HABARLAR

140 jaý — baýramçylyk sowgady

Aşgabat şäheriniň güni we paýtagtymyzyň 140 ýyllyk baýramy mynasybetli 25-nji maýda paýtagtymyzyň demirgazygynda «Aşgabat-siti» iri ýaşaýyş toplumynyň düýbüni tutmak dabarasyna badalga berip, milli Liderimiz egindeşleri bilen Bagtyýarlyk etrabynyň çäginde ýerleşýän Çoganly ýaşaýyş toplumynda bina edilen 140 sany iki gatly ýaşaýyş jaýlarynyň açylyş dabarasyna gatnaşdy. Ozal habar berlişi ýaly, Aşgabat şäheriniň 140 ýyllygy mynasybetli şäheriçi ugurlar boýunça hereket edýän täze awtobuslaryň köp sanlysy halkymyzyň hyzmatyna berildi. Döwlet Baştutanymyz hem täze awtobusda ýolugra bu ýerleriniň abadanlaşdyrylyşyny, paýtagtymyzyň demirgazyk künjeginiň tebigy aýratynlyklaryny synlady.

26 Maý 2021

Syýasat

Paýtagtymyz — milliligiň nusgasy

Milli binagärlik sungatymyz bagtyýarlyk döwründe ýetilen belent sepgitleri, halkymyzyň mirasymyza, medeniýetimize bolan uly sarpasyny alamatlandyrýar. Hormatly Prezidentimiziň taýsyz tagallasy bilen has-da ösen paýtagtymyz Aşgabadyň binagärlik gurluşygynda, gözel desgalarynda milli mirasymyz we köpasyrlyk medeniýetimiz öz mynasyp beýanyny tapýar. Häzirki wagtda milli Liderimiz şähergurluşyk taslamalarynyň we olaryň ýanaşyk ýerleriniň ekologiýa medeniýetine kybaplygyna, binalaryň hem-de desgalaryň içki we daşky görnüşinde türkmeniň baý ruhy dünýäsine mahsus bezeg işleriniň ýerine ýetirilmegine aýratyn ünsi çekýär. Gurulýan desgalaryň ählisinde bu babatdaky wezipeleriň üstünlikli çözülmegine uly ähmiýet berilýär. Şu nukdaýnazardan, ösen paýtagtymyz Aşgabat ýyl-ýyldan has-da gözelleşýär.

26 Maý 2021

Syýasat

Arkadagyň paýhas nury — Aşgabat

25-nji maýda hormatly Prezidentimiz Aşgabat şäheriniň güni we paýtagtymyzyň 140 ýyllyk baýramy mynasybetli paýtagtymyzyň demirgazygynda «Aşgabat-siti» iri ýaşaýyş toplumynyň düýbüni tutmak we iki gatly täze ýaşaýyş jaýlaryny ulanmaga bermek boýunça guralan dabaralara gatnaşdy. Ir säher bilen şäheriň demirgazyk künjeginde bina ediljek täze toplumyň düýbüni tutmak dabarasynyň geçiriljek ýerinde baýramçylyga mahsus ýagdaý emele geldi. Bu ýere Milli Geňeşiň Mejlisiniň Başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň, ministrlikleriň, pudaklaýyn düzümleriň, paýtagtymyzyň häkimlikleriniň, jemgyýetçilik guramalarynyň hem-de köpçülikleýin habar beriş serişdeleriniň ýolbaşçylary ýygnandylar.

26 Maý 2021

Syýasat

Paýtagtymyzy ösdürmegiň möhüm wezipeleri

Hormatly Prezidentimiz Gurbanguly Berdimuhamedow 24-nji maýda Ministrler Kabinetiniň ak mermerli paýtagtymyz Aşgabadyň 140 ýyllyk şanly baýramyna bagyşlanan giňişleýin mejlisini geçirdi. Oňa Döwlet howpsuzlyk geňeşiniň agzalary, aýry-aýry ministrlikleriň we pudak edaralarynyň, köpçülikleýin habar beriş serişdeleriniň we beýleki düzümleriň ýolbaşçylary gatnaşdylar. Milli Liderimiz mejlisiň başynda oňa gatnaşyjylary we mähriban halkymyzy «Türkmenistan — parahatçylygyň we ynanyşmagyň Watany» diýlip yglan edilen ýylda giňden bellenilýän Aşgabat şäheriniň güni hem-de ak şäherimiz Aşgabadyň döredilmeginiň 140 ýyllyk şanly baýramy bilen tüýs ýürekden gutlady.

26 Maý 2021

Syýasat

Toý-baýramly günleriň beýany

25-nji maýda ýurdumyzyň umumybilim berýän orta mekdepleriniň ählisinde «Soňky jaň» dabaralary geçirildi. Bu ajaýyp baýram «Türkmenistan — parahatçylygyň we ynanyşmagyň Watany» şygary astynda geçýän, mukaddes Garaşsyzlygymyzyň 30 ýyllygy hem-de Aşgabadyň 140 ýyllygy bellenilýän ýylda uçurymlaryň onlarça müňüsi üçin ýatdan çykmajak waka öwrüldi. Her bir adamyň durmuşynda mekdep bilen hoşlaşyk pursady tolgundyryjy duýgular bilen gurşalýar. Şol bir wagtyň özünde bu dabara özbaşdak durmuşa gadam basmagyň begenjine, umytlara hem-de täze sepgitlere ymtylyşlara beslenýär.

26 Maý 2021

Syýasat

Aýdyň geljegiň nur

Türkmenistanyň Garaşsyzlygynyň 30 ýyllyk şanly baýramynyň Aşgabadyň 140 ýyllygy bilen gabat gelmegi ýurdumyzyň taryhynda ajaýyp wakadyr. Eziz Watanymyzyň täze taryhy senenamasyna altyn harplar bilen ýazyljak bu şanly seneler ähli raýatlarymyzyň Watana bolan söýgüsini has-da artdyrýar, mähriban halkymyzy il-ýurt bähbitli, döwletli işlere ruhlandyrýar. Berkarar döwletimiziň bagtyýarlyk döwründe durmuşa geçirýän iri möçberli şähergurluşyk-binagärlik maksatnamamyzyň çäklerinde paýtagtymyzda gurlan döwrebap binalaryň birnäçesi Ginnesiň rekordlar kitabyna girizildi. Aşgabadyň ak mermerli binalaryň dünýäde iň köp jemlenen ýeri hökmünde Ginnesiň rekordlar kitabyna girizilmegi bolsa ak şäherimiziň halkara abraýyny has-da belende göterdi. Munuň özi biziň Aşgabady ösdürmek boýunça alyp barýan köpugurly işlerimiziň dünýä bileleşiginde giňden ykrar edilýändiginiň anyk subutnamasydyr.

26 Maý 2021

Syýasat

Ählumumy bähbitli başlangyçlar

25-nji maýda hormatly Prezidentimiz «Gazyp alýan pudaklar durnukly ösüşiň hereketlendirijisidir» mowzugy bilen geçirilen ýokary derejeli ählumumy «tegelek stoluň» başyndaky maslahata gatnaşdy. Onlaýn görnüşdäki maslahaty Birleşen Milletler Guramasynyň Baş sekretary Antoniu Guterriş geçirdi. Bu foruma birnäçe döwletleriň we hökümetleriň baştutanlary, ministrler, iri halkara guramalaryň ýolbaşçylary, akademiki toparlaryň, seljeriş merkezleriniň bilermenleri, hususy pudagyň we raýatlyk jemgyýetleriniň wekilleri gatnaşdylar. Onuň baş maksady ählumumy, sebit hem-de milli derejelerde 2030-njy ýyla çenli döwür üçin Gün tertibini durmuşa geçirmäge ýaramaz täsir edýän howanyň üýtgemegi bilen baglanyşykly meseleleri çözmek üçin anyk hereketleri we teklipleri kesgitlemekden ybaratdyr.

26 Maý 2021

Syýasat

Bedew batly ösüşleriň gözbaşy

24-nji maýda hormatly Prezidentimiz Gurbanguly Berdimuhamedow Ministrler Kabinetiniň ak mermerli paýtagtymyz Aşgabadyň 140 ýyllyk şanly baýramyna bagyşlanan giňişleýin mejlisini geçirdi. Onda döwlet durmuşyna degişli birnäçe meselelere garaldy. Mejlise Döwlet howpsuzlyk geňeşiniň agzalary, aýry-aýry ministrlikleriň we pudak edaralarynyň, köpçülikleýin habar beriş serişdeleriniň ýolbaşçylary we beýleki ýolbaşçylar çagyryldy.

26 Maý 2021

Syýasat

Merjen şäherimiz şan-şöhrata beslenýär

25-nji maý­da hor­mat­ly Pre­zi­den­ti­miz Gurbanguly Berdimuhamedow Aş­ga­bat şä­he­ri­niň gü­ni we paý­tag­ty­my­zyň 140 ýyl­lyk baý­ra­my my­na­sy­bet­li paý­tag­ty­my­zyň de­mir­ga­zy­gyn­da «Aş­ga­bat-si­ti» iri ýa­şa­ýyş top­lu­my­nyň düý­bü­ni tut­mak we iki gat­ly tä­ze ýa­şa­ýyş jaý­la­ry­ny ulan­ma­ga ber­mek bo­ýun­ça gu­ra­lan da­ba­ra­la­ra gat­naş­dy. Ir sä­her bi­len şä­he­riň de­mir­ga­zyk kün­je­gin­de bi­na edil­jek tä­ze top­lu­myň düý­bü­ni tut­mak da­ba­ra­sy­nyň ge­çi­ril­jek ýe­rin­de baý­ram­çy­ly­ga mah­sus ýag­daý eme­le gel­di. Bu ýe­re Mil­li Ge­ňe­şiň Mej­li­si­niň Baş­ly­gy, Mi­nistr­ler Ka­bi­ne­ti­niň Baş­ly­gy­nyň orun­ba­sar­la­ry, har­by we hu­kuk go­raý­jy eda­ra­la­ryň, mi­nistr­lik­le­riň, pu­dak­la­ýyn dü­züm­le­riň, paý­tag­ty­my­zyň hä­kim­lik­le­ri­niň, jem­gy­ýet­çi­lik gu­ra­ma­la­ry­nyň hem-de köp­çü­lik­le­ýin ha­bar be­riş se­riş­de­le­ri­niň ýol­baş­çy­la­ry ýyg­nan­dy­lar.

26 Maý 2021

Syýasat

Aşgabat — dost-doganlygyň paýtagty

Türkmenistanyň Garaşsyzlygynyň 30 ýyllygy giňden bellenilýän şu ýylda Aşgabat şäheriniň esaslandyrylmagynyň şanly 140 ýyllygy aýratyn ähmiýete eýedir. Bu, ozaly bilen, Aşgabadyň dost-doganlygyň, hoşniýetliligiň, myhmansöýerligiň we ynsanperwer ýörelgeleriň dabaralanýan paýtagty hökmünde giňden ykrar edilmegi bilen baglanyşyklydyr. «Türkmenistan — parahatçylygyň we ynanyşmagyň Watany» diýlip yglan edilen ýylda Aşgabat şäheriniň güni hem-de ak şäherimiziň esaslandyrylmagynyň 140 ýyllyk şanly baýramy bilen utgaşyp gelen 2020 — 2021-nji okuw ýylynyň tamamlanmagy we bilimler dünýäsinde täze belent maksatlara ruhlandyrýan «Soňky jaň» dabarasynyň geçirilen gününde Söwda-senagat edarasynda «Ak şäherim Aşgabat» atly XX köpugurly halkara sergisiniň we onuň çäklerinde dizaýnerleriň arasynda binagärlik bäsleşiginiň guralmagy, 25-nji maýda hormatly Prezidentimiziň gatnaşmagynda paýtagtymyzyň demirgazygynda «Aşgabat-siti» iri ýaşaýyş toplumynyň düýbüni tutmak dabarasynyň hem-de Çoganly ýaşaýyş toplumynda iki gatly ýaşaýyş jaýlarynyň 140 sanysynyň açylyş dabarasynyň guralmagy, baýramçylyk mynasybetli Türkmenistanyň Milli Geňeşiniň Mejlisiniň Karary bilen, hormatly Prezidentimize «Aşgabat şäheriniň hormatly raýaty» diýen adyň berilmegi, bu şanly

26 Maý 2021

Syýasat