Maksada — myrat

Gurbannazar Ezizowyň sungat baradaky goşgusyny bilmeýänimiz az-azdyr. «Ele keser alyp» döredilen her bir zadyň sungat däldigini her birimiz bilýäris. Edil şonuň ýaly sungat eserini hem şol ugurda hünärmen bolmasagam aňşyrýarys. Sungat päklige, gözellige söýgi döredip bilende sungatdyr. «Lokga daşdan» sungat döretmek üçin bolsa, «mydama öz-özümizi ýonup ýörmelidigini» aýdan şahyr müň keren mamla. Şükür bagşy adyndaky Arkadag şäher çagalar sungat mekdebiniň mugallymy Maksatmyrat Kanyýewiň işleri bolsa şolar ýaly jogapkärçiligiň hötdesinden gelip bilýän işler. Şeýle bolansoň, ýakynda Maksatmyradyň işlerine ýene-de bir «berekella» berildi.

Biziň ruhy baýlygymyz

Egsilmez çeşmäniň gözbaşy Ajap eýýamymyzda Garaşsyz döwletimizde ilata edilýän kitaphana hyzmaty hil taýdan täze derejelere çykarylýar. Kitaphanalaryň täze, döwrebap binalary gurlup, ulanmaga berilýär. Muňa mysal edip, Mary şäheriniň merkezinde gurlan welaýat kitaphanasynyň gözel binasyny ýatlamak bolar. Şeýle hem kitaphanalaryň kitap gorlary ýylsaýyn baýlaşdyrylýar. Kitap — ylym-bilimiň, aň-düşünjäniň egsilmez çeşmesi bolmak bilen, ol adamyň dosty, ýakyn maslahatçysydyr. Hut şeýle bolansoň, dana pederlerimiz “Bir okana bar, birem dokana” diýen pähime eýeripdirler.

Ylym üçin serhet ýokdur

Adamzat jemgyýeti döräli bäri şu günki güne çenli ähli zatlar kämillige tarap ösýär. Her bir zadyň özgerip ösmegi bolsa ylym bilen gönüden-göni bagly bolup durýar. Ylym älemine ynsan durmuşyna ýagtylyk berýän röwşen çyrag diýsek hem ýalňyşmasak gerek. Berkarar döwletiň täze eýýamynyň Galkynyşy döwründe ylmyň iň soňky gazananlaryny nebitgaz pudagyna, oba hojalygyna, lukmançylyga we beýleki ugurlara ornaşdyrmak, hususan-da, ylmyň öz ösüşi üçin zerur şertleri döretmek döwlet syýasatynyň ileri tutulýan meselesine öwrüldi. Dünýä ylmynyň gazananlaryny döwletimizde ornaşdyrmak üçin daşary ýurtlar bilen ylmy-tehniki gatnaşyklary alyp barmak, öz işinden kämil baş çykarýan ussat hünärmenleri taýýarlamak ýurdumyzda giň gerime eýe bolýar. Döwletimizde her ýylda dürli ugurlar boýunça geçirilmesi däbe öwrülen halkara ylmy-amaly maslahatlarda daşary döwletleriň alymlary bilen bir hatarda ylym bilen meşgullanýan ildeşlerimiz özleriniň gazanan üstünliklerini äşgär edip, özara pikir alyşýarlar.

Ý.kakaýew adyndaky HNGU-da suwy elektroliz etmek arkaly wodorod ýangyjy alyndy

Türkmenistanyň alymlary ilkinji bolup suwy elektroliz etmek arkaly wodorod ýangyjyny aldylar. Bu barada Ýagşygeldi Kakaýew adyndaky Halkara nebit we gaz uniwersitetiniň wodorod energetikasy merkeziniň direktory Hakberdi Hoşdurdyýew 25 — 27-nji oktýabrda Aşgabatda geçen «Türkmenistanyň nebiti we gazy — 2023» halkara maslahatynda eden çykyşynda belledi. Onuň belleýşi ýaly, wodorod energetikasy merkeziniň barlaghanasynda suwy elektroliz etmek arkaly wodorod ýangyjyny almak boýunça ylmy-barlag işleri alnyp barylýar, tejribe desgasyny ulanmak boýunça usuly gollanma taýýarlanylýar.

MYRAT TAPAN YHLAS

Sakasynda hormatly Prezidentimiz duran oba hojalyk özgertmeleri oňyn miwesini hem berýär. Türkmen oba-hojalykçylary özleri üçin edilýän çäksiz yhlasyň, döredilýän giň mümkinçilikleriň netijesinde ýer bilen işlemekde tejribesini artdyryp, ýylyň ýylyna ekinleriň dürli görnüşlerinden bol hasyl alýarlar. Pudagyň ylmyň güýji bilen kämilleşdirilmegi bolsa netijeliligi ýokarlandyrýar. Ekiniňki dökün bilen. Dökün näçe gowy bolsa, hasyl hem şonça kän, ýerem şonça gurply bolýar. Oba hojalykçylar azot, fosfor we kükürt garyşdyrylan döküniň  has ýokary hasyl  berýändigini bilýändirler. Ylmy dilde şeýle dökünler «NPS dökünleri» diýlip atlandyrylýar. Ynha, Türkmenistanyň Ylymlar akademiýasynyň Tehnologiýalar merkeziniň Täze maddalary sintezlemegiň tehnologiýalary barlaghanasynyň esasy inženeri Enejan Kulyýewa döküniň şeýle görnüşini ýerli şertlerde öndürmek boýunça ylmy gözleglerini geçirip, olardan oňyn netije hem aldy. Ýaş alym bu işi bilen Arkadag Serdarly bagtyýar ýaşlar ýylynda ýaşlaryň arasynda geçirilen ylmy bäsleşigiň ýeňijisi hem boldy.

ÝUNESKO kafedrasy: rowaçly ýoldaky ilkinji ädimler

Hormatly Prezidentimiziň taýsyz tagallalary bilen ýurdumyzyň ýokary okuw mekdepleriniň ikisinde ÝUNESKO kafedralarynyň açylmagy bilim ulgamyndaky uly özgerişlikleriň biri boldy. Şolaryň biri Seýitnazar Seýdi adyndaky Türkmen döwlet mugallymçylyk institutynda hereket edýär. «Durnukly ösüş üçin ekologiýa bilimi ÝUNESKO» kafedrasy döredilenine kän wagt geçmedik hem bolsa, netijeli işleri bilen eýýäm geljeginiň has parlak boljakdygyny buşlaýar. Hünärleriň 16-sy boýunça 5 müňe golaý talyba bilim berýän Seýitnazar Seýdi adyndaky Türkmen döwlet mugallymçylyk institutynyň «Durnukly ösüş üçin ekologiýa bilimi ÝUNESKO» kafedrasynda ylmy gözlegler bilen professor-mugallymlaryň, talyp ýaşlaryň hem uly toplumy meşgullanýar. Kafedrada hereket edýän ekologik geňeşiň jemi 42 agzasy bolup, olaryň ikisi professorlyk derejesine ýeten halypalardyr. Has takygy, geňeşiň agzalarynyň arasynda bu kafedranyň müdiri, geografiýa ylymlarynyň doktory Röwşen Genjiýew bilen filologiýa ylymlarynyň doktory Narbibiş Şamaýewa hem bar. Şeýle-de bu geňeş ylymlaryň kandidatlarynyň sekizisini, aspirantlaryň, dalaşgärleriň, magistrantlaryň we talyplaryň birnäçesini özünde jemleýär.

Watany söýmegiň kämil nusgasy

Watan hakyndaky söhbetler, aýdymlardyr şygyrlar — ýürege has ýakyn hem-de eziz. Çünki biziň durmuşymyz Watanyň gujagynda başlanýar, ykbalymyz, geljegimiz Watan bilen bagly bolýar. ªonuň üçin her bir adamyň şahsy mertebesi onuň Watanyna bolan päk düşünjesi, söýgüsi, hormaty bilen kesgitlenilýär. Watany söýmegiň, il-güne wepaly hyzmat etmegiň beýik nusgasyny görkezýän türkmen halkynyň Milli Lideri Gahryman Arkadagymyzyň «Ömrümiň manysynyň dowamaty» atly ajaýyp eseri watançylyk duýgusyna ýugrulan parasatly jümleleri, kämil pikirleri, çuň mazmunly tymsallary özünde jemleýän gymmatly gollanmadyr. Kitapda: «Watan özüne siňdirilen söýgüden ylham, boý alýar. Watan söýgüsi bilen ülkeler, ýurtlar abadan bolýar. Watana bolan söýgimiziň beýikligine görä, adamyň döredijilik zehini oýanýar, artýar» diýip belleýän Gahryman Arkadagymyz ýurdumyzyň abadançylygynyň we gülläp ösmeginiň bähbidine ýagşy amallary etmekde, halal zähmet çekmekde ata-babalarymyzyň görelde mekdebine eýermäge çagyrýar. Gündogar akyldarlarynyň: «Bagtly bolmak üçin Watany söýmek ýeterlikdir» diýen sözlerini mysal getirmek bilen, bagt hakyndaky garaýyşlarymyzy çuňlaşdyrýar, düşünjelerimizi kämilleşdirýär. Biziň söýýän ynsanlarymyz, ýakynlarymyz şu Watanyň goýnunda ýaşaýar, biz şu

Ruhy baýlygymyz

Ajaýyp zamanamyzda medeniýet ulgamynyň işini kämilleşdirmek, baýlaşdyrmak, türkmen medeniýetini, sungatyny halkara derejede wagyz etmek meselelerine döwlet syýasatynyň ileri tutulýan ugry hökmünde garalýar. Munuň şeýledigini bu ulgamda amala aşyrylýan işleriň, ýetilen belent sepgitleriň mysalynda hem görmek bolýar. Bu kitaphana ulgamynda hem şeýledir. Eziz Diýarymyzda medeni gymmatlyk hökmünde ruhy baýlyga öwrülen kitaplara goýulýan hormat-sarpa barha artýar. Halkymyzyň, aýratynam ösüp gelýän ýaş nesilleriň gözýetimini giňeltmek, ýaşlaryň bilim derejesini dünýä ülňülerine çykarmak üçin ýurdumyzyň kitaphana ulgamynyň kitap hazynasy gitdigiçe baýlaşýar. Häzirki wagtda kitap tekjelerimiziň bezegine öwrülen Gahryman Arkadagymyzyň jöwher paýhasyndan dörän ajaýyp eserleri many-mazmun taýdan hemmeleriň ünsüni özüne çekýär. Mähriban Arkadagymyzyň egsilmez ylham joşgunyndan döreýän eserleri Watanymyzyň belent ösüşlerini, halkymyzyň Ýer ýüzündäki abraý-mertebesini, ata--babalarymyzdan dowam edip gelýän ýol-ýörelgelerimizi, däp-dessurlarymyzy giňden wagyz edýän nusgalyk şamçyragymyzdyr, gymmatly gollanmamyzdyr. ªonuň üçinem biz — kitaphana işgärleri kitap sergisini yzygiderli gurap durýarys. Jemgyýetçilik guramalary, bilim, saglyk ulgamlary bilen bilelikde guraý

Ruhy dünýämiziň genji-hazynasy

Ýurdumyzda hormatly Prezidentimiziň taýsyz tagallalarynyň netijesinde medeniýet ulgamynda ägirt uly özgertmeler durmuşa geçirilýär. Bu kitaphana ulgamynda hem şeýledir. Ähli pudaklara sanly ulgamy ornaşdyrmak maksady bilen alnyp barylýan giň gerimli işleriň netijesinde kitap okamak usuly döwrebap derejede kämilleşdirildi. Şunlukda, indi kitaplar elektron görnüşde, onlaýn tertibinde has-da elýeterli boldy. Bu bolsa kompýuterleriň, ykjam telefonlaryň kömegi bilen dünýä belli kitaphanalara aralaşmak hem-de gerek bolan neşiriň sanly görnüşini almak mümkinçiligini döretdi. Bu işleriň ýola goýulmagy maglumatlary toplamak, kitaphana gelýän okyjylara wagyz etmek işlerinde gymmatly serişde bolup durýar.  Ynsanyň ruhy dünýäsiniň genji-hazynasy kitapdyr. Kitap içi maglumatlardan doly bilim sandygy bolsa, kitaphana — şol bilim sandygynyň we pähim-paýhaslaryň  jemlenýän ýeri. Kitaphana işgärleriniň esasy maksady bolsa, okyjylara gowy hyzmat etmek, olaryň kitaba bolan söýgüsini artdyrmak bolup durýar. Biz hem kitaphanamyza täze okyjylary çekmek, olarda kitaba bolan söýgini döretmek, elektron kitaplar barada ýaşlaryň arasynda wagyz-nesihat işini alyp barmak, kitaphana işini has-da kämilleşdirmek maksady bilen dürli mazmunly medeni-köpçülik çärelerini, duşuşyklary, kitap sergilerini, gö

Ýaşlar ýurduň geljegidir