Bagtyýar döwrümiziň eýjejik gyzjagazlary

Welaýat döwlet drama teatrynda Türkmenistanyň Magtymguly adyndaky Ýaşlar guramasynyň Merkezi geňeşiniň hem-de Türkmenistanyň Bilim ministrliginiň Milli bahar baýramy mynasybetli ýurdumyzyň orta mekdepleriniň 2 — 4-nji synplarynda okaýan okuwçy gyzlaryň arasynda bilelikde yglan eden «Iň eýjejik gyzjagaz» atly bäsleşiginiň welaýat tapgyry geçirildi. Berkarar döwletimiziň bagtyýarlyk döwrüniň bagtyýar nesilleriniň sagdyn ösüp-ulalmaklaryny, döwrebap bilim-terbiýe almaklaryny, hünär öwrenmeklerini hem-de olarda sungata bolan söýgi-buýsanjyň artmagyny, hemmetaraplaýyn kämil adamlar bolup ýetişmeklerini gazanmagy maksat edinen bäsleşige onuň etrap-şäher tapgyrlarynda tapawutlanan zehinli gyzjagazlar gatnaşdylar. Dört şertden ybarat bolan bäsleşikde oňa gatnaşyjylar bezemen sahna çykyp, Gahryman Arkadagymyz tarapyndan durmuşa geçirilýän beýik işleri, ata Watanymyzy, bagtyýar çagalygy, dost-doganlygy, sporty şirin owazly aýdym-sazlarda wasp etdiler. Şeýle-de şahyrana sözlerde geýnen milli lybaslarynyň, dakynan şaý-sepleriniň waspyny ýetirdiler, ýaş aýratynlyklaryna görä, ene-mamalarymyzdan miras galan el işlerini ýerine ýetirmekde öz ukyp-başarnyklaryny görkezdiler.

Parahatçylygyň we abadançylygyň möhüm ugry

2-nji martda ýurdumyzyň BMG-niň agzalygyna kabul edilenine 29 ýyl boldy. Şu mynasybetli Türkmenistanyň Daşary işler ministrliginde «Türkmenistan we Birleşen Milletler Guramasy: parahatçylygy we ynanyşmagy gazanmagyň ugrunda hyzmatdaşlyk» atly halkara maslahat geçirildi. Maslahatyň barşynda ikitaraplaýyn resminamalara onlaýn tertipde gol çekmek dabarasy boldy.

Milli Liderimiziň amala aşyrýan “Açyk gapylar” syýasatynyň ugry bilen

Daşary ýurtly hyzmatdaşlar bilen nobatdaky wideoduşuşyklar AŞGABAT, 3-nji mart (TDH). Şu gün Saglygy goraýyş we derman senagaty ministrliginiň Halkara okuw-ylmy merkezinde onlaýn görnüşinde Türkmenistanyň we Germaniýanyň fizioterapewt hünärmenleriniň duşuşygy geçirildi.

Döwletli ýörelgeler dünýä ýol salýar

Garaşsyz, baky Bitarap döwletimiziň alyp barýan daşary syýasatynda gazanylan uly üstünlikleriň biri bolan hemişelik Bitaraplyk hakynda söhbet edilende, ilki bilen bu adyl syýasatyň adamzadyň ýaşaýyş durmuşyna paýlaýan ýakym-ýaraşygy, bagtyýar ojaklaryň ýylylygy kalplara dolýar. Paýtagtymyzda bu derejäniň nyşany bolup seleňläp duran Bitaraplyk binasy şeýle mukaddes düşünjäni asyrlara, nesillere aşyrjak mizemez kämillikdir. Hormatly Prezidentimiziň alyp barýan syýasatynyň baş maksady ýurdumyzda, sebitde we tutuş dünýäde parahatçylygy, dünýä halklarynyň howpsuzlygyny berk gorap saklamakdan hem-de türkmen halkynyň aňyrdan gelýän ata-baba däbi bolan ynsanperwerlikli, hoşniýetli gatnaşyklary, agzybirlik ýörelgelerini dünýä ýaýmakdan ybarat bolup durýar. Bu aýdylanlara güwä geçýän wakalary bolsa uzakdan gözlemeli däl. Muňa mysal edip, 2007-nji ýylyň 10-njy dekabrynda Aşgabat şäherinde BMG-niň öňüni alyş diplomatiýasy boýunça sebit merkeziniň açylmagy hem anyk mysaldyr. Bu abraýly halkara guramasynyň edarasynyň paýtagtymyzda ýerleşmegi ähli meseleleri düşünişmek we gepleşikler arkaly çözmäge, Merkezi Aziýada parahatçylygy we howpsuzlygy ygtybarly üpjün etmäge giň mümkinçilikleri açdy. Türkmenistan dünýä giňişliginde özüni özara hormat goýmak

Bilelikdäki özara bähbitli işler

Hormatly Prezidentimiz BMG we onuň edaralary bilen işjeň hyzmatdaşlyk etmäge uly üns berýär. Möhüm ähmiýetli işler bilelikde kabul edilýän resminamalaryň çäginde ýaýbaňlandyrylýar. Olaryň hatarynda «Ýerli derejede hemmetaraplaýyn ýokary hilli durmuş hyzmatlaryny girizmek arkaly durmuş goraglylygy ulgamyny kämilleşdirmek» atly Bilelikdäki maksatnama hem bar. Bu maksatnamany Türkmenistanyň hökümeti we BMG bilelikde durmuşa geçirýär. Oňa esasy hyzmatdaş bolup Türkmenistanyň Zähmeti we ilaty durmuş taýdan goramak ministrligi, ýurdumyzyň käbir beýleki ministrlikleri hem-de jemgyýetçilik birleşikleri gatnaşýarlar. Ýokarda ady agzalan maksatnamanyň çäginde ýerlerde netijeli işler alnyp barylýar. Golaýda welaýat merkezinde nobatdaky okuw maslahaty geçirildi. Oňa durmuş hyzmatyny amala aşyrýan döwlet edaralarynyň we jemgyýetçilik birleşikleriniň wekilleri gatnaşdylar. Okuw maslahatynda BMG-niň Ösüş maksatnamasynyň ýerli bilermenleri Amangeldi Gapbarow we Agamyrat Razyýew çykyş etdiler. Täsirli guralan çäräniň dowamynda oňa gatnaşyjylar durmuş işi we ony dolandyrmak boýunça hünär derejelerini kämilleşdirmäge mümkinçilik aldylar.

Parahatçylyk we ynanyşmak — watançy nesliň taglymy

Milli Liderimiziň amala aşyrýan “Açyk gapylar” syýasatynyň ugry bilen

Daşary ýurtly hyzmatdaşlar bilen nobatdaky wideoduşuşyk AŞGABAT, 2-nji mart (TDH). Şu gün Türkmenistanyň daşary syýasat edarasynyň ýolbaşçysynyň Halkara migrasiýa guramasynyň Merkezi Aziýa boýunça sebit utgaşdyryjysy, HMG-niň Türkmenistandaky, Gazagystan Respublikasyndaky, Gyrgyz Respublikasyndaky we Özbegistan Respublikasyndaky wekilhanasynyň baştutany Zeýnal Gajiýew bilen onlaýn tertipde duşuşygy geçirildi.

Ýurdumyzyň abraýyny beýgeldýän ýörelgeler

Ähli ugurlarda belent sepgitleri nazarlap, nurana geljeginiň berk binýadyny goýýan agzybir türkmen halky mukaddes Garaşsyzlygymyzyň 30 ýyllyk taryhy senesine uly taýýarlyk görýär. Garaşsyzlygymyz bolsa merdana halkymyz üçin iň mukaddes gymmatlyklaryň biridir. Sebäbi Garaşsyzlyk ýurdumyzyň özbaşdaklygynyň, berkararlygynyň kepilidir, okgunly durmuş-ykdysady ösüşlerimiziň mizemez binýadydyr. Ýurt Garaşsyzlygymyzyň giň mümkinçiliklerini üstünlikli peýdalanyp, onuň gazananlaryny has-da pugtalandyrýan Gahryman Arkadagymyz hoşniýetlilige, dost-doganlyk gatnaşyklaryna, ynanyşmak ýörelgelerine daýanýan ynsanperwer döwlet syýasatyny nusgalyk derejede durmuşa geçirýär. «Türkmenistan — parahatçylygyň we ynanyşmagyň Watany» ýylynyň ilkinji günleriniň halkara ähmiýetli taryhy wakalary, ýagny Arkadag Prezidentimiziň ak pata bermeginde Akina — Andhoý demir ýolunyň, Kerki — Şibirgan ugry boýunça elektrik geçirijisiniň, Ymamnazar — Akina hem-de Serhetabat — Turgundy optiki-süýümli halkara ulgamyň, «Malaý» gaz känindäki täze gaz gysyjy desgasynyň işe girizilmegi şeýle buýsançly hakykaty ýene bir ýola dünýä ýaýdy. Halkara hem-de taryhy ähmiýetli bu taslamalar hormatly Prezidentimiziň ählumumy parahatçylygy pugtalandyrmakda, dostlukly, özara bähbitli ykdysady, medeni gatnaşykla

Ynsanperwer taglymatyň rowaçlanmagy

Garaşsyz, hemişelik Bitarap döwletimiziň daşary syýasaty türkmen halkynyň gadymy döwürlerden bäri dowam edip gelýän hoşniýetlilik, parahatçylyk söýüjilik ýaly milli gymmatlyklaryna esaslanýar. Taryhy, etnografiýa maglumatlaram, halk döredijilik eserlerem halkymyzyň şeýle gymmatly ýörelgeleriniň bolandygyny subut edýärler. Gahryman Arkadagymyz «Türkmenistan — Bitaraplygyň mekany» atly kitabynda Oguz handan gözbaş alýan türkmen halkynyň antik, irki we ösen orta asyrlar döwründe özüniň parahatçylyk söýüjilik, hoşniýetlilik ýörelgelerine ygrarly bolandygyny belläp geçýär. Berkarar ýurdumyzyň Bitaraplyk syýasatynyň netijesinde ylym, bilim, medeniýet we beýleki ugurlarda dünýäniň ençeme döwletleri we halkara guramalary bilen hyzmatdaşlyk gatnaşyklary giň gerime eýe bolýar. Täze taryhy döwürde milli Liderimiziň pähim-paýhasly ýolbaşçylygynda ata Watanymyzyň dünýä boýunça hoşniýetli goňşuçylyk, oňşukly ýaşamak, birek-birek bilen ynanyşmak we ýardam bermek arkaly parahatçylygy saklamak babatda durmuşa geçirýän beýik işleri halkara derejesinde ykrar edilýär. Ýurdumyzyň öňe sürýän başlangyçlarynyň, teklipleriniň halkara derejesinde giň goldawa we ýokary baha mynasyp bolmagyny muňa mysal hökmünde görkezmek bolar. 

Eşrete ulaşýar her bir günümiz

Hormatly Prezidentimiziň parasatly başlangyçlarynyň netijesinde 2021-nji ýyl «Türkmenistan — parahatçylygyň we ynanyşmagyň Watany» diýlip yglan edildi. Parahatçylyk we ynanyşmak adamzat üçin iň zerur düşünjelerdir. Häzirki wagtda biri-biri bilen aýrylmaz baglanyşykly bu ýörelgeler hyzmatdaşlygyň we ösüşiň baş şertine öwrülýär. Hakykatdan hem hoşniýetli goňşuçylyk, oňşukly ýaşamak, ynanyşmak we birek-birege ýardam bermek, parahatçylygy saklamak halkymyzyň gadymyýetden gelýän milli ýörelgeleriniň naýbaşysydyr. Gahryman Arkadagymyzyň «Parahatçylyk sazy, dostluk, doganlyk sazy» atly çuňňur many-mazmunly kitabynda belleýşi ýaly, dünýäde parahatçylygy, howpsuzlygy üpjün etmek biziň döwlet syýasatymyzda ileri tutulýar. Parahatçylyk munuň özi sazlaşykly ýaşaýyşdyr. Sag-salamatlyk, abadan durmuş köňülleriň heňňamlara ýazan mukamydyr. Agzybirlik, abadanlyk döwletimiziň baş ýörelgesidir. Häzirki wagtda Türkmenistan özüniň halkara syýasatynda bu ýörelgelere aýratyn üns berýär. Dünýä döwletleriniň gatnaşmaklarynda iri halkara taslamalaryny amala aşyrýar.