyp gaýdýan maddy we ruhy gymmatlyklaryny, nesilden-nesle geçip gelýän ynsanperwer däplerini dikeltmäge mümkinçilik berdi. Berkarar döwletiň täze eýýamynyň Galkynyşy döwründe milli ykdysadyýetimiziň ähli pudaklarynda giň gerimli özgertmeler üstünlikli amala aşyrylyp, ýurdumyz ähli ugurlar boýunça ösüşiň täze belentliklerine çykýar. Watanymyzyň pajarlap ösmegi, halkymyzyň eşretli durmuşda ýaşamagy ugrunda belent maksatlara gönükdirilen has uly wezipeler öňde goýulýar.

20 Sentýabr 2024

Garaşsyzlyk

Il-ýurt bähbidine

Türkmen halky Berkarar döwletiň täze eýýamynyň Galkynyşy döwründe zähmetsöýerligiň belent nusgasyny görkezip, her bir ýyly uly zähmet ýeňişlerine, üstünliklere besleýär. Bilşimiz ýaly, mukaddes Garaşsyzlygymyzyň şanly 33 ýyllyk baýramynyň öňüsyrasynda paýtagtymyz Aşgabatda Türkmenistanyň Halk Maslahatynyň nobatdaky mejlisi geçiriler. «Pähim-paýhas ummany Magtymguly Pyragy» ýylynyň taryhy ähmiýetli wakasyna öwrüljek umumymilli forumda ýurdumyzy mundan beýläk-de okgunly ösdürmäge, halkymyzyň abadan we bagtyýar durmuşynyň dowamat-dowam bolmagyna gönükdirilen düýpli özgertmeleri amala aşyrmagyň ileri tutulýan wezipeleri ara alnyp maslahatlaşylar. Bu bolsa türkmen jemgyýetinde ata-babalarymyzyň ynsanperwer ýörelgelerinden gözbaş alýan milli demokratik ýörelgelerimiziň barha uly ähmiýete eýe bolýandygynyň we rowaçlanýandygynyň aýdyň subutnamasy bolup dabaralanar. Gahryman Arkadagymyzyň başyny başlan, häzirki wagtda Arkadagly Gahryman Serdarymyzyň parasatly baştutanlygynda üstünlikli dowam etdirilýän taryhy özgertmeleriň ähmiýetiniň şeýle uly çärelerde has-da aýdyň ýüze çykýandygyny bellemek gerek. Şonuň üçin hem ýurdumyzy hemmetaraplaýyn ösdürmäge, raýatlarymyzyň bagtyýar durmuşyny üpjün etmäge, ata Watanymyzyň dünýädäki abraýyny has-da artdyrmaga

20 Sentýabr 2024

Garaşsyzlyk

Beýik işleriň belent ykrary

Eziz Diýarymyzda jemgyýetiň sagdynlygyny üpjün edýän, halklary jebisleşdirýän gymmatlyklar hökmünde bedenterbiýäni we sporty ösdürmäge uly üns berilýär. Täze taryhy döwürde hormatly Prezidentimiziň parasatly baştutanlygynda bu ulgamy toplumlaýyn özgertmek babatda amala aşyrylýan işler oňyn netijelerini berýär. Ýakynda BMG-niň Baş Assambleýasynyň 78-nji sessiýasynda Türkmenistanyň başlangyjy bilen hem-de Milletler Bileleşigine agza döwletleriň biragyzdan goldamagynda «Birleşen Milletler Guramasynyň oýunlary» atly Kararnamanyň kabul edilmegi Garaşsyz Türkmenistanyň amala aşyrýan sport diplomatiýasynyň rowaçlanýandygynyň nobatdaky beýanydyr. Şanly Garaşsyzlygymyzyň 33 ýyllyk baýramynyň öňüsyrasynda gelip gowşan bu hoş habar ähli halkymyzyň ruhuny galkyndyrdy. Munuň özi Gahryman Arkadagymyzyň başlangyçlaryna esaslanýan hem-de hormatly Prezidentimiziň baştutanlygynda alnyp barylýan parahatçylyk söýüjilikli daşary syýasatyň we sport diplomatiýasynyň dünýäde dabaralanýandygynyň aýdyň güwäsidir. Şeýle möhüm resminamanyň kabul edilmegi halkara jemgyýetçiligi tarapyndan Türkmenistanda sporty ösdürmek babatda alnyp barylýan işlere ýokary baha berilýändigini tassyklaýar

20 Sentýabr 2024

Garaşsyzlyk